سلالة العنفوان ..(ذنب عيناك)

الذنب السابع عشر

الذنب 17

 

الذنب السابع عشر

رواية...ذنب عينيك..سلالة العنفوان
منقوله للكاتبه...نور سمو العراق
💔💔💔💔💔💔💔💔💔💔
‏" لن يشعر أحد بما تشعر به
حتى لو أمضيت ساعات
تشرح لهم شعورك وما تمر به
إياك إياك أن تلجأ لصدور الخلق
لتنفض عن نفسك غبار الكتمان
فصدورهم أضيق من أن تتحمل زفراتك
ليكن الله ملاذك هو يحل على صدرك
برد الاطمئنان فقط قل " يــارب "
-
..........................................
بعد ما طلعنه اني وياه من بعد احلام بشعه تراودني وتخنگني...احن لارواح راحت احن لارواح ضاعت..
الأم مدفونه والأم مفضوحه ...احلام لا يمكن تحقق مثل السراب...
جان يسوق بسرعه والجو ظلام وبس حفيف الاشجار عبالك نمشي بغابه وصوت الذيابه يملي المكان
رجف جسمي اكثر من مره خفت حييل جنت اباوعله وهو يسوق للحظات صارت عندي ردة فعل...
اني بصراحه اكرهه كل الضباط وكل وأحد ينتمي للجيش من بعد ما شفتهم وشفت حقارتهم
بس هو ساعدني وما قصر ...
وصلنه الشط العرب صوت الهوا وهو يداعب البحر كولش حلوو جانت التماثيل مشيده كدام الشط تماثيل شهداء حرب إيران...
وكفت هو صار ورأيه حضن اكتافي كال...ما احب الهواء يلعب بشعرج
باوعتله ابتسمت بس سكتت مجاوبته سألني...عليش انهرتي انتي شنو شفتي احجيلي وفتحي كلبج
درت وجهي عليه والدمعه بعيني تنفست بصعوبه كتله...احلام ترادوني عن اهلي عن عذابهم احسهم مو بخير حلم ثاني يراوني عن شخص يعتدي عليه وينتهكني...يخليني انهار واملخ شعري واشلعه من جذوره وما اصدك عن الي صار...
حلم يراوني ...انت تضربني واموت بين اديك
فتح عيونه مصدوم...انه؟ انه مستحييل ااذيج انتي شتحجين ؟ انه ادري بيج مريضه وتهلوسين واحلامج هاي اضغاث احلام ...
ركزت بعيونه ...رغم باحلامي تخوفني بس بالواقع انت غير ليش باحلامي انت شكل وبالواقع شكل ثاني...
احتضن وجهي بكفوف اديه كال...انه مو صاحب وجهين ما اعرف عليش هيج حلم يراودج احتمال يكون انتي لحد الان ما عندج ثقه بيه...
نزلت عيوني والدموع تتساقط بدون سابق انذار...سيدي شفت بعيوني شلون عذبو اهلي حركو مكتبة اخويه هدمو بيت اهلي نفسهم الي عذبونه انت تنتمي الهم
رفعت عيوني ليفوك امنع دموعي من النزول مسحت عيوني بقسوة هو سحب ايدي ومسح دموعي بحنان...
لا يا قربان لو خليت قلبت مو كل واحد ينتمي للدوله معناها عار وما عندو ذمه وضمير
انه رجال مخلي الله بين عيوني عندي اخوات وعندي اهل اخاف الله بيهم مثل ما اخاف الله باهلي خافو بباقي الناس...
صحيح انه وياج اكو وادم چثيره طغت وتفرعنت وتهمت ناس ابرياء باطل بسبب عداوه او اي شئ..و
ناس نعدمت وناس تعذبت بالسجون وناس انفت وناس انطمرت جوه الارض اي واحد يزحزح الامن يتعاقب..
بس انتي يا قربان عدوكم منكم وبيكم
عدوكم مو غريب ..
شهكت...قصدك عمي؟
جر نفس...انه ما اريد احجي شئ وبعدها اندم عليه يجي يوم للطاغي وهو ينفضح انه ردت اعرف لمخبر عن سليم لكن للاسف الاستخبارات رفعو اسمو...بس انه لحكت عليج انتي
جانت المشتكيه بنيه اسمها شيرين هي معلمه وحزبية وترفعت صارت معاونه بسبب تجسيها عليج وتقديم دعوة ضدج واتهامج بالانتماء لحزب البعث
شهكت مصدومه صكيت اسناني...لااا يا حقيره يا كلبه تصعد علئ اجتافي يوم تعاركت وياها ثاني يوم تروح تحبر عني واني خطيبة اخوها...
بس بسيطه والله لو يضل يوم بعمري والله اذا ما ندمتها وانتقمت لنفسي علئ هاي فعلتها ما اطلع قربى ...
هزيت راسي بوعيد...اني الي تعذبت شهور بالسجن انفرادي جوع وعطش ذله ومهانه انتهاك اعراض كله بسببها...
رد كال...هم انرفع اسمها وضل المخبر مجهول المهم كتلج الجلاب منكم وبيكم ولازم اعرف مكان سليم
باوعتله بشك خفت تكون لعبه منه ويكون جاسوس هو الثاني واتزوجني وتقرب مني بس حتئ يحصل علئ سليم
ضليت صافنه بوجهه واني شاده علئ شفايفي ومقهورة وعيوني تلمع بالدموع جان بودي اصارحه وافتهم هو جاسوس لو شنوو
ابتسم وتقرب مني مسح علئ شعري كال...ادري بشنو تفكرين تضنين انه جاسوس حقج ما الومج لان اقرب الناس غدروج
قطعت كلامه...شنو الي يخليك تساعدني وتخاطر بوظيفتك ونفسك لخاطري
رفع اكتافه بعدم معرفه...ما اعرف انه ما عندي جواب لنفسي بس هاجست ان انتي تهميني اكثر من غيرج وانتي مضلومه واهلج كذلك من هذا الباب حبيت اساعدج
جاوبته...بس هذا ما يعني انك تتزوجني بالسر !
ابتسم...لا زواجي بي غايات چثيره واولها تحدي لفياض انه داخل معركه يا اما اكون خسران يا ربحان وانه ما اريد اكون خسران
رديت...ليش تحجي بالالغاز افتحلي كلبك
جر نفس...الكلام چثير يا قربان وانه ما اكدر افصح عن كلشي انتي باين عليج وحده متهوره وانه اريد اطبخها عدل واحافظ عليج...
انه لو ما خطبتج تردين شصار اي عجل انتي ما تدرين بالتخطيط والمؤامرات جان رجعوج لبغداد ومصيرج يصير مثل مصير ام يوسف
لان كل واحد يهاجس فياض خطر علئ حياتو يزيلو من حياتو حتئ لو كلفو هل شئ سحب روحو من صدرو
انتي ضليتي هينا حلقة وصل انتي الوحيده من تارثت ابو سليم الي راح تبين الحقائق وكل شئ صار
ومدام انتي من نسل ابو سليم تعتبرين عثرة بطريق الفياض لذلك الموت محتم عليج
حطيت ايدي علئ صدري بخوف شديد لزم ايدي وباسها ابتسم بحزن كال...انه عليش ما اسولفلج ادري راح تخافين لذلك اريد اقوي عودج واحجيلج عن الصار ...
سألته بترقب...معقوله عمي يكتلني زين ليش اعتبر عثرة بطريقه شنو السر
حط ايده علئ شفايفي كال...اشششش اسكتي لا تحجين ولا تسألين حاليا السؤال محرم...
كمل بمرح...هساع عوفينا من هل مشاكل اي انتي وافقتي علئ الزواج مو هيج
ركزت بعيونه ومجاوبته هو يعرف اني ممقتنعه
كتله...انت مو كلت بس اشوفلج رجل ازوجج اله هذا اول عهد نقضت بي
جاوب ببراءة...دورت وماكوو واحد مناسب وانه ما اكدر اعوف شغلي،واضل ادورلج رجل وانتي ما ساعدتيني وشفتيلج رجل...
جاوبته بكذب...لا لكيت بس انت ما سألت
رد عليه بترقب...اي منوو ؟
ابتسمت...واحد من أهالي السيبه بنهاية العشرين وحلو
جاوب بغرور...وشيشتغل؟
جريت نفس...لا ما يشتغل هو فار من الجيش
رد بلهفه...همزين كلتيلي
ابتسمت...يعني حتسال عنه
جاوب...تا اعتقلوو عجل فار من الجيش ويريد يتزوج هاي مو حاله هاي حاله خاصه طلعو خطابتج كلهم فراريه وما بيهم حظ
ضحكت...لا سيدي لا ما قبلك لعد انت واحد من خطابتي شنو انت ما بيك خير
ما حسيت بي غير سحبني من شعري وضربني بصدره ضحكت عرفت عزفت علئ الوتر الحساس رفعت راسي واني اضحك...اتشاقه اتشاقه هههه

ثبت اصابعه بشعري وهو يخفي ابتسامته...ولج انه اهاجس من زمان انتي مو فقيره انه الفقير و مخدوع بيج
ابتسمت...ل مو فقيره اصلا اني مدا اقلل ادب وياك شرهان جن لاعبه بي لعب
كشر حه كال...وليسلمج لا تذكرين اسم هل نذل علئ اللسانج مره ثانيه اذا ذكرتو اكصو والله
جريت نفس حزين...خلي يولي اصلا ما اطيقه ولا اعترف بي
همس عند اذني برومانسية...اييي يووول اعترفي بس بية انه وبس
رفعت عيوني واباوعله ببتسامه وما اسمع اله الرمي صار علينه تهدفنه...
صرخت بصوت عالي ومفجع....يممممه راح
هو دفعني خلاني وره التمثال كعدت واني احمي نفسي وهو سحب مسدسه من خصره وضل يرمي وهم يرمون عليه
وكفت رجلية من الخووف والرعب صاير قريب مني بس اني حاميه نفسي بالتمثال وما اسمع بس صوت الرصاص...
هم جانوا بسياره وهو واكف ...للحظات من الصمت حسيت بثگل وكع عليه
صرخت مرعوبه فتحت عيوني شفته هو حاضني واني معتكفه علئ نفسي واصرخ بصوت عالي
همس بهدوء...قرباني قربان بويه انه هينا هذا انه ذياب
حطيت ايدي علئ راسي بوجع واباوعله وارجف باوعت لايده كلها دم عطت بصوت...ايدك ذياب ايييدك دم
باوعلها ببرود كال...اي بويه شطح جرحت بس الجلد مابيه شئ 
رجفت شفايفي حسيت بحراره داخل صدري واني اباوعله واتفحصه الحمد لله ما بي شئ بس ايده مو جان لابس قميص ابيض ملطخ بالدم
من سألته كال..شطح مجرد خدش بسيط اباوعله باسئ وحزن حضنته واني ابجي جان فقدته واني رغم خوفي وعدم ثقتي بس ما اريد اخسره
هو حضني ويشم بشعري بعدني شويه عني كال...شفتي هذا الحاول يغتالني من الدوله وقاصدني ومراقبني كتلج انذااال وانه ما اريد اضل بهل شغله من دخلت بيها تندمت
حطيت اصابعي علئ شفايفه واني اتلفت يمنه ويسرى...اشش لا احد يسمعك امي جانت دكول الحياطين الهن اذان ويسمعن شمدريك ما التماثيل بيها تجسس اي والله ويمكن حتئ اكو غواصين داخل الشط يتجسسون علينه
ابتسم ومسح علئ خدي لهلدرجه واصل بيج الخوف
انلجمت الحروف عندي همست...واكثر سيدي
رد عليه...كولي ذيب سمعتها منج مرتين يا قرباني
ابتسمت بحزن...اني قربان الذيب...اروح الك فدوه
حضني ...اي هيج اريدج اريد تثقين بيه وتحبيني ما اريد اشوف النفور منج و وعد مني ادللج واكف بجانبج للابد
جاوبته...ما اريد كلام اريد افعال الحب مو مهم
رد عليه...لا مهم الحب اقوئ من كل المراجل
والرجال الي يثبت حبه وانه ما راح اصير مثل غيري ما حافظ علئ حرمته وهو عنده ثنين منها
استغربت...منو هذا؟
ضحك...واحد بعدين اكلج عليه منووو
الخوف والرمي الي صار قلقني ما خلاني ارجع اسأل كتله...خلينه نروح كعدتنه هنا غلط
وكف وحط مسدسه بحزام بنطلونه كال...هاي وانه جاي اونسج هينا تاليها اجينه نموت هههه لو ضالين بالبيت مو احسن
ابتسمت مجامله وحزينه وهو مد ايده وكفني ومشينه واني أتلفت خايفه من المكان ركبنه بالسياره
مشينه مسافه وصار الرمي علينه سيارتين وحده سوبر و وحده كابرس...
وحده منهن تحاول تكسر علينه اني انهرت بس اصرخ هو صرخ بيه بصوت عالي....اسكتييي هي مصكوعه لا توريني
مد ايده ويرمي بعشوائيه هم صايرين وراه
صاح عليه...قربان مسدس ثاني تلكي بالجكمجه اخذي وارمي من ذيج الصفحه
رديت عليه بخوف...سيدي ما اعرف
رد عليه بدون تركيز ومستمر يرمي بدون شوف وضلمه وصوت الرصاص يضرب بالسياره كال..انتي طلعي المسدس هو بي رصاص بس اضغطي علئ الزناد وارمي
مديت ايدي وطلعت المسدس وايدي ترجف رد عليه...مسحوب هو بس ارمي من ذيج الجهه
ولا تطلعين جسمج وراسج بس ايدي ومو كلها افتهمتي
كعدت كعده  علئ ركبي جوه الكرسي  يعني صار وجهي للكرسي وظهري للجام ودنكت مديت ايدي ورميت حسيت جسمي كله اهتز من قوة المسدس...
وهو يباوع عليهم من جام السياره ويسوق بس جان مسيطر ضحك كال...افااا بويه مو مره فلشتي الجام
حسيت انطاني حافز ضليت ارمي بدون شوف وهو كسر ودخل بطريق صحراوي تيههم...
جنت كاعده بارضيه السياره علئ الكشن كوه داحسه نفسي وهو كاعد يسوق رفعت عيوني باوعتله وهو نزل عيونه عليه كال...عفييييه عفييييه قربان انتي ذيبه مرة ذيب...
ضحكت بمرح مخلوط بخوف...كسرت الجام مووو حل يستاهلون رميت مدري كم طلقه احس صارت عندي قوه اريد بعد ارمي
جان الجو مظلم وصحراوي وبس صوت الكلاب السايبه ...
ما اسمع بس طبه قووويه علئ القمريه مال السياره عطت بصوت عالي وعدلت كعدتي شفت الكلاب صعدت علئ السياره هجمت هجوم كاسح 
هو جان يدخن ويباوع للكلاب ببرود ومركز عليهن واني اباوعله ورجع اباوع علئ هل زمرة الهجمت من جديد عبالك احنه عايزين لونهن ابيض واصفر ومدنفشات يخوفن وكباااار
وضوء السياره ضارب عليهن وهن ينبحن بصوت قوي وحوعانات يردن ياكلن
كتله بخوف...ذيب شوف انوب الكلاب هجمت علينه ياربي طلعت السودة عليه بعدني مطلعت سويت انقلاب
باوعلي بهدوء وبرود وتارس السياره دخان من جكارته كال...طلعي ايدج وارميلج طلقه وهساع اذا ضل چلب تعاي عاتبيني
كتله بذهول...عزا اخاف يعضن ايدي
ضربني علئ كتفي بقوة حسيت كتفي انخلع كال...لا انتي ذيبه والجلاب تخاف من الذياب
فتحت الجام شويه ورميت ما رمه طلع مخلص طلق
باوعتله بخيبة امل...يااا خلص طلق عزااا ما عندك طابوكه نعال
ضحك...افتحي الجكمجه وتلكين مخزن جديد جيبي اخلي بالمسدس...
طلعت المخزن وانطيته اله هو خلاه وطلعت ايدي رميت وهن شردن بسرعه اختفن مثل لمح البصر..
ضحكت...هههه شكد حلوو حسيت نفسي قويه
وجهت المسدس عليه...سلم نفسك
ضحك كرص خصري عطت و وكع المسدس مني كال...هههه لا خوش سلمت نفسي...
تنهدت ...والله مشكله ترئ اليوم الصار ويانه مو طبيعي مرتين احنه نتعرض للاغتيال شنو معناها هذا معناه احنه مهددين بالموت ولازم ناخذ حذر...
رد عليه بغموض...انه اعرف شلون اتصرف انه لازم ارجع لبغداد تا احل هل مشكله
انه محد يعرف اجي للبصرا غير ثنين واكيد واحد منهم وكل واحد من زمرتهم تا يفتلني

لزمت ايده بقلق...اني دائما احذرك واكلك دير بالك علئ نفسك اعرف الناس شنووو ذياب اذا تزوجنا خلينا نستقر ببغداد او بالانبار حتئ اامن عليك
اني ما اخاف علئ نفسي بكد ما اخاف عليك وفعلا هسه تأكدت اذا انت متت اني اكون ضحية جديد لقاتل اهلي...
جر نفس وساق بسرعه بطريق متعرج و وعر بحيث السياره تصعد وتنزل عبالك تغوص باوعلي كال...انه ما اندل البصره وضيعت الطريق اليوم جني راح افر البصره بالطول والعرض وما راح نوصل للسيبه انه ادري هيج ما طلعت الكورنيش شط العرب...
ضل يمشي بطريق صحراوي وظلم كلبي احسه يرجف رغم تشجعت ورميت بس احس الموت محاصرنه تمنيت نوصل بسرعه خفت عليه هوايه هو بخطر وديخاطر بنفسه...
مشينه شويه هو يدخل بفرع ويطلع من فرع كال...هاي منطقه اسمها المحيله بلكي نلاگي سيطرة محلية تا نشوف وين صرنه
بعدها لتفتلي وضحك كال...مو دكولين ذيبي مطفي وضل الطريق لا بويه انه الانباى حافظه شبر شبر هي وبغداد بس البصره صعبه عليه هو البصراوي يضيع بيها...
ضميت المسدس الثاني بالجكمجه كتله...لا يابه ما اكول زين منك وطلعتنه سلامات جان متنه حتئ لو تضيعنه بطريق صحراوي بس المهم نوصل بسلام
رد عليه...اي بويه مو ترجعين وتحجين لجدتج وخالج عن الصار وترعبينهم انه اريد هذا الشئ سر بينه وان شاء الله بس نتزوج اخذج البغداد ونستقر هناك
جاوبت...لا اكيد ما احجي
وصلنه لسيطره محلية اني نزلت نفسي شويه ودرت وجهي عنهم وهو انطاهم بطاقته وهم اخذو اله التحيه لان جانت رتبته اكبر من رتبتهم وتالي خلينه ورحنه
صار وجهه الصبح واذن اذان الفجر وبعدها فترينا بشارع عام وطويل دخلنه المنطقه زراعيه وصلنه للسيبه ارتاحيت حسيت بأمان
وصلنه لبيت بيبي نزلت من السياره ودخلت للحوش لكيتهم متخبلين بيبي تلطم وخالو كاعد علئ الكرسي ولازم عوجيته وعيونه تجدح من عصبيته خفت
بيبي ركضت عليه وحضنتني...يمه يده غربه بيج شئ ليش تاخرتي كلبي مثل النار عليج
باوعت الخالو بخوف...هااا لا بس ضيعنه الطريق لان لان ذيب اخذني لكورنيش شط العرب
خالي ضرب عوجيته علئ الارض وراح دحل الغرفته بلعت ريكي بصعوبه
وعسيله ضلت تلوي بشفايفها وتلطم علئ خدها ...باجر يغسلون عارهم يماااا الله يستر علينه سوتها ام السعف وليف...
استغربت...شمسويه ؟
مرت خالي باوعتلي بعتب وخلت وراحت وره رجلها واخذت بناتها وياها
هو صفط السياره ودخل جوه نام بالاستقبال
رحنه اني وبيبي نمنه بالغرفة كلتلها...بيبي شكو شصاير
كالت...خالج لعب لعب تسودن يكول شلون تطلع ويه النغيب بدون علمي هاي تمادت هواي وانه ما اسكت ودام هيج السالفه انه احجي وياه واخلي النزله الثانية العرس
ويكول شني بت حمره صفره دش وتطلع بكيفها شني ما مش زلم وذاك الحجي كال خلي يتزوجها وين ما يردون يطلعون خلي يطلعون وانه ما ارضه بهيج شئ
وانه حاجيته لعب بيه لعب وحتئ يا يده تجاوز عليه يكول ما يصير تطلع وياه وللفجر ماكو وزعل عليج وعليه
اني صدك فشلت من كلامها ومن الي صار هم ناس عشاير ما يرضون بهذا الشئ ابد..
نمت تقريبا للعشره الصبح بعد ما صليت كعدتني بيبي كالت...يده كومي ذيب يريد يروح ويودعج
غسلت وكملت وطلعت سمعت خالي يحجي وياه ويكله...سيدي انه قررت بعد ما حجيت ويه قربى ان شاء الله النزله الجايه العرس وان شاء الله تتهنه بيها انه هم ما اريد الخطبه تطول لان مراح نستفاد بس الخراب وما اريد الناس تحجي بعرضنه
اني انصدمت معقوله خالي بهل سهوله يرضاها علئ بنته اني صح كتله اوافق بالزواج بس مو بهل سرعه صدمني من كال اني موافقه بهذا الوقت والنزله الثانيه هو اصلا ما فاتحني بالموضوع
رد عليه هو بهدوء...ان شاء الله ما تأخر عليكم بس خلي تحاول تخلص شغلاتها
خله وراح بدون ما يطلب يشوفني او يودعني واني حسيت بطلقه زرفت صدري ...
خالي ابد ما حجه ويايه وجان مطنكر عليه حيل وزعلان لان طلعت وتاخرت وسمعته يكل المرته ...انه استعجل بالزواج احسن شمدرينه ما يومين وتطلع حامل
صدك كلمته هارتني ضليت ابجي ويومين مريضه ومعتكفه علئ نفسي من كلامه ومن زعله عليه
احتاجيت لامي واهلي امي صح جانت تضربني بس تعرف مصلحتي وعمرها ما ذبتني بالنار
حتئ من خطبني شرهان وكفت سيف ودركه ورفضت رفض قاطع كالت ازوجج للجلاب وما ازوجج البيت عمتج الحقراء....
بعد اني ضليت احضر للزواج وابد ما حجيت ويه خالو ابد وجنت ضايجه منه بدل ما يسأل ليش تاخرتو صدك عقله وشنو يراودله وطلعني مو زينه
........................
فاروق...
رحت لبيت عمي اسأل عن ذياب ما لكيته استغربت هو وقت اجازته كالت جدتي مغير دوامه
كلت اروح اسأل عن الدوام واتاكد والله رحت سالت كالو اجازته وراح للغربية ...صارله كم يوم
ضحكت بخبث...لا يا جذاب رجعت لبيت عمي فلفله منتعشه بالشغل لحد الان مجايه
كلت لجدتي اريد اخابر علئ حفصه اختي عندي موضوع وياها والله خابرت طلعتلي حفصه سالتها عن ذياب كالت...اليوم نزل من اجازته
استغربت...هله جاا الموضوع الكلت عليه هو الصح ثاري الذيب ضال يصول ويجول بالبصره سواها ودك الناقصه بالشامخ حل سبع يا ذيب سبع وسبعة انعام منك ...
بس كون ما تطلع عار مثل ابوك خخخخخ
شوف الوكت الشامخ جان مدلل الذيب الصبور حتئ ما يطغئ علئ قوانينه المتعجرفه
تاليها اول واحد يدك الناقصه هو الذيب وراح تزوج غريبه وبالسر...
واني المنبوذ طلعت اني المطيع واخذت سوزانه اليابسة من نسل الشامخ ههههه والله وكت انعكست الاية
اني مشيت عدل وذيب تمرد علئ الشامخ
بس كون يطلع صدك متزوج لاتشمت بالشامخ منا لبعد سنة ضوئيه كاملة...
بس اني الي مضوجني ذياب وابو مجرد غريزه وتاليها توكع براس ذيج المكروده مثل امي من ذلوهت بيت الشامخ ..
لازم افضح ذيب قبل لا يوكع الفاس بالراس وتروح بيها بنت الناس...
خليت ورحت لعمر ابن عمتي مديحه مشتاقله ابن النعال...
والله رحت لكيتها عالكه وهو يصيح وامه تصيح من شافوني سكتو بس هو نار مشتعله ساكت بس عيونه تنطق بالغضب...
لزمته...شبيك يمعود صوتك واصل لاخر الدنيا شكو مدكلي شكو
رد عليه بدون نفس...مليت من هاي المره يا اما تخلصني منها يا اما اكتل روحي « يحجب وياشر علئ امه »
استغربت...ليش يبا شبيها امك وياي انه اعرف بنات شمخي متعصبات بس عمتي مديحه زينه
عمتي كالت بحزن...والله عمه متت متت اريده يتزوج ما يقبل يعني الوراه والكدامه تزوجو وخلفو وهو بعده
رديت عليه...اي صدك ما تتزوج ترئ انت انت شايب تذكر القبقلي هنا هنا
رد عليه...يابه ما اريد اتزوج طالبيني بطلابه ما اريد اني اكرة النسوان ومحد تتحملني اني رجال شكوكي اني رجال عصبي طلكت وهاي خطبت جم مره وفسخت الخطوبه ليش لان ما يتحملني كلهن دلوعات ومستهترات...
جاوبته...مو كل اصابعك سوه
لزم اصابعه وعدلهن واحد نزله شويه و واحد رفعه سواهن سوه كال...شوف اذا عدلتهن يصيرين سوه وهن اذا واحد انطاهن مجال يصيرن نفس الشئ
ضربته بملل...اهووو انت مطي ما تستوعب يعني اذا مريت بتجربه فاشله هذا مو معناه كل التجربات فاشله
كال بعناد...لا كلهن فاشلات
ردت عمتي...عوفه عوفه هذا مريض نفسي

هو خزر امه بغضب و رفع اصبعه بتهديد....هاي اخر مره دكولين عليه مريض نفسي وخبل مره ثانيه والله احرك البيت بلي بيه
طلع من البيت واني طلعت اركص وراه ركب سيارته وطار بيها واني اصيح عليه..يمعود عمر لك عمر تعال ازوجك حمزيه بس ارجع
هو عافني وراح استغربت منه ليش هيج يتنرفز من مواضيع الزواج ويكره اخته رغم هي بعيده عنه ومتزوجه
بعدها عفتهم ورحت عليوم اروح لليابسه امتع ناظري بيها وارجع بس مو هسه حاليا ابيع ثكل...
.........................
فلفله...
رجعت من الشغل هلكانه من التعب سبحت ونمت هاي صار فترة ذياب ابد ما يجي هينا ما اعرف شنو السبب...
بس انه خابرتو علئ السجن وكال اليوم اجي اشوفج ان شاء الله واجي لبيت عمي
جنت منتظرتو انه وابني كاعدين بالحديقه شفتو دخل جوه ضحكت بفرح وركضت عليه حضني وباس خدي وراسي وبعدها شال ابني وباسو وهو يحجي وياه...هله بحمودي البطل حبيب خالو شلونك
جاوبه..زين
باسه...حبيبي سبع طالع لامك
ضحكت وكعدنه علئ الكراسي كال بتساؤل...شلونح شغلج شلونه ان شاء الله مرتاحه
جاوبته بتنهيده...الحمد الله مرتاحه دا اگضي وكت وتعلمت المهنه وعندي مصروف
جر نفس ...الحمد لله اذا تعلمتي المهنه كولي تا افتحلج محل هينا ببغداد او تردين بالانبار كيفج بعد
جاوبت بفرحه...صدك يعني تفتحلي محل هينا
رد بثقه...اي وشنو يعني المحل ابو جبير
جريت نفس وزفرتو... والله يا ذياب انه بحاجة المحل لان هاي ام الصالون وحده متعجرفه وحقيرة ومتعبتني حتئ راتبي قليل
رد عليه...افااا اخت ذياب واحد يتعجرف عليها لا والله ما جابتو امو
انتي بس احجيلي الي يصير وياج وانه اوكفلج لا تصيرين مثل فاروق ما يعتبرني اخو ويستنكف مني انه اخوج لا اذلج ولا اريدلج الشينه...
بس انه هم مشغول انتي بس اتصلي بيه وشوفيني اذا مو حزام لظهرج انه معتب...
جريت نفس...انه هم ما اريد اتعبك وادري بيك تعبان
كال...بويه تعبيني انه اريد تتعبيني تعبج راحه
دخلت فريال شايله جنطتها وتطك بكعبها وشعرها مشسور كالت بضحكه..هلاو واني دا اكول البيت منور اثاري ذياب عدنا شلونك حبيبي
انه انصدمت وفتحت شفايفي مذهوله هو رد عليها...هله هله
كعدت وحطت رجل علئ رجل كالت...ما ادري دا احس كلبي دليلي حسيت اليوم تجي عدنا  هههههه
فرك عيونو بانزعاج وما جاوبها...
رجعت كالت...عازمتكم علئ مطعم شنو راييكم
كلتلها...اييي يرحم والديج ملينه من اكل البيت اعزمينه
رد ذيب بعدم اهتمام وهو يشيل مسدسو...انه عندي شغل تعذروني
وكف ومشه خطوتين دخل جوه يسلم علئ ب
جدتي وهو اتبعته بنظراتها كالت...شفتي اخوج شكد نذل هاي واني دا اسايره وانزل من نفسي الظاهر هو يحب الي لبسه
جاوبتها بحده...چم مره كتلج لا تتجاوز علئ اخواني اخواني خط أحمر انتي عليش ما تتوبين مني
ضحكت باستهزاء...ههه يعني عاجبج تصرفات اخوج كدامي يعني لو انتي يصير بيج هيج تقبلين
جاوبتها...لا ما اقبل اذا شخص ما يحبنب اتركو بكل بساطه
ضحكت...لا لا الظاهر هو واكع بالحب وكأن اذا جاب وحده جديده جدو حيقبل انو يتزوجها يعني لازم عنده علم انو هو الي ميصير الغيري
واني ما انتظرت كم سنه حتئ تجي غيري تاخذه وتتنعم بكولشي يملكه مركز جمال منصب ..
كملت...اتركينا من هذا الكلام شكلتي علئ الفلوس الي حطلبهن الج بالفايز حتئ تشاركين رجاء
انتبهت علئ كلامها...انتي منو كلج رجاء تريد تشاركني انه ما اعتقد حجيت
ردت بضحكه...ههههه مو رجاء من زمان كانت ناويه تشاركج
جاوبتها بملل...لا ذياب كال انه افتحلج صالون اخوي هو الي تكفل بعد ماكو داعي
ردت...هااااا يله بيها الخير...
خلت وراحت وهو طلع ضربت بكتفه دحكت الو...هههه اسفه
خلت وراحت هو اجه يمي كال...سمعتها تكلج بالفايز وفلوس شنو قصدها؟
رديت...حتئ نفتح محل اني وصديقها بس انت بعد انطيتني فلوس مو بحاجه
جاوبني....لا تامنين وئام هاي الناس ما تهمها غير مصالحها انه انطيج فلوس وسوي الي تردينو
بسته بخده وضحكت...حبيبي تسلم
بعدها انطاني مصرف لمحمد وراح كال...عندو شغل ما اعرف شنو الشغل الي شاغلو
اصلا هو صار القائو بينه قليل هو صحيح شغلو يتعب بس ما اعرف اهاجس مو مثل قبل هل مره زايد عن حدو...
دخلت جوه دحكت فريال تخابرت من شافتني دخلت قفلت السماعه بسرعه استغربت هاي اكثر من مره هيج تسوي...
...........................
فاروق..
رحت الفلفه اتطمن علئ شغلها وعليها
والله تطلعلي وحده ضخمه خشنه طويله وسمرة طووخ عدها حتئ لحية من شفتها رجعت خطوتين
كالت بدلع...ههه هااا رايد شئ
بلعت ريكي...اءء اي اني اريد فل قصدي وئام
ردت وهي تتدلع ...انت شتعود الها
جاي اجاوب واشوف صبوح من بعيد تمشي الوحدها ابتسمت بخبث
وعفت هاي الفزاعه الوحدها ورحت ركبت سيارتي وذيج تصيح عليه...بس اوكف بس تعال اريد اعرفك انت منو
عفته وسرعت بالسياقه ورحت علئ بيت الصبوحه
دكيت الباب طلعلي ابنها الصغير كال...تفضل عموو منو تريد
جاوبته ولني اضربه علئ جتفه...هلا بالنسيب هلا بابو النسب
غمزتله وعضيت شفتي.. اختك سوزانه موجوده
رد عليه...اي موجوده تلعب شناوو بغرفتها
جاوبتها بتذمر...يابه لا تنكطم