البارت الاخير
البارت الاخير من الجزء الأول
رواية...ذنب عينيك ...سلالة العنفوان
منقوله للكاتبه...نور سمو العراق
💔💔💔💔💔💔💔💔💔💔
ﻋ
ِﻨﺪﻣﺂ ﺃﺣﺂﺩِﺛﮓَ . . ﺗﻨﻬﺾ ﺿﺤﮕﺂﺗِﻲ ﻣﻦ ﺳُﺒﺂﺗﻬﺂ ~ ﻭﺗَﺪﺧُﻞ ﺃﻭﺟﺂﻋِﻲ ﺑﻐﻴﺒﻮﺑﻪ ﻃﻮﻳﻠﺔٌ ~ ﺃﻟﻢ ﺃﻗُﻞ ﺃﻧﮓ [ سعادتي]
....................
ضميت اديه لصدري وخفقات گلبي تتسارع من ذكرت فريال شكوكها بذياب وقربئ
رجعت وكفت وهي،تطك بكعبها الصحراوي ونزعت الجاكيت وشمرته بغضب علئ القنفه كالت...المستحيل صار حقيقه والله اني عرفت ذياب عنده شئ ويه هاي الفصعونه
ماكو وحده تجي العرس غريب اذا ما عندها نية لج انتي،ما شفتي نظراتها ما شفتي شلون كل شويه واحد يباوع للخ هذا كله ما اكدر اكذبه مستحيل اكدر اكذبه...
رحت وتحريت وعرفت البنيه جايه بشخصية وهمية ومنتحلة شخصية مو شخصيتها تفتهمين عليه موو ديخوني ذياب ديخوني
وكفت مصدومه من كلامها...يخونج !! لج بابا انتي شبيج شنو يخونج انتي وهو ما بينكم شئ حتئ يخونج وتقررين ان هو خاين وهو بعد مو الج
وبعدين يا كلبي شكو ترحين تتحرين وتعرفين شخصيتها هسه المهم هذا مو منطق حتى تنسبين البنية لذياب وتزوجينهم علئ كيفج
يجوز العالم ما الهم معرفه بيهم يجوز مو بنتها الكبيره تطلع الصغيرة
كعدت وحطت رجل علئ رجل كالت...لا كلبي اني متأكدة مليون بالمية هاي البنيه من اجت اثارت الشك بداخلي،ودخلت بكذبه وراح تطلع بكذبه
رمشت بعيوني ما مستوعبة الوضع...شنو قصدج راح تطلع بكذبه
ردت عليه...مو شغلج امي هسه اني حروح محتاجه شئ
اخذت الجاكيت مالتها واخذت جنطتها ومشت خطوات سحبتها من ايدها...تعالي تعالي وين رايحه لحد الان أني بحيرة اشو حجيتي كلامج ورحتي اوكفي خلي افهم منج لا ترحين هيج
وكفت وبلعت ريكها بغصه كالت...ما اكدر اصبر اكثر من هيج دا اكولج ذياب خاني تعرفين شنو خاني،فضل وحده ثانية علية واني الي،دوم منتظرته واني الي احبه اكثر من نفسي
اني فريال المحامية الي الكل يتمنئ،مني كلمه ذياب يفضل علية وحده معيديه لا اصل ولا فصل لج لو عندها اصل وفصل لو عندها عشيرة وقبيلة مثلي،مجان احترك كلبي،وانقهرت
جريت نفس...يمعوده هسه منو يكول تزوجها ومنو يكول ما عندها اهل واصل وفصل
ضحكت...ههههههههههه لو بيها حظ ولو بيها خير جان اجت ويه اهلها بس هي بنت عار واكيد من ذن الساقطات الكح...الي ذابتهن الدنيا وزايعتهن وقشمرت ذياب وخلته اخذها والمشكله حامل
تعصبت...ولج بابا انتي شبيج لا تصيرين خبله ولا تغلطين حرام عليج والله تعرفين شنو حرام عليج يجوز البنية مسكينة
رجعت خطوات باوعتلي،وصفنت بوجهي كالت...سوزان انتي تعرفين شئ وضامته عني كولي احجي فاروق حاجيلج شئ والله يا سوزي اذا عرفت انتي تعرفين شئ،وضامته عني ما تلومين غير نفسج
تنفست بقهر وهزيت راسي مراضيه عن كلامها...لج يا عيني يا فيفي،هو اني المسكينه شنو اعرف لا حبي ما اعرف شئ ولا تخلين شكوكج تأزم حالتج
ردت من بين اسنانها ...مو شكوك هذا الواقع بس،والله وذياب فتح عليه ابواب جهنم والله اكلب عاليها واطيها
خلت وراحت واني ما اعرف شنو صار بيه اني اعرف ذياب متزوج قربئ،وحامل منه فلازم اخبره عن الي صار خلي،يطلع من بغداد يأمن عن نفسه ويامن علئ قربئ...
خابرت عليه اكثر من مره علئ دوامه بس ماكو رجعت اتصلت علئ فاروق هماتين ماكو
بس اني لازم اوصل اله باي طريقه لان ناوين علئ الشر بيت الشامخ واكيد هسه فريال بس ترجع راح توصل خبر للغربية ...
عاد بسرعه بدلت وطلعت كلت اروح للمركز ومناك اكول لذياب عن الي،صار وعن شكوك فريال ...
حجيت ويه سامر ماما جانت مو هنا بالدوام كتله...حبيبي سوسو شوف اني حروح للجامعه مالتي دا اشوف شنو القضيه فصلوني لو شنو ومن تجي ماما كلها شويه وتجي
رد عليه وهو يلعب بالاتاري...تمام حبيبتي روحي
عبثت بشعرة...اجيبلك حاجه ويايه حلوة اوك
كان يلعب باهتمام رد عليه...لا لا مو مهم بس ادعيلي اتزوج الاميرة واجتاز كل الصعاب
ضحكت...ان شاء الله يروحي تفوز وتزوج الأميرة
خليت ورحت ركبت فورتات وصلت هناك حجيت ويه الموظفين بالباب كلتلهم ...اريد النقيب ذيب الشامخ
كالو ...حاليا عنده اجتماع ساعه وارجعي
نفخت بملل...ياربي وين اكدر انتظر ساعه والله تجي ماما تتخبللو فاروق يدري بيه طالعه من دون علمه يذبحني
يا الله غير دا اسوي،معروف هو يكول تلعنج الملائكة التطلع من دون علم زوجها يكول تضل تلعن بيج منا لما توصلين للمكان ومن ترجعين تضل تلعن بيج
يعني اني بهل حاله شسوي،اني دا انقذ روح مضطرة اطلع من دون علمه وهماتين اتصلت وماكو يعني شسوي اكتل روحي حتئ يرضون بيت شمخي
ضليت منتظرة لعد شنو اسوي ادور الستر لاخو زوجي ولابن خالو اني قليل امثالي بس محد حاس بقيمتي غير فاروق...
ضليت كاعده شفته طلع من الاجتماع وهو لابس الزي العسكري الزيتوني ولابس البيريه ابتسمت هو من شافني عقد حواجبه مستغرب من وجودي
ترك كل الضباط والنقباء والتجئ اليه كال بحده...ول سوزان شعندج هينا شلون اجيتي ما تخافن انتن نسل الشامخ
بلعت ريكي بتوتر وافرك باديه...يمعود غير علئ مود اني اجيت لو ما خاطر قربئ عندي كبير ما كنت اجيت
رمش بعيونه متفاجئ ومذهول من كلامي...عليش تحجين هيج؟ صاير شئ،؟
جريت نفس ونفخت بقهر...اي صاير فريال تعرفها بنت عمك ما تكعد راحه راحت واستفسرت عنك وما سكتت عن موضوع خمائل راحت لمكان ام خمائل واستفسرت وطلعت قربئ كذبه
صفن بوجهي وهو عاقد حواجبه باتقان كال...راحت واستفسرت عني وكل هذا سوتو عليش ؟ شتريد هاي ما تستحي علئ نفسها ما تتوب مني
اتزوج اطلك اخلف احرك الدنيا هي شدخلها ما يصير هيج حاطه عقلها وياي تراها تمردت چثير وانه ساكت واكول ميخالف بنت عمي ما اريد اهينها جدام الكل
بس الضاهر هاي تحب الاهانه انه بحياتي ما شفت وحده مثلها ومثل قابليتها ما تهود هاي
سحبت نفس عميق...المهم ذياب انت دير بالك وحاول ترجع قربئ للبصرا لان الوضع مو تمام واني خايفه عليها وانت تعرف بيت الشامخ وسوالفهم
رد عليه...بيت الشامخ اذا حاولو مجرد محاوله ان ياذون مرتي ما يلومون غير ارواحهم
ومشكورة ما تقصرين وتعبناج ويانه والله انتي حرامات تنتمين لبيت الشامخ
ضحكت ..قبل شويه دكول نسل الشامخ ما تكعدن وهسه تحمد بيه
ابتسم...لا انتي تختلفين عنهم ياليت لو كلهم نفسج ان شاء الله معروفج اردو بعرسج انتي،وفاروق
نزلت راسي بخجل...شكرا يله هسه اني لازم اروح لان ماما يضل بالها عليه وكلتلهم اني رايحه للجامعه ميدرون بيه اجيت للمركز وفاروق لو يدري بيه ادخل مراكز اله يشنقني ههههههههههه
ضحك كال...عجل امشي خليني انه اوصلج والا اكولج خليني اخذج تا تشوفين قربان ضايجه الوحدها
رفعت حاجب...عزا يمعود لا انوب فريال مراقبتني وتعرف بيك متزوج واني ادري اله تذبحني علئ القبله ...
جاوب بعصبية...وشنو هاي وتخافين منها هي شدخلها هو احتكار لو ما احتكار ترا لحت چثير انه لا مسجل بسم الخلفها ولا ورث من الشامخ الها ...
جاوبت...اي بس ميخالف ما اريد مشاكل وياها الله يخليلك قربان
تعرف بيه اني صديقتها المفضله ورغم كولشي دا احس نفسي خاينتها ما اعرف هذا احساسي واعرف بيها تحبك وتودك واني ما اكدر اغير قرارك ولا اكدر ازرعها بكلبك ...
كال...امشي خليني اوصلج لبيتكم دامت ما تردين تروحين وياي
رحت ركبت بسيارته وهو فرها وانطلق لبيتنا كال...سوزان فريال ما بيها قصور ولو ما تصرفاتها يمكن انعجب،بيها
بس دومها أنانية وما تحب غير نفسها متكبره علئ الوادم و تفكيرها دائما سطحي وتهتم للطبقات وتحب تميز نفسها بحيث تثير الجدل
هذا كلو انه ما اهتميت الو كلت بنت تحب نفسها بس الي ضوجني اكثر هي دوم ويه الباطل وتتصرف تصرفات اكبر من عمرها
مثلا جانت تتدخل بمصير فاروق تحجي وتثير الفتنه تصف ويه امج ضدو تكف ويه الباطل وتبرر لافعالها القبيحه
وكلت هم ميخالف يجوز من اتزوجها راح تنصلح راح افهمها انه ما احب المرأه الي تتدخل بخصوصيات غيرها ما احب المرأه التشعل نار الفتنه وتحجي عن فلان وعن علان المراة لازم تكون محترمه
محترمة نفسها وتحترم غيرها عليش اشوفها تلهط من مكان لمكان وتحجي عن فاروق تحجي عن وئام تحجي عن فلان عن علان وكأن معينها الشامخ محامية علينة
وبعدها وصلت بيها المرحله ان تتعامل ويه المجرمين والقتله وهذا كلو بس تا ترضي غرورها وانانيتها وعجرفتها تريد توصل للشئ حتئ لو كلفها هذا الشئ حياة وادم غيرها
معقوله تتعامل ويه المجرمين وهي محامية؟ انتهازيه تنتهز اي فرصه حتئ لو جانت هاي الفرصه دمار وانتقام الغيرها
انه الهذا السبب ما حبتها ولا دخلت كلبي اشوفها حاقده علئ الوادم وهم لا يمها ولا بگرباها بس هيج مجرد الشامخ يصفك الها ويكلها عفيه
نفخت بضجر...بس هي تحبك ترا
ضحك باستهزاء...الحب مو كل شئ يا سوزان الحب مو كل شئ
وبعدين انه ما اكدر ابادلها بمشاعري انه من دون ما تنطق قربان بحرف حبيته وعزيتها وانزرعت بروحي وجازفت بيها وجازفت بروحها بس تا احصل عليها
عليش ..لان شفت بيها نقاوه طهارة برائة ما شفتها عند بنات الشامخ للاسف ...
ضحكت...اشو كابله وجکه بعينه ههههه بس لا صراحه فعلا قربان قليل امثالها بس ها ترا هم عصبيه وعندها خبالات مو سويتها كولش،عاقله ههه
ذياب...ههههههههههه اي بس،قربان حتئ خبالها وعصبيتها حلوة ما بيها خبث وضميرها صاحي تسوي المشكله وتكعد تنوح وتون وتعتذر
سوزان..ههههههههههه اي بهاي صدقت يارب يحفظها الك وان شاء الله تجيب بالسلامة ويتقبلوها بيت الشامخ
رد عليه...مو مهم يتقبلوها بيت الشامخ المهم انه متقبلها
وصلنه للبيت خليت ونزلت وهو راح اول ما دخلت لكيت ماما وفريال كاعدات اني انصدمت وتلعثمت
ماما كالت ...لج سوزان وين جنتي
ابتسمت بخوف...اي خابرتني صديقتي ورحت وياها للجامعه وما تدرين لكيتهم فاصليني
ردت علية...اي غير كله من وره خطيبج العار
ضحكت...ههههههههههه فدوه اروحله ذكرتيني بي خلي اروح اتصل بي بلكي احصله
هزت ايدها ماما واني اتصل بي الحمد لله حصلته ضليت احجي،وياه واتغازل بيه وهو مكيف واني كذلك
....................
قربئ
صار يومين دخلت بالخامس حسيت بحركة الطفل مبين وكح يرفس بيه ويحوص هوايه هههههه
فدوه شكد حلو شعور ما اعرف شلون اوصفه احساس الامومه كل يوم يكبر بداخلي
لحد الان ما اعرف شنو جنس الجنين وعندي فضول بداخلي اعرف شنو نوع الجنس
لمست بطني،بحنان وهمست ...يـا الله يا غــافـر الـــزلــه
يـــــا عــالـــم الــحـــال بـــــي تـــــدري
تــغـــفـــر لــعـــبـــدك وتــــرفـــــق بـــــــــه
وتـــفــــرج الـــهــــم مــــــــن صــــــــدري...وتحفظ طفلي يارب...
اندك انفتح الباب ابتسمت ابتسامه عميقة من شفته ذياب اجيت اوكف اشرلي بيده كال...لا تتحركين خليج مرتاحه انا جايج
كعدت وعدلت نفسي كعد قريب مني وحضني حطيت ايدي علئ بطني كتله ...تدري اليوم الطفل بس يرافس،خابص الدنيا تخبل عليه
رد عليه...خاف مشتاقلي لان تأخرت اليوم عليكم بسبب الإجتماع
ابتسمت...اي،يمكن يرافس وزعلان عنده صحه وعافيه بلا حسد وشافني مسكينه لا حول ولا قوه كال خلي،ارفسها
حط ايده علئ بطني وضحك كال...افا يوولو اليوم شفتني مو هينا ما كدرت تتسبع غير علئ امك ول ملعون هل مره سماح مره ثانيه اذا ضربت قرباني ما تلوم غير نفسك
ضحكت سويت صوتي طفولي...حاضر بابا
عض خدي حيل...اروح فدوه البابا يولي لا تخبليني
ابتسمت ...اي صدك اصبلك غدا ترا اني مسويه غدا
رد عليه...اي والله جوعان صبيلنه وخلينه ناكل
رحت دا اصب الغدا وهو راح بدل وسبح وبعدها اجه ساعدني بالاكل
كعدنه ناكل كتله...صدك ذياب هاي الشقه الك لو لغيرك ترا ما استارثها منك بس ليش متحجي
ضحك وهو يقلب بالخاشوكه كال...ول شبيج علئ كيفج اي شقتي مسجله باسمي
فتحت عيوني مصدومه...يااا عزا عندك شقه عرفتك مو راحه وبعدين شكو هل مصاريف اذا الشقه مسجله باسمك ليش تشتري شقق مو عندك بيت
كول ليش اشتريتها بسرعه اعترف بدون حساب ولا كتاب
رد عليه...ول شكد تحجين شنو انه طفل وبعدين غير انه ما اكدر انام عند واحد وخلصت فلوسي علئ الفنادق قررت اشتري شقه واكعد بيها
جريت نفس...ما ارتاح لاهل الشقق احسهم مو راحه اسم الشقه يسبب عندي فوبيا
ضحك ..ههههههههههه يول شبيج ترا عادي اني ما مستقر وبعدين انه من الغربية مو من اهل بغداد واهلي هينا تا اكدر اتاقلم لازم عندي مكان ارتاح بي وما عندي غير هل نية
ابتسمت...ولو ما اقتنعت بس ميخالف ما احب الشقق
كال...عوفينه من هل كلام انه اريد اخذج تا نشوف جنس الجنين شنو رايج
وكفت بحماس...ياااااي كولة سوزي صدك يله لعد خلي نروح هسه تدري اني قبل شويه ببالي وعندي فضول اعرف جنس الجنين
رحت سويت جاي ولميت السفره وبعدها غسلت مواعين وسبحت وكملت ورحنه جنت خايفه واحد يشوفنه بس هو ما اهتم ...
وصلت للدكتورة اخذتلي سونار كالت...ماما طفلج حييل حيييل نازل لازم تنامين علئ ظهرج واي حركه ما اريد وابتعدي عن زوجج الطفل نازل تفتهمين ليش هيج هامله نفسج
خفت من كلامها كالت انوب...هذي الأشهر تحتاج عناية وكذلك راحه حتئ يثبت الطفل وانتي جنس جنينج ولد واضح ومبين وهو ما شاء الله حركة قويه ومبين وكح مدا يخليني اثبت السونار عليه هههه
ضحكت بفرحه...يا حبيبي ماما يعمري يعني اني بي ولد الحمد لله يارب الحمد لله
سجلتلي علاج وكل شويه و وصتني علئ الطفل وعدم الحركه كالت ترا يصير عندج اسقاط ديري بالج لان ضهرج راخي والطفل نازل حيل درج لا تصعدين ابد...
رغم هذا الكلام بس طلعت فرحانه هو جان منتظرني من شافني اجاني بلهفه كال...هاااا يول بشريني راح اصير ابو منو
ضحكت ...راح تصير ابو علاوي
فتح عيونه مصدوم من فرحته وسحبني من دون سابق إنذار وحضني بحب وهو يبوس براسي كدام الكل والنسوان الكبار يكولن اله الله يحفظها الك وان شاء الله تكوم بالسلامة...
تشكرنه منهم وخلينه ورجعنه هو اخذني لشارع الربيعي،بدلي الحلقه لان سمنت شويه والحلقه صايرة ضيقه واشترالي محبس ذهب هديه كلش حلو يخبل بي شذره كرستال والبقيه صب،
كتله عن حالتي وعن وضع الطفل كال ...عجل دام هيج ما نكدر نرجع للبصره طريق طويل و وعر بس تفوتين بالاشهر الأخيرة ان شاء الله اخذج ونرجع للبصرا وتولدين يم جدتج ...
استصعبت الامر اول بداية بس،هو كال انه ما اكدر اخليج عند فاروق لان سوزان ضلت هينا ما حلوه تضلين عند فاروق
وانه راح اضل هينا ببغداد شهرين لحد السابع من توصلين للسابع احنه نرجع للبصرا وانه كايل الهم عندي شغل مهم هينا وما اكدر اعوفه اتأخر عنج ساعات احسن ما اتأخر عنج ليالي...
بعد اني،ضليت ببغداد بسبب وضع الطفل جنت اخلص وقتي بس كاعده ما عندي لا شغل ولا عمل هو جابلي كتب تنميه من المتنبي وجابلي اصباغ واقلام ودفتر رسم حتئ الهي نفسي وهيج مخلصه وقتي ...
...........
فاروق
مليت طكت روحي شنهاي مو وضعيه سوزان ماكو واني ما اتحمل حر البصره اي والله كلش بعد ما اتحمل
علاقة سوزان بحر البصرة علاقه عميقه لان جانت الصيف كله تهفي عليه وحتئ بالشتا تهفي عليه لهذا السبب اني ما حاس ابد بالحر
ومن راحت حسيت بالحر والحرمس والفلك الاسود صار شهرين ماكو ما رجعت
دكول حاليا انت خطيبي،ما اكدر ارجع وياك مدري منو مقشمرتها وانوب كالت..عجل بالعرس حتئ شنو من نتزوج اني وياك اكدر اقريك قبل الامتحانات لهذا السبب استعجل
كالت وباجي اخت بابا دكول لازم تتزوجون
احسن ما امج تخرب عليكم وانتي،اذا تضلين كاعده يمه مراح يتزوجج لهذا السبب ابتعدي عنه حتئ يهم نفسه وتتزوجون
بت الشحاطه خوش لافتها عليه خلتني ليل مع نهار اشتغل وما شاء الله شغل القالب جاب نتيجه واشتغل كدرت افتح بيت بالبصره وجاي ااثث بي
اشتاقيت الها جمعت فلوس المهر هو صدك ما جان بينه مهر بس هي تستاهل انطيها مهر وانطيها راس الشامخ لهذا السبب اني جمعت مهرها
رحت لبغداد وكبل عليهم هي فتحتلي الباب من شافتني انصدمت شمرت روحها بحضني وهي تبوس بيه ...فارووووق لا ممصدكه ونبي واخيرا اجيت ياااااااااااي حبيبي
شميتها وضميتها الصدري سحبت ايدي كالت...تعال ادخل ادخل خلي ماما تشوفك
رديت عليها بلهجتها...ياااااي راح تفرح كولش
باوعتلي وهي مبتسمه...ايييي بلكي تتصالحون
دخلت لكيتها صبوحه تحفر شجر مدري شجاي تسوي وشادة ربطتها مثل المصريات بالعصر الحجري
باوعتلي واحتدت ملامحها وهجمت علئ الشجرايه تحفر بيها نعلت شيب الخلفها
كعدت وهي ما حجت ولا سلمت وسوزان انحرجت كالت ...ماما هذا فاروق اجه
ردت من ورة خشمها...اي شفته
ضحكت باستهزاء...اكيد تشوفني رجال طول بعرض
ما اعتقد ما تشوفني بس هي ما حابه تسلم ولو السلام الرب العالمين بس لا تاكلين همي سوزي ما ضجت ابد لان اعرف بيت الشامخ وخاصه امج ما يعرفون الله حتئ يسلمون ويرحبون بالضيف
ردت عليه...تدري بنفسك غير مرحب بيك شكو جاي
جاوبتهل بغرور...ما ميت عليج ولو يضل يوم بعمري ما اجيج وادك بابج بس اني جاي لبيت عمو ابو سوزان مو الج
طلع ابو سوزان من الاستقبال كال...يا هلا و وسهلا بنسيبي ابو الفوارق كل الهلا بيك زارتنا البركه
ابتسمت سوزان وحضنت ابوها فرحانه ...اي بابا اجه فاروق ديشوفنه اكعد يمه حتئ اسوي الكم عصير
سلمت عليه وكعدنه سوه هي سوزان من كعدتني يم ابوها اكيد الها نية لان من اكعد يم صبوحه نصير من الروس وبالشجر « الكوسا »
والله شويه وشربنه العصير كعدنه طلعت الفلوس كتله ...عمي هذا مهر سوزان اريد ما تقصر بشئ وان شاء الله اني ما اقصر وياها واذا احتاجت بعد بس خابروني
رد عليه الرجال هو فقير...لا عمي ان شاء الله ما تحتاج وبعدين هي سوزان عندها ملابس قيامه بحيث الكنتور راح يطلع علئ الجيران كد ما تجيب وتعبي بي ...
صبوحه من مكانها نطت ...اذا تريد تتزوج سوزان والله سوزان ما تروح للبصره سوزان بنت بغداد ومتعلمه هنا فلازم بيت هنا ببغداد
سوزان...لا ماما عادي اعيش بالبصره حتئ قررت انقل جامعتي للبصره
فتحت عيونها مصدومه ومرعوبه ورفعت اصبعها بتهديد...شوفي ولج سوزان امشي عدل احسن الج ولج لا تموتيني لا تضوجيني اني ما اكدر بدونج
حسي بيه شويه حسي الله واكبر عليج ولا جني امج بعتيني علئ الرجل بعدج ما شفتي خيره وهيج تسوين يا بزر بطني
سحبت نفس وجاوبتها...ام سوزان لا تضلين تلطمين وتفاولين علينه تردين بيت السوزان ببغداد ان شاء الله بس استلم فلوس بناء المدرسه اشتري هنا بس رجاءا يبا تفائلي ولا تلطمين
هي سكتت ونكتت نفسها وخلت وكامت وتدخل فريال وجهه يلطم ومخطوف كالت السوزان...وين عمتي اريد عمتي
كبر لفها حتئ ما سلمت عليه والله شويه وطلعن يهفن هي وصبوحه نفس النمط ونفس الخلقه والأخلاق...
ابو سوزان خله وراح وكت قليلولته فرغو البيت الي وانه يبا عندي شحه بالمشاعر واحط سوزان بحضني ربكم ستر سوزان ما حبلت ...
بس بالي ضل يم صبوحه وين ولت هي وتفال مدري بسطال وسمعت صوت هورن سيارات ....
الله اعلم وين ولن اني هم اريد اروح لذياب خابرته كال مر لي بالدوام اليوم عنده شغل والله واخلي واروح مشتاقله ...هو وفلفله وعمر
.....................
وئام...
جنت بالمطبخ اسوي العشى وكل شوي اطلع اطل على الصالة خاف حمودي يسوي وكاحة وعمتي تظل تحجي عليه عاد اصيح عليه اني ولا اخليها تصيح هيه
مايهون عليه گلبي يوجعني الأم شكد ما تصيح وتضرب اطفالها بس ماتسمح لأحد يصيح عليهم، هاي حقيقة لايمكن إنكارها.
طليت على محمد ورجعت للطباخ واحوس بالجدر وسويت كم شغلة ورجعت اريد اطل على محمد وصار بوجهي عمر اجت عيني بعينه و تلاكيتو بابتسامة وهو هم ابتسم
مد ايدو ومسح حبات العرك الي على جبيني وكال تعبان الحلوو تعالي ارتاحي
وكضبني من ايدي ويريد يسحبني للصالة..
جاوبتو لا عمر بس اريد اشوف محمد خاف يكوم يسوي شي وارجع اكمل طبخ
كال عوفي براحته هو مو كلش صغير تره ليش هلكد مقيدينه خطية تره يضوج قابل هسه هو شجاي يسوي؟
وفات للمطبخ وكفت واني احمس بالجدر ومترددة احجي
مو خاف عمتي.... وماكملت كلامي سكتت
هو اجه يمي وخله ايده على كتفي..
كال معليج من امي خلو الولد يتنفس شجاكم
وطل بالجدر كال هاي شنو الريحة الطيبة شدتسوي مرتي النادرة
دحكت عليه مبتسمة وهو كلش قريب عليه مايفصل بينه سانتيم واحد واديه علىَ جتفي..
كتله جلفراي تحبها؟
رد اي والله كلشي من ايدج طيب وأحبه ورفع ايدي وباسها ...
سحبتها منه كتله بضحكة يمعود لا تجي عمتي والله استحي.
دار وجهه على الباب ونظراته تتجول بتفحص ورجع التاف عليه وباس خدي كال لعد خوش ورى العشة نفتح الموضوع
ضحكت وحكيت جبيني على صدره وخليت ايدي
على زنده ودفعته بخفة وحاجيته: وهسه دحك عمر اطلب منك طلب روح يم حمودي لا يسوي شيء وعمه تزعل
سوا احم احم صار وحسبي حسابج عود وره العشة
ضحكت ودرت وجهي على الطباخ وهو طلع......
هم زين نزل عاد يروح يم حمودي يلتهي وياه شويه بينما اخلص العشى.
كملت كل شي وجهزت السفرة وكعدنا ناكل ، حمودي كاعد بصف عمر وهو يسويله لفات..
عمة تدحك ونظراتها ماتطمن ابد... اخر شي كالت لعمر
يمه اكل انت هو مو صغير يوكل روحه
جاوبها وهو عينه على حمودي لا يمه مايشبع روحه هو...
ردت عليه خلي امه تسويله لعد وانت اكل....
جاوبهه: صدك جذب يمه شبيج شاكيلج هسه اني....
كالت لا بس اشوفك ماداتاكل زين وملتهي وياه وهو مو صغير يعرف ياكل
عمر مجاوبها وسوا لفة وخلاهه بيد محمد وكله
يله يابطل هاي اريدك كلها تاكلها حتى يطلع عندك عضلات...
ابتسم محمد واخذها منه وبيده الثانية يطبكها على النص عود يشوف عمر عضلاته وعمر يكوله عفية ياابطل هيج اريدك.........
بداخلي كلش افرح واظل بس ابتسم لان عمر هواي يهتم بمحمد ادري بي يحبو على حبي وهالشي يخليني مطمأنة ومأمنة واحمد الله رزقني بعمر رغم الي سواه شاهين بي بس هو يحب ابنو.
خلصنا عشه وكمت لميت السفرة وغسلت المواعين وكعدنا بالصالة نتفرج تلفزيون ، بس ممرتاحة لنظرات عمة بعيونها حجي هواي بس مأجلته.
الى ان حمودي غفى على القنفة راح عمر شاله وغمزلي دحكت لعمه خاف شافته يغمز شفتها صافنة على التلفزيون.
صعدنا فوك هو عمر خله محمد بفراشو وراح تمدد واني وكفت على ميز لتواليت وفتحت شعري خليت عطر وادحك على انعكاس صورته بالمراية وهو على السرير يدحكلي وبنظراته حب واعجاب ورغبة.
بقيت واكفة اعدل بروحي على المراية اخلي حمرة سحرية واضفر خصلة من شعري وارجع افتحها....
هو كام على حيله واجه ووكف ورا ظهري ، يلم بشعري بايدو ويرجع يفرده على ظهري ، أصابعه تطخ برقبتي واتدغدغ واضحك.
گضبني من زنودي ودارني عليه ويدحك بوجهي
بدون مايرمش.... سألني تحبيني وئام؟
هزيت راسي بأي وأني مبتسمة...
قرب وجهه يمي.. وصار كلش قريب شفافي تلامس شفافه همس بصوت مبحوح لعد كوليها....
فتحت حلكي كلت احب... ومخلاني اكمل قرب مني اكثر وطبع بووسة جريئة على شفايفي وقربني أله أكثر...
......
ورى مخلص نزلت لحتى اسبح سبحت وطلعت من الحمام ودااصعد فوك..... سمعت صوت عمتي جاي من الصالة تصيح عليه وئام هاي انتي؟
نزلت كم الباية الي صاعدتهم ورحت الها شفتها كاعدة على التخم وايدها على الايد الثانية وتدحك عليه
دحكت عليها وسألتها عمة بعدج كاعدة شبيج بيج شي مريضة انتي؟
جاوبت لا اسم الله تعالي كعدي حجي وياج ولو دنيا الليل والوقت متأخر... بس اني مكدرت انام...اله لمن احجي وياج
كعدت واني اجاوبها اي عمه احجي...
كالت بتحذير: وئام أني شنو كتلج؟ مو كتلج انطي محمد لعمامه احسن انت ليش تعاندين شوفي لان ما انطيتي راح تخسرين عمر ومحمد..
رديت عليها بانفعال: تحجين صدك عمه اني ابني ماانطي اكو ام تنطي ابنها
قاطعتنيى بعصبية وانت المن منطته هم عمامه يحبو وراح يهتمون بي ويمكن اكثر منج بعد
كمت وكفت على حيلي وجاوبت بغضب دحكي عمه واكولجياهه من الاخير اني اني ما اضحي بابني علمود الرجال...
ابني تعبانة عليه من ذاك اليوم لهاليوم اربي واعلم واسهر واضحي وبالاخير انطي المن للي ماتعبو بي ليش بالله؟
والله ماانطي لاحد وبعده صغير ومحتاجني شيليها منج هاي الافكار ابني مامأذيج بشي
وبعدين ترا حتئ زواجي من عمر اجباري وافقت الخاطر الفلوس لو هاي نسيتيها؟
اني كلت هيج وبنفس،اللحظة وفات عمر للصالة مصدوم شكله سمع كل الكلام ظل يدحك عليه ويدحك على امه يطلب تفسير ، بسرعه درت وجهي مالي عين ادحك بوجهه
تنهدت بأسف ماجنت اريده يسمع هذا الكلام ويعرف بالحقيقة بس لازم يبين بيوم من الايام
ياربي معقولة وصلنا لهل حال كله من عمتي ولا تكعد..
جان واكف بباب الصالة ثواني من بعد الصدمة استوعب ودخل علينا مثل العاصفة وصار صوتو كلش عالي وهو يطلب منه تفسير وتوضيح للموضوع
اثنينا سكتنا ماعرفنا شنو نحجي
تقرب منه امو وظل يصيح بوجهه احجي يووووم شنو المووضووع احجي
سكتت عمه ثواني ورفعت راسها تتوسل بيه
يمه مالك شغل بالسالفة قديمة وصارت وراحت اهدي لايصير بيك شي فددوة
زكح باعلى صووتو يطبني مرررض يطبني مووتت لجن احححجن
تقرب مني متت من الخوف احس انزرعت بمكاني ونشف دمي خفت يضربني، رفعت اديه لا اراديا احمي نفسي جان صوته يخترق سمعي واعماقي ويزلزلهم
كضبني من اديه الي رافعتهم تا احمي روحي منو
كضبني بقووة رجولية
ويهز بيه ويزكح احجي وئاااام شنو السالفة شنوو سالفة انت مجبورة عليه شنو سالفة الفلووس احجي انخرستي احجي
وكعت المنشفة من على راسي واني ماكدرت انطق بس اتمتم باسمه عممممرررر
من الخووف واباوع بعيونه بدون ماارمش، وبعدها شهگت بچي...
تركني وتكلم بنبرة تهديد سمعن انتن اثنينجن هسه تحجن شنو لموضوع لا والله ارتكب بيجن جريمة والله احركجن حرررك
لزمته امه من ايده وتتوسل بي يمه عمر اهده
نتر، ايدها وكال ماااكو اهده احجي يله...
وكعدت عمه تحجيله عن لفلوس الضايعة هيه بس خلصت الكلام هو هو دحك النه ثنينه وملامحه جامده ما تعبر عن اي شئ
هز راسه بوعيد وكأن ببالو شئ والحزن واضح علئ ملامحو وبعدها خله وطلع يومين وهو ما مبين ما اعرف وين صار وعمتي تدك وتلطم عليه
.......................
قربئ...بعد مرور شهرين
الصبح تقريبا بالسته كعدت علئ صوت ذياب عدلت شعري ورفعت نفسي همست...صباح الخير حبيبي حتروح
لبس ساعته ورد عليه...اي بويه رايح ارجعي نامي ارتاحي ولا تتحركين ان شاء الله هذا الاسبوع نرجع للبصرا
كعدت وغطيت نفسي...ليش ما كعدتني اسويلك ريوك احسن تضل هناك جوعان
ابتسم وباوع للساعه كال...لا ما اضل جوعان بويه اتريك يجيبولنه ريوك الشباب بس هااا انتي مو تضلين ميته من الجوع اكعدي واكلي خطيه الولد تموتينه من الجوع
رفعت حاجب...هاااا هامك الولد مو اني اي اعترف اعترف
ضحك ...ول انه ما احجي حجاية اذا ما عقبتي عليها شلون ما تهميني غير انتي عثرة كلبي اني عثرت بيج و طحت بحبج وانتي جايه هساع تغارين من علاوي
ضحكت وحطيت ايدي علئ بطني...ههههههههههه دا احسك من تحجي علئ الطفل عبالك ولد كبير
رد بثقه...اي عجل هو جبير وهو يكضب البيت من بعد ابو وهو السند لامو اذا غاب عنها ذياب
همست بخوف...لا اسم الله عليك محد يعوض مكانك
تقرب مني وباس راسي ورتب شعري همس...احبج تدرين موو ؟
ابتسمت وهزيت راسي باي
خله وراح واني خليت وغطيت بنوم عميق صايرة ثكيله حييل والطفل احسه صاعد علئ صدري وعندي حموضه بمعدتي ما اكدر اكل تلعب نفسي وروحي رايحه
فزيت مره ثانيه علئ صوت الباب باوعت للساعه شفتها الساعه بالثنتين الضهر
كلت معقولة اجه ذياب بس هو هسه مو وقت جيته
رحت غسلت وطلعت للصاله ما اشوف اله فريال وعمتها صبيحه واخو فريال كاعدين بالصالة علئ القنفات
فريال جانت حاطه رجل علئ رجل وتباوعلي بثقه وغرور وتحدي
وصبيحه عبالك تريد تاكلني تفح من عصبيتها وتفرك باديها وتعض بشفايفها وتنطنط بعيونها...
وذاك كاعد مرتجي علئ القنفه ويدخن ويبتسم بسخريه
ما اعرف شنو الي صار بيه ما اعرف كلبي بالثانية شكم دكة رجلية حسيتهم صارو نار وما سيطرت علئ نفسي
مثل الرعب حقيقيه مو خيال فركت عيوني مصدومه وخايفه هذول شلون دخلو هنا
وكفت فريال غرست اصابعها بشعرها وعبثت بي بغرور ترتب بي كالت...اممم خمائل بشقة ذياب وذياب يروح ويرجع عليها ما شاء الله صاحب واجب
بلعت ريكي بخوف وما اشوف اله صبيحه هجمت عليه وهي تصيح وتغلط...ولج كح...ولج ساقطه ولج ادبسز تاخذين خطيب فيفي والله لو يدري الشامخ والله اله يطردج طردة اجميلة الكح...
ما جانت الي اي ردة فعل بس خايفه و واكفه بدون لا حركه ولا كلمه
رادت تضربني من اول ما هجمت بس قتيبه ما خلاها ولزمها حيل كلها...لا عمه لا ...لتوصخين ايدج بيها هاي الوصخه لو بيها خير ما تزوجت واحد بسر يشبع بيها وباجر يشمرها
ضحكت فريال...يشمرها هههههه فاهم الموضوع غلط قتيبه الحلوة حامل منه وهو متكاون ويانه لخاطرها
طكطك اصابعه بانتقام ...عجل هيج كولة ذياب ماخذته حاصل فاصل مو هههههه
بسيطه الطيح هذا النغل البطنها واخليها تعرف ان الله حق
ضليت مصدومه ما اعرف وين انطي وجهي رجعت خطوات مرعوبه همست بتهديد...شوووف اذا اذيتني ما تلوم غير نفسك مفهوم والله اخلي ذياب يذبح
ما حسيت غير برفسه علئ بطني صرخت بعدني ما متعافيه منها او ما مستوعبتها وهو انهال عليه بالضرب هو وعمته بس فريال لا
وكعت من طولي جنت بس اريد اخذ نفس بس اريد اتنفس ماكو ختنكت واني جواهم اصرخ بصوت عالي واستنجد بذياب يجي يشوف حالي
صرخت ذيااااب ذيب والله اخلي يذبحكم ويينك تعالي يارب ساعدني
ما حسيت غير ببوكس علئ خشمي فقدت توازني واختل عندي النظر وحسيت صار عندي ارتجاج بدماغي
والدم ترس رجلية من غير رفسات الطفل الي انتفض وهو بداخل احشائي وبعدها هدء بسكينه وهدوء قاتل واني استسلمت السيلان الدم وضليت افقد وعيي
اسمعه يكلهن...اذا ماتت او عرف ذياب بيها هيج صار ما راح يرحمنها خلينه ناخذها نطلعها برا ونحبسها بفد مكان
حسيت بي شالني وبعدها فعلا فقدت وعيي ما حسيت علئ اي شئ...
قوميلي ييمه وداعتج تعبان
بس بشوفج أبره وتبتسم عيني
بس انتي الوحيده بهالكون
بتراب الچفن يا غالية تشريني
اسمعيني ييمه وقومي اترجاج
ما ترجيت منج هيج تاذيني
كوميلي آني جيتج ماأريد اعذار
طشرني الوكت يايمه لميني
نهاية الجزء الأول
لا تنسوا التصويت و المشاركه بكم نكتمل