#سلالة العنفوان...ذنب عينيك
الذنب 33
رواية...ذنب عينيك...سلالة العنفوان
منقول للكاتبه...نور سمو العراق
💔💔💔💔💔💔💔💔💔💔
أتيت ..وأنا لا أعلم ما هذه الدنيا؟....هل هي مؤلمة؟ هل بها ما يكفي من الجروح؟
آه ... آه... وكل الآهات لن تعبر عن ألمٍ قد سكن في داخلي.. ولن تخفف... فما العمل؟ إلى أين سأذهب وأنا أرى العالم صغيرٌ على وسعه.. وأنا أرى الأماكن كلها مغلقة في وجهي رغم طرقها الكثيرة.... كيف سأخرج من دوامتي التي أعيش فيها..
....................................
قربى..
حالتي بعد مرور اسبوعين تقريبا شويه خفت عليه الحمد لله صرت احسن من قبل رغم لحد الان عندي رغبه كبيره بأخذ الحبوب ودا احس الحبوب الي انطاهم اليه ذياب مو نفس ذنيج...
ذياب اليوم راح عرس اخته جنت اتمنئ يكول امشي ويايه رغم اني مريضه و شكلي تعبان حتئ شعري مهوس بس ما اعرف ليش حبيت اروح
هو خطيه من اجه ما قصر اخذني وياه وطلعني لشط العرب والكورنيش دائما ما يقصر وياي...
واكيد ما أخذني لعرس اخته لان مريضه لو ما مريضه جان اخذني...
من استقرت حالتي شويه ضل فاروق ما يقفل الغرفه عليه مثل قبل وهذا الي فرحني...
طلعت امشي علئ اطراف اصابعي ردت اروح للحمام اغسل وما ردت اكعد فاروق وسوزان
سبحت وكملت واسمع صوتهم بالمطبخ استوقفني صوت سوزان المايع وهي دكول...ما اعرف شلون ذيب كسر بعهد جدو وزواجه بالسر بالنسبه لجدو باطل اعتقد المتضرر الوحيد هي قربى...لان جدو ما يقبل بزواج الغريبه
ما فهمت كلامها وعقدت حواجبي شدتحجي شنو عهد شنو متضرر
ركزت اكثر رد عليها فاروق...ان شاء الله ماكو متضرر لان ذيب يحب قربى حيل ما اعتقد الي يحب ياذي حبيبه حتئ وان انفرضت عليه فريال...
جاوبته بعدم مبالاة ...هماتين صحيح لعد هسه انت مو متحبني فشوف تصرفاتك ويايه واذيتك اليه...
هو تقرب منها وحضنها ويشم بيها وهي مقابله تدفع بي من شفتهم وجهي صار نار وخليت و رحت بسرعه دخلت للغرفه وقفلتها...
مسحت وجهي بتوتر شنو يعني جده معاهده يتزوج بنت عمه وفريال مدري بسطال تحبه او مفروضه عليه
اني دائما من احجي
وياه اشوفه يتردد عن الكلام باهله معقوله لان جده ميقبل واحد من افراد عائلته يتزوج غريبه!!
ولهذا السبب هو باعدني عنهم ؟ زين ليش والله اني حبيته وهو يحبني ...
ترك بداخلي احساس كل يوم يكبر ويكبر مجرد ان اباوع لعيونه ينزال عني كل التعب...
وكل يوم يحسسني اني طفله صغيره وأحلامي ما تتحقق اله وياة
وصلت لحاله اثق بي وما اثق بنفسي وتغيرت الاحوال جنت ما عندي ثقه بي ولا بأي واحد
عضيت على شفايفي...لا مستحيل اكيد يتقبلوني موضوع عابر ما اعتقد تكون اكو مشاكل بالبدايه اي بس بعيد يتغير الوضع ويتقبلون
رفعت عيوني ليفوك اتفاده نزول الدموع ...وراسي لحد الان ياذيني ولحكه زادت من سمعت بهذا الموضوع بس دا اصبر بنفسي واكذب الحقيقه
واني اكول ليش دائما من اسأله يتشرد ثاري هذا الموضوع الي زاعجه اني لازم اسوي فد شئ
لازم اتعمق بي اكثر واخلي يعشقني لان اني ما عندي احد غيره بهاي الدنيا ومن دونه اضيع
ما اصير بومه وبس ابجي وبس مريضه لازم ادوس علئ نفسي واحاول اكون بخير واساعد نفسي حتئ ما يضوج مني...
هو مو ذنبه اذا حبني بس لحد الان مفهمت ليش بقانون عشيرتهم ما يأخذون غريبه ولا عرفت علاقته ببنت عمه...
ما احب اسأله بس احاول اسحب الكلام من سوزان والله كريم...
ضليت بحيره من امري اني بطبعي ابد مو انانية بس بذياب لا انانية ونص مستحيل اخسره الا اذا هو ما رادني...
...........
فلفله...
من سمعت كلام قتيبه و اختو ما اعرف هاجست كلامو غلط
اخذت حفصه وصعدت لغرقة جدتي وهي تصيح..اووه وئام لا تجرجين بيه شرايده
دفعتها وصكيت لباب...احجي
ولج شصاير بغيابي عروس
وبدلتي ما كدرت اراقب !
نفخت بملل...اول شئ فريال حجت ويه اختها و وفاء وكالت الها وين ذيب وذيج ردت عليها يسبح بغرفة جدتي..
وفريال دخلت الغرفة جدتي وسدت الباب و وره نص ساعه طلعت وهي تعدل بحمرتها وتبتسم
حركت اديها بحراره..يوووول مو منظر يخزيي جانت لابسه فستان احمر فيزون وضيگ علئ جسمها وكصير وصدرها طالع تجنن انه المره دخت بيها الله يساعد ذيب هههه
ضربتها علئ كتفها بقهر...الله يخزيج يووول ما عرفتي شسوو
رفعت اكتافها بعدم معرفه...انه شغرفني بس مبين شئ ثكيل لان طلعت تعدل بفستانها وتدحك يمنه ويسرى وتسمح بشفايفها وتعدل بحمرتها...
قلصت عيونها بتركيز وتفكير...انه اعتقد بايسها ول ول والله عيب هساع انه عليش عود استحي من قتيبه عليش ما اصير مثل فريال هيج جريئة
ضربتها علئ راسها...انجبي هيي مصكوعه شتصيرين مثلها هي زايحه الخجل انتي شمالج
رفعت حاجب...ما ادري اثير غيرة قتيبه مثل ما تسوي اختو بخويه ههههه
همست...تحبين قتيبه ؟
جرت نفس...اي احبووو
كشرت عن ملامحي...ايييع ششفتي منو شواربو جنه لمة مال نمل واكفين بعرس اخوهم الجبير
ضربتني بزعل...لا تعيبين عليه احبو وهو زوجي وبعدين هو احله من عمر علئ الاقل قتيبه اشكر وعيونو صفر
جاوبت ببرود...مثل مواصفات الشمبانزي
كعدت علئ الجربايه وكتفت اديه وبوزت عود زعلانه
كعدت يمها...اكلج ما سمعتي الشيوخ شنو حجو ويه ذياب
جرت نفس...سمعت يووول سمعت هم طلبو منو يتزوج فريال وهو وافق
انصدمت...بهل سرعه ؟
كالت...هاااا لا اجيت علئ الأخير علئ الموافقه
غميتها وخليت وطلعت خبله ما فهم منها شئ طبعا حفصه تتمنه فريال تتزوج ذياب لان هي تتزوج قتيبه...
هي هم حقها ما تريد مشاكل لان اذا خرب زواج فريال من ذيب راح يخرب زواج قتيبه من حفصه
شفت الناس طلعت وذياب يدخن بجكارتو وخلصت بده بالثانية...
تنهدت انتضرت شويه تفرغ الحديقه واستفسر منه
والله شويه ورحت الو حجيت بهدوء...شلونك ذيب
دحك عليه وجر نفس من جكارتو رد عليه..زين
بلعت ريكي بفشله...جنت اعرف الشيوخ راح يخلونك توافق ويفشلونك جنت اريد اكلك بس ما لحكت عبالي بالعرس يحجون وياك وكلت احجيلك اليوم باليل ما اعرف
بالحنه...
رد عليه بذهول...جان حجيتي يوول والله لو اعرف هيج ما جان اجيت
بلعت ريكي بتوتر...كتلك مصار مجال صدك شوكت تعرسون وصدك حددتوا موعد للزواج
صفن بوجهي وبعدها رد عليه...رحمه لابوج لا تسأليني هساع روحي طالعه من عيوني
تركني وراح بس ما عرفت شنو الي دار بالديوان وشنو كلام ذيب وياهم وشلون انطه موافقته بسرعه لو جان اله رأي ثاني...
خليت ورحت نمت حضنت ابني وضميتو الصدري واني اتذكر عمر وسوالفو لحد هل حزه زعلان شلون نتزوج وهو زعلان ما اعرف...
الله يهدي ويصبرني واكدر اتعامل وياه
مشكله بشنو افكر وله بشنو بذياب وفريال وسوالفها ولا بعمر وسوالفو...
...............
سوزان...
اليوم فاروق عازم بيت جده كلهم اني
ضليت محتاره كتله ...فاروق يا عيني
يا امي لا تفشلني ويه بيت جدك روح جيب شوكات وخواشيك وسجاجين ومناديل وخليني اسوي ديكورات حلوه عيب الناس اول مره يجيونه
مقبل يكول بيت جدي ناس يحبون ياكلون بيدهم اني معليه اني عليه سويته نصحنه وما اخذ بالنصيحه وهسه يضلون يحجون عنه
راح جاب سمك هو شواه برا همزين لان لا اعرف انضفه ولا اعرف اشوي ولا اگلي اصلا كولش ما احب السمك اببد
وجاب طرشي وفاكهه وخضروات علمني طبخت مرك مال حمص ولحم وهماتين تمن...
كعدت ارتب بالفاكهه وانسق بالالوان خليت السفره للاسف ماكو ميز طعام
خليت كل ماعون ويمه خاشوكه وسجين صح شئ ميشبه شئ يعني مو نفس الدزاين بس احسن من ماكو ...
كليته رتبته وهماتين كل ماعون تمر بصفه كلاص لبن يااااي شكد حلو الترتيب بعد بس السمك والتمن المرك يعني قصدي الأكلات الرئيسيه...
دخل فاروق وريحة الدخان بي اووووع عبالك طالع من جهنم سديت خشمي ...اوووع روح اسبح شنو هل قرف
رد عليه...ولج بت الشحاطه انحمس جدي الشامخ روحي هفي علئ الجمر حتئ ينشوي الفلك السمج
ابتعدت خطوات باستنكار...يااااا ونبي ولا اروح ولا ارووح اني سوزي اهفي علئ سمك دخلي اهفي علئ روحي وانوب اكعد اهفي علئ السمج
تنهد وباوع للسفره كال...افااا ولج بت صبوحا شمسويه بالسفره زرق ورق ههههههه
ابتسمت...حلوو موو ونبي لو جايبلي مناديل وسجاجين وشوكات متشابهه جان سويت دزاين مثل دزاين المطاعم ...
تعرف شلون الف المنديل علئ السجين والجطل والفه بطريقه مثلثه تسحبه بطريقه تدل علئ اتكيتك وتاكل بهدوء وبعدها تاخذ المنديل تمسح شفايفك واديك شئ كولش حلو
ضربني علئ كتفي حسيت انحنيت بضربته...ههههه والله يا سوزان عليج سوالف تحجي
لمطي ولج موكلهم سمج زبيدي لو يغسلون بصابون الحصه كلها ما تروح ريحة السمج وانتي تردين يمسحون اديهم بمنديل ولج هسه من الزمج وامسح بيج البصرا اكو واحد يلومني...
صحت بوجهه بعصبية ...انت شبيك ما عندك ذوق اديك كولهن لعبان نفس زفر شلون هيج تضربني واني هياته سابحه وكاشخه بفستان بيبتك هسه شلون اروح ابدل من جديد
لزم وجهي بثنين اديه وطبع بوسه قااااااسيه دفعته مكدرت لزك مثل المغناطيس ولزك بحديد ...
ابتعد عني وهو مستانس واني امسح بشفايفي واسب بي واسمع صوت امه وبيبيته وجده دخلوو
سكتت عيب من اداب زيارة الخطار واحد يضل يحجي مشاكله ويتعارك
طلعت سلمت عليهم بيبتها ما شاء الله تبوس كوولش قوي مثل بوس فاروق احس خلعت رگبتي وهي عاوجتني ولازمتني من راسي وتبوس حيل
جده باسني
براسي بوسه وحده بعد ما طلعت من معركة بيبيته حسيته انقهر عليه لذلك اكتفه ببوسه وحده...
بس امه اثارت انتباهي مدت بس ايدها وسلمت يبرود وكأن اكو شئ مضايقها...
واني ما اعرف شنو صار بيه توترت حييل من وجودها ورحت يم فاروق وهو يهفي علئ السمك
بللت شفايفي..فاروق امك احسها محبتني ليش طالعه محلوه او كان اسلوبي محلو شنو الغلط الي بيه ومعجبها حتئ اذا هاي اصححها...
رد عليه...اي ضايجه لان ما مريحه ابنها وشايفه روحج عليه
جاوبته...ليش انت كلتلها ؟
رجع يهفي علئ السمج كال...لا بس اكيد تعلم كلب والده تعرف شني الي مضوج ابنها...
جريت نفس...لا فاروق صدك دا احجي
ضحك...هههه لا يبا لا تتحسسين هي أمي هيج نوعها مثل وئام ما تعبر عن مشاعرها...
خليت ورجعت حضرت التمن وطلعت قربى كالت...اساعدج ؟
اني محبيت احسسها غريبه وحبيت اخليها تتأقلم ويايه وتنسئ همها شويه كلتلها...ياريت والله
اخذت الكاسات وكعدت تصب بالمرگه وفاروق جاب السمك بعد ما شواه...
حضرنه السفره سوه وقربى سلمت بس من بعيد وفاروق كلهم...هاي قربى زوجتة ذياب
انتبهت علئ امه انخطف لونها وابتسمت الها بحنان عكس اني تباوعلي بغضب...
كالت الها بحنية...هله يمه حبيبتي شلونج ان شاء الله ذيب ما مقصر وياج
ردت عليها بهدوء وابتسامه...لا الحمد لله ما مقصر
جاوبتها ام فاروق...ان شاء الله ما يقصر وانه دوم اوصي فاروق عليج ودوم اكله لا تقصر وياها الله شاهد عليه حتئ إسألي فاروق
فاروق...اي والله دايم تسألني عنج ما ادري احس امي حيل تحبج
قربى...ههههههههههه حبيبتي خالتي والله اني همات حبيتها حسيتها مثل امي ومثل حنية امي ربي يحفظج خاله ويطول بعمرج
اشرت الها...تعاي اكعدي يمي
راحت وكعدت يمها واندمجت وياها وحده ارتاحت للثانيه واندمجن بالسوالف وام فاروق تفلس الها بالسمك وتخلي كدامها...
فاروق صاح علئ امه...يمه هذا اليوم طبخ سوزان هاي اول مره تجرب تطبخ هاي المركه شني رايج طيبه لا
اني دنكت خجلانه منها ودا اريد اعرف رأيها بطبخي
باوعتله كلتله وابتسمت مجامله...ما اكلتها والله ما احب هاي المركه
رجعت تحجي ويه قربى وتضحك واني حسيت مي بارد وانشمر عليه فشلت من يمي
بس جده كله...كلش طيبه عاشت ايدها كلش عيبتني « عجبتني »
جدته كالت...اكلك فاروغ هي هاي مريتك مو من رحنه ميت يدها وحاطه عصفورها بحضنها و دكول يدي مات غبل شوي جان ياكل مصغول
فاروق...فشلينه بعد فشلينه ولج جده اسكتي لا مو هي ذيج غيرها
بيبيته...ولك يا خايب جااا شلون ما اعرفها جااا غير هاي الخلصتها علينه يدو ما يدو ...
اردفت بتركيز...يااااع انوب لابسه من هدمي جااا انت مو كلت ماخذ هدومج لوحده ميت ريلها وعدها يتامه انوب جايبهن لسيان مدري صوزان
اني كوولش انقهرت اني بعمري ما اذيت اي شخص ما اعرف لويش هيج امه حتئ ما طلت بوجهي وبيبته تحجي عن ملابسها لان لابستهن
اجيت اطلع من الغرفه لان اختنكت ممتعوده علئ هيج اسلوب بس حاولت اصبر نفسي محلوه ازعل وهم خطار عدنا
ابتسمت.. لعفو بيبي هو صح فاروق اخذهن لوحده زوجها بخيل ميشتريلها جحف بين قوسين بس اني عجبني هذا واخذته وانتي ما شاء الله ذوقج حلو
ردت عليه بضحكه وفرح...انه هدومي كلها تينن « تجنن » كلها متعجبه شلون هيج ثوابتي حلوه منين ايبهن « اجيبهن » ومنين اكصن بس انه اكصن من اي سوك بس ضوقي « ذوقي » حلو هن ما عندهن ضوق...
ابتسمت ...اي ما شاء الله كولش حلو فعلا الناس اذواق
درت وجهي علئ فاروق وخزرته...ورجعت اكل بهدوء
هم كملو وشربو جاي وديرحون امه اجتني للمطبخ دا اصب جاي كالت...سوزان
درت وجهي عليها وابتسمت...هااا باجي محتاجه شئ ؟
جاوبتب حده ...ابتعدي عن ابني فاروق انه ما اريد اناسب من نسل لشامخ واشوف دم سنوني وما اشوف صبيحه مو انوب ازوج ابني وحيدي لبت صبيحه
بهتت ملامحي وبلعت ريكي بغصه ...
باجي انتي فاهمه غلط ترا ابنج خطفني من جامعتي ياريت والله لو تحجين وياه يرجعني لحضن ماما
باوعتلي
بنظره ما عرفت شلون افسرها وخلت وراحت
خليت ورحت دخلت الغرفتي وما اعرف شنو الي صار بيه دا ابجي عزا اني دا ابجي
حضنت وجهي بكفوف اديه وبجيت حييل ممتحمله اسلوبها ويايه اني شنو ذنبي فوك ما ابنها ذلني هنايه مذله لبسني خراكين جدته وانوب مخلصها عليه باذنجان وتالي
محسستني ماخذه ابنها منها...
دخل من شافني ابجي استغرب كال...سوزان شبيج ليش تبجين اكو واحد حجه وياج ؟
شهكت ببكاء ومجاوبته بس محتضنه نفسي وابجي...
تقرب مني راد يحضني واني عطت بي...فاروق ابتعد عني احسن ونبي اقتل نفسي
سحبني غصب عني وهو يمسح علئ راسي دفعته حاولت ابعد عنه ما كدرت شكيت منه وعليه حجيت شنو بداخلي لا عيشتي مثل عيشته ولا اكدر اتاقلم وياه
مسح علئ وجهي وباس راسي كال...مو وعدتج والله بس طيب مرة ذياب ارجعج لامج ادري تعبتج هواي
همست ببكاء...بس اني ما اكدر اريد ملابسي اريد اطلع اشوف اهلي صديقاتي محلو هيج حابسني...
مسح دموعي كال...اي مو كتلج راح ارجعج والله واطلكج وعيشي حياتج
مسحت دموعي بقسوة وكلام امه لحد الان يتردد باذاني ليش هيج تعاملني وتحجي ويايه ونبي ما الي ذنب بأي شئ صار...
.........................
قربى...
ام فاروق ما شاء الله عليها كلش حبابه ولطيفه حبتني حييل واني هماتين حبيتها وعبالك مثل حنان امي
وصتني كالت..ذيب عاقد عليج لو لا اذا معاقد خلي يعقد محكمه
جاوبتهل بحيرة...ما يكدر خاله لان اني جنت سجينه واهلي عليهم تهمه واخويه لحد الان مطلوب وانتي تعرفين الضابط اذا بتزوج لازم يقدم طلب
1