غيثة:شفت هادو زطموا على كلمتي...فين غادين
باسل:مسيو ارذوجان كاين في ساحة الحديقة
غيثة: واقف تحت الثلج
باسل:لا كاينة واحد بناية صغيرة فيها المدفئة..وهو كيحضر تم لبغا يقتل شي وحدة تحت الثلج او يحذرهم او يتكلم
غيثة:يلاه زيد نمشيو
هجان: مدام ارذوجان
غيثة:هجان نتا جيتي هانتا سير هز ياسين وياسر ديهم لمطار راه ليفاليز لتحت ونتا اباسل غتبقى معايا
هجان: ولكن
غيثة: صافي دويت باسل منين غنمشيو..
باسل(ابتاسم بسخرية لهجان ):من هنا امدام..
غيثة:يلاه زيد نتحركوا...
....
الثلج مستعمر الحديقة بلونو الابيض الا وسطها كانت متواجدة بناية دائرية فيها مدفئة....وكرسي ملكي باللون للاحمر القاتم جالس فيه كالعادة صاحب القصر بجلستو الرجولية وهيبتو الطاغية على المكان...سيجارة فاخرة في فمو...وكاحلتا سواد كيقصفوا ببرود فتيات لواقفين أمامو...
رياض: هادشي لكاين...
رجل:اه مسيو رياض...
رياض: شك...
غيثة: كتكمي!!! (تقدمات نحوه بصدمة مزولة سيجارة من فمو): بغيتي تآذي نفسك ياك قلتي ليا مغتبقاش تكمي
رياض: شنو كديري هنا...
غيثة: شنو غندير في نظرك
رياض(نظر نظرة ثاقبة لباسل لحنى رأسو )
غيثة: متشوفش فيه هاكة.. انا لرغمت عليه يجبيني وحتى حد ماكيرفض طلبي..
رياض(نظر لفتيات): هادي لتجرأت ورسلات في رقمي ديك رسالة تقدم قبل مانحرق *** في هاد ثلج..
غيثة:اشمن رسالة واش ال*حبة مكفاكش انك مصونيا عليه وزايدة راسلة ليه ميساج..شحفت رياض عطني الكأس لحداك
رياض: ديال ويسكي
غيثة(جلسات فوق رجليه):عييت من صباح وانا واقفة شحفت مع هادو
رياض: هذا شهرك اغيثة في اي لحظة تقدري تولدي وجاية لهنا
غيثة: انا جيت باش نسدوا هاد القضية..وهاد القصر واي عاهرة في حياتك (مدات يديها خلف رقبتو بدلع..وساطت الهواء بطفولية) صافي خليهم يمشيوا بحالهم بغيت حياتنا تكون هانية ممحتاجين حتى وحدة وحتى هاديك لسيفطات ميساج ولصونات عليك عطيتها واحد نتفة(نظرات لنص عين لفتاة لتكلمات معاها سابقا وكانت كتسول لغيثة باش متخبر رياض بوالوا وخصوصا الفشوش لداير ليها رياض قدامهم ما ادراك بينها وبينو) وبغاو يمشيوا..
رياض: خاص تحاسب
غيثة: رياض براكة عييت انا وبنتك واش مسكينة هي تعيش تعرف باها عندو 200عاهرة..سمع انا عارفة راسي كنغير ونتا ديالي راسي.. منكرش. ولكن صافي خليهم *ودوا اش غنديروا بهم..وصافي رياض ارذوجاني (وضعات يدو فوق بطنها ):شفتيها كضرب برجليها بغاتك توافق
رياض تحسس بطنها وهو كيشعر بضربات طفلتو زال يدو بخوف من الاحساس لراودوا واكتفى فقط بالايماء..
رياض(وقف ووقفها أمامو ): قولي آخر قرارك قبل مانتراجع ولرفضات غتموت
غيثة: حتى هذا كلام شكون لرافضة
الكل:الصمت
غيثة(بمرح):صافي كلهم بغاو يمشيو نبقاو غير انا وياك
باسل: مدام ارذوجان موعد طائرة ..
غيثة: اه كنت غنسى رياض يلاه نمشيو
رياض: اشمن طائرة
غيثة: اه نسيت مقلتش ليك اليوم غنرجعوا لأمريكا راه وجدوا كلشي خاص غير حنا نمشيو...
رياض: من امتا ونتي كديري شي حاجة بلا خباري ومع افضل رجال...
غيثة: ياك نتا كتقول ليا ديري لبغيتي وهجان وباسل كيطبقوا داكشي لكنآمرهم به..عادي
رياض: باغا ترجعي مغرب ونتي حاملة ولجاك وجع ولادة
غيثة:مجاه غير ليوم نولد وعفااك رياض ارذوجاني امم غترفض طلب مراتك حاملة.
رياض(تنهد من قصوحية رأسها...وعبرها بعينيه شنو لابسة.... فستان حوامل لاصق على جسمها كيوصل طولوا لمابعد ركبة بقليل...مع ليبوط بدون كعب.. في نفس لون....نظر لوجهها ناصح البياض حناكها وشفايفها مزنكرين بعامل طقس خلاتو يبتاسم على لطافتها. نزل لمستواها باش يتكلم معاها ولكن هي قبلات شفايفو ببطء): غتقولي ليا فيك وجع غنرجعوا سمعتي
غيثة:وخا يلاع نمشيو...
هجان(كيتكلم مع رياض من هاتف ): مسيو رياض الطائرة واجدة
رياض: وياسين وياسر
هجان: راه جالسين..تم
رياض(شابك اصابعو مع انامل غيثة): يلاه زيدي..بعدا بغيت نعرف علاش باغا ترجعي مغرب
غيثة:توحشت مجد
رياض: مكاملاش جوج سيمانات باش مشا. ياك عماد ومرتو بقاو معانا شهور
غيثة:وخا..مكافياش وتوحشت مغرب وبغيت نمشي عند سلمى وأميرة راه ولدات بنت ولولي توحشتها ..
رياض:وخا لبغيتي بعدا كليتي..
غيثة:متخافش عليا كليت..كليت عاد جيت عندك وبلاما دوي مع باسل انا لرغمت عليه مافي يدو والوا
رياض: غيوليو يتنافسوا
غيثة: كيفاش
رياض:هما عارفين لرضيتي نتي رضيت انا غيبقاو يتنافسوا
غيثة:صراحة بجوج عندي نفس مرتبة واصلا لكيهمني هو راجلي...
........
زيكو: درصاف..
درصاف: نعم..
زيكو:بغيت ندوي معاك
درصاف:فاش
زيكو:دابا انا عندي ستة وعشرين عام ياك كبير
درصاف: اه كبير
زيكو:ونتي شحال عندك
درصاف: 22عام ياك نتا عارف هادشي
زيكو: دابا لقلت واحد البنت كنبغيك وتكون معايا غتبغي
درصاف: اه علاش غترفض بعدا شكون هاد البنت كتخبي عليا
زيكو:كتعرفيها مزياان
درصاف: بصح(ربعات يديها بحماس): شكون هادي...شنو سميتها..
زيكو: .جاسمين
درصاف(وسعات عينيها بدهشة): واو٢هه ميمكنش ولكن علاش غترفض
زيكو:يمكن ماشي قوي بزااف
درصاف: قوليا كضحك عملية الاخيرة راك نجحتي فيها وخا انا عمليتي كانت صغيرة...مابيهاش
زيكو: دابا شنو
درصاف (ضرباتو لكتفو): كتسولني سير عندها
زيكو: اح دقتك قاصحة. ووه
رعد(جر درصاف من عنقها بواسطة كتفو وحاصرها في صدرو): ديها نتا في تدريباتك
زيكو(بدهشة ):الشاف جيتي...مجبتي معاك والوا زعما من المغرب..(رعد لاح ليه علبة مغلفة) شد
زيكو:العز...
انور: الشاف..جا ودراري..
رعد اي واحد كان من متدربيه أو صديقو رما ليه هدايا حتى من سناء لرمقاتو بسخط من العناق لمعنق به درصاف لجعلها تمشي شبه راكعة ..
درصاف:الشاف عنقي. الشاف...
.رعد.(حررها من ذراعو وتوجه للأمام ): هادي هي السلام الشاف
درصاف(تبعاتو): مجبتيش ليا انا كادو
رعد(رماه ليها باش تلتاقفوا): هاكيه
درصاف(بتذمر): اوووه واش ديما بانضات
رعد:هادو ماشي بانضات من المغرب بل من صين
درصاف:هادشي لجبتي من مهمتك راه عندي صنادق ظيال بانضات خاص نولي نبيعهم..
رعد(فرد شعرها على طولوا وجمعوا بإحد البانضات): غيبجيوا ثمن ولكن خاص لشعرها لونو كيف لونك..
درصاف: الشاف بغيت نشارك فشي مهمة
رعد(زول جاكيطتو دكوير): كتشاركي على ماسمعت
درصاف: لا بغيت مهمات جدية تكون خطيرة كيف اول مهمة ليا...وخا ماشي تامهمة..
رعد(وجه لكمتو ليها ولكن تفدااتها)؛ خاص الصبر متسرعيش
درصاف(صوبات رجلها لصدرو):وخا ولكن متحمسة نكون في مهمة خطيرة ونخرجوا منها منتاصرين
رعد(لفها للخلف ومسك بكلتا يديها بين يديه ): ولكن ماشي جميع مهمات خطيرة كتنتاهي بانتصار(نظر لعينيها): عارفة
٢
درصاف: هداك ماشي خطأك الشاف.. بالعكس داك رجل شرير وسفيان ولد خالتي دار غير مهمتو لا غير وغيكون فخور انه توفى في أداء مهمتو... وشكون لمكيتمناش يموت في سبيل الخير
رعد(ترك يديها ): متمنايش بحال هاد امنيات
درصاف: انا..
رئيس: رعد وعميلة F15 نتي هنا
درصاف:اه
رعد:قول ليها درصاف علاش ديك عميلة كاملة
رئيس: قواعد اسي رعد
رعد: دابا غير بيناتنا حتى نتاا خاص تنادني برقمي..
ادهم:ماعلينا..زيدوا معايا غتكون مهمة..وغتكونوا مشاركين بجوج..
درصاف(بحماس): وأخيرا..
رعد:اشمن نوع مهمات
ادهم: غتعرف يلاه...
انطالقوا التلاثي...متقدمهم ادهم وخلفوا رعد كيشاكش درصاف..وكيلعب بخصلة من شعرها بين اناملوا.
درصاف:الشاف طلق. مني زعما راه قدامنا الرئيس
ادهم:مزيان منين تفكرتني ادرصاف داك رعد شي مرات كيشدوا الحماق
رعد(رمى ذراعو بإهمال فوق كتف درصاف ):وانا حماقي جاني دابا عادي اصلا غكنلعب..ماشي واكلك...
درصاف(باستسلام):لبغيت نحيد يدك غيرغنعذب راسي..
رعد(خربق ليها شعرها بمرح ): شفتي كتفهمي..دغيا
دخلوا الغرفة..لكان قابع فيها الرباعي اضافة لزيكو لعينيه تحولوا القلوبة وهو كينظر لجازمين وبقربوا سناء لكتنظر لهندسة الغرفة بملل زائد زيد وسهيل وبرفقتهم كالعادة كليوباترا
رئيس: كلكم هنا.(نظر لرعد و درصاف):مكانكم..
جلسات درصاف بقرب سناء ورعد بقرب باترا
رعد: شنو هي المهمة..
ادهم" اولا مهمة غتكون تحرير بعض اطفال صغار..لمحتجزين على حساب الاخبار من عملاءنا في مول لتبنى جديد في ايطاليا..
زيد(بصدمة):واش هذاك لعرفنا بارح انه ملك لأليخاندرو
ادهم:تماما
رعد(بجدية حادة):اذن هاد المرة الأمر متعلق به
ادهم: هاد المرة ماشي غير متعلق به انما غيكون تما نتوما عارفين ان غدا الافتتاح...وغيكونوا بعض الاطفال وتلاميذ قادمين من مدرستهم لاستكشافهم حيث خصصوا الجهة الفتية بتجيهزوا الالعاب ومكتبة وغيرها لكتجذب شباب وصغار..
ادم: علاش هو باغي تلاميذ مدرسة واش غيخطفهم
ادهم: احتمال معرفناش ولكن لمتأكدين منهم ان الاطفال المخطوفين غيكونوا مثل اطفال الآخرين وتم فين غيتم متاجرة خصوصا هو شرطة عينيها عليه خاصو ينجز مهمتو في خفاء..
رعد(زير على يدو): ماشي ضروري تقحمهم حيث اصلا عداوتي معاه
سناء: شنو جابك نتا لتم.. من غير عداوتك والأمر بينكم الأمر متعلق بأطفال
كليوباترا: بحال هادو لغمشيو ماشي اطفال
ايوب: 22 عام الفرعونة..
٣
ادهم:براكة ... (ربع يدو خلف ظهر)نتوما لتم اختياركم. لأداء هاد المهمة ماشي ساهلة كيف كظنوا بل أصعب يقدر اي واحد فيكم يرجع في قبرو..
باترا:حنا عارفين هادشي ومتحملين مسؤولية
ادهم: دابا غناقشوا الخطة...رعد نتا هو القائد....و...
بداو في شرح الخطة و وتنكرهم لدخول والاهم الأماكن لغيشغلها كل واحد...
ادهم:الخطة مفهومة دابا .. مكاين حتى مشكل أو تساؤل
رعد:علاش فرقتي مغتجيش معايا
ادهم:هما كانوا فرقتك في معسكر ولكن هما هنا اعضاء..وهادي هي مهمتهم...
باترا: وفرقتك وحيدة هي حنا ارعد هما غدربتيهم وماشي اول وحدين غدرب...
ادهم: عند شي حد آخر شي تساؤل رعد
رعد(الصمت ):.... لا
ادهم: صافي تقدروا تقدموا من غيرك(نظر لسناء لرمقاتو بسخط وقلق في نفس الوقت ):بغيت ندوي معاك
سناء(برسمية): تقدر... تقول نصيحتك امام الآخرين عادي
ادهم(تقدم نحوها وهي كتراجع للخلف): دابا علاش كتكلمي برسمية بغيت ندوي معاك في حاجة
سناء(بتلعثم):.م..مكاينة حتى حاجة بيناتنا خا..
ادهم(مسك كتفيها بطلتا يديه ونطق بنبرة جادة): سناء كبرنا صافي براكة من افعال صبيانية
سناء(بغضب )؛ ايوا شكون لمشا هادي كثر من ٢٠ عام وخلاني...
ادهم(بصراخ):مخليتك غير على قبل مصلاحتك واش مفهمتيش شفتي نتي براسك في اي لحظة تقدر تموتي
سناء(بصراخ مماثل): وانك تخلني وحيدة بالنسبة ليك حياة
ادهم(بنفس النبرة)" على الاقل متموتيش وتخلني ميت..اضطريت نضحي بسعادتي وسعادتك ومنشوفكش ميتة..لأنهم عارف انك عايشة وانك بين عينيا ماشي بحال تحت التراب..
سناء: ماشي بديك طريقة ماشي بديك طريقة
ادهم(بنبرة حنينة): فهمني اسناء..دازت دابا شحال من عام ومبغتيش تسمحي ليا واخا عرفتي حقيقة...كنبغيك..كيف قبل..كيف اول نهار تشاجرنا..وكيف اول نهار ضحكنا..وكيف اول مرة سافرنا وخرجنا (وضع يدو فوق وجنتها ):وكيف اول احساس راودني تجاهك وافضل لحظة كانت هي اول واخر قبلة هادي عشرين سنة...ومعارفاش قلبي شحال مشتاق ل...(مافائدة الكلام وهي امامو..شبه مستسلمة لكلماتو الصادقة..و باستطاعتو يطبق شفايفو فوق شفايفها ...اكتفى أنه يطبع قبلة خفيفة. فوقهم بحكم مزال علاقتهم ماشي جيدة كيف بغى ) حضي راسك المهمة ماشي سهلة(تنهد بتعب): مبغيتش نرفض هاد المهمة حيث عارف كنتي متشوقة بحال عميلة كيف كيناديها رعد بدرصاف...ردي بال راسك
سناء(اكتافت انها تميئ ليها رأسها ): وخا
ادهم(بابتسامة ): يلاه
سناء:فين
ادهم: مبغاش تعرفي حركات جديدة
سناء(بدهشة ): لخاصة بك!!
ادهم: اه
سناء: بالطبع غنكون متشوقة
ادهم: غنعلمك وحدة ولا جوج وحاولي تكوني حركة ليك..
سناء: كونت وحدة منين كنت في معسكر...وكنت كنتاظر نهار لنتلاقاو فيه ندمك عليه
ادهم: اوه موحش...
٤
درصاف: الشاف واش غتبقى تشوف فيا..هاكة
رعد:غير سكتي وخلينا هاكة
درصاف(فركات فروة شعرها بعدم راحة): مكنبغيش شي حد يبقى يشوف فيا بهاد نظرات
رعد: وشنو كيعينو هاد النظرات..
درصاف:باش غنعرف ممريحينش..
رعد: مكنتيش جاوبتي على سؤالي
درصاف: اشمن سؤال
رعد(قرب ليها): على سبب خجلك في سيارة
درصاف(وسعات عينيها بدهشة مزال متذكر الأمر طوال هاد سنوات الاربع الأخيرة ): معقلتش
رعد: معقلتيش!!!! علاش كتهربي عينيك من عيني وعلاش ولا وجهك حمر نفس الاحمرار دال...
درصاف: بالسيف غنحمار وشوف نتينا مقرب ليا هايدة...عاين عليا..
رعد(دهش من كلامها معاه باللهجة الشمالية الممزوجة بالداخلية ): احم اعتذر
درصاف(مسحات وجهها بعنف من قربهم): سمح ليا غنمشي عند جازمين...
قبل ماتسمع جوابو هربات للمرحاض سكرات الباب خلفها ونظرات لانعكاس المرآة وجهها حمر وقلبها غيخرج من بلاصتو غسلات وجهها مرارا وتكرارا باش تنسى الموقف لوقع قبل لحظات قليلة..
درصاف(بتلعثم ): درصاف درصاف نساي نسااي(كتضرب حناكها بخفة):موقع والواا حتى حاجة موقعاات(نظرات لشعرها وكيفاش جمعوا ليها ): سمحي ليا اسناء ولكن مقدرتش..حاولت ومقدرتش.
رعد: بفف اش هاد فعايل ثاني.
باترا :رعود شنو واقع
رعد:والوا كنفكر
باترا؛كتفكر ولكن باين عليك كتخمم
رعد: كنخمم لمهمة القادمة مبغيتش نفس الخسائر يوقعوا...
ادهم:مزيان منين فكرتي في هاد المسألة مبغيتش نفس واقعة تكرر
رعد:متخافش سناء مغيوقع ليها والوا
ادهم(امر بعينيه للكل باش يغادروا وبقى هو وولد خوه): اه خايف على سناء وبسبابك جات هنا
رعد:مزال غضبان
ادهم:بالعكس ممقلقش بحكم أنني كنت غلطت منين تركتها بديك طريقة وماشي هي لخايف عليها راسها بل للكل ومنهم حتى متدربتك السابقة درصاف كظن اليخاندرو منين غيعرف معزتها عندك غيخليها...
رعد(زير على قبضتو ): هو مغيعرف والوا حيث آخرتو قربات
ادهم: انا تكلمت معاك علاش تعصبتي
رعد: منين كنسمع سميتو كنتعصب
ادهم:سمع ارعد علاقتي مع سناء في الاول مكانتش مزيانة سرعان ماتغيرات وتعلقت بها وهي كذلك..انا خليتها حيث بغيتها ومبغيتش شي نهار نشوفها تحت قبر بسباب انها ماتت مقتولة هاد فكرة عقلي مبغاش يتقبلها..
رعد: لكانت الموت مكتابة عليها كانت غتموت
ادهم:عرفت وهذا هو خطأ لدرت وخا هكاك مزال خايف لو مكنتش رئيس الأول للOFC كنت غنمشي برجلي... رد بال درصاف معرفتش واش علاقة اعجاب او حب بينكم..ولكن دير في بالك انها تقدر تصاب او تموت..
رعد:حب؟!!
ادهم: خمسة دقايق لمعرفتيش فين هي ومعندك عليها حتى خبار كتبقى حتى تعرف جدول زمني دجامعتها حفظتيه شحال من مرة كنتي معصب ومنين جات هي فرحانة عندك كتبدل وكتضحك معاها.. مقنعوكش نزيد... انك كتقرب ليها بدون ماتحس مهتم بشعرها وبتسريحاتو زيكو لقرب منها كتجري عليه حيث عرفتي انه كان معجب بها كيف قالت سناء..
رعد(دامت مدة صمت طويلة وهو كيحلل كلام عمو): انا مغنقتارفش نفس غلطتك غنخليها تحقق حلمها وغنحميها وخا هي في تشكيلة اخرى..فراه انا واثق من تدريباتي ليها..مغتصابش انشاء الله .نخليك دابا
ادهم:سير...وتذكر كلامي..ارعد
رعد(نزل عبر الاسفل خرج نحو الغابة وتصادف من درصاف لكانت غدخل..): درصاف
٥
درصاف:الشاف..
رعد:شنو كديري هنا
درصاف(بتلعثم): كنشم شوية الهواء كنت كنحس براسي مخنوقة وبغيت نشوف السماء وحسيت بن...فسي زايدة في ترتيبات الكريسماس
رعد:صافي
درصاف: سمح ليا غندخل
رعد(مسك ذراعها): بلاتي بغيت ندوي معاك
درصاف(تراجعت للخلف خطوات حتى وقفات أمامو وكتزاوك في قلبها يترك ذراعها قربهم لكيكون سيادتو الصمت كيوترها *: و..وخا
رعد:مهمة..غدا..غنمشيو من بعد تلاثة سوايع...لإيطاليا..بغيت....
درصاف:علاش سكتي واش تم عزلي؟؟
رعد:لالا باقة
درصاف(تنهدات براحة): تخلعت..
رعد(حاوط وجنتيها بكِلا كفيه): هاد المهمة هي حرب..بيني وبين عدوي وحتى نتي ورفقاءك فيها مبغيتش نخسر واحد فيكم خصوصا نتي. حيث ..
درصاف (في نفسها):حيث شنو...
رعد: حيث سفيان كان توفى ومبغيتش تقتل وحدة من عائلتو ثاني و..نتي افضل متدربة حظيت بها.
درصاف: حتى نتا افضل مدرب وخا تدربت على بعض هنا في غيابك ولكن مكانتك خاصة..
رعد( وضع جبينو فوق جبينها ابتاسم ليها): مهم احم احم بغيتك ترجعي حية تحافظي على سلامتك متغامريش بزااف ومتسرعيش هذا أمر ماشي طلب والا فغنعاقبك
درصاف(نظرات ليه بدهشة من قربهم وانفاسو الممزوجة مع أنفاسهم كرشها كتضرب في طبول الافريقية...) صافي..كلمة..زعما وعد
رعد(قبل جبينها ): غنعاقبك سمعتي.. لتآذيتي
درصاف: صافي اصلا مخاصش نخاف ونتا لمدربني..
رعد(ضمها في حضنو ): هادشي لبغيت نسمع الخوف ممنوع
درصاف(بادلاتو العناق وهي خايفة من سناء لتشوفها):غتشوفنا سناء
رعد:مال سناء؟
درصاف: و..
رعد: متقوليش ديك والوا ومال سناء
درصاف: قالت ليا غير نحافظ على المسافة لبيني وبينك ولكن هادي مدة طويلة
رعد:طويييلة ونفهم علاش كنتي كتجنبني ماشي كلشي بحال ادهم فارسي
درصاف: مفهمتش
رعد: زيدي غنخرجوا نديك بلاصة زوينة منها تحيدي سطريس
درصاف:فين
رعد:منين غنوصلوا تم غتعرفي..
٦
غيثة:ياسين ياسر فقتوا حبايب ماماهم
ياسين: مزال موصلناش
غيثة: لا حبيبي..راه حنا في مغرب غنزلوا دابا شوية في المطار...
ياسر(قبل بطن غيثة): ماما ختي تعطلات مزال مجاتش
غيثة: قريب احبيب ماماه تخرج تلعب مع خوتها
ياسين: ياسر هاك كتابك
غيثة: كتخرجوا تمارين...يرضي عليكم
موظفة: مدام ارذوجان تفضلي الطبق لبغيتي
غيثة: احح تشهيتو يلاه قراو نمشي نشوف باباكم...
توجهات نحو رياض وهي حاملة في يدها طبق بيه قطع التفاح الممزوجة بشوكولا(nutella ) رمقات رياض حامل كتاب كيقراه حيداتو بكل هدوء وجلسات فوق رجليه...
رياض: غيثة نوضي راك حاملة
غيثة(بدلع): لاء لاء بغيت نجلس هنا كنرتاح
رياض: وعلاش كتحركي من فوقي
غيثة: باش نرتاح كثر
رياض: الصبر هاد نهار معاك
غيثة: عرفتي هذا بنين هاك دوق
رياض: تفاح وشكلاط؟؟اش كتاكلي
غيثة: انا تشهيت هادشي شنو ندير هاك ذوق غيعجبك.
رياض: غبصحة
غيثة(تناولت قطعة مغمورة بالسائل البني هاد الأخير ملأ جوانب فمها بمتبقياتو): بنين والله
رياض: كولي لعجبك
غيثة(جراتو من عنقو كتقبل شفايفو باحترافية وبرغبة خلاتو بزز يتحكم في نفسو باش ميقتارفش خطأ يندم عليه من بعد ):علاش مكتجاوبش معايا
رياض: راك حاملة ابشار في اي لحظة تولدي انا كنفكر ليك ونتي باغا...راه لشديتك غنولدك تفرقي عليا اغيثة على قبل ديك بنت
غيثة: اولا هاديك بنتنا بنتنا وانا بغيتك مشغليش (بدات كتزول صدايف قميجتو وهو يمد يدو منعها) حيد يدك رياض وطلق
رياض: تبثي الأرض
غيثة:حيدو حيد حوايجك ياك كاين بيت نعاس ويلاه..
رياض:على الأقل ديها في ولادك
غيثة:منين تتبوسني قدامهم قبل حمل عادي مرتك ونتا راجل(مسكات بطنها فجأة حسات بوجع ولكن حاد)
رياض :شنو واقع
غيثة: لا والوا غير عصبتني..
رياض:متأكدة
غيثة(بهدوء ): غنكذب عليك...
هجان:مسيو رياض وصلنا بإمكانك النزول
ياسر:بابا ماما مدراتش حزام خطير عليها.
رياض: كنت شادها داكشي علاش واصلا ماماك كطير..
غيثة(صبري اغيثة لولدتي دابا رياض غيغوت عليا هو اصلا خايف عليا صبري ابنتي شويا...
رياض:مقاداش تمشاي شنو واقع
غيثة: غير عييت
رياض: نهزك
غيثة:لا لا قادة نمشي..
نزل هجان وباسل كانوا أمام غيثة ورياض بحكم كانوا بقرب أطفال التوأم...وفي خارج مطار كانت نجلاء وعماد واقفين بلهفة كينتاظروا قدومهم
رياض: مالك كتوقفي واش غتولدي...
غيثة(بسرعة): لا لا غير بنتك قبيحة...
رياض: راه نلقاك تكذبي غنتفاهم معاك
غيثة(بقلق): لا لا ...
نجلاء:عماد راها غيثة...غيثثثثثة
عماد:هه زريقة كتبان بحال سنفورة بداك رداء وكرشها
نجلاء:وينو جات فنيونة شوف حتى خويا رياض لباسو ومن هادشي التوأم.
٦
عماد: نسخة من والدهم
نجلاء(بصراخ منين قربات ليها غيثة): زريييقة
غيثة(مسكات يد رياض وزيرات عليها): رياض
رياض:شنو كاين مالك
غيثة(مسكات بطنها بألم الوجع كيصبح حاد ومخيف مشعرات بنفسها غير وهي كتصرخ بين ذراعي رياض): رياض غنولللد اااه رياااض
رياض: قلت ليك متكذبيش عليا
غيثة(عضات يدو): واش انا كنولدددد ونتا كتشوف...
رياض:على مرض...كنت عارف هادشي غيوقع
عماد:رياض طلع اوطو راه واجدة غير سير ...ولادك معانا...
ياسين: ماما مالها
نجلاء: ماماكم غتولد ختكم يلاه نمشيو دار
ياسر:لا بغيت نمشي عند ماما..
نجلاء: ولكن خص..
عماد: ياسين ياسر راه مجد كيتسنى فيكم وتوحشكم..ماماكم غتولد ختكم صغيرة متخليهمش يخافوا عليكم ونتوما هما رجال ارذوجان خاص تمشيو لقصر تحضيوه
ياسر: وخا...
عماد:نجلاء سيري معاهم وجدي حوايج ليها ولبنت من حوايج لشريتي وخليهم مع جواد وسلمى..
نجلاء صافي نتا غتمشي عندهم..
عماد: ضروري..
.......
٧
غيثة(جالسة فوق السرير المتحرك):ريااااض اااه غنووولد
رياض: هانتي غدخلي دابا غير صبري
غيثة: مبقيتش قادرة نصبر(عضات يدو بقوة):نتا سباب علاش جبتني لمغرب..
رياض:شكون لوجد كلشي
غيثة: حبسننني حبسني مكتعرفش...
طبيبة: صافي هاحنا وصلنا .
غيثة(نظرات لحولها مليئ بالممرضات ): لاااا يدخل معايا لا منخليك لحتى وحدة ااااااي
رياض(بعصبية):واش وقت غيرتك دابا
غيثة:لاااا دخل معايا صافي غنموت مافيها شك كنحس بالماء تحتي..
رياض(نظر لطبيبة بخوف): شنو واقع...
طبيبة: غتولد دابا غير دخل معاها مكاين حتى مشكل. ..
....
جميلة: حفادي زونين..
ياسين:توحشتك اجدة
جميلة:حتى انا وليداتي..ياسين كبرتي مشاء الله
ياسر(بفرحة ): مصطفى...
مصطفى(هزو ): السيد الصغير كبرتي
ياسر(هز رأسو بافتخار):كتقول ليا ماما وليت راجل وانا هو راجل في دار انا وياسين..
جميلة:اه فين هي غيثة ورياض
نجلاء(نزلات من الدرج بسرعة حاملة حقيبة كبيرة ): غيثة راه كتولد مسخوطة..
جميلة:اويلي واش في طيارة!!...
نجلاء:لا راه في سبيطار غنمشي معرفتش شنو؟غيكون وقع سلمى وخا تبقاي نتي وأميرة تحضيو دراري ماما(كلثوم): قابلي مروة(بنتها): نتي عارفاها مريضة وكنخاف عليها..
كلثوم: حشومة عليك توصني عليها راه بنتي هاديك...
مجد(تقدم بغضب طفيف نحو ياسين وياسر): فين هي خالتي غيثة
ياسين: مشات تولد ختي
ياسر: في لوبيطال
مجد(بحزن ): توحشتها..
ياسين وياسر(عنقوه): حتى حنا توحشناك..
جميلة:تبارك الله على حفادي... اجي نبدل ليكم حوايجكم مجد تجي معانا
مجد: لا غنمشي نكمل لعب مع آدم(ابن جواد وسلمى )
......
غيثة: اااااه
رياض(معرف شنو يدير معاها ): ا..غ...اووه هانتي تنفسي مزيان دخلي الهواء ..
غيثة:ااااه اااااااه ريااااااض (مسكات شعرو بين يديها): رياااض
رياض(مسك كلتا يديها لكيهاجموه): ديري هووه هوه سوطي الهواء وتنفسي مزيان...يلااه..
طبيبة:راسها خرج ...
رياض:مبقاش بزااف غدفعة يلااه
غيثة:هوه هوه اااااااااااه....
سقطات بتعب فوق سريرها والعرق ساير في جميع اطراف جسدها....شعرات بنفسها كأنها نجات من الموت..بدات كتسترجع أنفاسها ببطء... طبع زوجها قبلة فوق جبينها وكيهمس ليها بكمات تحفيزية وفي نفس الوقت شعرو لخلا ابتسامة صغيرة ترسم في ثغرها.. صوت بكاء صغير اختارق طبلة أذنو...وصلولا إلى نبض قلبو وشريانو...دحرج عينيه بسرعة لصوت المولود لكان بيد الطبيبة..ترك غيثة وبدون مايوعى توجه نحو طفلتو ويداه وصوتها قام بمعركة كبيرة داخلو...غيثة من الخلف كتراقب ردة فعلو بوهن وفي نفس الوقت بقلق ...
٨
طبيبة: مبروك عليكم زيادة تربى في عزكم انشاء الله هاك هزها... (وضعاتها ليه بين ذراعيه وفور ماحملها رياض صمتات صغيرتو من البكاء ) هه عرفات باباها يلاه نخليكم(نظرات لممرضة لكانت كتعدل جلوس غيثة ): لكملتي يلاه
ممرضة: واخا...
عم صمت أرجاء الغرفة ورياض كينظر لطفلتو بصمت..
الصمت لقلق غيثة وجميع الأفكار السلبية كينقزوا في ذماغها...ولكن لفاجأها هو رياض لقبل جبين بنتو وسرعان ابتاسم وابتسامتو تغيرات لضحكة...كتقسم غيثة حتى جميع لكاينين في جوار غيكونوا سمعوا ضحكتو حتى منين تولدو ياسر وياسين مفرحش هاد الفرحة الجنونية...
رياض(قلبو كيدق باحساس مختالف وجديد.. معرفش يفسروا ولا يحللو ولكن متأكد مصدره من طفلتو... كان اسعد رجل في ولادة طفليه ولكن هاد نهار مميز مختالف...حتى صوت طفلتو أثر على نبضات قلبو...): ...هه غيثة عينيها بحال عينيك..
غيثة(فاقت من صدمتها):بغيت نشوف بنتي
رياض:بنتنا..
غيثة(بسعادة غامرة):بنتنا...عطني نشدها
رياض: يلاه شديتها تسناي شويا..(جلس بقربها في السرير): خليها ناعسة على صدر باباها)
غيثة: خاص نرضعها..
رياض: حتى تفيق.... عرفتي اغيثة منين هزيتها وسمعت صوتها معرفتش حسيت بشعور بحال ابوة ولكن حسن بزااف
غيثة:هذاك شعور حب الأب لبنتو..بحال هكاك كنت انا وبابا... وانشاء الله هاكة مع بنتنا..غتكون افضل اب
رياض: كنت في الأول رافض فكرة انك غتولدي بنت من بعد تغيرات لخوف..خصوصا من شفت ردة فعلك الهستيرية ولكن دابا عرفت راسي صبحت اكبر مكلخ ماكون بغيتها قبل....
غيثة: ماشي مشكل باقي حال...
عماد: واخيرا خلاتني ديك طبيبة ندخل..
رياض: باش انا نبقى مع مرتي
عماد: اصحبي خلعتني منين بديتي ضحك ديك ضحكة مالك..
رياض: منفرحش ببنتي...
مصطفى: من حقك ولكن صدمتني..
جميلة: وخا نشوفها اولدي
غيثة: راه حفيدتكم..رياض عطيها ليهم
رياض: مزال يلاه هزيتها..
غيثة: رياض عطيهم
رياض(مدها لجميلة): متفيقوهاش
نجلاء: خالتي اجي نلبسها هاد لبيسة سخونة..ودافية..
جميلة:وخا ابنتي..
رياض(نظر لعماد بتحذير): متقيسش ابنتي قلتها ليك..
عماد: اء مالي غنسرقها
رياض: لطيحتيها
غيثة:رياض واش نتا حمق راه عندو بنت..
عماد: اصاحبي واش تفروحتي هاد ليل عندي اصلا مروة وكانت مريضة بثقب لكان في قلبها..وكنت عارف طريقة باش نحملها...واصلا هادي بنتنا كاملين...
جميلة: هاهي فنوكشة ديال عائلتنا...
٩
مصطفى: دات ليك شوية ارياض ولكن غيثة غلباتك هاد المرة غطلع كتشبه ليها...
غيثة: يكفي ان ولادي اخرين كشبهو ليه من غير ياسر لدا لون عيني..وياسين عينيه بين زرق والكحل كل مرة وشنو..اذن بنتي غتكون ليا
رياض:بنتنا
غيثة:نذكرك
رياض:نساي ماضي..
غيثة:امم...
عماد(حمل المولدة في يدو): وايلي عينيها زرقين خسارة ناعسة. دابا ولكن صافي زريقة نامبر تو في عائلة...
رياض:هاهي فاقت دابا..عطيوني بنتي..
عماد:هاك وخا غير تحطات في يدي بكات..
غيثة(خدات بنتها من عند رياض):خلني نشم ريحتها ونرضعها..
رياض: كنت غنعطيها ليك اصلا..
جميلة: نخليوكم ابنتي... وحدة ليل ترتاحي
غيثة: تصبحو على خير..
رياض(قبل رأس بنتو): حبيبة باباها...
غيثة:هاك حطها هنا راه نعسات..
رياض: مغتنعسش معانا..
غيثة:واش هبيل...انا وياك في سرير صغير وهي معانا وباقا صغيرة
رياض: انا غنرد ليها بال
غيثة: رياض صافي حطها خليها ترتاح..
رياض: خلني نغطيها...
غيثة: فيا نعاس عييت
رياض(دخل وضع رأسها فوق عضلة صدرو..): كيف بقيتي..
غيثة: بخير غير منين بغيتي بنتك هذا هو مهم..
رياض: علاش كذبتي عليا وقلتي مافيكش وجع
غيثة: ياربي مكتنساش وصافي هانتا شوف ولدت ليك بنيتة زوينة تولي تلعب معاها وتخرجوا وتقول ليك بابا.
رياض(كيتخيل امر):هادشي علاش غنتغاضى على كذبك
غيثة: شنو دابا نولي نغير من بنتي
رياض(طبع قبلة فوق شفيتها): نتي مكانتك خاصة
غيثة: عارفة ارذوجاني كنحماق عليك....
١٠
جالسة في مقعدها في طائرة وعقلها كيتذكر احداث الأمس مع مدربها شحال ضحكوا بجوج ومرحوا واهم شيء هو منين ركبوا في فلوكة صغيرة ودخلوا لبحيرة مليئة بالانوار لمحاوطاهم من كل جهة.....
درصاف: هه منظر زوين..
رعد: عرفتو غيعجبك
درصاف: كيعجبوني بحال هاد مناظر..واش هذا مكانك المفضل كتجي ليه
رعد:تقريبا معنديش مكان مفضل ولكن هاد مكان جيت ليه من بعد ماوقعات واقعة ديال قرية لفي ايطاليا ديك ارواح واطفال وعائلات لماتت بسباب اليخاندرو كانت نار شاعلة في قلبي وهادي ثاني مرة غنجي هنا
درصاف(وضعات راحة يدها فوق ذقنها):وعلاش جبتني هنا
رعد(قرص انفها): كيشبه مكان لكتمشي ليه...
درصاف:توحشت مغرب ودارنا بزاف
رعد: منين غنكملوا مهمة غترجعي تشوفيهم..
درصاف:شنو هادشي لكيتفجرع..
رعد: اء غير احتفلات رأس السنة..
درصاف: امم
رعد: هاكي مغنخليكش بجوع.
درصاف: شكرا...
رعد: تذكري متموتيش حاولي تنقذي ناس ولكن متغامريش بنفسك مبغيتكش تأذاي
درصاف:متخافش عليا الشاف كنواعدك مغنرجعش لخرجت وانا ناقذة الناس(ونظرات ليه مازحة): الا لكنتي في ورطة...فغنرجع ليك
رعد(تبسم ليها): غير طلقي شعرك برد عليك..
درصاف: شكرا هاد بانضات زوينين صراحة خاص ندير مشروع ديال بيعهم عندي صنادق خاص بيهم واش غتبقى تجيب ليا غير هما
رعد: مرة جاية غنجيب ليك هدية مختالفة
درصاف شنو؟هي؟
رعد: هدية قلت..
درصاف(وضعات رأسها فوق ذراعو): واخا الشاف
رعد : كولي لتبرد ماكلة
....
جازمين:درصاف فاش ساهية مغتاكليش
درصاف:لا غير سهيت
جازمين: كولي هادشي بتخبية بزز باش هربت هادشي من باترا
درصاف:شكرا واش وصلنا..
جازمين:اه على ماسمعت حنا في اراضي ايطالية...
درصاف: حرب قربات
جازمين:تماما... يلاه سيري جلسي في كرسيك..راه زيكو غيجي.
رعد: بغيت نعرف علاش زيكو عطاني نجلس حدا الشاف...
جازمين هه شكون عرف الشاف كيشوف فيك
درصاف(توجهات نحو مقعدها... طائرة كانت مختالفة قليلا عن تصميم التقليدي لطائرات الاعتيادية بل كانت طائرة خاصة بOFC كتحتاوي على قاعة ديال مخططات وقاعة ديال اكل..واخيرا قاعة ديال جلوس وكراسي كانوا كيشكلوا صفين متقابلين مع بعضهم..): السلام الشاف سناء سلام
سناء: سلام درصاف..جلسي
١١
رعد: غلقي حزام غنزلوا دابا...
درصاف(نفذات امرو وغمضات عينيها وكتأمل تمر العملية على خير؟من اصعب عمليات لأيضا غدخل تاريخ OFC أكيد مغتكونش سهلة..): كلشي غيدوز مزيان
رعد(زير على يدها وهو كينظر أمامو )؛ تذكري كلامي..متخافيش لوقعات ليك شي حاجة غنرجع ليك في الأخير نتي أمانة عندي...
درصاف(زيرات على يدو ): متحمسة وفي نفس الوقت خايفة...
سناء(كتذكر كلام ادهم واعتارفو الليلي): لو رجعت حية فأكيد مغنفرطش فيك...
......
جدة:مرحبا بك ابنتي يلاه كنا غنمشيو عندك جيتي بكري
غيثة: ايوا سي رياض فاق مع ستة صباح كيلعب مع بنتو ضحكتو واصلة علام...ومنين فقت قلت نجي لداري نرتاح...
جدة: تبارك الله على حفيدتي...ولدي رياض عطيها ليا..
رياض(مدها ليها): غبشوية باقة صغيرة
جدة:هه تعلمني اولدي وشحال ربيت
جد غيثة: الله يحفظها من العين ويحجبها..
غيثة: آمين فين هو مجد حبيب ديالي..مجد
نجلاء:راه ناعس..
غيثة(جرات نجلاء لمكان منفرد): مالك مهمومة
نجلاء: مروة يلاه دوزات عميلة القلب..كان عندها ثقب
غيثة:اه كيف بقات
نجلاء:الحمد لله بخير ولكن قلبها ضعيف خاص نردوا ليها بال كثر
غيثة: انشاء الله غتكون بخير علاش دايرة راسك هاد حالة
نجلاء(جلسات فوق كناب): معرفتش اغيثة كنحس براسي فرطت في تربية مجد مسكين مرضعش متلقاش الحنان خصوصا مع مرض ماما كلثوم بقا عايش معاك وحتى هاد منين عشت معاه في أمريكا كنتي نتي لكتهتمي به كثر حيث كنت حاملة..وكنت معذبة في كملي ومنين ولدت شفتي مرض مروة..مبغيتش ولدي يكرهني
غيثة:علاش كتقولي هاكة مجد يكرهك ديك كتلة لطافة كاملة بالعكس مجد حنين ومنين فيبر غيتفهم الأمر ومزال حال تدوزي معاه وقت في أخير نتي مو.
نجلاء: شكرا ليك نتي ختي..صغيرة
غيثة: وعمرك لقيتي خوتات كيقولوا شكرا...بعدا خلني نشوف بنت فارس وأميرة
عماد: مالك بعدتوا
غيثة: كنسول ختي على خالها
عماد:متسوليش خوك
غيثة: هه عارفك عايش فرحان مع نجلاء منبقاش مقلقة عليك
رياض: عماد معامن كنتي كتكلم شفتك مهموم
عماد: دكتور.دمجد
غيثة( بخوف): كيفاش مال مجد واش مريض
عماد: معرفناش ولكن بزاف شكاوي من مدرستو وحت شجاراتو مع ولاد
غيثة: يمكن حيث محيط جديد عليه
عماد: ماشي هكاك اغيثة ولكن
رياض(بهدوء): واش بحال سلوى ختك
عماد: معرفتش حتى طبيب ديالوا معرفش هو ماشي نرجسي كيف سلمى
غيثة:وشنو إذن
عماد:معرفتش حتى حاجة معرفت مرات كيكون عادي ومرة كيتقلب..وكيولي شديد التملك على اقلامو وحاسوبو
غيثة: متخاوفوش أنا متأكدة غير محيط تبدل عليه غنمشي نشوف بنت اميرة ذكروني باسمها
نجلاء:هه اميمة..
غيثة: اميمة عقلي كبر من بنتي بشهرين ...
لوليا:خالتي غيثة
غيثة: اي هاي على لوليا كبرات. وطوالت...
اميرة:هه حنا لكبرنا
غيثة: وياه ولات عندي ربعة وعشرين عام ههه دغيا مزال عاقلة على اول ماخطفني رياض..
اميرة: هه حتى انا مزال عاقلة على لم شملي انا وفارس
غيثة:اختي راجلك كيزيان لاهو لا داك عماد اما جواد خلاص هداك
سلمى:مشفتيش راجلك
غيثة: اوهو اوهو راجلي لا بعدوا. هه ديالي بوحدي..
نجلاء: غيثة مبقتيش كتوحمي
غيثة:اش غندير هه وحم خلاها فيا قاعدة..
اميرة:هه راجلك مبغى حتى حد يهز بنتو
غيثة: هذاك راه حماق كيغير عليها وهي تربية قال ليك بنتنا بوحدنا..شوفي حماق
نجلاء:هه مغريباش على ارذوجان...
غيثة:شنو داكشي لفي حديقة
جميلة:جداتك بغات تدير ليوم سبوع لبنيتة
غيثة: دابا؟؟
جميلة: اه سيري لبسي حوايجك راه واجدين نتي ورياض
غيثة:زعما راني مزال نافسة وبزز باش كنتمشى ولكن منين جدة لبغات مغنقولش لا...
رياض: وأخيرا بقيت انا وياك فنكوشتي.
غيثة(قبلات جبينها): بنتي حبيبتي
رياض: متعطيش راجلك
غيثة: هه بوس بنتك
رياض: ولا انا باغي فنجان قهوتي صباح هذا
غيثة:هه كلشي يتبدل الا نتا بقا على راحتك
رياض:مكافيش
غيثة: راني نافسة لعب ديالك نساه
رياض: شكون لي لبارح بدا يحل صدايف
غيثة: ماشي لخاطري كنتي مثير بالنسبة لناظري.
رياض:اممم
غيثة: يلاه خلينا نطرفوا حالتنا باش نلبسوا
رياض: شنو كاين
غيثة: غير لبس اراجلي ومن بعد غتعرف شنو كاين...
.....
سناء: توجدوا غندخلوا من الخلف..وتذكروا حرروا أكبر عدد من المخطوفين..درصاف غنعطيك تولاي نصف الفريق
درصاف(مرات هي وفرقتها نحو الجهة الثانية من المبنى): صافي سمعوني خاص ديروا في بالكم ان في الجهة الأخرى اي في الدخلة الرئيسية للمول غتشن معركة قوية ودموية خاص نسرعوا في انقاذ وجهزوا اسلحتكم وكاتم الصوت...والمعركة بدات...
١٢
زيد : اليخاندرو فاش كيفكر
سهيل: معرفتش ولكن عندي احساس ان هاد الاغنية هادئة ونشيد اطفال مجرد هدوء ماقبل عاصفة...
باترا: متخليوش الخوف يستحوذكم يلاه خاص منجذبوش انتباه
رعد(زول نظاراتو): زيد وسهيل تقدموا نحو غرفة التحكم .باترا غتبقاي معايا انا ونتي معركتنا غتكون هنا مع اليخاندرو
باترا :اليخاندرو؟؟
رعد(عقد حاجبيه): واش خايفة
باترا: بالعكس انا معاك علاش خنخاف.....
رعد:المهمة خطيرة خصوصا عليك نتي حيث معايا..
باترا: عارفة وانا عارفاك مغتخلنيش نتآذى.....
رعد(صوب نظروا للأمام وكيلاحظ تحركات حشود واطفال لعينيهم كيلمعوا بالدهشة ): اليخاندرو غيقدم عرضوا دابا...تجهزي...(وضع اصبعو على سماعتو وتكلم مع اعضاء الآخرين ): كونوا على استعداد لأي حدث
....
زيكو: درصاف..
درصاف: بلاتي ماشي دابا...انور وايوب سيرو..
انور: واخيرا...
درصاف: نساو ضحك راه الجد هذا...
ايوب: عارفين حياة متعلقة باطفال ومراهقين...
تقدم انور وايوب بخفاء نحو الشاحنات لبيها الاسرى...توجهوا نحو حارسان كانوا مخفيين عن باقي اعضاء العصابة.....غلقوا ليهم افواههم وجروهم نحو منطقة مظلمة...
انور: جوج تهنينا منهم.
ايوب: دور الآخرين دابا..
درصاف: جازمين و
زيكو: معايا
درصاف: ولكن راه تافقنا معايا.
زيكو: صافي اساطة...
درصاف:الصبر يلاه جازمين وزيكو...دوركم...
زيكو(تقدم برفقتها): جازمين شنو كديري.
جازمين: شش راه ربعة..
زيكو: علاش حيدتي جاكيطتك
جازمين: راقب..
خطات نحو رجال المافيا كتمايل بخصرها...
رجل(شار سلاحو فوق جببنها): شكون نتي
جازمين(بخوف مصطنع): معرفتش انا كنت في مول وبحث على الحمام ولقيت نفسي هما(مسكات يدو بارتجاف ): عفااك نقذوني..انا معرفتش كيف جيت هنا
رجل ثاني(كينظر لصدرها لبارز): واش نتي فتاة الليل..
جازمين: اه علاش( بنبرة اغراء): واش بغتي ليلة مجانا ماشي غنتا(نظرات ليهم بابتاسم) بربعة ليكم
رجل: واخا ولكن غتمشي ب...
جازمين(صوبات سلاحها بخفاء لمنطقة الحساسة الخاصة بيهم سقط الأول والثاني متأملين وقبل مايصرخوا دفنات مشوار في فاههم تراجعت الخلف من الاثنين لشهروا سلاحو فوقها ولكن زيكو كان سريع وسقطوا جثث هامدة بجانب خمس جثث لقتلهم بسباب غضبو..
جازمين: ههه طيحنا كثر من عدد لخاص نطيحوا على حساب الخطة ولكن مزيان هاكة تقدمنا
زيكو: اش هاديك حركة لدرتي؟؟
جازمين: وصافي انا كنت غير بغيت نقودهم لمصيدتنا..
زيكو: ماشي بطريقة تعرضي جسمك
جازمين: راه ميتين(طبعات قبلة خفيفة فوق شفايفو): Sorry
زيكو(نظر ليها بصدمة من خطوة لدارت ونظر الآخرين لكينظروا ليهم بتفاجؤ )
درصاف: عمل ممتاز وخا خالفتو العدد المحدد دابا جا دوري.....
حملات سلاحين في يديها وانطالقت كتصوب رصاصتها لاختارقوا حراس اليخ(اليخاندرو ) في نبضهم..كتحرك على خطوات لتعلماتها على يد مدربها سرعتها ميزاتها على الكل لا في الركض لا في الخفة بهادشي قدرات تسقط عدد كبير من الجثث ...
درصاف: ادم يلاه حررهم.... هادي غير شخنة لولة...
....
١٣
اليخاندرو: كنشكر اول حاجة المدارس الخاصة والعمومية لقبلوا دعواتي وحتى الآباء... كيف لاحظتو هاد مشروع درتوا على قبل شعب الايطالي وبالضبط في الجنوب حيث عارفين جنوب باش سياحة تكثر وحتى اطفالنا وشبابنا يستمتعوا ... وحتى نظرة لمؤخودة على الجنوب ...تغير.... نتمنى تستمتعوا بالأمر(نظر لرعد بابتسامة خبيثة): الحفلة غتبدا..دابا....
باترا:رعد ابتاسم ليك..
رعد: زيد سهيل فينكم....
سهيل: لقينا بزااف العوائق..
سهيل:كاينين ربعة الاطفال متاصلة بهم قنبلة موقوتة
رعد: نقذوهم وحاولوا تسرعوا...حيث اليخ بدا هادي سنين.......
باترا: رعد شوف ابواب كيتغلقوا...
رعد(نظر للخلف ولمح ابواب الضخمة كتغلق واحد تلو الآخر. ): شكون لمتحكم في الغرفة؟
سهيل: غرفة تحكم مخترقة ولمختارقها شخص ماهر
رعد:ماشي بمهارة. ديالك اسهيل
زيد: خاص نقذوا اطفال الوقت قرب...يكمل...
باترا: رعد تحرك رععععد
رعد(نظر خلفوا ولمح صاروخ اربيدجي): بسرعة اقل من ثانية قفز لليسار وبدا في ركض مبعد عندو اطفال لكانوا في جهتو....
سناء : هادوا غير قلال مزال اكثر من خمسطاش شاحنة...
زيكو:اش هاد صوت صوت انفجار في ..
سناء(قاطعاتو بصرامة): خاص نسرعوا يلاه...الحرب غتصبح دموية أكثر....
درصاف : سناء عندها حق خاص نقذوا الضحايا... معدناش بزااف وقت هاد ثواني راه بإمكانها تنقذ حياة شخص أو ازيد..
باترا : رعد رعد
رعد:متخافيش..باترا سمعي...سهيل غيحاول يتحكم في ابواب زيد حمي ظهرو(ظهر سهيل) باش يخدم على راحتو وفي تركيز ونتي وباترا الأطفال والمعلمين سيري برفقتهم في مكان آمن ويكون بقرب الباب مجرد يتفتح يخرجوا ورجعي خرجي باقي..
باترا:ونتا...
رعد:انا خاص نصفي الحساب مع اليخاندرو هو رما هاد صاروخ مستهدفني أي هو باغي يكمل هاد حرب لطولات...
....
غيثة(كتشوف في فستانها مطروز على يد جداتها وبعينين كيخرجوا قلوبة)؛: كيجيتك...؟
رياض:جيتي زوينة روح باباها
غيثة: رياض
رياض: نتي عارفة جوابي حتى زوينة غتكون قليلة في زوجتي..
غيثة:امم(مدات يدها لشعرو): رياض شعرك كنشوفوا قلبي مسكين كيحل فمو...كيحمقني..
رياض:حتى ليل ولعبي فيه حتى هو توحشك...
دخل مجد الغرفة من بعد ماطرق..
مجد: خالتي غيثة
غيثة: مجووودي حبيبي(فتحات يديها ): اجي عنق خالتو توحشاتك
١٤
جرى نحوها بلهفة ونقز في حضنها مسكاتو غيثة بقوة وطمراتو بالقبلات....
غيثة: موااح توحشتك بارح كنتي ناعس..
مجد: توحشت بزاف بغيت نمشي معاك مبغيتش نبقى هنا
غيثة:علاش
مجد: ماما وبابا عزيزة عليهم غير ختي انا مكلعبوش معايا بحالك نتي ومكطيبش وكيبقاو خارجين ونبقى مع ميمة..بغيت نمشي معاك
غيثة(نظرات لرياض بتحسر):احم مجد سمعني ماماك وباباك كيبغيوك بزااف وإلا مكانوش غيديوك معاهم ويشريوا بيك ليكادو
مجد" بغيتهم؟يجلسوا معايا وبابا يلعب معايا كرة بحال عمو رياض
رياض؛ مجد اجي عندي(وضع طفلتو فوق السرير) مجد اجي حدايا
مجد( تقدم نحوه):
رياض: مجد انا بحال باباك وكنا صحاب انا وياك كنت كنديك لشركة ونخرجوا ندويو كرجال ودابا غندوي معاك كصاحبك ماشي صديق عماد...مروة ختك مريضة عندها مشكل صغير لو باباك وماماك مهتموش غتبقى مريضة هما خافوا عليها واهتموا بها كثر منك ماشي نساوك وغيثة مراتك فيديوهات شحال ماماك فرحات منين ولداتك هي وباباك وشفتي بعينيك
مجد: شنو ندير هما مكلخيونيش نقرب منها
رياض: مدير والوا هي منين غتكبر غتقرب عندك وتلعب معاها
مجد(نظر للطفلة):شكون هادي
رياض: معرفتيهاش
غيثة:شكون لكان هنا في كرشي..
مجد(نظر لبطن غيثة لمبقاش منفوخ وولرضيعة): هادي بنتك اخالتي غيثة
رياض: بنتنا بنتنا اصاحبي
مجد: نتا اعمي كنتي قلتي بنت غيثة
رياض: ولا داكشي شحال هادي راه هادي هي فنكيشة باباها(قبل يديها)
مجد: وخا نلعب معاها
غيثة: باقة صغيرة ولكن تقدر تشوف فيها ولا تلعب باصبعك في يدها..باقا مكملاتش يوم..
مجد: صغيرة بزااف
غيثة(قبلات رأس مجد): بجوجكم صغيورين هانتا منين تكبر نخليها تلعب معاك
مجد: بصح
غيثة: اه وغتولي عزيز عليها
مجد(قبل خذها): شكرا اخالتي
رياض: وانا لغنربي بنتي
غيثة: وصافي رياض عرفناك مجد ماشي غريب عادي غير يلعب معاها..
رياض(حاوط يديه حول خصرها وصغر مسافة بينهم): انا لعندي الحق نلعب مع بنتي ومرتب
عماد: ارذوجان اجدر..
رياض: قلت ليك هاد مغرب غنرجع مع باب ثاني
غيثة:هه زهرك
نجلاء:أي هاي على زريقة...جيتي قرطاسة
غيثة: احم احم متخلنيش نتشرمل اساطة غير كنمسع هاد الهدرة كنبدا نميل...
عماد:هه فنون(قبل جبين طفلة وربت على شعر ابنو): مجد بطل عجباتك
مجد: عينيها زوينين بحال خالتي غيثة..
نجلاء: مجد حبيبي لعجباتك نزوجك ليها مانلقا ماخير من غيثة
١٥
غيثة؛ مسكين مجد زوجتيه بلوليا وختها وزدتيه بنتي بغيته يهرب
نجلاء: ههه راه ولدي بوكوص يطيح حمامة من غصنها. بعدا شنو سميتوها..
غيثة:اء رياض شنو سميناها..
رياض: سمية!!
غيثة:اء ويلي نسينا مسميناها
رياض: عيون باباها
غيثة: اشمن عيون باباها..
نجلاء: سميوها نجمة
رياض: لا
عماد: لينا
غيثة: لا خاص سمية تجي مع بنتنا..
عماد: شمس
غيثة: تاخرج ليا من علم الفلك
مجد(وضع سبابتو وسط كف طفلة): نور..نور
غيثة(تقدمات نحو مجد جالسة جلسة قرفصاء): مجد شنو قلتي زعما باش ..شنو قلتي دابا
مجد(بخجل): نور
غيثة:نور (نطقات الاسم بتمعن )؛ نور
رياض(نطقها وعلى ثغرو ابتاسمة واسعة): نور..نور باباها
غيثة: نور(نظرات لرياض بفرحة ): نور هي سمية بنتنا ولسماها هو بطل ديال خالتو
نجلاء:هه هذا راه بطل ماماه(قبلات خذيه وجبينو)
عماد: بعدوا من ولدي براكة ماتحشموه
غيثة: مكيحشمش مني
عماد(همس لرياض بعض كلمات): صافي
رياض: وخا.. احم مجد واخا تجي معانا
غيثة:خاصني نرضع نور..نور هه
رياض: نجلاء بقاي معاها لبغات شي حاجة
بعد ساعتين...رجع رياض نحو غرفتو وجد غيثة لبسات بنتها نفس الثوب لمطرز ليها
رياض(خدا من عندها نور): نهزها عليك. راك مزال
نزلوا عبر الدرج والتصفيقصات وزغاريت من طرف الحضور..استقبلوهم غيثة ورياض بابتسامتهم الممتنة خصوصا حفل ضام غير عائلة غيثة وعائلة ابطالنا الآخرين...أو بالمختصر ناس لكيبغيهم...فقط لكانوا متواجدين في هاد الحفل
الحاجة: بنتي غيثة علاش مدرتيش مشيطة لشعرك
غيثة : ميمة عيانة بزاف وصافي انا هاكة مرتاحة...
مصطفى: يلاه خرجوا الجردة
غيثة: اش هاد الصوت...
الحاجة:صوت حولي..
غيثة: واش غديرو بحال سبوع ياسين وياسر
الحاجة: اه بنتي..
غيثة: مختخنتوش ليا بنتي
الحاجة:لا لا ماشي من ثقافتنا..
غيثة(مسكات بنتها من عند رياض): خروف تبارك الله سمين..
الحاج: انا وراجلك ابنتي لختاريتو لحفيدتي...
عماد: ونسيتو ولدي مجد لشافوا منين نزلنا من سيارة...
جميلة: صافي براكة غيثة رياض وقفوا هنا نصوروكم..
جواد(مسك الخروف هو وعماد):يلاه سميو الله..
......
درصاف(وجهات رجلها لرسغ الشخص لأمامها): عددهم كثر..
زيكو: درصاف هاكي ذخيرة...سناء شدي
درصاف: واخيرا...واش اطفال وصلوا...
زيكو: اه وخا غير باب صغير لمفتوح حيث الآخرين متحكمين بهم بالكهرباء ...
درصاف:معرفتش شنو؟واقع الفوق ولكن أمور مكطمأنش بالخير...
سناء: متخافيش صافي هادو هما آخر مأسورين...
انور: سمعتو صاروخ الثاني...
عدنان: تلاثة صوارخ..
جازمين: هادشي كيريب حاولوا تسرعوا....
اليخاندرو: مستحيل اليوم تنجى ارعد بسبابك نتا معظم مشارعي ومخططاتي فشلوا بسبابك ... ملايير وملايين
رعد: كنفتاخر أنني حبطت اعمالك فاسدة لكانت غتأدي كثر من ألف ضحية للفساد والإجرام..
اليخاندرو: غنتاقم لنفسي ولولدي لصبح مجنون بسبابك ومقدرتش نخرجو من الحبس وخا حمق(مد سكينتو صوب سلاحو نحو ذراع رعد لكن تفاداه الآخر بصعوبة بسباب المكان لكينهار حولهم
رعد(لكمو لأنفو بقوة فقد اليخاندرو من خلالها طاقتو ومسك انفو وهو كيتألم فوق الارض ):ولدك يستاهل بسباب طفلة لاغتاصبها واعمالو القذرة
باترا: رععععد يلاه نمشيو...المكان غيدمر كلشي خرج..
رعد: ميمكنش نخليه ينجى لمبغاش قانون يعاقبوا انا لغنعاقبو...
باترا: رعععد
رعد(مسك رجلوا بألم بسبب الرصاصة لاختارقت رجلوا)
اليخاندرو(بوجع): لمت ..كح ..حتى نتا كح كح غتموت
باترا:رعد غنموتوا...
رعد: سمعت صوت بكاء ديال أطفال...اه
باترا:فين غادي حماقيتي..
رعد: خاص نقذوهم
باترا(نظرات للمكان لكينهار امامها): سمح ليا ارعد ولكن منقدرش..
نظر رعد خلفوا لمح باترا كتجري المخرج لتمكن سهيل بصعوبة باش يتحكم بالكهرباء..ويفتح الباب...
الخياندرو: هه صديقتك خانتك وهرباات احم كنظن Ofc خفقات في اختيار...
رعد(نظر للأطفال ): خرجوا من داك باب بسرعة.
طفل: هئ هئ منقدرش نخليو خونا هو مشلول..وكرسيه تهرس..
رعد:اااه(مسك ذراعو ونظر لأليخاندرو لمزال في ارض ولكن يدو كان فيها سلاح ): اليخااندرو
اليخاندرو: هه اجي عندي(رمى سلاحو): راجل راجل
رعد(نظر بحدة للأطفال ):هزوه نتوما جوج لبقيتو هنا غتموتوا... سيروووا
..
درصاف(توجهات بسرعة نحو الامام): سهيل زيد واش قدرتو تخرجوا كلشي
زيد: اه الحمد لله
درصاف:علاش كتشوفوا داخل شكون باقي..
سهيل: هاهي باترا... باترا فين هو رعد
باترا: هئ هئ مبغاش يخرج وهو مضروب بغا يقتل اليخاندرو
زيد(رمقها بصدمة هو وسهيل*: خليتيه وجيتي
باترا:مقدرتش سمحوا ليا ولكن مكان داخل تحطم وهو مبغاش
سهيل(بغضب):هو مضروب وجيتي ياك مزال حيييي واش عارفة لو كنتي نتي مكانوا وخا تكوني قريييييب تموتي رعد كان غيغامر ويدخل ينقذك ماشي.... نتي.... خسارة خساارة..فيك وفي صداقتنا
زيد: دابا حتى دخول ممنوع ررععععد
درصاف(نظرات لمدخل بصدمة ): الشاف..الشاف..لا ميمكنش لااا
ضربات في الشرطي ودخلات بسرعة لمكان الرؤية كانت شبه منعدمة للبعيد بحكم نار والغبار..والدخان خطات نحو الامام بلهفة وكتحاول تعثر على قائدها...
درصاف :شنو كديرو نتوما هنا علاش مخرجتوش..
طفل: كنا ..كنا
درصاف: صافي صافي شفتو داك باب كاين أمامو بوليس...غينقذوكم صافي...
اليخاندرو(كيلتاقط انفاسو الاخيرة):هه عمرك مغتهنى ارعد فارسي
رعد:نهايتك يوم وعلى يدي وأخيرا ارواح لدهرات بسبابك خدات ثأرها..
اليخاندرو: هه و..وخا يوم قتلتني ولكن عمرك مغتهنى مني
رعد: ولدك منين غيسمع خبر موتك مغيبقاش عايش
الخياندرو(طلق ضحكة تسمعات في ارجاء مكان): كح كح خاصك تعرف مكندويش على ولدي مكلخ كندوي على لغيحرقك و نتا حي نتا وهاديك لمعجب بها اه درصا...
قبل مايكمل كلمتو وجه رعد مسدسو لجبينو
رعد: هاد القضية تسدات من ليوم.. اححح
درصاف: رعد
رعد: شنو كديري هنا واش حماقيتي..
درصاف( كان غيفقد الوعي بسبب دماء أضاعت منو ولكن يديها كانوا اسبق): خاصك تخرج من هنا هادشي بدا كيريب..
رعد: علاش كح كح
درصاف(وضعات يدو فوق كتفها): لو كنت انا في خطر غتنقذني حتى انا كندير نفس الشيء..
رعد(فقد وعيو وهي كتجرو للخارج)
درصاف(نظرات لرجليه لمملوئين بالدماء): مبقاش بزااف وخا ثقيل...
١٧
سمعات صوت قوي قدام من الاعلى هزات راسها وهي تلمح رف كتب ضخم ساقط من الطابق العلوي نحوهم دفعات رعد للخارج بقوة وقبل ماتبعوا سقط الرف على ظهرها برجليها..وتصطادم رأسها بقوة مع الأرض الشيء لخلاها تفقد وعيها
باترا: رعد رعد..خرج
سهيل:هه الحمد لله وأخيرا
زيد: علاش هو فاقد الوعي؟
سناء: فين هي درصاف ...؟
عدنان(نظر للنار لخرجات من الباب) درصاااااف.
.....
غيثة:احح عييت
سلمى:هه ياك بقيتي جالسة
غيثة: واخا هكاك..غير كنشوف هاد أجواء كيجيني العياء
اميرة: فين هي نور
غيثة: راها في بيتنا..اه رياض امتا غدير ليها بيت بحال خوتها
رياض: راه غندير بيتها في بيتنا
غيثة(همسات ليه)؟مزيان باش نهار تبغي...راك عارف بلاما ماندوي تشوف فينا
رياض:هادي عندك حتى دوز شهرين وتمشي بيتها غنقول هجان يوجدوا ليها
غيثة: قولها باسل هجان وجد بيت ياسين وبيت ياسر..
مصطفى:شنو درتوا غترجعوا أمريكا
رياض: لا قررنا نبقاو غير في المغرب..
مصطفى: مزيان أحسن خبار
رياض:مهم هاد ربع سنين جاية كاينين في مغرب من بعد معرفتش...على حساب الوقت...
غيثة: فين هي ماما جميلة...
مصطفى:راه مشات كتسقي وريداتك
غيثة: اه الله يخليها ليا
رياض: عندي شي غراض ..نخليكم..
غيثة: ايوا بابا شفتك مفرحتيش لنور
مصطفى:هه حاشا ابنتي غير داك رياض فينما نهزها يجي ياخدها كيقول ليك مشبعتش من بنتي
فارس: هادي عندك فيها الصح اعمي
جواد: انا قلت عندو عقدة من النساء وقلت مغيتقبلهاش
مصطفى: اغلبية ظن نفس الشيء ولكن راها بنتو من صلبو ميقدرش ...يعاملها معاملة ناقصة
غيثة:خصوصا من بعد ماشعر باحساس ديال الأب اتجاه بنتو...
.......
جميلة: اء رياض سمح ليا مشفتكش
رياض: ماشي مشكل
جميلة: اء لمبغتنيش نسقي الورد ولبغتني نمشي ماشي مشكل خود راحتك انا
رياض(بنبرة جادة): جميلة...انا جيت ندوي معاك
جميلة: وخا وخا اولدي..زعما رياض
رياض: منين كنت في الميتم وخا ماشفتكش شعرت بنظراتك عليا ومنين قلتي لمصطفى يتبناني وخا هو محملش اسلوبي معاك وكثر من 15 عام وانا عايش معاكم عاملتوني كابنكم وخا معاملتكش مزيان وتحملتي كلماتي لكتكون جارحة مرات وكتمس كرامتك
جميلة: انا عمري تقلقت منك بالعكس كنت كنبغي تكون بخير حيث عارفة داكشي لمريتي به مساهلش
رياض: خلني نكمل كلامي
جميلة: اه سمحليا.
رياض:كلمة ماما تعقدت منها هاد كلمة لكان ممنوع عليا نقولها لديك المرأة أمام الناس كرهتها وكرهت جميع أمهات والنساء وكل عام حقدي كيكثر..وهادشي آذيت به الكثير منهم غيثة..ونتي بالخصوص أكثر وحدة تضررات من عقدتي منين هزيت بنتي نور حسيت احساس في شكل شعور زوين ولكن شعور بالندم تجاه افاعلي نحوك راودني في كل لحظة...ودابا(تقابل امامها): كنعتاذر على 15 لعيشتك فيها في عذاب وعلى افاعلي وكلماتي وكنشكرك حيث مستسلمتيش تشوفني شي نهار كولدك..... اماما..
١٨
جميلة(وضعات يدها فوق فمها بصدمة كتحاول تكبح شهقتها ولكن مستطعاتش دموع الدهشة والفرحة اختالطوا عليها): 😭عمري غضبت عليك ولا تقلقت 😢😭
رياض(عنقها): انا كنعتاذر منك وبغيتك تسامحني حيث آذيتك كثر من غيثة وكثر من اي وحدة ونتي هي ماما لعطاتني دنيا ولكن رفضتك وقاسيتك..
جميلة(بادلاتو العناق): انا مسامحاك اولدي مسامحاك هئ هئ... تمنيت هاد نهار وطلبت الله كل ليلة قبل مانعس يتحقق هئ هى 😭😭😭
رياض(مسح دموعها): صافي متبكيش راك مريضة بالقلب كتشربي دواك بعدا
جميلة: متخافش عليا اولدي باباك مصطفى حاضي معايا
رياض: مصطفى منوعادكش غنقوليه بابا حيث غيخنزر فيا
جميلة: هه قول لبغيتي اولدي
رياض:غنحاول ناديك بهاد كلمة ماما وخا صعيبة ليا
جميلة:خود راحتك ناديني باش بغيتي انا عارفة صعوبة الأمر يكفي هنا(وضعات يدها فوق قلبو ): أنك تقبلتني أمك وحققتي امنيتي..
رياض: يلاه نمشيو غيحطوا العشاء..
جميلة: وخا اولدي نحط هادو في بلاصتهم....
....
غيثة: هه ربحناكم(ضربات كف عماد): مستحيل تفوقوا علينا
لوليا:هه بابا نتا وعمي جواد خسرتوا ب 14..ل0 وخا عمركم تكونوا لعبتوا
سلمى؛ هه؟جواد ياك كتقول ليا نتا واعر في العاب الفيديو..
جواد: شوفوا ميمكنش باينة دايرين الهاكر
غيثة:هه مرضيتش قال ليك هاكرز واش معرفاش انا وعماد دخلنا بطولة ولا لا مركز الثاني جينا صو أكيد نتوما بوتات مقارنة معانا..
عماد: وياه زريقة دابا هادو معرافينش انا وياك شنو دوزنا
رياض:بعد على مرتي ودوي...
عماد: مالذي أرى؟
جواد: ماذا وقع ؟
فارس: وماذا حدث؟
مصطفى:اش كنشوف واش متنا مجموعين
غيثة:هه واو رياض ماما شنو وقع بعدا فين كنتو
جواد:وفاش دويتو
رياض: ضروري ناخد الاذن باش ندوي مع..ماما
الكل: ماما!!!
مصطفى: واش صماكيت هذا رياض لواقف قدامي
رياض: بغيت نقول ليك واليد ولكن مغتجيش معاك
مصطفى: غير بقا معايا في قلة ادبك حسن حيث الاداب مكيجيش معاك
رياض(ابتاسم لجميلة): قلت ليك
الحاجة: هارفيسة جاية... ايناس(خادمة): جيبي ليهم يغسلوا يديهم
غيثة: ميمة علاش تعذبتي
حاجة: اش كتقولي سعداتي نطيب لحفديتي راه حسناء خالتك عوناتني...
غيثة: فرحانة لخطوة لدرتيها
رياض : حتى انا(قبل شفايفها): منين نتعشاو وبغيتي طلعي لبيتك قوليها ليا نهزك عارفك عييتي
غيثة: عارفة حبيبي..
من بعد ماتعشاو وخلقوا جو للضحك
نجلاء: عماد مجد قلبت عليه والوا مكاينش
عماد: فين غيكون مشا
نجلاء: معرفتش قلبت هنا وحديقة وحتى طابق الأول مكاينش
غيثة(وقفات خوف): فين غيكون مشا
١٩
نجلاء: معرفتش معرفتش طلعت لبيت نرضع مروة ملقيتوش
جميلة:متبكيش ابنتي غير قلبوا متخافوش...
بعد نصف ساعة من البحث
نجلاء(جلسات فوق كناب): هئ هئ فين مشاااا ولدي فين
غيثة(بهمس): رياض بزولتي كتقطر غتكون نور جاعت وفايقة
رياض(هزها ): يلاه رضعيها ...
غيثة: مجد واش هذا مجد
رياض: واش ناعس حداها ونجلاء غتسطى بالبكاء عليه...
غيثة: مجد حبيبي شنو كدير هنا نجلاء ماتت بالخلعة عليك
مجد(كيفرك عينو بنوم): راها فاقت كانت كتبكي وجيت عندها ونعستها
رياض: كيفاش نعستيها
مجد: بديت كنلعب بيدها كيف قالت ليا خالتي باصبعي سكتات ونعسات من بعد
غيثة(قبلاتو ): يخليك ليا احبيبي
رياض: بطل غتهلا فيها منين نكون في الخدمة
مجد:وخا اعمي
رياض(حملو في يدو ): يلاه نزلك عند ماماك
دخل ياسين وياسر
ياسين: ماما بغينا نلعبوا مع ختنا ثاني
ياسر: قبيلة شفناها غير شوية حيث كانوا كيبوسوا فيها..
غيثة:دابا ختكم كترضع...
ياسين:هاهي فاقت...
ياسر: عينيها ماما بحال عينيا (مد لسانو لياسين): كتشبه ليا
ياسين(بهدوء): شعري بحال شعرها نتا شعرك صفر وانا كحل
ياسر: هي بيضة ونتا شوية بيض وسمر بحال بابا..
غيثة:كتشبه ليكم بجوج غير تهناو ياك غتهلاو فيها
ياسر:غنلعبوا معاها..
ياسين: ونديوها مدرسة معانا
رياض: برافو على ولادي رجال وغيتهلاو في ختهم
ياسر:نعلموها اماما طيب حتى هي بحالنا.
غيثة:انشاء الله شنو بان ليكم تباتو معانا ليوم
ياسين: ولكن كبرنا
غيثة: اشمن كبرتو رياض حيد هاد فكرة من عقلية ولادك حيث كتبغي دوز ليلتك كيف بغيتي نتوما مزال صغار وطوال عمركم غتبقاو صغار
رياض(زول جلابة): مقلت ليهم والوا بغاو ينعسوا ينعسوا ...
ياسين: نور ارذوجان سميتها
غيثة:اه بحالكم نتا ياسين ارذوجان ولد كبير ونتا اياسر ولد متوسط وخا بينك وبين خوك غير جوج دقايق ماشي بزااف ونور هي فلوسة اسرتنا..وصغيورة...
رياض(رمى نفسو فوق سرير): يلاه ابطال شكون لغينعس حدا باباه
ياسين وياسر:أنا لا
رياض: ابطالي نتوما هو رجال لغتهزوا باسمي في مستقبل منخافش عليكم من صغركم باين شنو غتكونوا
ياسين: بغيت نكون شرطي
ياسر: انا بغيت نكون من رجال عصابات بابا كيعجبوني بحال افلام..
رياض: منين تكبروا خودوا مهنة لبغيتوا وحسن من هادو.. شرطي ورجل عصابات ماشي مهن زوينة وخاص تكونوا في مهنة مثل والدكم أو حسن وافضل واختارو لغترتاحو فيه
غيثة:حطيت نور في سريرها ديرو مكان لماماكم
ياسين(قبلها): كنبغيك اماما بزااف
غيثة: حتى انا كنبغيكم اوليداتي
ياسر: نتي وبابا احسن اباء في عالم
غيثة: هه ياك على الاقل نتوما غتعيشوا معانا في سعادة وحنا حيين(مسحات على لحية رياض)
ياسين: ماما لعبي ليا في شعري عفااك
ياسر:حتى انا..
غيثة:وخا وليداتي..
رياض: وانا
غيثة: وصافي نتا راه ديما كتنعس عليها غالبا...خليهم هما..
رياض: اه لو كانت بنتي كبيرة لو متخليش باباها هاكة..
غيثة:بنتك منين تكبر علمها ليها ديرها ليك
ياسين وياسر(بنعاس):غتلعب في شعرنا حتى حنا
رياض: هاد ولادك...
غيثة: تصبحوا على خير اوليداتي تصبح على خير ارذوجاني
رياض: ونتي من اهلو اروحي...
رعد: فين انا...
ادهم: وأخيرا فقتي خلعتنا عليك
رعد:ماشي اول مرة غنتصاب
ادهم: ولكن باش تغيب لجوج سيمانات متواصلة لا...
رعد: اسبوعان؟
ادهم: كيف سمعتي...
رعد:اح رجلي...
ادهم: فين غادي يلاه فقتي..
رعد: درصاف فين هي.. ؟
ادهم: وغير تبث علاش وقفتي
رعد( رجع تكا فوق سريرو بألم كبير ): اه
ادهم: دويت معاك
طبيب: هاد ايام خاص تعطي لنفسك راحة
رعد: امتا غنخرج ..
طبيب:اء
رعد: بغيت نعرف امتا غنخرج..
طبيب: اسبوع....
رعد: صافي.....
ادهم:نخليك خاص نمشي دابا...(غمز لطبيب باش يتبعوا ) سمع من الأحسن متخبروش بحالة الصهباء حيث غيأدي لنفسوا الخطر خليه غير حتى يبرا...
رعد: درصاف فين هو خالي مجاوبنيش ااحح..
٢٠
بعد مرور شهر وتهرب الكل من سؤال رعد فين هي درصاف الأمر لصبح كيزعجوا وقرر يرجع لOFC من بعد مانتهت فترة راحة لكانت 3شهور ولكن شهر كان كافي ليه
زيد:يوم غيكون تكريمك على انجازك .. نتا لبقيتي...
رعد: أنا لبغيت هو نعرف جواب واحد لكتهربوا منو فين هي درصاف
زيد:حتى نتا اصاحبي..حتى حنا توحشناك كلشي كيتسناك تم هاهو الرئيس جاي
رعد(قلب عينيه بملل): حتى حد مابغى يجاوبني وخا...
ادهم؛ رعد يلاه كلشي كينتاظرك
رعد: مبغيتش تكريم حتى حاجة لكيهمني درصاف فينها...سناء جاوبني
سناء(نظرات لأدهم): خاصوا يعرف في الأخير هو مدربها
رعد(بغضب): شنو؟واقع شنو خاصني نوقع
ادهم: منين خرجتي من الباب مخرجاتش درصاف خرجتي بوحدك
رعد(رمقوا بصدمة ): شنو؟كتعني شنووو وقع ليهاااااا...
ادهم: طاح عليها رف...وقدر زيك يخرجها ومن ديك ليلة وهي فاقدة وعيها ودخلات في غيبوبة ....
رعد: علاش هادشي مفارسيش علاااااش
زيد: حيث عارفين راسك قاصح وكنتي مزال مضروب...
رعد: فين هي في اشمن مستشفى
باترا: ولكن تكريم..
رعد: الله يلعن***** بو هاد التكريم... فين هيييي فييين
ادهم: نفس مستشفى لكنتي راقد فيه..
رعد(استادر للخلف وعد خطواتو نحو سيارتو...وعفط عفطة وحدة لمستشفى.... نزل وهو كيبحث على غرفتها ): درصاف وهابي في اشمن غرفة متواجدة
موظفة الاستعلامات : رقم غرفة27
صعد رياض نحو طابق... ثاني من بعد ماتجاوز الأول...كان هاد الاخير(طابق ): شبه صامت وغير صوت السيفون لكتسمع لمح طفل صغير واقف امان احد الغرف..
رعد:شنو كديرو هنا فين هما والديك
الطفل(كيرمق رعد بنظرة باردة وحاقدة)
رعد: شنو سميتك وكيفاش جيتي هنا
الطفل(نفس النظرة واكتفى فقط بالنظر لعينين رعد .)
طبيب: هو هاكة على نفس حالة...
رعد:فين هي غرفة 27
طبيب: غتلقاها في هاد جهة
سرع رعد نحو الوجهة وكيبحث على درصاف..اسمك مكانوا منين رمقها من النافذة فوق سريرها .. دخل الغرفة ببطء وهو على امل صغير من أنها تستيقظ.
رعد: درصاف درصاف
درصاف(لا رد)
رعد: لمفقتيش دابا ووقفتي من تمثيلك غنعاقبك اسوء واشد عقاب
درصاف( لا رد)
رعد(جلس في الكرسي الطبي بصدمة وهو كيراقبها جسد بدون حراك... مسك يدها ): درصاف.. نوضي درصاف...(زحزح عينيه نحو وجهها آثار جروح لازالت مختفاتش مسح على شعرها بحزن ).: محميتكش.. موفيتش بكلمتي ليك ولعائلتك في الأخير اليخاندرو وخا مات...
وضع رأسو بلوم فوق السرير..شعر بيد فوق كتفو التافت ولمح طبيب
طبيب: كنظن عرفتي حقيقة مسيو الفارسي
رعد(نظرو مثبت على درصاف): امتا؟ غتفيق
طبيب:صراحة معرفتش تم اثبات انها سقطات على حديدة ومنكذبش عليك غدخل مدة طويلة في هود غيبوبة عام أو عامين عشر سنين وكثر
رعد: كاين احتمال تبقى هاكة طوال حياتها
طبيب: للأسف حتى هو ضمن احتمالات..ولفاقت راه اشبه بالمعجزة