အိပ်လို့မပျော်ဘူး။ ဘေးမှာ ထူးအောင်မရှိတော့။ ထူးအောင်က မနေ့ကတည်းက ရုံးက ရိုက်ကူးရေးအဖွဲ့နဲ့ ကော့သောင်းကို ခရီးထွက်သွားတယ်။ ကျွန်တော်ပါ လိုက်သွားချင်ပေမယ့် တစ်ချို့အလုပ်လေးတွေကို ဘယ်လိုမှပစ်ထားခဲ့လို့ မရလို့ မလိုက်ရဘူး။
ထူးအောင်ကလည်း ဒီနေ့ တစ်နေသာကုန်ပြီး ညရောက်သွားတယ် ဖုန်းကတစ်ခါမှ မဆက်လာခဲ့။ ကျွန်တော်ဆက်တော့လည်း မကိုင်ပြန်။ ကျွန်တော်မပါဘဲ သူတစ်ယောက်တည်းမို့ အဆင်ပြေရဲ့လား ဘာညာမေးကြည့်ချင်တာကို ဖုန်းကိုလုံးဝ မကိုင်။ မနေနိုင်လို့ အဖေ့ဆီကို ဖုန်းဆက်ပြီး မေးပြန်တော့လည်း ကိုယ်ကဘာမှမမေးလိုက်ရဘူး။ အဖေကပဲ အမေ့အကြောင်းတွေမေးပြီး ဖုန်းချသွားတယ်။
အဖေလည်း အတူတူပါသွားတော့ အဆင်ပြေမှာပါ။ ထူးအောင်က နေတတ်ထိုင်တတ်တယ်ဆိုတော့ ဘာမှတော့ စိတ်ပူစရာ မရှိပါဘူး။ တကယ်တမ်း အဆင်မပြေတာက ကျွန်တော်။ အရမ်းအရမ်းကို လွမ်းတာပဲ။ အိပ်လို့လည်း မပျော်ဘူး။ စိတ်ညစ်တယ်။ ဘယ်လိုလုပ်လို့ လုပ်ရမယ်မှန်း မသိတော့ဘူး။
-----------------------------------------------------------
"Hello ကိုဇော်ဇော် နေကောင်းရဲ့လား"
"ကောင်းပါ့ဗျာ... ကောင်းပါ့"
"ဟုတ်မှာ ဟုတ်မှာ ပြုံးရွှင်နေတာပဲဆိုတော့"
ကျွန်တော်ပြောတော့ ကိုဇော်ဇော်က သဘောတကျ ရယ်တယ်။ ဖုန်း screen ထဲကဆိုပေမယ့် ကိုဇော်ဇော့်မျက်နှာက ကြည်လင်တောက်ပနေတယ်။ မမြင်တာကြာလို့လားမသိဘူး ကိုဇော်ဇော်က ပိုကြည့်ကောင်းလာတယ်။ ထိုင်းနိုင်ငံနဲ့ ကိုဇော်ဇော်က ဓာတ်တည့်တယ်ထင်ပ အသားတွေလည်း ပိုပြီးဖွေးလာတယ်။
"ဆိုစမ်းပါဦး။ မင်းမျက်နှာက ဘယ်လိုဖြစ်နေရတာတုန်း"
"ဘာမှမဖြစ်ပါဘူးဗျာ"
"ငါ့ကိုလာပြီး ညာနေ။ ထူးအောင်နဲ့ဘာဖြစ်ထားလို့လဲ"
တကယ်ပါ။ ကိုဇော်ဇော်ကိုတော့ ဘယ်လိုမှညာလို့မရဘူး။
"ထူးအောင်က ရိုက်ကူးရေးအဖွဲ့နဲ့ ကော့သောင်းကို ပါသွားတာ နှစ်ရက်ရှိပြီ။ မနေ့ကတော့ ကျွန်တော့်ဆီကို ဖုန်းဆက်ပါတယ်။ ဒါပေမယ့် ဒီနေ့ကျတော့ အခုညတောင်ရောက်နေပြီကို တစ်ခါမှ ဖုန်းမဆက်ဘူး"
"ငါတို့ မောင်ထူးလေးက လွမ်းနေတယ် ဆိုပါတော့"
"ဟာဗျာ..."
"ကဲ... ကဲ... ဘာမှလာရှက်ပြမနေနဲ့။ ထူးအောင်လည်း မအားလို့ နေမှာပေါ့။ သူမဆက်တော့ မင်းဆက်လိုက်လေ ဘာခက်တာကျလို့"
"ကျွန်တော်ဆက်တယ်။ မနက်ကတည်းက ဆက်နေတာကို ထူးအောင်က မကိုင်ဘူး။ သူမကိုင်လို့ အဖေ့ဆီဆက်ကြည့်တော့လည်း ကျွန်တော်က ဟဲလိုပဲပြောရသေးတယ် 'မင်းအမေနေကောင်းရဲ့... ဘယ်တွေသွားသေးလဲ ဘာတွေလုပ်သေးလဲ ဘာညာသာရကာတွေပြောပြီး ဖုန်းချသွားတယ်"
ကျွန်တော်ပြောတော့ ကိုဇော်ဇော်က တဟားဟားနဲ့ အော်လို့ရယ်တယ်။ ပြီးတော့ ဒီအဖေနဲ့ဒီသား လိုက်လည်းလိုက်တယ်တဲ့ မကြားတကြား ရေရွတ်နေတယ်။
"ငါ့ကို သတိရလို့ ဗီကောခေါ်တယ်မှတ်နေတာ လက်စသတ်တော့ အလွမ်းနာကျလို့ လှမ်းပြီး ရင်ဖွင့်တာပေါ့လေ"
"ဟာဗျာ။ ကျွန်တော် ကိုဇော်ဇော့်ကို တကယ်သတိရလို့ လှမ်းခေါ်တာပါဗျာ"
"ဟုတ်ပါပြီ။ ဟုတ်ပါပြီ ငါကစတာပါ။ ဘယ်လိုလဲ နေကောင်းလား။ အဆင်ရောပြေကြလား။ စိတ်အခြေအနေရော ဘယ်လိုလဲ။ အဆင်ပြေရဲ့လား"
"ဟုတ်။ အကုန်လုံး အဆင်ပြေပါတယ်။ အကိုရော နေရတာ အဆင်ပြေလား"
ကျွန်တော်မေးတော့ ကိုဇော်ဇော်က ဖွဖွလေးပြုံးပြလာတယ်။ ပြီးတော့ မျက်လုံးကိုမှိတ်၊ ခေါင်းကိုညိတ်တယ်။
"အဆင်ပြေပါတယ်"
ပြောပြီး ကိုဇော်ဇော်က တောက်တောက်ပပ ပြုံးတယ်။ ပြီးတော့ ခဏလေးနော်ဆိုပြီး နေရာကနေ ထတယ်။ မြင်ကွင်းထဲကနေ ကိုဇော်ဇော်ပျောက်ကွယ်သွားတော့ ကျွန်တော့်ရင်ထဲ မကောင်းလှ။
တအောင့်နေတော့ ကျွန်တော့်မြင်ကွင်းထဲကို ကိုဇော်ဇော် ပြန်ရောက်လာတယ်။
"Sorry ကွာ ရေနွေးအိုးတည်ထားတာ မေ့နေလို့"
"ရပါတယ်ဗျာ"
ဘာဆက်ပြောလို့ ပြောရမယ်မှန်း မသိတော့။ ကိုဇော်ဇော်လည်း အတူတူပဲထင်တယ်။ သူ့ဘက်ကလည်း ဘာစကားမှ ဆက်ထွက်မလာတော့ဘူး။ နောက် အတော်လေးကြာမှ အိပ်တော့လေတဲ့ ကိုဇော်ဇော်က ပြောလာတယ်။ ကျွန်တော် ဟုတ်ဆိုပြီး ခေါင်းညိတ်ပြတော့ ကိုဇော်ဇော်က ရယ်တယ်။ ပြီးတော့
"အိပ်မပျော်ရင်လည်း ထူးအောင်ရဲ့ သေတမ်းစာတွေဘာတွေ ဖတ်နေလေ"
ပြောပြီး တဟားဟားနဲ့ ရယ်ပြန်တယ်။
"ဟာဗျာ... "
ထူးအောင်ရဲ့ သေတမ်းစာအကြောင်း တွေးမိတော့ ကျွန်တော်ပါ လိုက်ပြီး အော်ရယ်မိတယ်။
"ကဲ။ ကိုယ်တော်လေး။ ကိုယ်အလုပ်ရှိသေးလို့ ဒါပဲနော်။ ဘာမှစိတ်ထဲတွေးမနေနဲ့ အိပ်ပျော်အောင်အိပ် ကြားလား"
"ဟုတ်"
ကိုဇော်ဇော်နဲ့ ဖုန်းပြောပြီးတော့ မကြာဘူး ထူးအောင်ဆီကနေ ဖုန်းဝင်လာတယ်။ သူ့ဖုန်းက ဟိုတယ်မှာကျန်ခဲ့လို့ပါတဲ့။ သူအဆင်ပြေတာမို့ သူ့ကိုစိတ်မပူဘဲ အိပ်ပျော်အောင်အိပ်ပါတဲ့။ အစားလည်း မစားဘဲ မနေပါနဲ့။ ကျန်းမာရေးကို ဂရုစိုက်ပါတဲ့။ စုံလို့ပါပဲ တောက်လျောက်ကိုပြောနေတာ။ နောက်တော့ လေလှိုင်းထဲကနေ အာဘွားတွေဘာတွေပေးပြီး ဖုန်းချလိုက်ကြတယ်။
----------------------------
ထူးအောင်နဲ့ ဖုန်းပြောပြီးမှပဲ နေသာထိုင်သာရှိသွားတော့တယ်။ ဒါပေမယ့်လည်း လွမ်းနေသေးတာမို့ ကိုဇော်ဇော်ပြောသလို ထူးအောင်ရဲ့ မှတ်တမ်းစာအုပ်ကို ဖတ်ဖို့ ဆုံးဖြတ်လိုက်တယ်။
ထူးအောင်ရဲ့ စာအုပ်ကိုဖတ်မယ်ဆိုတော့ ကိုဇော်ဇော်ပြောတဲ့ သေတမ်းစာအကြောင်းကို သတိရမိတယ်။ အဲ့တုန်းက ထူးအောင်အစ်မ မင်္ဂလာဆောင်မှာ ထူးအောင်က ဟိုဟာဝိုင်းလုပ် ဒီဟာဝိုင်းလုပ်နဲ့ လက်ကိုဓားရှပါလေရော။
ဓားရှတာနည်းနည်းနစ်တော့ သွေးတွေအတော်လေးထွက်တယ်။ ထူးအောင်က သူ့သွေးတွေ နှမြောတယ်ဆိုပြီး ဓားရှတဲ့လက်ကို သူ့ပါးစပ်ထဲထည့်ပြီး စုပ်တယ်။ ပြန်မြိုချတယ်။ ပြဿနာက အဲ့မှာစတာ။ သူ့သွေးတွေက ချိုနေတယ်တဲ့။ သူ့မှာဆီးချိုသွေးချို ဖြစ်နေလားမသိလို့ ဆီးကိုလည်း လျက်ကြည့်မယ်တဲ့လေ။ သွေးကဒီတိုင်းချိုနေတာနေမှာပါ ဘာရောဂါမှ မရှိလောက်ပါဘူး။ တကယ်လို့ မင်းစိတ်ထဲထင့်နေတယ်ဆို ကျန်းမာရေးစစ်ဆေးမှု လုပ်ပေးမယ်။ ဆီးကိုတော့ မလျက်ပါနဲ့ကွာလို့ ပြောတာကို ဘယ်လိုမှ နားမဝင်ဘူး။
နောက်တော့ သေးပေါက်ရင်းနဲ့ တစ်တို့လောက် တို့ကြည့်တယ်ထင်။ သူ့မှာ ဆီးချိုသွေးချိုဖြစ်နေပါတယ်ဆိုပြီး ငိုပါလေရော။ အဲ့မှာ သေတမ်းစာတွေဘာတွေရေး၊ စာအိတ်ထဲထည့်ပြီး ကျွန်တော့်ကိုပေးတယ်။ သူသေတဲ့ညမှ ဖောက်ဖတ်ပါတဲ့လေ။ ကျွန်တော်မှာ ရယ်ရခက်ခက် ငိုရခက်နဲ့ ဘယ်လိုပြောရမှန်းကို မသိတော့တာ။
နောက် ရန်ကုန်ပြန်ရောက်မှ သူ့ကိုမရမကခေါ်ပြီး ကျန်းမာရေးစစ်ပေးလိုက်တယ်။ ဟိုက ဘာရောဂါမှ မရှိဘူးလို့ အဖြေထွက်တာတောင်မှ သူက အဖြေမှားနေရင် ဘယ်လိုလုပ်မလဲတဲ့လေ။ တကယ့်ဟာလေ။
သူ့မှာဘာရောဂါမှ မရှိနေဘူးဆိုတော့ သေတမ်းစာတွေဘာတွေ မလိုတော့ဘူး။ အဲ့ဒါနဲ့ ညရောက်တော့ သူ့သေတမ်းစာကို ဖောက်ဖတ်ကြည့်လိုက်တယ်။ ဘာတွေရေးထားလဲဆိုတော့ ည (၁၂)ထိုးရင် လည်ပင်းလာညှစ်မှာမို့ နိုးနိုးကြားကြားအိပ်ပါတဲ့လေ။ ဖတ်ရင်းနဲ့တောင် လန့်သွားရတယ်။ ကျွန်တော့်အထူးလေးက အဲ့လို အဲ့လို...လူကို စပရိုက်တိုက်တာ။
"မင်းနဲ့အတူတူလိုက်သေပေးလို့ ပြောလည်းရပါတယ်ကွာ ဘယ့်နှယ့် လည်ပင်းလာညှစ်ရမယ်လို့"
ကျွန်တော်ပြောတော့ ထူးအောင်က ရှင်းပြလာတယ်။ ကျွန်တော်က ကိုယ့်ကိုယ်ကိုယ် သက်သေရင် အဖန်ငါးရာ ငါးကမ္ဘာခံစားရမှာ။ သူကတော့ ရောဂါနဲ့သေတာမို့ အဖန်ငါးရာတွေဘာတွေ ခံစားစရာမလိုဘူး။ တကယ်လို့ နောက်ဘဝမှာ သူနဲ့ကျွန်တော် ပြန်ညားပါပြီပဲထား ကျွန်တော်က အခုသက်သေတဲ့အရွယ်ရောက်ရင် ထပ်ပြီး သက်သေမယ်။ ကျွန်တော်သေတော့ သူကလည်းလိုက်သေမယ်တဲ့။ အဲ့လိုဆို ဘဝတိုင်းဘဝတိုင်း ငယ်ငယ်လေးနဲ့ သေနေရမှာမို့ ကိုယ့်ဘာကိုသက်မသေခိုင်းဘူးတဲ့လေ။ နောက်ဘဝမှာ အသက်ရှည်ရှည် နေရအောင်လို့ သူက လည်ပင်းကိုညှစ်ပေးရတာပါတဲ့။ ကျွန်တော့်မှာ ပြောစရာစကားတွေ ပျောက်ဆုံး။ အူယားလွန်းလို့ လည်ပင်းကိုတောင် ထညှစ်ချင်သွားတယ်။ တကယ့်ဟာလေ။