الذنب الاول ... من الجزء الثاني
رواية..ذنب عينيك .. سلالة العنفوان
منقوله للكاتبه..نور سمو العراق
💔💔💔💔💔💔💔💔💔
ن - كيف تأقلمت ؟
- مَازِلْتُ صَابِرًا ، لم أتأقلم أبَدًا ..
.....................................................
انتي مفقودة..انتي مستحيله ...انت غريبه من بين النسوان
اليفه بالحب ما تعرفين الخبث والجرئه انتي بارده وبنفس الوقت دافية
انت مجنونه مثل شمعه بوسط الرياح يضربها الهوا من كل جانب صامده وضاويه علئ نفسها وعلئ غيرها
انتي مكسوره مثل شباك قديم هملته الناس وما صلحته وضل علئ مر القرون وهو بهل كسر
يجوز يتبدل هل شباك المكسور ويجي اجدد منه بس انتي صرختي بلاااا اني لازم اتصلح ومستحيل اكون بديلة
تعرفين منو انتي !! انتي ذنب عيوني الي عشكتج انتي سلالة عنفوان مجتاحه صدري
انتي حبي،وحربي ..انتي گلبي،ونبضي وانتي قربان الذيب ...
فتحت عيوني علئ غرفه جديده ضخمة يتوسطها سرير ابو النفر ومشكل بي مغذيات واجهزه عبالك بعياده مو بيت
احس كلبي يهتز بعنف احسه راح يكسر العمود الفقري وضهري احس سجين نابته بنص فقراته
وجع لا يطاق من اول ما فتحت عيوني والدمعه مبلله رموشي يعني اني شكد متاذيه لعد حتئ ابجي،واني فاقده...
منتقله من مكان المكان واني ما اعرف بيا ارض هسه وين اصلا بيا محافظه وبيا منطقه ومنو جابني هنا
باوعت للمكان واني اشوف العيون التراقبني ردت اصرخ بس ما كدرت مثل الخنكه لازمتني،وصوتي اصلا رايح ومبحوح ومحبوس
ريحه غريبه عليه او مو غريبه بس اني مستبعدتها ريحة ديتول ومعقم ريحة مستشفئ تذبحني اتخبل من ريحة الادويه
اشوف الشفايف تتحرك وكلام مبهم عندي بس اذاني احس،بيها مثل طنين الذبان لذلك مدا افهم شئ
حاولت استوعب الوضع حاولت اتدارك الامر بس ماكو فايده لساني مربوط وجسمي ثكيل
بغريزة الامومة وخوفي علئ طفلي رغم صعوبة حالتي رفعت ايدي لبطني وتحسستها
فتحت عيوني مصدووومه من حسيت بفراغها من حسيت طفلي مو داخلي ولا لحد الان محافظه عليه
طاقه ما عندي للانهيار وللفزع والصراخ ولا عندي طاقه للسؤال حتئ اسأل ابني ليش،مو بطني اني،وين
كحيت بصعوبه وانتحبت بصوت مبحوح بسرعه العيون التافت إليه وكأن هم منتظرين كعدتي
تقربت مني وحده لابسة زي ممرضات « لابكوت »
همست بهدوء...عاوزة حاگه يا بت
بللت شفايفي الجافه مصريه !! اني بمصر ؟
بلعت ريكي واشرت الها بدون كلام هي افتهمت عليه جنت اريد مي حتئ اتخلص من جفاف بلعومي...
ردت عليه...ايوه يا بت انا فهماكي عاوزة ميه بس مش حقدر اعطاكي عشان الدكتورة لسه ما عينتش حالتك
همست بصعووبة...الطفل و وين؟
ردت عليه...بالحفظ والصون
خلت وطلعت وبعدها ربع ساعه ودخلت الدكتورة وياها ام سوزان من شافتني كالت ببتسامة...الحمد لله علئ السلامة والله وشرف ولي العهد لا تخافين الطفل بخير
اتطمنت من كلامها همست بتعب...ذياب
جرت نفس بملل...انسي وعيشي حياتج لا تورطين نفسج ويه ذياب احنه ناس ما ندخل بحمولتنا الغريبه
وانتي دخيلة علينه ولازم تطلعين صح السواه ذياب غلط بس احنه لازم نصحح الغلط قبل ما تكبر المشاكل
لهذا السبب ما نريد مصير ذياب مثل ابو ولا مصيرج مثل ام فاروق راح تاخذين الطفل وترحين وتنسين جنتي علئ عصمة ذياب
ما نريد مشاكل من وراج انتي مبينه راعية مشاكل لان ماكو وحده تتزوج بالسر اذا ما مطينه راس اهلها وتدور علئ،واحد يسترها
والله اعلم بذياب من يا ملهئ جابج او من اي مستنقع وسخ لفاج ..
المهم هو الحجي هواي وخيرنا ما يطلع الغيرنه اخذي هل طفل و ولي ولا تفكرين ترجعين لذياب لا والله اشيله وانطي الاي،واحد لو اشمرة اخلي حسرة بكلبج
وانتي تدرين شكد نغولة عباد الله تشمر بسبب هل اخطاء وزواج السر والسوالف التعبانه
بس اني،ما اريد اضلم الطفل وخليته من نصيبج رغم ابن اخوي قتيبه كلي خلي نشمرة بباب الجامع وبلكي،واحد من الشيوخ يربي ويطلع زاهد عابد بدل ما تربية وحده صايعة...
جان كلامها يهزني هز وتفكيرها بيه شككتني،بانحطاط مو طبيعي صورتلي زواجي،من ذياب مجرد متعه وغريزة وهذا الطفل مجرد شهوه وغلطة ولازم واحد يتخلص من هل غلطه
نظرتها جانت دونيه الي ولطفلي عبالها ذياب تزوجني بس لجسمي عبالها علاقتي،بي علاقه عابرة ما تدري هو حبي وعنفواني وما اكدر اعيش من دونه وهو كذلك
قطعت سلسلة افكاري من كالت...شوفي اني شكد راحمتج وما حبيت ااذيج تعرفين شلون ؟
كملت بتنهيده...انتي صارت عندج ولاده وجان لازم عملية واذا اخذتج للمستشفى راح ينفضح سرج لهذا السبب اني جبتج دكتورة خاصه وسوتلج عملية بعيادتها الخاصه وتحملت كافة المسؤؤلية
يعني راح اخليج يومين هنا يدارونج وبعدها اطلعج ومن ترتاحين تطلعين من حياتنا ومن حياة ذياب وتنسين هل طفل ينتمي اله ولو اشك الطفل يشبهج ما يشبة ذياب...
واذا لعبتي،بذيلج يا ويلج ويا سواد ليلج ولج طفلة هلكدج ما تكعدين راحه ومتزوجه بسر امج الادبسز وين عنج ابوج الحيوان الكوا...وينه لو ما صدكو باعوج
كلامها زلزلني وعصف عواصف بروحي،ورغم وجع العملية الي ما ينطاق والبنج الي كاتم علئ صدري كعدت بكل قوووه وشعري منثور وصرخت بيها بغضب كااااسح....انجببببببي،امي اشرف منج وابوي اشرف من عشيرتج يا ساقطه..
جاوبت بكل هدوء...ما راح اجاوبج مستصعبه حالتج حاليا بس،حلو واحد يفتخر باصلة حتئ لو جان اصلة غاط بالوحل
همست بألم...امي،ميته
ردت...ما عرفت تربي
جاوبتها...احسن من تربيتج
ضحكت...هههه ما شاء اللة ما شاء اللة ذياب شجايب من عاهرة بنص الموت ولسانها شطوله هاي عود وانتي هسه طالعه من الموت والبنج لاوي لسانج
كملت بتنهيدة...يله عود نشوفلج صرفه منا لما تگومين علئ حيلج
تركتني وراحت تحجي ويه الممرضه والدكتورة واني طاقة ما عندي للكلام بس هاجس بروحي ولهفه عارمة بداخلي تريد الطفل ...
من شفتهن طلعن صحت الممرضة بصوت موجوع ومبحوح ..بس جيبي الطفل حبابه متحسين انتي اني امي كلبي ديتكطع علئ الطفل جيبي طفلي بي شئ
ردت عليه ...انتي فيكي حاجه يابنت مفهوش حاجه زي العسل ثواني وبيكون عندك
جابته اليه ملفوف بوصله قديمه رفعت اديه ودموعي غلبتني المسافه رغم قليلة بس حسيتها قارات وصحراوي والوقت رغم قليل بس حسيته مثل سنين يعقوب
ما مصدكه طفلي صار بحضني الالم الي جارح بطني وكل حيلي مهدود خليته علئ صدري ولفيته باديه ابوس،بي وابجي وانوح وارجع ابوسه
الدكتورة كالت...ارضعي امي خلي ياخذ الماده الصمغيه من صدرج هاي الماده زينه اله خلي يرضع منج
ساعدتني الممرضه رضعته العملية مو مثل الولادة الطبيعيه العملية دمار بحيث ما اكدر حتئ اصفح واندار للجهه الثانيه
ورفعت الممرضه والدكتورة وكل وحده موجوده بهاي العياده هن تحت طوع امر ام سوزان ومسكتتهن بالفلوس
غمضت عيوني من اجتاحني الوجع اني لازم احارب لازم اكووون او لاااا اذا مو الخاطري الخاطر ذياب والخاطر الطفل ...
ذياب جان دائما يكول اني ما احب البارده احب الي تحارب الدنيا الخاطري
واني ما راح اكون بارده راح اسعي حتئ ارجع لذياب اني ولطفل...
اني عانيت هوايه وهذا الشئ قليل بالنسبه للسجن وفقدان اهلي اني عشت الأصعب من هاي الامور
همست لنفسي...كافي قربئ عوفي عنج التفكير حاليا الله يعرف بيج شكد تعبانه بس يارب اني تايهه وما اترجئ غير نورك وعطفك
ناجيته بصمت مطبق وبدمعة حايرة...يارب انت تعرف الاحزان سكنت گلبي والألم حاوطني،من كل مكان
واحلامي صارت سراب يارب فقدت عائلتي امي ابوي اخوتي وكلت الصبر منك والجزع حرام
يارب عوضني بعائلتي الثانيه ذيب وحامل اسمه علي يارب احفظهم واجمعني بيهم وانت راضي عني يا الله...وينك ابو علي معقوله علي يجي للدنيا وانت ماكو لا تكبر ولا تأذن بإذنه...
نمت والطفل بصفي محاوطته بيدي رغم رادت تاخذه مني بس ما قبلت اريده اقرب اليه من شراييني...
................
فاروق...
رحت لذياب للمركز انتظرته شويه وطلعنه للشقه متوجهين لقربئ...
ركبت بسيارته وهو يسوق كتله...احس بداخلي حرب حرب اهليه وقائمة مال مسبه ما مسجل اسماء بيها غير اسم عمتك
ضحك كال...ليش شسوتلك عمتك
جاوبته...متعجرفه عروسة ابليس
ذياب...ههههههههههه لقب جديد لو شنو
تنهدت ونفخت بملل...ما اعرف احس ورطت نفسي يا يبا احسها راح تاذي سوزان وهذا الشئ مضوجني انه لو ما خاطب سوزانه احسن
التفت عليه ذياب بذهول...افااا يووول مو عوايدك تستلم شعجب هاي المره هيج تحجي معقوله انت تستسلم لصبوحه
ورثت جكارتي ودخنت...لك يبا جاي اكلك هاي عكربه انه اذا علئ روحي طز ما اهتم وانت تعرفني كلش زين بس ما اريد سوزان تتاذه بسببي لذلك انه لازم اقدم موعد زواجنه وابعدها عن هل مشاكل
انه خايف تدير راس سوزانه عليه وتغيرها عليه لو تسويلها فد سالفه تبعدنا بيها وانه كلبي رهيف اذا راحت سوزان مني حتئ جد صبيحه اطلعه من كبره واكتله
ضحك عليه...هههه ول صاير چتال وتچتل بالودام وبعدين ايمت قررت يكون عرسك بس وليسلمك لا تعرس هساع
استغربت...ليش ما اعرس هسه
حك ركبته..هااا مو انت تعرف قربان لهساع ما ولدت واكيد تحضر عرسك ومو هي تعلمت علئ اعراس اهل الغربية واخاف تعرس هل حزة وتطلك البت بعرسك وانه اضل محتار احتار بيك لو احتار بمريتي
ضحكت...لا اكيد تحتار بمريتك انه بيش الكيلو فلسين ما اسوه ولو انه احلئ واحد بيكم بيت شمخي كلي كاريزما ورجوله وصكار عمتك السلبوحه
رد عليه...اليمدح نفسو يرادلو رفسه تريد ارفسك يول ازكطك مقابيل جامع براثا
ضحكت نزلنه عند الشقه مالته صف السياره ودخلنه استغرب هو كال...شنو هاي شو الباب مفتوح معقوله قربان نستو واني محذرها
صاح بصوت عالي...قربااااااان قربانه بوية جايب وياي ضيوف وينج
مجان اكو اي رد لهذا السبب هو دب الخوف وملامحة اعتلتها الصدمة كال بارتباك وقلق...بله اروح اشوفها خاف نايمه وناسيه حالها
عفته راح وكعدت علئ القنفه باربحيه ما جنت متوقع ما يلكاها شويه واجه لونه مخطوووف كال بعصبية...يووووول فاروق قربان مو هينا
وكفت من اثر صدمتي...يمعود كول غيرها خاف بالحمام خاف بمكان ثاني مو معقولة يعني وين تروح
بلع ريكه بصعوبة...ما اعرف ما اعرف دورت البيت كلو مو هينا ما الها اي اثر
جاوبته بحيرة...اخاف عند الجيران اخاف متخربطه وماخذينها الجيران خلينه نسالهم
اباوع عليه اديه ترجف ومتوتر وخايف حييل رد عليه بعدم تركيز ...ما اعرف ما اعرف فاروق حتئ ما دا اكدر اركز ولا اكدر اتحرك خطوه قربان مو معقول ما تطلع من البيت انه اعرفها ...
والله طلعنه للجيران سألنه ماكو محد شايفهم بس طفل كال ...شفت من هاي الشقه طلعت بنات وياهن ولد
لزمه ذياب بقلق فضيع ورجفه...بس بابا ركز وياي انت دحكتهم دخلو وشلون اشكالهم
رد عليه ببراءة وطفولة...لا عمو هم نزلو من السياره ولد شاب و ثنين بنات ودخلو وبعدين اني دخلت جوه ما شفت شئ .. بس هم جانو يسولفون ويضحكون ...
مسح علئ شواربه بقسوة وضيق باوعلي بنظرات تحمل الف معنئ...معناها داسو بيتي واعتدو علئ حرمتي وطلعوها واخذوها
جاوبته واني ما مسيطر علئ اعصابي احس دخان يطلع من وجهي...معناها عمها العار الخسيس هو الي اخذها هو اله سوابق تتذكر من اخذها من البصره وعذبها وهاي ثاني مره يسويها خلينه نلحك عليها لا يموتها هل نذل...
عض شفته بعصبية و وعيد...والله وفتح علئ روحه ابواب جهنم هل نذل الخسيس والله لا افضحو بين الوادم وانعل اسلاف الخلفو
مشه خطوات وانه لزمته من عضده...شنو ذياب بس لا راح تهجم علئ بيته
رد عليه بغموض...لااا اعرف وين اجيبو و وين اكضبو واخلي يعترف علئ نفسو وعلئ الخلفو ويبطل بعد يتعرض القربان
رفع اصبعه بتهديد و وعيد...وقسما بذات الله لو بس ماس منها شعره قسما بذات الله اذبحو وادفنو واشرب من دمو واتفل علئ گبروا
جر نفس...لازم اروح الوقت مو بصالحي وقربان مو بخير وحامل اخاف النذل يضربها وبموتها هي و وليدي
ركبنه بالسياره وانطلقنه وما اعرف هو وين ماخذنه ولا اعرف بأي مكان بس اني رحت وياه وطاوعته اي هذا اخوي وياه علئ موت الروح ترخصله ما يفرقنه شمخي واعوانه تف...
ضلمت الدنيا و وصلنه للمكان المطلوب ضلينه واكفين شويه جانت بارده والدنيا تمطر وكل شويه يشتد المطر وبعدها يخف مثل اعصابنه تماما...
ضلينه واكفين هو جان بار والشباب يطلعون منه سكارئ اوووف حنيت الحمزيه وسوالفها
بس ذياب ما قبل ندخل كال هو هساع يطلع عمها ما يصير ندخل اني مراقبه هو كل يوم يلتقي هينا واكيد هسه تلكاه هينا...
والله مر وقت طويل واحنه نشوف العشاق يطلعون كل واحد لازمله ركاصه ورايح بيها ...
شويه وطلع عمها لابس،قمصله عسكرية وهو سمين واكرع طالع جنها مدرعه لبس الكاب مالت القمصلة علئ راسه ومشه خطوات...
ذياب مد اليه مسدسه كال...روح جيبو وتعال بالعجل يووول
انصدمت لا والله انصعقت وتكهربت اني اروح اجيبه انه صح جسر ونذل بس ما جنت اضن ان ذياب يثق بيه كل هل ثقه ومدخلني بمشاكله بصورة مباشره ومخليني ايده اليمين الساندته
سحبت المسدس،منه بعزم وابتسمت بكل فخر رفعت كاب القمصله غطيت راسي من المطر وخفيت شويه من ملامحي ...
هو وصل السيارته وخله السويج بيها فتحها...حطيت المسدس وغرسته بخاصرته دار وجهه عليه بذهول وعيونه نطت من مكانها
هو صاحب عيون كبار جاحضه وناطه من مكانها وفتحهن اكثر الله مسخ وجهه وزاده بشاعه بزياده
همست بهدوء...اركب لا اطشر مصارينك كدام الملهئ
رد عليه بقلق...انت منو ؟
ضغطت بحافة المسدس علئ خاصرته...اصعد بله لغوه اصعد
صعد وكعدت بصفه امرته واني اتلفت ولحد الان المسدس مخليه بخاصرته ولازمه بكل قوتي اخاف ياخذه مني لان هذا فد واحد نغل جلاد متمرس علئ القتل لذلك خصم مو هين...
اشرتله بعيوني....سوق بسرعه
اول ما اشتغلت بلوجكترات السياره وضوه عتمت الشارع من الكدام حسيت الشارع صار ضاوي من وره باوعت من كدام بجام المرايه شفته ذياب مستعد حتئ يلحكنه...
مشينه مسافه اني وياه ولحد الان اني مسيطر شويه رغم بداخلي قلة ثقه ومراقب كل حركة يسويها جان واثق من نفسه ويسوق بهدوء ولا كأن هو مهدد بالقتل ..
دخلته بطريق فارغ وبعدها امرته يوكف السيارة وكفها بهدوء ورد عليه...انت منو لك كلب انت تعرف اني منو حتئ تلعب وياي اني فياض اكبر راس اعدمه من دون ما يرفلي جفن
ضحكت...واني فاروق الشامخ اخو ذياب كسار راسك
دار وجهه عليه واحتدت ملامحه صفن بوجهي وهو يركز بين عتمة الضوه وغزارة المطر الي تضرب علئ بنيد السيارة بكل قوه ومشتته كل تركيز
حرك شفايفه بهدوء...فاروق اخو النقيب ذياب خير يابه شرايد مني تريد تسلبني لو اخوك دزك عليه
كسر علينه ذياب ونزل من سيارته ضحك هو كال...اهااا متفقين الجماعه علية اهلا وسهلا بيكم والله...
اول ما وصل ذياب هو نزل اله جام السياره وذياب هجم عليه وسحبه من قمصلته ناحيته وصرخ بي...وين قربئ
رد عليه باستهزاء...وشمدريني بكح..ك وين
ما كملت كلامه بسبب البوكس الي اجاه علئ حلكه وخلاه يصب دم
واني هم مدري شمالني تحمست واركعه علئ صلعته بحافة المسدس علئ أثرها هو فد الوعي...
ذياب ضل يلوم عليه وبعدها سحبته اني وذياب وسقت مكانه وذياب كلبج اديه بالكلبجات ...
كلي انت بس امشي و راي لا تروح لا يمنه ولا يسرئ واني اتبعته بكل اهتمام وفياض راسه وحلكه يصبن دم طبه مرض ليش يحجي علئ قربئ ..والله احنه دمنا حامي علئ عرضنا اذا هو ما عنده عرض....
..............
سوزان...
ماما ابد مدا ارتاح التحركاتها دا احس هي ضامه عني شئ لان بس تصفن واتصالاتها كثرانه من اجي يمها تسكت من اروح تضل تحجي
حاولت ان اراقبها بس للاسف جانت حذرة مني،كولش...واني اعرف ماما هي دوم غامضه فمرات اضوج وما اراقبها او اكنسل الموضوع...
كانت كاعده دتصلي وتقره قران واني اباوع عليها واقره بكتاب عندي نفخت بملل...اوووه فاروقي ما اعرف وين صار خطيه وين حينام
للقران وردت عليه...ينام بجهنم شدخلنه بيه
حطيت ايدي على صدري...يا عزا لا اسم الله عليه لا ماما هاي شنو مدا اقبل ابد ان تحجين علئ فاروق اني لو واحد غيرج كنت رزلته
ردت بغضب...ترزليني علئ مود فاروق يا متستحين ولج رضا الله من رضا الوالدين ولا تقل لهم اف
ابتسمت بفشلة...يا ماما يا عيني كتلج لو واحد غيرج ابد ما اقصد عليج
جرت نفس ...ولج يا يمه يا سوزي يا عيني اني دا احجي المصلحتج لج ماما هذا مو من مقامج ولا من قدرج باجر تندمين صدكيني،من تشوفين نفسج انتي اعلئ منه وحتئ تفشلين منه كدام صديقاتج...
رمشت بعيوني ممستوعبه كلامها...بس اني ما اهتم للتميز والطبقات اني اهتم لحبي اله لو اعرف اعيش بخيمه ما اهتم ابد المهم اني احبه ...
تنهدت...لج ماما لج عيني انتي دارسه وباجر عكبه تصيرين دكتورة وراح تندمين من تشوفين انتي دارسه وماخذه واحد همجي مثل فاروق لا دراسه ولا مركز يعني حتخسرين حتئ من يصير عندج طفل حتبهذل لان ابو عار وعديم مسؤؤليه
ضحكت...ههههههه لا ماما فاروق كولش ذكي وحاليا ديدرس وبعدين اني موجوده واقري اطفالنا ان شاء اللة واكيد يطلع ذكي عليه فميحتاج نقري
هزت ايدها...الكلام ضايع وياج بس والله اذا ما ندمته علئ سوالفه وياي ما اكون صبيحه
وكفت ولبست نعالي...اووووه واحد ميكعد يمج اذا ما طلعتي الكعده من عينه اروح اشوف بوطيطه افضل...
غمتني ...امداج امده حضج يالعوووبه والله يا سوزان اذا ما طيحت حضج فلا اطلع صبيحه...
واصلا انتي من هسه طايح حضج ولا يصير براسج خير تعرفين ليش ؟ لان شالعه كلبي ومتعبتني والله ما راضي عليج...
عفتها ورحت طلعت بوطيطه من قفصه وخليته بحضني وجريت نفس ...حبيبي بوطيطه اني كولش تعبت من كلام ماما صح مدتأثر عليه بس اضوج من كلامها...
اتصلت عليه ماكو يعني مراجع للبصرا كلت خلي احجي ويه قربئ اتصلت هماتين ماكو...
والله ملل وين اروح وفيفي هاي الايام شو ماكو مختفيه ومن اخبرها مشغوله مترد عليه....
شويه واندك الباب رحت فتحته جان قتيبه ابن خالو ابو فريال سلمت عليه كال...عمتي موجوده
دخلته الامي بعدها دتصلي دخل وقفل الباب بوجهي عاد اني اتخبلت رفست الباب برجلي...يا عديم الاتكيت يا حيوان شكد ما عنده ذوق...
ما عرفت شيريد من ماما ولا سمعته...
.......................
فلفله...
عمر لحد هساع ماكو صار يومين وهو مختفي وعمتي متخبله عليه
واني كذلك هو حقه يضوج من الي صار يعني جان عبالو اني تزوجتو حبا بي لو السواد عيونو
بس الحقيقه المره كانت هي حقيقه ماديه
كسر كلبي عمر نظراتو وعيونو وحزنو كلو جان واضح علئ ملامحو
ضليت كاعده للصبح منتظرتو يرجع بس ماكو كعدت بالحديقه حضنت نفسي واشتد البرد والمطر ينزل عليه بغزاره
همست يارب العباد ياربي ريح كلب عمر ياربي ساعدو وصبرو وطمنو يارب....يارب رجعو سالم غانم لامو
فتحت الباب الرئيسي ومديت راسي للشارع العام الشارع نضيف وبس المطر ينزل ويغسل الكاع تا ينظفها من كل شيء....
جريت نفس عميق...يارب يا عمر ربي يغسل صدرك ويثبتك بالطمأنينة والسلام
فارغ الشارع ما بي ولا شخص جان طيفه الحاضر الغايب هاجست شفتو وتكحلت عيوني بشوفتو بس للاسف جان مجرد هواجس وتخيلات
مسحت دموعي ورجعت قفلت الباب ودخلت شفت محمد واكف وهو كاضب دبدوبو كال ببراءة وطفولة...ماما حدري عندي تنام اني اخاف لوحدي
ابتسمت عليه وشلتو تا احمي من المطر وركضت بي بهمه وبوست خدودو...
بدلت ملابسو وعطيتو ودفيتو رد عليه ...ماما بابا عمر وينو وعليش انت وكحه ودوم مزعلتو وتخلينو متعصب عليش تتكاونين وياه هو يحبني
ابتسمت...لا حبيبي ما متكاونون بس بابا مسافر راح تا يجيبلك هديه ادعي يرجع ان شاء اللة
رد بزعل...ان شاء اللة يرجع اني احبو
حضنته وابتسمت بحزن عليه ماكو دقايق وانفتح الباب ودخل وهو متعصب والمطر مسبحو تسبح
كعد محمد من شافو ودحك عليه كمز علئ الجربايه بمرح...بابا اجه بابا
نزل من الجربايه وحضنو وعمر شالو بين اديه وهو يشمو ويبوسو
من دحكت عليه دموعي نزلن من دون سابق انذار مسحتهن بسرعه ورحت عليه كضبتو من زندو...الحمد لله علئ سلامتك وين جنت
رد عليه بجمود...مالج شغل لا تتدخلين
نزل محمد ومشه خطوات طلع ملابس من كنتورو ورجع دحكلي ورفع اصبعو بتهديد...ليكون بعلمج رجعت الخاطر محمد
سكتت مجاوبته بعدو متعصب وحقو محد يلومو خطيه عمر ما عندو حضن بالنساوين
محمد نومتو وهو سبح وكمل وطلع من الغرقه رغم اول ما شفتو كعدت دليل علئ استقبالي الو بس هو لبسني وتركني للوخدي
انتظرت دقايق وطلعت مديت راسي من الصاله شفتو متمدد ويدحك للتلفيزيون...
جريت نفس ورجعت الحمد لله من رجع الف الحمد اللة والله عيني ما نامت بغيابو ولا كلبي تطمن اله لما اجه وشفتو جدامي
رجعت الغرفتي ونامت عيني الحمد لله يارب الحمد الله طلع محمد عندو خاطر عند عمر...
.................
قربئ...
نايمه بهل غرفة المعتمه تفوح منها ريحة الرطوبه والعملية كاسره ظهري نصين ...
كدامي طاوله مليانه سرنجات واداوات تعقيم ومقص...
حاولت اساعد نفسي واخذت واحد من المقاصه وخليته جوه راسي
حسيت كلبي انهدر وانفاسي تصعد وتنزل جابتلي اكل الممرضه اكلت شويه وساعدتني نروح للحمام...
غسلت وطلعت وبعدها رجعتني للسديه كعدت ارضع بعلاوي وابوس بي وامسح بوجهه علاوي ما شاء الله حلو حييل ابيض حيييل يعني بشرته لا عليه ولا علئ ابو شحيمه اني صح بيضه بس هو كطن ..وعيونه نفس عيوني هو يشبهني حييل بس ابيض مني
جنت اباوع للممرضه المصريه واني افكر بيها خليني استدرجها حتئ تطلعني منا او توصل خبر الذياب عني وعن ابنه...
باوعت للحلقه بيدي حيل غاليه عليه واحبه وأول رابط ربطني بذياب احسها شئ مقدس بالنسبه اليه
بس ميخالف تهون اهم شئ عندي ذياب والبقيه تتعوض لازم ننجمع احنه كعائله...
هاي الدنيا تخوف وترعب والناس ما عندها ضمير وهمهم يبعدوني عن ذيبي اني وابني....
صحت عليها بهدوء...اكولج عيني بلا زحمة ممكن طلب ؟
تقربت مني كالت...عاوزه حاگه
تلعثمت بالكلام ...هاااا اي باعي اكولج انتي شسمج ؟
ردت عليه...اسمي أنيسة
جاوبتها بمرح...يااااي شكد حلو عاشت الاسامي اسمج يجنن ما شاء اللة ولو انتي حلوه واسمج لايك عليج وفعلا وجهج انيس ومن اشوفج استانس
ردت بفرحة...يا حبيبتي يا گميله انتي كلك زوق
بلعت ريكي بتوتر ورجعت خصلة شعري ورة اذاني...ممكن تساعديني ومراح انسه معروفج وهاا زوجي نقيب بالدوله اكيد اخلي يساعدج ويساعد اهلج بمصر
رمقتني بنظرتها المتسائلة...ازاي اساعدك يا هانم
مديت ايدي علئ اصبعي دا انزع الحلقه اول ما دا انزعها انفتح الباب
ودخلو الخوف دب بكل جسمي وتراجعت وحضنت ايدي هي ضحكت وحطت ايدها علئ كتفه كلتله..شوف شغلك حبيبي
نهاية البارت...يتبع
لا تنسوا التصويت و المشاركة بكم نكتمل