✳ الجزء 80 ✳
♥نـــــفــــــــس عــــــــهـــــــد♥
♣ تملكني بقسوته ♣
✏ الفصل الاول ✏
🔱 جحيم التملك 🔱
🌸فاطمة الزهراء مبارك🌸
خشا تيلي في الجيب و تنهد باغي يخوي قلبو معرف لمن باغي حل باغي يحل مشكل و سوء التفاهم لي بيناتهم معرف منين يبدا و يسالي مباغيهاش تسمح فيه باغيها تبقا معاه في جنبو هي لي لقا فيها البنت لي باغي
مشي من نوع البنات لي يدور فيهم ميبقاوش يطوفو بيه الا دار فيها دور فيه الا قمعها تردها عليه الا نفخ تنفخ عليه لكن لي زوين انها كدير ليه خاطرو و كتراجع دغيا تنهد و دخل لعندها و كي شوف فيها و حاط يديه على البوطاجي
عهد:شنو درتي
نفس:كلشي
عهد:اري نشوف
نفس:هاك طبسيل حطو فوق الطبلة
عهد(شاف فيها و طلع حاجب):اري اري
نفس(عطاتو):هاك
مشا حط فوق الطبلة و هي معاوناه حتى كملو جلسو كي ياكلو و كتشوفو كي خربق في تيلي حطات الكاس بالنترة و هي كتسمع الصداع ديال صونيت
نفس:وخا تحط داك التيلي شوية
عهد(حطو شاف فيها):كنجاوب على داك الفيديو لي حطيتي
نفس:متعرفش تحطو متجاوب حد مشي بالضرورة الواحد يعرف حياتك الشخصية و شنو فيها
عهد:اري يديك
نفس(مداتها ليه):ها انا
عهد(خداها شبكها مع ديالو صورها و حطها)
نفس:شنو درتي
عهد:مون امور
(غمزها)
نفس(بتاسمات):عهد
عهد:شنو
نفس:نوع علاقتها
عهد؛راك سمعتيني من قبل
نفس:الا جينا نشوفو راه حنا مصاحبين
عهد:تصاحيب معنديش معاه ا نفس
نفس:و شنو
وقف و جا من موراها و نطق في ودنها بهمس:حتى انا معجب بيك مشي غير بديت نتعجب بيك
نفس(قلبها بدا كي ضرب):عهد
عهد(انفاسو كضرب في ودنها):ششش
عنقها من لور و حط يديه على يديه:نقدر نكون حبيبك اااه
نفس(دارت عندو صمت)
عهد(حيد خصلة من قدام وجها):شنو قلتي
وقفات و شافت فيه صمت
عهد:كنتسنى
نفس:انت عصبي
عهد:اه
نفس:متحكم
عهد:اه
نفس:بنفسك
عهد:اه
نفس:حاجتك عزيزة عليك
عهد(بتاسم):اه
نفس:و خاص هضرتك هي لي تكون
عهد:اه
نفس:واش عنقد على هذه الشي
عهد(دور يديه على خصرها):نسيتي شي حاجة اخرا
نفس:بلاتي نفكر ااااه قمااااااع
عهد:كيفاش
نفس:اه مالي كدبت
عهد:شنو قلتي
نفس:اووف صافي لي بغا لعسل يصبر لقريص النحل
عهد طول فيها الشوفة و كدور ليه في دماغو هذه الهضرة رخف يديه و دور راسو كي شوف في سقف
عهد:نفس
نفس:نعام
عهد(دار عندها):واش انت باغيا شي واحد لباس عليه ياك يعني انت بنت زوينة و متقفة اكيد عتبغي تعيشي عيشة مزيانة و عاليا
ولات حمرة بالاعصاب هذه تاني مرة كي كي طيح منها و يشوفها رخيصة دارت و هزات الطبسيل حتى هزاتو و رضخاتو مع الارض و بدأت كاشير بلي كان قدامها في ديك الطبلة مخلات حتى حاجة في بلاصتها و هو كي خوي صافي طلع ليها الدم من هذه الموضوع خاضها تجيب ليه شي عاهة مستديمة باش ميبقاش يدكر هذه السيرة عوتاني