ملاگ الضابط

6

#ملاگ الضابط
#للكاتبه: الخفاجيه
★★★★★★★★

زمرد: بصدمه انتي مزوجه
ملاك برتباك:هاا
زمرد بصراخ:ولجج انتي شنو مزوجه بدون علم احد وفوكاهه اصيرين مؤمنه براسي ولج بعد ما طالع اربعين امي وتزوجين وبلسر
ملاك بهدوء:خلصتي
زمرد بقرف:هه مسويه نفسج جبيره فوكاهه لج احس بقرف من واكفه وياج
ملاك:شكرا جريت مبايلي منها وطلعت اركض ودموعي تنزل ااااخ ربي تعبت والله تعبت ليش هيج يصير وياي رحت يم الشط وكفت وابجي واتحسر دك مبايلي شفتها ميامين ما رديت ضليت كاعده صافنه واذكر حجيها لي جرحني معقوله هاي اختي وهيج تحجي عليه لعد الغرب شيسون شفت الساعه صارت با 11 هووف تأخرت مستحيل ارجع للبيت رحت للشقه مالته فتحتها لان عندي نسخه من المفاتيح طبيت شمرت غراضي ومددت على التخم وما احس غير نمت

شاهين:رجعت با 1 من الشغل احس راسي راح ينفجر من الوجع رحت للشقه شميت عطر اكيد هيه هنا شفتها نايمه على التخم ووجهه احمر مبينه باجيه رحت جبت غطه وغطيتها هيه راسن حست وكعدت
ملاك: احم اجيت
شاهين:لا بعدني والله استغفر الله صدوك شعندج هنا
ملاك بتعب:هيج
شاهين:متأكده ليش باجيه
ملاك:عرفت
شاهين: منوو
ملاك:اختي
شاهين:شنوو شعرفها
ملاك:ما ادري
شاهين:وهسه شنو
ملاك:ما اريد ارجع للبيت
شاهين:اوك ضلي
ملاك:عافني وطلع بلا ما يحجي شي فتحت المبايل لكيت ميامين متصله 3 مرات ودازه رسائل تسأل عليه فا تصلت
ميامين:وجع وينج ماكو ليش ما جيتي اليوم للكليه
ملاك:عرفت زمرد
ميامين بصراخ:شنووو بربج شلون وشصار
ملاك:ما اعرف شلون بس هيه عرفت
ميامين:خرب وهسه شلون
ملاك:هه ذبت حجي مثل السم وطلعت
ميامين:وهسه انتي وين
ملاك:بشقته
ميامين:اطلعي هسه اجيج نروح لشي مكان نفتر
ملاك:مالي خلك تعبانه
ميامين:اطلعي ترا اجيج اجرج من اعطوبج
ملاك:اوك لبست شالي وقمصله فوك ملابسي وطلعت رحت لمكانه لي دائما نلتقي بي شفتها واكفه
ميامين:يله سولفيلي شحجت
ملاك:دنكت راسي وحجيت واني الدمعه بعيوني
ميامين:معقوله هيج تحجي كول هاذه طلع من زمرد
ملاك:يي هيه هاي اختي هه من امي وبوي
ميامين:يا عمري لا ازعلين اني اصيرلج ام وابو واخت وكولشي
ملاك:محتاجه ماما وبابا كولش
ميامين:اووف الله يصبرج امشي وياي لا تروحين لذيج الشقه
ملاك:لا ميامين محتاجه ابقه وحدي
ميامين بحزن:ولج وحدج ما يصير
ملاك:لا عادي يله باي
ميامين:باي
ملاك:عفتها ورجعت للشقه شفته جاي ومبين عصبي
شاهين:وين جنتي موليه
ملاك:ويا صديقتي جنت ليش
شاهين:اني شكلت مو كلت ماكو طلعه
ملاك:يعني شلون حتى الطلعه حرام عليه اطلع
شاهين:يي حرام والله بعد اذا طلعتي انهيج يله امشي ولي
ملاك:هووف استغفر الله عفته ورحت للغرفه مخبل نزعت الشال والقمصله وكعدت حايره شسوي بدنياي سمعت صوت الباب بقوه يمكن طلع بعد احسن فتحت مبايلي وطلعت اغنيه حزينه واذكر حياتي قبل

ابو شاهين:اجه ابو مرتك وحددنه يوم العرس
شاهين:شنوو ليش منو كالكم اني هسه ازوج
ابو شاهين:عيب صارلك سنتين خاطب لو مزوج جان هسه جاي حفيد صخام
شاهين:ما ازوج هسه
ابو شاهين:شاهين عيب بويه صارلك سنتين خاطب البنيه لا تطلع وياهه مثل الاوادم لا تتصل لا تروحلها تسألها شلونج مكضيها شغل بشغل
ام شاهين:يي صح كلام ابوي يمه
شاهين:وشوكت حددتو
ابو شاهين:الشهر اليجي
شاهين:الله كريم عفتهم وصعدت لغرفتي وبالي كله يم ذيج العفتها اووف منج