ملاگ الضابط

17

#ملاگ الضابط
#للكاتبه:الخفاجيه
★★★★★★★★

شاهين:اوعدج راح اسفرج بس المهم اضلين عايشه اسفرج هناك تتعالجين
ملاك بتعب:ما بقالي شي وموت شاهين
شاهين:اشش مستحيل ايصيرلج شي واني يمج
محمد:ملاك
ملاك بدموع:محمد
محمد:كتلج اتعالجي بس انتي عاندتي
ملاك بصياح:كلكم اتكولون اتعالجي واتعالجي حتى اذا تعالجت ما راح اطيب اضل نفس حالي كولشي بيد الله
شاهين:حبيبي كومي اخذي علاجج
ملاك:اخذت علاجي ومددت اجه محمد كمش ايدي وبتسم
محمد:قويه انتي ونشالله اصيرين احسن وترجعين مثل قبل واحسن بعد
ملاك: نشالله
شاهين:شوكت نكدر نطلع للبيت
محمد:ليش ما اضل با المستشفى احسن
ملاك:لاا اريد ارجع للبيت
محمد:اوك لعد هسه شوي وتكدرين اطلعين
ملاك:ما تجيني ليش صاير ما اتمر عليه
محمد:والله شغل وارجع تعبان نشالله باجر اجيج
ملاك ببتسامه:ماشي
شاهين:يله راح نطلع
ملاك:لزمني شاهين ساعدني اكوم طلعنه رحنه للسياره طول الطريق صافنه وخايفه من حياتي الجايه شيصير بيه كمش ايدي شاهين وكال
شاهين:شبيج صافنه
ملاك:خايفه خاف اموت واضل بنتي وحدها
شاهين:ملاك شبيج ما راح يصير بيج شي وبعدين اني يم بنتنه
ملاك: تتزوج
شاهين:شنوو
ملاك:تتزوج اذا اموت
شاهين:لاا انتي زوجتي الاولى والاخيره
ملاك:امم رجعنه للبيت اجتني جوانا تركض حضنتني
جوانا:ماماا وين جنتي
شاهين: جوانا بابا عيفي ماما مريضه خلي ترتاح
جوانا:ماشي
ملاك:صعدت للغرفه بدلت ومددت بفراشي اجتي جوانا نامت يمي حضنتها بقوه
شاهين:حجزت النه عكبه نسافر تتعالجين
ملاك: شاهين ما اريد اتعالج
شاهين: تتعالجين وغصب عنج شنو تريدين اتركيني وتركين بنتج وانتي بعمر 26 وما شايفه شي من حياتج
ملاك: اخاف ما اطيب
شاهين: اطيبين والله بس صيري قويه
ملاك:طول الليل واني ما اجاني نوم افكر شراح يصير بيه اتعذبت طول حياتي وما شفت يوم حلو ابد
شاهين:كاعده
ملاك:يي
شاهين:ما جايني نوم مثلج
ملاك:ليش
شاهين:لزمت ايدها وبستها تعرفين عرفت هسه انو اني احبج من صدك
ملاك:هه تحبني
شاهين:اسف على كل لي سويته وياج سامحيني
ملاك:لي سويته وياي مو شويه ابد حتى اسامحك تعرف انته جرحتني وعذبتني هواي طلعتله الجرح لي بضهر شوف شوف طبعت الحزام لي هذاك اليوم ضربتني
شاهين: اسف
ملاك:امم صديت على بنتي ونمت حسيت الصبح على صوت شاهين يكعدني
شاهين ببتسامه:صباح الخير
ملاك:صباح النور
شاهين:يله كومي اتريكي حتى تاخذين علاجج
ملاك:ماشي صدوك جوانا وين
ملاك:راحت للمدرسه وصلها السايق
ملاك:ليش ما كعدتني عاد اني ابدللها وسويلها ريوك خطيه
شاهين:لينا هيه لي بدلت الها وسوتلها ريوك
ملاك:اوك كمت بدلت وغسلت وجهي وطلعنه شفت لينا اجتني باستني
لينا:شلون صرتي ولج
ملاك:الحمدالله زينه
لينا:الف الحمدالله يله تعالي اتريكي
ملاك:كعدنه نتريك بهدوء كملت اخذت علاجي طول اليوم بغرفتي ما طلعت اجه محمد ضل نص ساعه وراح صفت با المرايه على شكلي شعري لي صاير بس كم شعرايه وخفيف وجهي الاصفر وبين عيوني سود صايره جثه الحمدالله على كولشي حضني شاهين من وره وباسني
شاهين:بكل حالاتج حلوه حتى بوقت المرض
ملاك:ههه لاا اميلي حلوه
شاهين:تذكرين اول لقاء النه ومن ازوجنه
ملاك:شلون انسه هل ذكريات اضل ابالي وما انساها ابد
شاهين:واني هم ما انسه ذكرياتي وياج
ملاك:اممم
شاهين:راح يموتني برودج
ملاك:هه
شاهين:راح اكول للخدامه اجهز غراضج حتى باجر نسافر
ملاك:اني اجهزهن ما عندي شي
شاهين:ماشي لعد
ملاك:جهزت ملابسي وغراضي ثاني يوم ودعت جوانا شبعت بجي هم راح اسافر وعوفها سافرنه اني وشاهين اول ما وصلنه رحنه حجزنه غرفه با فندق
شاهين: نامي مبينه تعبانه
ملاك بنعاس:كولشش نعسانه
شاهين :لعد نامي
ملاك:بدلت ونمت ما كعدت غير لثاني يوم كعدنه اتريكنه وبدلنه ورحنه للمستشفى لي حاجزين بيها مر 3 اشهر  على علاجي تعبت كلش اتمنه اموت ولا هل عذاب لي كاعد اتعذبه شاهين ساندني بكلشي خلص علاجي وقررنه نرجع للعراق حضرنه الجنط ورحنه للمطار اجه وقت طيارتنه ركبنه شاهين حضني وبتسم
شاهين:اخيرن راح ارجع وانتي وياي ومرتاحين
ملاك:الحمدالله
شاهين:الف الحمدالله
ملاك: بعد تعب طويل وصلنه للعراق ركبنه السياره ورحنه للبيت اول ما وصلنه شفت لينا وجوانا واكفات با الباب ينتظرن بنتي اجتي حضنتني اول ما شافتني بجت
جوانا:شتاقيتلج بعد لا تعوفيني
ملاك ببتسامه:تدللين يا روح امج
لينا: السلام عليكم
ملاك:وعليكم السلام بستها وطبينه للبيت مر اليوم بين الخطار لي يجون واصدقاء شاهين رحت نمت كعدت على حلم يخوف شربت مي شفت الشمس طالعه الساعه با 6 الفجر صفنت على الشباك شنو تفسير هل حلم ووين ماما اخذتني وياها هيه وبابا معقوله اموت لاااا يا ربي كمت صليت ورحت نمت بصف بنتي اشتم بشعرها حضنتها بقوه وبجيت خايفه عليها من هل دنيا خاف يطلع حضها مثل حض امها بعد ما اموت منو يضل يمها صح لينا صارت امها الثانيه بس مو مثل امها لي جابتها وتعبت بيها انفتحت الباب ودخل شاهين مبين خايف
شاهين: شعندج هنا
ملاك:هيج حسيت واجيت اشوف جوانا مشتاقتلها
شاهين:ملاك بيج شي
ملاك ببجي:شاهين راح اموت قربت نهايتي والله حلمت حلم ماما ماخذتني وياها
شاهين :اشش ما يصيرلج شي
ملاك:خايفه
شاهين:خفت من كلام ملاك ضليت حاير شسوي معقوله تتركني ما اكدر افاركها
ملاك:نزلنه سويت ريوك كعدت لينا وكعدنا كلنه نتريك
شاهين:اليوم راح اداوم يمكن بليل ارجع لا تنتضرني على الغده
لينا:اوك
ملاك:كملنه ريوك ام سمر غسلت الماعين طول اليوم حاضنه بنتي وما اريد اتركها شهيتي انسدت ما اشتهي اكل شي ابد ضجت كمت بدلت ورحت للمستشفى لي جنت اشتغل بيها فاجئت محمد
محمد بصدمه:ملااك اجيتي
ملاك ببتسامه:يي ههههه اجه حضني سلمت عليه وعلى اماني والبقيه
اماني:شنو هل غيبه شو طولتي
ملاك: جنت اتعالج مسافره البارحه اله اجينه
اماني:اهاا شلون صرتي
ملاك:الحمدالله زينه
محمد:الحمدالله
ملاك:ضليت كاعده وياهم شوي وبعدين طلعت مريت على الاسواق شتريت كم شغله لجوانا وللبيت وطلعت احس بشعور حلو ما جنت ادري هاي نهايتي ركبت السياره راجعه للبيت بنص الطريق ما احس غير صار سياره كدامي ونضربت طلقه

شاهين:الوو لينا ملاك رجعت للبيت
لينا:لسه صارلها ساعتين من طالعه ولسه ماكوو
شاهين بقلق: اتصل بيها ما ترد
لينا:بس لا صارلها شي
شاهين:لا نشالله ماكو شي غلقت الاتصال وصحت لصديقي طلعنه اندور عليها حجيت ويا محمد كالي
محمد:قبل ساعه جانت هنا ليش
شاهين:ماكو اتصلت هسه ما ترد مغلق
محمد:خاف راحت تتسوك او لمكان
شاهين:لا ما معقوله اضل لهيج وكت تتسوك
محمد:امشي ندور
شاهين:اتصل بيه رقم غريب ردت
الولد:الوو خويه انته شصير من صاحبت  هل رقم
شاهين:اني زوجها
الولد:البنيه ميته وهيه بمنطقه .....
شاهين:شنووو من سمعت هل كلمه وكع المبايل اجه محمد يركض عليه مخروع
محمد:شكوو منو اتصل بيك ملاك
شاهين بصراخ:ماتتت ولك ماتتت ملاكي ماتت
محمد :شنوو شكاعد تحجي يمعود شطالب البنيه كومم
شاهين:ركضت للسياره اجوي وياي رحت لمكان لي كالي عليه الولد وصلت ويا ريتني ما واصل شفت حبيبتي وعمري با السياره والدم مالي المكان رحت حضنتها وابجي لاا تعوفيني ملاك عمري انتي كومي ملاااااااك
حضنتها بقوه واشتم بشعرها كومي مو كلتي ما اتركك كومي اني حبيبج ابو بنتج ملاكي حياتي كومي جوانا تنتظرج تجين كومني صديقي واني ابجي يي ابجي انيي ابجي شفت نبض ماكو ولا تنفس مضروبه طلقتين جايه وحده قريب على بقلبها ووحده ابطنها حسيت عيوني غوشن ووكعت ما حسيت اله على صوت بجي محمد كعدت مخروع ملاك وين محمد ملاك
محمد:ننتظرك ندفنها
شاهين:رجعنه للبيت شفت جوانا واكفه تنتظر
جوانا:بابا وين ماما شو ماكوو
شاهين:دمعت عيني شلتها وبستها ماما صارت با السماء فوك يم الله
جوانا:شنو يعني
شاهين:ماما بعد ماكو ماتت
جوانا بصراخ:لاا جداب مثل ذيج المره جذبت عليه ماما عايشه هسه تجي اجيبلي حلويات
لينا ببجي:ماتت موو
شاهين:نزلت راسي يي ماتت
جوانا:مامااا ما تعوفني وعدتني كالت بعد ما اعوفج هسه تجي ماماا
شاهين:جابو التابوت حضنت تابوتها وبجيت ليش رحتي واني بعدني ما شابع منج ليش تركتيني اني وبنتج محتاجيج سحبني ابوي وحضني
ابو شاهين:الله يرحمها يا ابني لا اسوي هيج بروحك
شاهين:رحنه للنجف ندفنها دفنتها ورشيت مي على التابوت خليت سواري لي اشترتلي اياه من جنه امسافرين دفنته بترابها وبجيت راح ابقه احبج ووعدج ما احب غيرج ولا ازوج طول عمري وراح اربي بنتي ودير بالي عليها احبج ملاكي طول الطريق صافن معقوله تركتني البارحه جانت وياي من هل يوم تغيرت

جوانا ببجي:ماما ليش عفتيني اني احبج ما شفت شي منج ولا شبعت من حنانج انتي كتيلي راح اضل وياج بست صورتها وشهكت من البجي
شاهين:بابا ليش لسه كاعده
جوانا بدموع:اريد ماما بابا اشتاقيت الماما ما اكدر انام جانت هيه اتنام بصفي
شاهين:تعالي حضنتها ودمعت عيوني على بنتي لي ما شافت حنان امها اني السبب فرقتها عن امها لي 6 اسنين يي اني السبب

من هل يوم اتغيرت حياتي وتصرفاتي ووعدت ملاك انو راح الكه القاتل ما اطب للبيت اله الكه القاتل لو نوم حبيبتي جوه التراب

يتبع
لا تنسون التصويت

النهاية

شلونه البارت 😭
والله اكتب وابجي عبالك حقيقيه 😥🤣
اتأثرت كولش

انتظرو الجزء الثاني ❤️