ملاگ الضابط

الجزء الثاني "7"

#ملاگ الضابط
#للكاتبه :الخفاجبه

جوانا:شكاعد يصير ليش الشرطه هنا
يمان:هسه اطلع اشوف شكو
جوانا:طبو الشرطه اعتقلو يمان باوعلي وحجه
يمان بهمس:لا تفكرين اعوفج يا حلوه راح اضل وراج وراج وابوج حسابه يمي اعرف هوا لي لي كاللهم عليه
جوانا:بلعت ريكي بخوف ورجعت لي وره غمزلي وطلع وياهم
شاهين ببتسامه:وفيت بوعدي يا جوانتي
جوانا بخوف:بابا يمان ما راح يعوفنه راح ينتقم
شاهين:ما يكدر هسه هوا راح ينسجن ويمكن ما يطلع بعد يله امشي بدلي وحضري ملابسج بعد ما اخليج با العراق راح اسفرج
جوانا:صعدت للغرفه بدلت وشمرت البدله حضرت ملابسي بجنطه شلون ما جان اهم شي اريد اطلع بأسرع وقت اعرف يمان ما راح يعدها اله ينتقم مني ومن بابا اخذت الجنطه ونزلت
شاهين:يله صعدي بسياره هسه اجي
جوانا:صعدت شوي واجه بابا
شاهين:راح نروح لربيل فد شهر هيج ونسافر لان هسه عندي شغل مهم
جوانا:ماشي طويل الطريق صافنه صح مرتاحه لان خلصت من يمان بس خايفه مدري ليش الطريق طويل كولش لعبت نفسي لان ما ماكله شي من البارحه وصلنه لربيل بنص اليل وكف بابا يم بيت نزلنه شفت البيت جبير كولش بيتمن هاذه
شاهين:بيت عمج ايمن
جوانا:دخلنه استقبلنه عمي ببتسامه حضن بابا
ايمن:مشتاقين خويه
شاهين ببتسامه:متغير ولك صاير رجال
ايمن:هاا شاهين بدينه
شاهبن:تعالي بويه سلمي على عمج المطي
ايمن:ياا هاي بنتك
شاهين:يي بنتي جوانا
جوانا:شلونك عموو
ايمن:هلا يا بعد عمج ولك شاهين متأكد هاي بنتك لو ملاك
شاهين:هه بنتي هاي
ايمن:سبحان الله تشبه ملاك
جوانا:اجتي بنيه حلوه سلمت علينه طلعت زوجت عمي
اساور:امشي اخذج للغرفه ترتاحين مبينه تعبانه
جوانا:اخذتني للغرفه بناتيه مبينه اخذت ملابس الي وطبيت للحمام غسلت وطلعت
اساور:اكعدي اكلي جبتلج اكل
جوانا ببتسامه:شكرا
اساور:العفو يحلوه
جوانا:اكلت شوي وكمت نمت احس نفسي ميته من التعب

ايمن:وهسه شراح اسوي
شاهين:ما ادري خايف على بنتي منه
ايمن:ما راح يسوي شي ما طول هوا با السجن
شاهين:لك هاذه عنده معارف با الدوله يكدر يطلع
ايمن:لعد لازم اسفرها
شاهين:حتى اذا اسفرها يلكاها
ايمن:زين عرفت قاتل مرتك
شاهين: يي
ايمن:منو
شاهين:بعدين تعرف منو
ايمن:والله يا خوي انته تخوف
شاهين:هه
ايمن:كوم نام ارتاح
شاهين:طبيت للحمام غسلت وطلعت رحت للغرفه شفت صورتها كدامي ابتسمت ملاكي ما ضل شي واخذ حقج من لي كتلج

بعد مرور 4 اشهر

جوانا:صافنه على حياتي لي تغيرت بعد هروبي منه واحس بخوف اذا عرف مكاني
اساور:وين صافنه يا حلوه
جوانا:حاسه احد يراقبني
اساور:شنوو متأكده
جوانا:والله اكيد هوا عرف مكاني
اساور:لاا مستحيل شلون يعرف
جوانا:ما ادريي
اساور:زين هوا مو مسجون
جوانا:يي بس حراسه لا وراي وراي
اساور:عززه يعني هسه انتي بخطر
جوانا:ما طول بابا وياي عادي
اساور:دكومي اكلي شايفه هسه نفسج صايره خزي ضعفانه
جوانا ببتسامه:احسن لعد وين عمو ايمن
اساور:تعرفين بعمج سايب ما يكعد ابد
جوانا:هههه رحت تغديت وصعدت اكمل دراستي طبعن بهل 4 اشهر ستقرينه بأربيل بس بابا مرات يروح لبغداد يضل سبوع على مود شغله ويرجع اني سجلت بمدرسه قريبه على بيت عمي وكمت اداوم وياي مرت عمي اساور لان تشتغل مدرسه بنفس مدرستي
كملت دراسه احس راسي صاير طبل شفت الساعه با 4 ونص طلعت كعدت يم اساور
اساور:ابوج باجر يجي
جوانا بفرحه:صدوك شو ما كالي
اساور:هسه عمج كالي باجر يخلص شغله ويجي
جوانا:حاسه بابا كاعد يخفي عليه شي
اساور:يجي يوم وتعرفين
جوانا:اي
اساور:درستي لو لا
جوانا:يي جنت ادرس كملت اصلن
اساور:كومي نروح لسوبرماركت
جوانا: روحي انتي اني راح اضل بم الجهال
اساور:ماشي لعد
جوانا:راحت اساور واني كمت للمطبخ شتهيت كيك كمت طلعت مواد الكيك وسويتها خليت الكيكه با الفرن سويت كريمه وخليتها با الفريزه ابين ما تستوي الكيكه رحت نضفت البيت ورجعت للمطبخ طلعت الكيكه خليتها تحر وخليت الكريمه خليتها با الفريز رحت لغرفتي شفت نفسي كولي وصخ 😂طبيت للحمام غسلت وطلعت لبست تراك برموده لون اسود نشفت شعري وسويته ضفيره سمعت صوت اساور
اساور:جوانااا
جوانا:هااا شكو
اساور:ولج شنو هل كيك
جوانا:اني سويتها ليش
اساور:تخبل 😂
جوانا:هههه خرعتيني عبالي بيها شي
اساور:هسه يجي ايمن ياكلها كولها ما يعيف لحد
ايمن:ها سمعت اسم ايمن
اساور:ها حبيبي تعال
ايمن:شنو هل كيكه منو سواها
جوانا:اني
ايمن:يا بعد عمج انتي من اجيتي لسه توكلينه كيك راح يصعد سكري
جوانا:هههه احسن
اساور:شتريد نسوي عشه
ايمن:اي شي سون
اساور:خلي نطلع نتعشه با المطعم نغير جو
ايمن:ماشي لعد اتحظرن با 6 نطلع
جوانا:صعدت لغرفتي حايره شلبس شفت كدامي ثوب لون زيتوني لبسته موو طويل كولش ولبست حذاء اسود وشال اسود اخذت جنطتي وطلعت
اساور:يله ايمن ينظر
جوانا:رحنه للمطعم اتعشينه وراها رحنه للمول عجبني حذاء وجنطه شتريت ودفعت الفلوس وشتريت ساعه وبس اكلنه موطه ورجعنه للبيت راسن صعدت بدلت ونمت

الصبح
جوانا:كعدت على صوت اساور العالي تتعارك هيه والجهال لان ما يريدون يداومون كمت غسلت وطلعت لبست صدريه سوده وقميص ابيض وشال اسود لبست الساعه ورشيت من عطري المفضل حاسه بحماس اليوم مزاجي حلو اخذت جنطتي وطلعت
اساور:تعالي تريكي حتى تروحين اني اليوم مجازه
جوانا:ليش
اساور:ولج شاكه بنفسي حامل فا راح اروح احلل
جوانا:اها اوك اتريكت ورحت وصلني عمو ايمن ودعته ونزلت طبيت للمدرسه رحت لصفي من العاده معارك من الصبح
رقيه:ولج عدنه امتحان رياضيات اليوم
جوانا:ياا صدوك شمدريج
رقيه:هسه اجتي كالت
جوانا:بس اني ما قاريه هسه شلون
رقيه:حتى اني ولج
جوانا:عادي ريلاكس خيه كولنه راسبات
رقيه:يي مبين كولنه اقص ايدي اذا ما تاخذين درجه زينه يل ساجه
جوانا:ههه نشالله بده الدرس الاول امتحنه رياضيات الاسئله صعبه حليت لي اعرفه وسلمت الورقه وطلعت اتمشه با الحديقه خلص الدرس وبده الدرس الثاني مثل العاده دروس ودوخه ولعبان نفس صارت با 1 حلينه وكفت انتظر عمو يجي خرب انسمطت بهل حر
رقيه:باي اجه خطي اوصلنه وياي اذا تريدين
جوانا:لا هسه يجي عمي
رقيه:اوك حبي
جوانا:ضليت انتظر انوب دنيا ضهر وماكو احد بلشارع
شفت واحد لابس شماغ  اسود ضام وجهه  ملابسه عباره عن سواد شكله مرعب كام يتقرب مني واني ارجع ليوره بخوف كمت اركض للفرع الثاني وهوا يمشي على كيف بيده مسدس عرفته من شكله اكيد هوا

يتبع
لا تنسون التصويت

تحمست للبارت الجاي 😂❤️