ملاگ الضابط

البارت 1 الجزء الثاني

#ملاگ الضابط
#للكاتبه: الخفاجيه
★★★★★★★★★
بعد مرور سنوات

جوانا:صباح الخير
لينا:صباح النور حبيبتي تعالي اكعدي تريكي
جوانا:بابا وين
لينا:ابوج بلشغل ليش
جوانا:هيج
لينا:جوانا احجي شبيج ولج
جوانا: شغله بيني وبين بابا
لينا:اها اوك
جوانا:صعدت لغرفتي ضايجه باوعت لصورة ماما لي اصبح عليها دائما تمنيتج عايشه اشوفيني كبرت وصار عمري 17 سنه اليوم ميلادي اليوم جبتيني للدنيا وتمنيتج ما جبتيني مسحت دموعي بست الصوره وكمت غسلت وجهي بدلت ونزلت اتأخرت على الدوام
لينا:ما تريكتي لا تتخربطين
جوانا:لاا اكل هناك طلعت لكيت السايق ينتظرني صعدت طول الطريق حايره وصلت للمدرسه نزلت طبيت للصف
شهرزات: ولج شو تأخرتي
جوانا: نمت با 4 الصبح وكعدت متأخره اجيت اركض
شهرزات: يي سأل عليج استاذ سيف سأل عليج البارحه
جوانا:منووو استاذ سيف وليش سأل
شهرزات:ما ادري والله
جوانا:بدن الدروس والدوخه والعبان النفس صارت با 12 ونص طلعنه اجاني السايق ودعت صديقتي ورحت
رجعت للبيت راسن صعدت لغرفتي طبيت غسلت وبدلت ونزلت لكيت الكل كاعد على الطاوله السلام عليكم
الكل:وعليكم السلام
شاهين:تعالي بابا تغدي
ام شاهين:هيه تجي شبيها صغيره قابل
شاهين:يمه اسكتي
جوانا:بيبي شنو اليوم يمنه شو
ام شاهين:اجيت ابيت ابني قابل وين
جوانا:باوعت لبابا بتسملي وأشر اكعد كعدت بصفه
شاهين:شلونه يومج
جوانا:يعني زين
شاهين:هم احد يزعجج كوليلي
جوانا:لاا اصلن محد يدنالي
شاهين:باجر اخذج للنجف اشوفين امج
جوانا بفرحه:صدوك بابا
شاهين ببتسامه:يي يا روح ابوج
جوانا:حضنته بقوه باسني وضحك
ام شاهين:شنو هل لواكه يمه شاهين قابل محد مخلف بنات بس انته
شاهين:يمه كافي شبيج
ام شاهين:على امج محتاله
جوانا بعصبيه:لاااا امي ما محتاله ما اسمحلج تحجين على امي وهيه ميته ما خلصانه منكم كافي حرام عليكم حرااام
شاهين بصياح:جوانا اصعدي فوك لينا صعديها امشي يمه امشي
لينا:جوانا حبيبتي كافي لا تبجين تعرفين بيبيتج ما تحبج
اصلن ما تحب احد والله
جوانا ببجي:اسمحلهم يغلطون عليه بس على ماما ما اسمح شلون ماما تحملتهم
لينا:امج عانت كولش بس هيه قويه
جوانا:تعبت والله تعبت اريد ماما اريدها
لينا بقهر: امج ماتت خلصت من هل دنيا
جوانا:عمه اطلعي اريد ارتاح
لينا:ماشي
جوانا:مسحت دموعي كمت صليت ومددت بفراشي غفيت حسيت على لمسات ايد بوجهي كمت مخروعه شفت بابا
شاهين ببتسامه:ليش ما اتغديتي
جوانا:ما اشتهي
شاهين:كالتلي لينا لا متريكه ولا متغديه كومي اكلي
جوانا:ما اشتهي والله
شاهين:على امج عنيده
جوانا:بيبي ليش ما تحبني لا اني ولا ماما
شاهين:هيه هيج امي ما تحب احد
جوانا:ما عرفت منو لي قتل ماما
شاهين بتهرب:جوانا لا تدخلين بهيج شي
جوانا:بس اني الي الحق اعرف منو لي كتل ماما
شاهين:بعدج صغيره يله كومي اليوم راح يجونه ضيوف
جوانا:منو
شاهين:صديقي وعائلته
جوانا:اوك باسني وطلع يا ترا منو لي كتل ماما ليش بابا كل ما اسئله ما يكولي يتهرب معقوله لي بالي لااا مستحيل عدلت الغرفه ونزلت كعدت اكل ولينا تشتغل
لينا:على كيفج لا تختنكين ههههه
جوانا:ههه
لينا: تمنيت تجيني بنيه مثلج بس الله ما قاسلمي يصير عندي جهال
جوانا: ليش شبيج
لينا:مرض يله اكلي وتعالي ساعديني
جوانا:كملت اكل وساعدتها با التنضيف صارت الساعه با 5 العصر بدت لينا اسوي عشه واني صعدت بدلت لبست ثوب اسود وبي نقط سود وحزام شلت شعري ذيل حصان وخليت شال حلوهه ما اخلي شي ههه شكلي كل ما اكبر اشبه ماما يا هوا لي يشوفني يكولي تشبهين امج الطول والشعر والوجه والجسم كولشي عبالك توم والله سمعت صوت سيارات يعني اجوي هووف اموت من العزايم دائما يجون اصدقاء بابا ومرات احنه نروح بس اني ما اروح بابا ما يطلعني اصلن ما ادري ليش ومن احد يجي ما اطلع هوا بس اسلم ومرات اكعد وياهم اكل ومرات بغرفتي
لينا :يله اجوي الخطار تعالي
جوانا:جيت عدلت شالي وطلعت سلمت وكعدت
ام يمان: هل حلوه بنتج
لينا:لا بنت ضرتي الاولى
ام يمان:ما شالله حلوه لعد امها وين
لينا:ماتت الله يرحمها
ام يمان:اها الله يرحمها
جوانا:مره وبنات ثنين بكدي يباوعلي ويبتسمن ابتسمت همست لينا
لينا: كومي لغرفتج
جوانا:ليش ترا بس بنات هنا
لينا:حتى اذا كومي
جوانا:كمت بملل بس اريد اعرف ليش ما اكعد يمهم رحت لغرفتي ضايجه طاكه روحي باوعت من شباك الغرفه شفت ولد واكف يم سياره حديثه ومطيني ضهره مبين حلو 😂💔عيب ازحف هه شفته صد راسن سديت البرده اندكت الباب صحت بصوت عالي اتفضللل دخلن البنات ضحكت هاي انتن اتفضلن تعالن
اسماء:هلاوو
جوانا:هلاو
سميه:اني سميه وانتي
جوانا:اني جوانا
اسماء:اني اسماء
جوانا:اشرفت بيجن
اسماء:النه الشرف يل حلوه
جوانا:كعدن على التخم لي با الغرفه وباوعلي
سميه:هاي غرفتج
جوانا:يي
سميه:حلوه
جوانا:انتن بنات صديق بابا
اسماء:يي احنه 2 بنات و2 ولد اخوي الجبير يمان يشتغل ويا ابوج والثاني مهندس    واني خامس  واختي سادس
جوانا:اني خامس
اسماء:يااااي يعني مثلي
جوانا:هههه يي
اسماء:ايي انتي هسه عرفينه
جوانا بحزن :وحيده لا اخ ولا اخت
سميه:ياا يعني بس انتي
جوانا:ماما ميته من اني صغيره عمري 6 سنين 7 ربتني لينا زوجت بابا الثانيه ما يصير عدها جهال
اسماء:اعتبرينه اخواتج
سميه:يي خواتج اعتبرينه
جوانا ببتسامه:ههه فديت هيج خوات
اسماء:بس نيالج مدلله عيني
جوانا:بس محد وياي احجي ويا اشاقه احجي بس اني بابا يطلع من الصبح ما يرجع لليل ولينا مرات تطلع لصديقاتها واضل اني وحدي هنا
سميه:انوب احنه نجي يمج اكول لخوي ونجي
جوانا:هلا بيجن عمري
لينا:بنات يله انزلن صار العشه وانتي جوانا هم تعالي
جوانا:ماشي نزلنه شفت ولد يمكن لي شفته من الشباك دنكت رحنه كعدنه نتعشه طول الكعده الولد يباوعلي خفت من نضراته عيونه تخوف والله كملنه شلنه الماعين غسلتهن الخدامه واحنه كعدنه با الصاله
يمان:انوب انتو تجونه عازميكم
شاهين:الله كريم
يمان: يله بويه كومن
شاهين:بعد وكت
يمان:لا هم يله لا تنسه باجر ورانه تسليم بضاعه
شاهين:ماشي
جوانا:سلمو وراحو عزلت البيت وصعدت لغرفتي مددت طول الليل كاعده نزلت اشرب مي لكيت بابا كاعد
شاهين:شعندج كاعده بويه
جوانا:ما جايني نوم
شاهين:تعالي
جوانا:رحت حضنت بابا بقوه وابجي
شاهين:شبيج بويه منو مضوجج
جوانا:مخنوكه بابا مخنوكه اريد ماما مشتاقتلها ليش عافتني
شاهين:اووف يا بويه مثلي انتي تمنيتها عايشه جان هسه مرتاحين
جوانا:منو كتلها حباب كولي وليش
شاهين:عداوه لو ادري امج بذاك اليوم تموت جان ما خليتها تطلع
جوانا بشك:شنو من عداوه
شاهين:اوووف اوووف قبل جانت امج حابسه عمها لي قتل ابوها يعني جدج حبسته هوا وره ما طلع انتقم من امج كتلها لان طببته السجن
جوانا ببجي:الله لا يطي كون خلاني افترق عن ماما
شاهين بقلبه:لو تدرين بعد بسبب منو يا بويه
جوانا:بابا وين صافن
شاهين:ماكو شي يله كومي انام
جوانا:كمت صعدت لغرفتي نمت ما حسيت اله على صوت المنبه كمت بنعاس غسلت وعدلت شعري وطلعت لكيت الكل يتريك صباح الخير
لينا:صباح النور راح اطلع اليوم للسوك تجين وياي
جوانا:لا تعبانه ما اروح
لينا:اوك لعد شاهين عود راح اروح لصديقتي ومناك نطلع للسوك
شاهين ببرود:الله وياج
جوانا بحقاره:شوكت اطلكها
شاهين:شبيج بويه اطلك منو
جوانا:لينا
شاهين:ليش اطلكها شمسويه البنيه قابل
جوانا:ما احبها ابد احسها تاخذ مكان ماما
شاهين بحزن:امج بكلبي محد ماخذ مكانها لا لينا ولا غيرها وبعدين عيب هيج تحجين لا تنسين هيه لي ربتج وتعبت عليج
جوانا بحقد:محد رباني بس انته
شاهين بعصبيه:بويه بطلي هل حقد لي بكلبج حرام عليج هاي مثل امج اعتبريها ترا ازعل منج والله
جوانا:اووف ماشي بابا
شاهين ببتسامه:هيج اريدج ما تحقدين على احد مثل امج حنونه وطيبه
جوانا:الكل طلع بقيت بس اني با البيت صعدت بدلت وكشخت ردت اطلع اندك باب البيت طب الحارس
الحارس:اكو مره واكفه بره تريد الاستاذ شاهين
جوانا:دخلها خلي نشوف منو هاي دخلت المره جبيره يعني لابسه لبس عادي
المره:اريد شاهين
جوانا ببرود:مو هنا اني بنته شتريدين
المره بصدمه:انتي جوانا
جوانا:يي منو انتي

اني ميامين ......

يتبع
لا تنسون التصويت