Жэксон ахын өрөөнөөс гаран нулимсаа тэвчилгүй угаалгын өрөө рүү гүйлээ. Хаалгыг нь хаан хана налж суугаад амаа даран уйлав. Яг л тэр үеийнх шиг мэдрэгдэж байна. Гэхдээ би Жэксон ахын үгийг ч сонсоогүй байж ингэж сул дорой байж болохгүй гэж бодон нулимсаа арчаад тасаг руугаа явлаа.
Ажлын цаг дуусаж гадуур хувцасаа өмсөөд такси барин гэр лүүгээ явлаа. Үнэхээр тэр буруу ойлголт бол өнөө орой Жэксон ах над дээр ирэх байх гэж бодон зурагт үзэнгээ оройжин суув.
Ирэхгүй бололтой, бүр ганц ч залгахгүй байхыг бодоход эхнэрээсээ салсан гэдэг нь худлаа бололтой. Ингээд би нэг хүндээ хоёрдох удаагаа хаягдчихлаа. Чи ч азгүй юм даа Сун Живон.
Жэксон ахыг хүлээж байгаад буйдан дээрээ унтчихсан намайг хаалга хүчтэй цохих дуугаар сэрээлээ. Нүдээ ч бүтэн нээлгүй хаалгаа онгойлговол хүчтэй тэврэлт биед минь мэдрэгдэж үнэртэй усны сэнгэнэсэн үнэрээр нь би хэн гэдгийг нь таалаа.
Хамаг хүчээ гарган ахыг өөрөөсөө холдуулаад
"Яах гэж ирсэн юм? Эхнэртэйгээ, гэр бүлтэйгээ хамт байхгүй" гэж хэлэн хүчтэй мэт аашлах гэж хичээлээ.
"Живон~а би бүгдийг нь тайлбарлъя. Намайг сонсооч"
Би юу ч дуугарахгүй зогсоод байсан Жэксон ах үргэжлүүлэн
"Одоо би ганц бие гэдэг нь үнэн. Би чамд хэлж байсандаа тэр үед компанаа авч үлдэх гэж л тэр эмэгтэйтэй гэрлэсэн. Тэдний компани одоогоор ашиг муутай байгаа тэгээд буцаад манайхтай хамтарч ажиллая гээд байсан юм. Өнөөдөр тэр асуудлаар л ирсэн. Чамайг өрөөнөөс гарсны дараа тэдний хүмүүс орж ирсэн. Чи гарах даа хараагүй юм уу?"
"Харсан"
Ямар учиртайг нь ойлгочихсон болохоор зүгээр л тунирхаад байна.
"Өнөөдөр би хамтарч ажиллахгүй дахиж ирэх хэрэггүй гээд сайн ойлгуулчихсан болохоор.... намайг уучлаарай Живон~а, юу болж байгааг чамд хэлдэг л байж"
Жэксон ах хамаг учраа тайлбарлаж одоо бид орон дээр унтахаар тэврэлдэн хэвтэж байна.
"Уйлсан юм уу? Нүд чинь бүр хавдчихсан байна"
Намайг хоёр гараараа ороон тэврээд ийн асуув.
"Тийн зөндөө их уйлсан"
Улам энгэрт нь шигдэн хариулахад Жэксон ах үсийг минь зөөлхөн илээд
"Ваа~ яагаад ийм эгдүүтэй юм бэ? Уйлаад нүд нь хавдчихсан ч энэ дэлхийн хамгийн эгдүүтэй нь байх юмаа. Чамайг минийх гэж бодохоор л өөрийгөө дэндүү азтай гэж боддог"
A/N: Odoo gantshan...