#ملاگ الضابط
#للكاتبه:الخفاجيه
★★★★★★★★
ملاك ببجي:راااحت بنتيي رااححت
ميامين: الله لا يوفقه نشالله
ملاك بحقد:اريد اعرف بيت اهله وين
ميامين:شسوين ابيت اهله
ملاك: افضحه فضيحه اني اعلمك
ميامين:اكعدي راحه يا معوده لا تندكين لا يسويلج شي
ملاك:لا تخافين ما يسوي شي
ميامين:اني راح اعرفلج وين بيت اهله
ملاك:اوك رحت لغرفتي شفت ملابس جوانا حضنتهن وبجيت شكاعد اسوين هسه يا روح امج اكيد جوعانه او بردانه اهى
ميامين:كافي بجي ما مليتي مو زين تبجين
ملاك:بنتي راحت اخذها مني شلون ما ابجي
ميامين:ترا هوا ابوها مو عدوها
ملاك:حتى اذا اني اعرفه كولش زين
ميامين:انشالله بنتج اصير بحضنج
ملاك:نشالله من هاذه اليوم تغيرت كولش فتحت قضية بابا وبدينه ندور علي دليل على عمامي وساعدني صديق بابا عمو ابراهيم وابنه المحامي
ملاك بفرحه:لكيت دليل
ابراهيم:شنووو وينن
ملاك:اطيته المبايل وشوفته المكالمه مال عمي وابوي جان عمي يهدد ابوي با القتل اذا ما اطاه البيت قدمنه الدليل للمحكمه ونحكم علي عمي الحمدالله طلع البيت ملك بابا مو عمي هنا طلعت كتال ابوي شفت عمي كامشينه الشرطه بستمت وتفلت عليه عار ما شايفه اخ يكتل اخو بس على مود بيت انته لازم ما يصير عندك اخ بحياتك ولا واحد يصيحلك خويه ابد نشالله تدمر طول حياتك ولا اشوف شي حلو عفته ورجعت للبيت باوعت با المرايه وابتسمت اليوم اله بابا ارتاح بقبره من لزمو كتاله وراح يتعذب ويتعفن با السجون طبيت غسلت وطلعت بدلت سويت اكل كعدت اكل اذكرت بنتي لي ما ادري شصار بيها التهيت بقضية بابا وعفتها كمت من الاكل اتصلت با ميامين اطتني عنوانهم بدلت ورحت لهله دكيت الباب محد فتح ضليت واكفه الحد ما فتحلي شاب صغير
كلت السلام عليكم
ايمن:وعليكم السلام اتفضلي
ملاك:زاد فضلك طبيت كعدت با الصاله احم وين شاهين
ايمن بستغراب:شاهين
ملاك:يي شاهين
ايمن:انتي منو
ملاك:زوجته ام بنته
ايمن بصدمه:شنووو انتي جوانا
ملاك:يي ليش مستغرب
ايمن:بس زوجته ميته كال
ملاك بكلبها: ايا حقير موتني احم لااا ما ميته
ام شاهين:منو هاي يمه ايمن
ايمن بصياح: وين ابنج الشفيه هاا
ام شاهين:شبيك شصاير
ايمن:شوفي هاي ام حفيدتج لي كال امها ميته طلعت عايشه ولكم شنو انتو فلم هندي خو ما هندي
ام شاهين:شنوو عايشه
ملاك ببرود:بنتي وين اريدها
ام شاهين: ما عند بنت يمنه هاي بنتنه سمعتي يله اطلعي
ملاك:ما اريد اجاوز واني داخله بيتكم اطوني بنتي واطلع كافي فوك ما ابنج حارمني منها 3 اشهر
ايمن:تعاي خويه اخذي بنتج ما عليج بمي
ملاك:صعدت ويا طب للغرفه لونها ابيض واسود راقيه كولش شفتها نايمه با كاروك ضعفانه يا روح امها رحت حضنتها وابجي عمرريي
ايمن:اخذيها خويه
ملاك:شكراا
ايمن: تدللين هاي بنتج ما احرمها من امها ابد يله روحي قبل ما يجي شاهين
ملاك:طلعت اخذتها وياي ركبت بتكسي ورجعت للبيت روحي مفرفحه عليها اخيرن شفتها شافتني كامت تبجي حضنتها اهديها اشش ماما اسكتيي وصلنه نزلت طبيت للبيت قفلتها وصعدت لغرفتي خليتها على الجربايه وخليت مخاديد حتى ما توكع رحت بدلت ورجعت شفتها نايمه نمت بصفها جان دنيا صيف وحاره كولشش مشغله البنكه نمت ما حسيت اله على صوت الباب تندك كمت بكسل فتحت الباب شفته كدامي واكف باوعتله بصدمه
شاهين: ليش ماخذه بنتي
ملاك ببرود:ترا هيه هم بنتي لا تنسه اني امها
شاهين:جيبيها بسرعه
ملاك:مستحيل تروح وياك
شاهين:ملاك
ملاك:مستحيل بنتي تروح وياك
شاهين:اطيني بنتي بسرعه وباجر اجيب الشيخ ونطلك
ملاك: احسن طلكني بس بنتي تبقه وياي
شاهين بصياح:تبقه وياي وغصبن عليج سمعتي اني ابوها واني لي اخذها
ملاك:بنتي ما اطيها يا رجال
شاهين:ماشي نلتقي با المحكمه ونشوف
ملاك:سديت الباب بوجها ورحت لغرفتي اركض حضنت بنتي وابوس بيها خايفه خاف ياخذها اعرفه نذل ياخذها ثاني يوم اطلكنه صدوك جاب الشيخ وطلكنه جوانا ضلت يمي ما اخذها بس ضليت خايفه
ميامين:اطلعين نروح نفتر با المول
ملاك:يي عفيه كولش ضايجه
ميامين:امشي بدلي
ملاك:بدلت اني وكملت شلت جوانا وطلعنه رحنه نفتر وصلنه للمول صارت بيه خوفه من موت زمرد لااا اوكفي نروح للسوك احسن
ميامين:ليشش
ملاك:عفيه امشي نروح للسوك
ميامين:اووف اوك
ملاك:رحنه للسوك اشريت للوجانا وميامين اشترت الها صار المغرب رجعنه للبيت تعبانه اول ما وصلت بدلت ونمت ما كعدت غير ثاني يوم الصبح شفت الساعه با 7 ونص رحت غسلت وجهي ونزلت سويت ريوك الي كعدت اتريك سمعت صوت بجي جوانا صعدت رضعتها طبعن صار عمرها 3 اشهر 😍 صايره تخبل اندك الباب نزلت فتحته لكيته واكف بشموخ ويبتسم بحقاره
شاهين:اريد اشوب بنتي
ملاك:بس ما تاخذها
شاهين ببتسامه:لا ما اخذها بس باجر اخذها با المحكمه
ملاك: شنو يا محكمه
شاهين:رفعت دعوه حتى اخذ بنتي
ملاك :ما شفت انذل منك ابد
شاهين ببرود:حتى تعرفين من اريد شي اخذه
ملاك:يجي يوم وتندم على كولشي سويته
شاهين:هه مستحيل
ملاك:طب شاف بنته وطلع راسن بقيت حايره بس لا ياخذها مني اجتي ميامين ضايجه شكوو شبيج
ميامين :هاا ماكو شي
ملاك:احجي شبيج
ميامين: احم انفضحتي
ملاك بصدمه:شنو يا فضيحهة
ميامين:اهل المنطقه شايفين شاهين ابيتج وكايمين يحجون عليج انو انتي
ملاك:شنو اني
ميامين:تشتغلين با الد....
ملاك:شنووو انيي
ميامين:وانو بنتج بنت حرام استغفر الله
ملاك: صدك تحجين
ميامين:والله حتى اهلي درو
ملاك:استغفر الله الله لا يوفقك يا شاهين
ميامين:لا تخافين اضل وياج اهلي يعرفون انج بريئه حجيتلهم قصتج ووكفو وياج
ملاك ببجي:لو ما انتي واهلج ما اعرف شلون اعيش وادبر اموري اني وبنتي
ميامين: عمريي طول عمري راح ابقه وياج
ملاك:هسه شسوي ولجج هددني ياخذ بنتي من عندي با المحكمه
ميامين:شنوو هاذه شبي مو جان شامر البنيه وما يريدها شغيره
ملاك:ما ادري تعبت والله تعبت منه لعبت نفسي مليت
ميامين:الله ياخذه كون
شاهين:وره ما طلعت ايناس من المستشفى طلكتها وبعد ما شفتها ابد من عرفت ملاك حامل اخذت بنتي منها وطيتها لمي
ام شاهين:منو هاي البنت
شاهين:بنتي
ام شاهين:ولك راح اتخبلني شنو بنتك امين
شاهين:جنت مزوج قبل ايناس بنيه طلعت حامل بيوم الولاده ماتت وبقت الطفله بنتي
ام شاهين:لا بارك الله بيك ولك راح اتخبلني والله اكول ليش ما يلفي للبيت طلع مزوج هسه اذا عرف ابوك يموتك
شاهين:شسالفه قابل الزواج حرام
ام شاهين:يي ازوج بس علني مو سري وشمدرينه هاي ما تطلع ك... مرتك هاا
شاهين:يمه كافيي
ام شاهين:وخرها مني يله
شاهين:ماشي اخذتها وصعدت فوك شفتها تشبه ملاك النسخه الثانيه هيه الحقيره ولا ماخذه مني شي بس الحواجب بستها كامت تبجي كمت اسكتها ما تسكت اووف هسه هاي شسويلها نزلتها لمي اشوفها
ام شاهين:هاي جوعانه روح جيبلها حليب قواطي ومميه ابسرعه
شاهين:رحت جبت واجيت سوتلها ممه اله نامت
ام شاهين:هاك صعدها نومها بس دير بالك توكع
شاهين:اوك صعدتها نومتها بصفي ونمت بعد ما حسيت اله على صياح ابوي عرفت عليه يصيح اووف منج يمه اكيد كلتيله نزلت شفته كاعد معصب
ابو شاهين:هاا صح النوم ما ضليت نايم ولك انته تريد اتموتني هااا شنوو هاي البنيه شنوو
شاهين ببرود:بنتي
ابو شاهين:بنتك هاا وشمدرينه هاي بنتك ما بنت حرامم
شاهين: بويه شبيك هاي بنتي اني اعرف قابل شنو
ابو شاهين:وين مرتك الك...
شاهين :ميته
ابو شاهين:ميته اهاا امشي اطلع انته وبنتك بعد ما اعرفك ولا تعرفني يله
ام شاهين:شسالفه ابو شاهين ما توصل هيج السالفه شنو يطلع
ابو شاهين:يطلع وغصبن عليه يله
شاهين:طلعت برا رحت يم اصدقائي حاير شسوي بهل بلوه ضلت يمي بنتي 3 اشهر تعتني بيها امي جنت با الشغل واتصلت امي كالت امها اخذت جوانا رحت معصب شلون تاخذها مني رحت لبيتها تعاركنه ورجعت اهلي من عرفو امها عايشه هم اتعاركنه ايمن طلع من البيت مل من العركات ثاني يوم طلكتها ورفعة عليها دعوه اريد اخذ بنتي طبعن اني ما ميت على بنتي بس اريد ادفع امها الثمن اريد ابجيها خباثه احب اشوفها تتوسل بيه
ملاك:اندك الباب طلعت لكيت شرطه اتفضلو رايدين شي
الشرطي:رافعين عليج دعوه ولازم تجين للمحكمه
ملاك:اذكرت شاهين عرفت الحقير رافع عليه دعوه حتى ياخذ بنتي بدلت واخذت بنتي ورحت وهناك شفته واكف يبتسم بشماته
شاهين بخبث:راح اخذها كدام عينج انسه ملاك
ملاك:حقير
شاهين:تسلمين
ملاك:اتصلت على المحامي ابن عمو ابراهيم اجاني
احمد:هاا شصاير
ملاك بخوف:حباب يريدون ياخذون بنتي مني لا تخليهم
احمد:منو ياخذها
ملاك:ابوها يريد ياخذها مني يحرمني منها
احمد:لا تخافين ما ياخذها
ملاك: طبينه للمحكمه كام شاهين يحجي ويطلع اعيوب بيه
شاهين:سيدي القاضي اني اريد اخذ بنتي من امها لان امها مريضه نفسي وهم تشتغل با الد.... وخاف بنتي با المستقبل اصير مثل امها كل المنطقه تعرف عنها انو هيه تشتغل بهيج شغل وعليها سمعه مو زينه ابد
القاضي:دليل نريد
شاهين:اتفضل
ملاك:ضليت صافنه على الصوره لي شوفها للقاضي صوره استغفر الله معقوله هاي اني مستحيل جذاب والله جذاب مووو انييي مستحيل لاااا
القاضي:وشمدرينه هاي مو صوره تركيب
شاهين:لا مو تركيب واذا تريد حتى الولد يعترف
ملاك:طبب ولد اول مره اشوفه كام يحجي عليه با السوء طلعوني وحده سا... كمت ابجي والله اني ما عندي هيج شغل ولا اعرف هل ولد ابد
الولد ببتسامه:شبيج ذاك اليوم اجيتج للبيت
شاهين:ها سيدي القاضي
ملاك:سيدي القاضي اني ما ازوجت شاهين غصب عني لان امي جانت تحتاج للعمليه وما عندي افلوس ابوي ميت قتل والله وزوجت لمدة سنه عود ونطلع صارت بنتي وما كدرت اطلك طول فترة حملي اني ما اشوفه ابد ولا يجيني اصلن ما جان رايد هل بنيه حتى كالي سقطيها وما قبلت والله ما مجذبه وهل ولد اني ما اعرفه ابد
القاضي: اله دليل اله نصدك
ملاك:طلعت مبايلي اطلع تسجيل الصوت بس ما لكيته منو ماسحه
القاضي:ها
ملاك:نزلت راسي بيأس وابجي
القاضي:حظانت الطفله راح اصير لبوها
ملاك:شهكت من البجي طلعت اجه يضحك بخبث وشماته
شاهين:ههه هاا مو كتلج راح اخذ بنتي كدام عينج وهسه وفيت با الوعد
ملاك بصياح:نذل حقيرر كمت اضرب على صدره وابجي تقربت لبنتي ابوس بيها واحضن يا روح امج يجي يوم واخذج لا تخافين اخذج
شاهين:يله اطيني جوانا
ملاك:اخذها مني واني ابجي شفتها تباوعلي ببراءه عرفت هاذه اخير لقاء وياها بعد ما اشوفني
يتبع
لا تنسون التصويت
شلونه البارت 🙃