Ganoon na yata kalala ang kabaliwan ko sa kanya dahil umaga pa lang ay excited na akong makita siya.
Ano kayang magandang gawin namin?
Bumaba na ako para magtoothbrush man lang. Nagulat ako dahil nasa hagdan pa lang ako ay parang narinig ko na ang boses niya.
Imposible. Ganito na ba ako kabaliw?
But a part of me wished that it was real. Sana totoo.
With the hope na sana nga'y nandoon siya, sumilip ako sa garahe namin dahil mukhang doon nanggaling ang ingay. Naabutan ko roon si lolo, ang mga pinsan ko at si Justin.
"Mabuti naman at gising ka na." Pansin sa akin ni Roxanne.
"Good morning." Bati ni Justin sa akin.
"Aga nyo naman. Anong ganap?" Nagtataka kong tanong sa kanila. Pansin kong may limang buko sa harap nila ngayon at tinuturuan yata ni lolo si Justin kung paano magbukas noon.
"Ay nakatambay laang sila sa labas kanina. Buti naman at kumuha laang ako ng mura sa bundok kaya napapasok ko na sila agad. Hindi na kita ginising dahil kako baka puyat ka na naman." Paliwanag ni lolo sa akin. "Gusto mo baga? Apataga na natin sa kaibigan mo dahil gusto raw baya niya matuto kung paano magbukas nire." Tanong niya.
"Ako na laang ho mamaya. Mag-aayos lang muna ho ako dahil kakababa ko laang." Sagot ko rito.
"Gapaganda pa baya iyan." Biro ni Rochelle kay lolo.
"Luh? Istoryahe ka talaga. Sandali laang at maga-cr nga muna ako."
Hindi ko na hinintay ang sagot nila at nagmamadaling tumalikod na upang magpunta sa banyo. Naabutan ko sila mama at lola na nag-aasikaso ng lulutuin.
"Katipan mo baga 'yon?" Kahit nakatalikod ay inisyoso ako ni lola. Paniguradong tsinismis na ako nila Rochelle kaya ganyan ang tanungan niya.
"Kaibigan ko lang ho baya. Kapatid ni Tristan na nakilala ni mama noong dumalaw siya sa akin sa Maynila." Paglilinaw ko rito.
"Oh? Asan pala si Tristan? Bakit parang si Justin lang ang nakikita ko?" Tanong ni mama. Sa tanong niyang 'yon ay alam ko nang magaan ang loob niya kay Tristan. Sabagay, mabait naman din kasi talaga siya.
"Naiwan po sa Maynila. Gabantay sa ina." Sagot ko rito.
"Sayang naman. Mabait din na bata 'yon, nay." Pagbibida ni mama dito. I knew it. Nagustuhan ni mama ang ugali nito.
"Sige na ho at gaayos na ako nang makasama na ako kila Roxanne sa garahe." Paalam ko sa kanila at dumiretso na ako sa cr.
Pagkalabas ko sa garahe ay naabutan ko silang umiinom na ng buko.
"Binuksan na ni Justin ang iyo." Sabi ni Roxanne pagkalabas ko.
"Sorry. Nag-enjoy masyado." Pagpapaumanhin ni Justin habang inaabot sa akin ang nabuksan na buko.
"Sira! Ayos lang." Sagot ko rito. "Salamat."
"Kita mo baga 'yan, 'lo? Kung ako siguro ang nagbukas niya'y gagalit nang kainaman dahil tinililian ko ang kanyang mura." Sumbong ni Rochelle kay lolo.
"Nagalit ngani ako dahil ayaw ko pang inumin noong isang araw ay tinililian mo na. Issue ka masyado. Kahiya kang tunay." Nahihiya kong depensa sa sarili ko dahil baka naaawkwardan na si Justin sa mga sinasabi ng pinsan ko.
"Katipan mo baga itong si Justin? Akala ko'y kaibigan mo laang." Tanong ni lolo na mas ikinahiya ko.
"'Lo! 'Wag ngani kayo kikinig sa magkapatid na 'yan at nang-iissue laang." Pigil ko dito. Hiyang-hiya na ako kay Justin pero nakita ko siyang natatawa lang sa nangyayari.