"Landi ninyo." Umarangkada na naman si Valeen na ang aga-aga, kami ang pinapansin. "May label na ba kayo?"
"What label?" Saktong kadarating lang ni Jo. Imbes na dumiretso siya sa sa sariling pwesto ay kumuha siya ng bakanteng armchair at naki-circle sa amin nina West. Kasama namin si East pero ewan ko ba, parang ang tamlay niya. Siguro kasi missing in action pa si Lucy. "Good morning!"
"Label ng garapon." Wala sa hulog na sagot ni Val.
"Huh?"
"Hakdog."
Natawa ako kahit hindi naman talaga nakakatawa. Sa mukha kasi ako ng best friend ko natatawa. Akala mo sira na ang araw.
"Aga-aga inaaway ako ni baby." Jo pouted her lips. Lumapit siya kay West at niyapos ito sa braso pero naitulak lang siya sa mukha ng mahina. "Hindi mo 'ko love, West? Makalayo ka sa akin."
"May magseselos." Lumingon sa akin si West.
Kahit hindi naman ako nagseselos?
"Aga, ah. Nakakainit ng ulo." Bwelta ni Val.
"Loyal ako sa'yo, Fabregas, my love, so sweet, so sungit—"
"Luh, Martinez epal."
Kulit ng dalawang 'to. Feeling ko na rin tuloy bagay silang dalawa lalo. Paano kasi, hindi naman ganyan si Val, halos lahat yata makakasundo niya pero for some reason ay hindi niya talaga bet maging mabait kay Jo.
Bumalik na naman ang tingin ko kay East na kasama nga namin pero panay ang tingin sa phone. Ang seryoso niya ngayon tingnan,
Kung wala lang si West, iisipin ko na siya yung kambal niya. Nakakahiya naman if ever na lapitan ko siya tapos si East pala siya.
Hinawakan ko sa manggas ng uniform si West para palapitin siya sa akin. Inilapit ko ang bibig sa tainga niya. "Okay lang ba kapatid mo?"
Tumingin siya sa akin. "She'll be fine."
Tumango na lang ako at hindi na nagtanong.
"Wait, who'll get jealous pala?" Napakamot ako sa ulo nang magtanong si Jo, mukhang na-pick up niya yung sinabi ni West kanina lang. Nilingon niya si West—na tumingin naman sa akin—kaya pati si Jo ay tinitigan ako. Biglang nanlaki ang mata niya after ilang seconds. "Oh! Oh, my gosh! Wait, hindi 'to yuri bait, 'di ba? Tama naiisip ko?"
"Girl, si West, mangb-bait? Saan banda?" Ang sarcastic na tugon ni Valeen sa kanya.
Binelatan siya ni Jo, halatang immune na ro'n sa best friend kong akala mo naman in born nang masungit, eh, isa rin siyang saltik-saltik. "Wait, bakit hindi ko alam! Omg, kayo na ba!"
"Not yet, hindi ko pa siya sinasagot.'
"Oh...oh..." Ngiting-ngiti si Jo habang tinititigan ako. Hindi ko tuloy alam kung magr-react ako o magtatago, o magpapanggap na small thing lang yung nangyayari. Pero naiilang ako sa titig niya! "You had it in you pala, ah, Ella. You're so strong!"
"Ah," Tumawa ako pero naging awkward ang dating no'n. "T-thank you."
"This is a big news." Bigla siyang tumayo. "Classmates—!"
Napatingin yung mga kaklase namin sa kanya. Kaagad siyang nahila ni West paupo habang takip-takip naman ni Val ang bibig niya. Parang nag-palpitate ako saglit. Jusko, ia-announce niya ba talaga? Baka wala na akong mukhang maiharap kung sakali!
"Loka ka ba?" Naeeskandalong tanong ni Valeen. "Gusto mong ma-brokenhearted lahat ng may crush kay West? Tingnan mo naman nakabingwit," Tiningnan niya ako mula ulo hanggang paa. "Kamukha ni Jollibee!"
Wow. Akala ko talaga. Naiiritang hinila ko siya sa uniform bago batukan, napangiwi naman siya pero natawa rin kaagad. "Maka-jollibee talaga!"
"Pero I really thought ikaw ang nanliligaw, baby." Sabi ni Jo kay Valeen na nag-make face dahil sa endearment sa kanya, akala mo nagk-kombulsyon. "But that's good! Ibig sabihin you can court me na."
"Luh, okay ka lang?" Parang offended pa itong best friend ko sa sinabi no'ng isa. "Asa naman. Hindi kita type."
Julliana shrugged her shoulders. "Your loss. Sa ganda kong ito?"
"Saan banda?"
"Your loss talaga."
--
Hindi natapos nina Via and East ang klase dahil nagpa-excuse sila na pinayagan naman ng teacher. Hindi ko alam kung bakit sabay sila pero parehas silang mukhang nagp-panic and worried. Kami na lang ni West ang magkasama, sina Jo ay kanina pa nauna habang hila-hila si Valeen. Magd-date daw sila kahit parang hindi naman, mukha kasing agrabyado yung isa, na well, sino pa nga ba? Pabebe ng butiking 'yon tapos ang dami-dami sinasabi kapag involve ako.
Nasa may vacant room kami at parehas nakaupo sa armchair na nandito, tanaw ko rito mula sa loob yung pagbabago ng kulay ng langit since late afternoon na. Napatingin ako kay West na focus sa cellphone niya, gagawa raw siya ng update. Hanggang ngayon parang hindi pa rin ako makapaniwala na may understanding na kami sa feelings ng isa't isa, at saka nililigawan ko na siya─kahit parang hindi naman obvious na nanliligaw ako.
Nag-search pa ako sa Google kagabi kung paano manligaw kaso kung anu-ano naman ang nabasa ko, puro dapat i-treat mo si girl as someone special, ilibre mo, i-date mo, effort-an mo like ihatid-sundo mo, at marami pang iba. Parang bago pa yata ako sagutin ni West, eh, ubos na baon ko pati ideas ko.
Paano ba manligaw kapag highschool ka pa lang? Tapos, paano kapag parehas kayong babae? Sa salon kami, gano'n? Sabay kami magpa-rebond o kaya shopping-shopping-shopping.
Kung titingnan, hindi naman materialistic si West, parehas lang din kaming indoor type, duda ako sa mga gusto niya gawin sa buhay aside sa magsulat, maglaro ng games, at magmuni-muni. Pero sure ako na kapag inaya ko siya, sasama siya. Introvert siya pero marunong siya mag-enjoy sa mga bagay na labas sa comfort zone niya, iyon lang naman ang tingin ko.
"Are you bored, Ella?"
Umiling ako. Weird lang na kahit hindi kami nagkikibuan, okay lang sa akin and comfortable. Parang kahit panoorin ko lang siya, no problemo. "Mahirap ba magsulat?"
"Oo, pero minsan depende sa theme ng kwento mo." sagot niya. "It's just sometimes, we ran out of ideas, or we're too demotivated to write. It's not always the high."
"Anong ginagawa mo kapag naw-writer's block ka?"
"Nagr-relax." Ngumiti siya. Ibinaba niya ang phone para lang abutin ang kamay ko. Para akong ewan dahil basta na lang bumilis ang tibok ng puso ko, kahit mukha ko ramdam ko na mainit. Jusko, ano na, girl? Kaya mo pa? Paano kapag kayo na talaga? "Minsan nalabas ako to take a walk, or I'll just go and observe people. Minsan tambay sa coffeeshop, nakiki-waitress. Sometimes makikigawa ako ng kape."
"Marunong ka mag-brew?" Parang na-amaze naman ako, bigla kong naalala yung napanood kong kdrama dati, Coffee Prince yata ang title, ang gwapo kasi no'ng bidang lalaki ro'n, tapos cute din ng partner niya. Para akong baliw na bigla na lang na-imagine si West na nakasuot ng pang-coffeeshop attire, shems!
"Pagtimpla kita next time?" Mabilis akong tumango. She clicked the roof of her tongue bago tumango, at ngumiti ng cute. Para siyang bata, kagigil. "Minsan pinagtitimpla ko si Ate North and Ate South, si East kasi bawal 'yon sa kape, baka matuluyan."
"Pero 'di ba, yung isang story mo na about sa'yo tsaka kay Jamaica, bakit mo pa ginawan ng kwento? Curious lang ako." Ever since kasi na nasabi niyang about sa kanila yung story, somehow ay nag-sink na sa akin yung mga naganap sa kwento, parang similar siya na hindi. Kumbaga, alam ko naman na hindi ganoon ka-extreme yung naging feelings niya kay Jam pero dahil doon, nabuo yung kwento na inaabangan naming mga readers niya.
"It's a sort of resolution, a conclusion, or pwede ring what ifs." Nilaru-laro niya ang kamay ko, mina-massage niya, minsan naman ay i-intertwine niya sa kanya tapos is-squeeze ng mahina. Nad-distract tuloy ako. "It's not like I'm letting things happen just for the sake of having my writing materials. I'm just trying to make peace with my emotions, with the people around me, without having the need of confronting them. Hindi ko alam kung paano siya ie-explain sa way na mas understandable, pero let's just say na remembrance siya, na it's too appreciate what happened, what's happening, and probably what will happens next."
Nakatingin lang ako sa kanya and ganoon din siya. Hindi ko alam kung bakit parang nag-gets ko siya, na kahit ako, hindi ko rin ma-explain pero alam ko kung saan nanggagaling yung sinasabi niya.
"Writing is my outlet, pero bukod doon, parte ng pagkatao ko ang pagsusulat and tingin ko ganoon din 'yon para sa lahat─even if it's not writing. In everything you do, you always leave a part of yourself."
Somehow, nagkakaroon ako ng deeper understanding kung bakit kahit na kilala siyang writer sa Wattpad, hindi siya nag-a-aim ng kahit ano. For example, ang maging published author, mga ganoong opportunity. Siguro kasi bata pa kami, and yung mga gano'ng goal, hindi para sa lahat. Iba-iba lang mga gusto natin. Kuntento na siya sa kinalalagyan niya ngayon much to the point na kahit ang daming humahanga sa kanya, tuloy lang siya sa passion niya, hindi dahil sa nagiging snob lang siya. Siguro kasi gusto niya lang talaga magsulat kahit hindi siya makipag-interact sa kahit na kanino.
Pero yung mabasa pa lang ng readers niya bawat update niya, feeling ko interaction na 'yon. O baka bias lang ako kasi kilala ko siya.
"Inlab na yata ako sa'yo," Pabirong sabi ko na sinundan ko pa ng tawa kasi no'ng sinabi ko 'yon, parang naramdaman ko talaga nagpakitang gilas ang heartbeat ko. Na parang may hint ng truth sa sinabi ko. Pero paano ko ba malalaman kung more than like na 'to? Natigilan lang ako nang mapansin kong namumula siya. Omg. "A-ang mature mo, tapos, ano, ang talented mo rin."
Shems, parang ang awkward na ewan─pero ang cute niya, nakakaiyak. Blush 'yon, 'di ba? Hindi lang dahil sa mainit? Kasi hindi naman na mainit, eh.
"You're cute. Baka sagutin kaagad kita." Tumawa siya ng mahina, pati 'yon walang kupas, sarap sa ears. Tinago niya ang phone sa bag bago tumayo, hindi pa rin niya binibitawan ang kamay ko. Hinila niya ako ng marahan hanggang mapadikit ako sa kanya. "Hatid na kita pauwi."
"Huh?" Kumunot ang noo ko. "Ako ang nanliligaw, bakit ikaw maghahatid sa akin? Ako dapat."
"I don't think there's any rule na bawal maghatid ng manliligaw."
_____