#الابتزاز والحرام #
# الجبورية#
متروسه روحي هموم محد حملها
مدري من اشوفك ليش انساها كلها
🌹🌹🌹🌹🌹
عشت ليلة حلوة مامرت فرحتهة على كلبي من قبل
الغرفة جان مسويهة قيصر ديسكو من الالوان والاغاني الرومانسية الهادئة
واكفة جوة المي وذاكرتي خانتني وراحت الانذل شخص عرفتة بحياتي لأاكثر لحضة كرهت نفسي بيهة خايفة لا بيوم يعرف قيصر شنو ردت فعلة اكيد الطلاك مثل ماسوة رافد
تنهدت بقهر يربي شلون بهلاحساس الي ميرضة يعوفني احساس الرخص والقذارة مرافقني كأنما خيالي
ويمشي وياي فزييت على دكت الباب
حبيبي تأخرتي خو مابيج شي ؟؟
لا لا هسة طالعة
طلعت واني لابسة البرنص والخاولي على شعري جان قيصر مموجود بلغرفة
طلعت سيتي الابيض ولبستة تذكرت من جنت اجهز وردت اخذة وامة كالت
ميحتاج عيني تاخذي هاي بس بنت البيت تاخذة خو مو انتي مطلكة
نغثيت من كلامهة وسمت بدني وبعنادهة اخذت واحد فخم وطويل وية محجل رجلي صدرة تور لحد نص البطن على شكل مثل بي زغرفة والضهر مفتوح لمراية الضهر وخيوط ينشدن والروب ردانة حريم السلطان والضهر كلة ورد ونازل من تور كلة زخرفة ورد وهية تخبلت وضلت تنافخ وتذب كلام ماهتميت الهة ولاخليتهة ابالي وجهزت ملابس نوم هواي وهية كلما اشتري وهية تجن اكثر
ابتسمت وشلت الروب لبستة مشطت شعري وتعطرت وطلعت ادور قيصر نزلت جان هوة بلمطبخ واكف يدخن ومنتضر بلباب شوية وندكت الباب اخذ الاكل من زهراء اختة
حطة علميز دار وجهة شافني ورا
هلا حبيبتي نعيما
ينعم عليك يروحي
غمزلي
تعالي اكلي اكيد راحت طاقتج
ضحكت بخجل وهوة ضحك
تقدمت وكعدت علميز كعد هوة ساعة اوكلة اني او هوة يوكلني اكتفيت بلقليل
لان مجوعانة هلكد
فرغت الصينية وخضيتهة ورحت للقوري الكهربائي الي مشغلة قيصر وحاط بي جاي
صبيت الة والية واخذتهن جان كاعد بلصالة علتخم مدد علنص ويدخن خليت الصينية وكعدت بصفة بعد.ما سوالي مجال
خو ممتأذية
تؤ عادي
ترفة
حجة وهوة يمشي
خشمة على زندي قشعرت وغمضت عيوني لحركتة
سحبني علية انتجيت على صدرة العاري
باوعت بعيونة
ادوخ من اصفن بعيونج
ابتسمت وضليت اباوعلة بتركيز احب كلماتة يلامسن كلبي قبل مسامعي رغم جان رافد يسمعني كلام حلو بس ماجنت احب اسمعه ولا اباوعلة قيصر احسة اخذ عقلي عيونة المخنزرة الكحلية حواجبة المرفوعة شواربة الي محددة شفايفة بشرتة السمرة صافية كلشي بي سلب عقلي مني ماكمت افكر بعقلي ويا بس كلبي هوة الي استلم مهمة التفكير يم قيصر
.
رفع ايدة وخلاهة ورة راسي وسحبني علية والتقت شفايفي وية شفايفة وخضنة حرب رومنسية متناسين كلشي حوالينة
من ابتعد عني اباوع عزة هاي شنو بلكاع نايمة
وقيصر يضحك يكلي وازيتيني هنا ؟؟؟ مو عيب تحصريني بلصالة ؟؟؟
حطيت ايدي على وجهي واضحك علية خجلني شكد حيال؟؟؟؟
مصباح العرس لبست ثوب ردن لحد الساعد الايد لحد الخصر وكلوشة من جوة كسرات بسيطة ابيض لميت شعري بعد مامشطتة ولبست توربان ابيض وخليت مكياج شوية قوي طلعت حذاء فلات ابيض ورشيت عطر دخل قيصر شايل بيدة مبايلة ويخابر باوعلي نضراتة صارت وكحة
ابتسمت واشرتلة اذبحك بس توصلي
ضحك ونهة المكالمة
شنو هلجمال ؟؟ وترديني بس اباوع وين انطي وجهي ؟؟
عفية قيصر مو وكتهة دتشوف كل شوية واحد جاي يلا ما يلا عيب منهم
ديلا امشي ولا كأن هية كل شوية تحصرني بزاوية
عزة قيصر احلف هيج سويت
حجيت واني اتقدم كدامة
شو دتعاي ماهدج اليوم
لا لا عفية شنو هاااي شسويت
تؤ خربت حمرتي قيصر
مسح حلكة من الحمرة وخلة عطر وطلع قبلي وهوة يتمضحك علية الخبيث
دخلنة لبيتهم تلكتنة الهلاهل والهوسات من عماتة وخالاتة واهلة كلهة باركتلي ومن وضلت لعمتي عبرتني وكالت
ميحتاج اباركلج انتي مو اول مرة تزوجين
نغثيت وصرت بنص هدومي من وراهة
وعمي عاط بيهة وهية سكتت معاجبهة الكلام
صارن كرايبهم يجن ينطن واجب ويرحن للمطبخ واني كاعدة يم العجايز بلصالة قيصر مدري وينن راح وية ابو واخوانة اعتقد للديوانية الي احنة نسميهة استقبال
زهراء تجي يمي شوية تسولف وياية وتروح شوية واجتني تركض تسحول بيدي
ولج شكو انطي مجال
ماكو مجال خية اجتي العكربة اريد احرك كلبهة
دخلنة للمطبخ وجانت جاية صديقة امهة ووياهة بنات ثنين جمالهن وسط لكن صاحبات اجسام حلوة جسم كمثري مشدود شوية قصيرات وحدة حنطية ووحدة سمار مملوح
زينة وزهور
زينة تنكث سم
وزهور شوية احسن من اختهة لكن متعجرفة
سلمن وباركن الية وهنة معاجبهن يفرفرن بحلكهن منا ومنا
واكفة زهراء يمي وتدردم عليهن تكرهن
كبور الي لفتجن يطايحات الحظ يمة يمة يمة شوف الواكة والبارحة اني واكفة وراهن يحشن بأمي بس مستاهلة امي هم لوكية
ضربتهة بعكس ايدي اسكتهة
ولج اسكتي ليسمعوج
اخخخخ يبرودج ولج هاي ام رجولة تركض ورة اخوتي تريد تلزك بناتهة بيهم وهنة استغفر الله
معلينة بيهن عوفيهن خلي يولن
حجت امهن بصوت شبه عالي
اكول دادة ام قيصر جابلج قيصر بياضة شفتي تأكدتي
دتهة ذيج
خية شبيج نسيتي هاي مطلكة منيلهة بيااض
احس اذني كامت توش من العصبية وبعدلي شوية اهد عليهن وانطحهن مثل الثور الاسترالي
تحركت وردت اروح الهن لكن ايد زهراء وكفتني وحجت بصوت عالي
دندن قيصر يريدج يكول خلي تلحكني للبيت وضحكت
جرتني وراهة وطلعت
ليش ماخليتيني ارد عليهم كلبي شعلنة نار جان طفيت ناري بيهم
لا دنيا امي متسكت وتضل تحجي عليج وتصيح وتسويلج عركة بصباحيتج لتهتمين
استغفر الله استغفر الله اني ماتحمل هلمهزلة ابد اتخبل من شخص يهين كرامتي واسكت راح اطك شورطت روحي اني
جنت احجي واني احمس قهر بكلبي وافتر بمكاني اراوح بي شلت تلفوني وخابرت قيصر
الو قيصر تعال رجعني للبيت ماتحمل اني
شكو شبيج حبيبتي
امك مدتعوفني بحالي ترة راح اسوي مشكلة الهة اول مالهة اخر
جايج جايج اكعدي بلغرفة يم زهراء وجاي اني
سديت التلفون وزهراء يمي
اهدي دنيا حبيبتي لتضوجين نفسج انتي عروس لتخليهن يكسرن فرحتج.
مجاوبتهة واني ميتة قهر منهن ديهنن بية واني ساكتة عضيت اصبعي بقهر
اخخخخ لو ما قيصر وخاطرة يمي لجان عرفت ارد
يمعودة اهدي شبيج هاج اشربي مي اخذت الكلاص وايدي ترجف من اعصابي مشكلتي من اعصب ماكدر بعد اسيطر على اعصابي واذا ماطلعت عصبيتي يضل جسمي يرجف ماسيطر عليه ابد.
دخل قيصر انطيت الكلاص لزهراء وكمت رحت يمة يعصبية
شوف قيصر تروح تسكت امك وتخليهة لتحجي علية وتضل تبث كلامهة الي مو منطقي علية كدام النسوان
عيب دنيا ميصير تحجين هيج وامي اني اسكتهة حبيبتي اهدي ميصير هيج
مالي كعدة هنا اريد اروح للبيت ماتحملهم اني
اخذت مبايلي من على الكومدي ولزمت ايد قيصر
طلعنة للمطبخ وهنة بعدهن كصن بية
شفتي خية مدري شسوتلة واخذهة يمكن ساحرتة ولا هوة عزابي وهية مطلكة شلون حبهة مادري
اي خية هاي ساحرتة اني باجر اخذج لشيخ يفك سحرهة بلكن يطلكهة واني انطيج هاي زينة الوردة الحبابة بتي
اي والله خية هيج بيهة بخت ويطلكهة ونفتك
يمة؟؟؟شنو هلحجي ؟ صدك يعني انتي هيج تفكرين ؟!! بدال متفرحين اني مرتاح ترحين تنغصين علية صباحية عرسي وتغثيني وتغثين مرتي ؟
جرني من رادت تحجي وطلعنة من البيت ورحنة لبيتنة هوة عصبي واني عصبية
ضليت كاعدة بلصالة وحدي وهوة راح للحمام
جنت حاطة ايدي على خدي وصافنة علحايط عود صدك اتزوجت ورجعت لنفس المعانات وحجت وكالت وطلعت واشتغلت يبووو بس اني هسة يفرق هواي وياي اني احب قيصر اموت علية
مادري راح اتحمل كل هلكلام؟؟ استغفر الله العظيم شلون مشكلة هاي
دك تلفوني وفزز صفنتي شلتة دانية
هلا حبيبتي دانية
هلا يكلبي صباحية مباركة يعمري
تسلمين الله يبارك بيج حبي
دندن شوكت تجين تودعين سجاد ترة ورة الغرروب يطلعون
انقبض كلبي لهلجملة يعني صارت صدك وراح يروح سجاد؟؟ حجيت وصوتي احسة نكسر كأنما طفلة وتفارك اهلهة هيج حسيت وصدك هيج اني راح افارك اهلي كلهم سجاد امي وابوية وصديقي واخوية وحبيبي وسندي مداعرف احساسي بس نار مشتعلة بصدري
هسة اخلي قيصر يجيبني
خنكتني العبرة سكتت ودانية بجت
واني ماسيطرت بعد على نفسي اجهشت بلبجي وشهكاتي تطلع من كلبي
سديت الخط واني ابجي بدون ماحجي بعد ماعرف شوكت قيصر اجة يمي بس كل الي سوا لمني لحضنة وصرت افرغ قهري وحزني على صدرة
جان يحجي كلمات يحاول يسكتني بيهن ويطمني انو هوة يمي ومراح يتركني بس سجاد محد يعوضة بكلبي
محد يعرف شنو سجاد بلنسبة النة اني واخواتي
كمت وغسلت وجهي ونضفتة من المكياج واخذني قيصر واني كل شوية دمعتي تنزل
وامسحهة ماحجينة بعد اني وقيصر التهيت بحزني على فراك حبيبي
من وصلت ردت انزل لزم ايدي قيصر وحجة
لتبجين حبيبتي كدامة لان حالف اذا وحدة بيجن بجت يكول ماروح واضل وضلتة هنا خطر علية ترة اهل الواء لسة يبحثون عن عنوانكم واني انطيتة الهم غلط خلي يتيسر ويروح وهوة مئمن
هزيت راسي بطاعة الة ومسحت وجهي نزلنة ولكيت خواتي هنا قبلي جايات ووجهن احمر ومبين عليهن الحزن ضليت حاضنة سجاد وكاعدة يمة مثل ضلة اريد اشبع من حضنة الدافي الي راح افراكة سنة كاملة
وهوة يضحك علية
رايح لامي ومودعهة وابوية هم مودعة
تغدينة يمهم وكعدنة كلحنة يم بعض سجاد محمد علي قيصر دانية ديانا نور كليتنة كاعدين نسولف ساعة نضحك ساعة نحزن كمت واني احارب دموعي اعرف راح انحرم من هاي اللمة الحلوة وكعدتي بينهم لان هلبيت راح يتأجر واجارة يتقسم بيناتنة اني واخواتي هذة قرار سجاد يكول حتى الي تعتاز بيجن عدهة فلوس
طلعت للطارمة ودموعي نزلت بحركة صرت اشهك بحسرتي حسيت بأيد على متني ولمني لحضنة حضنتة حيل واني اشهك نفسي اترس رئتي بعطرة عطر الحنان الدفو الاب الي جان ولازال هوة النة كلشي
رفع راسي بين ايدة وهوة يباوعلي
اترك كلشي وابقى يمجن؟؟ اني
دابحث عن الي سوة هلعملة وبلاني بيهة مجرد مالكا ينتهي كلشي ماعرفجن خلاص باقي
هزيت راسي
لا لا سجاد لا عفية روح اني بس شوية مستصعبة فراكك تعرف اني روحي معلكة بيك
حجيت بصوت مهضوم
رجعت حضنتة وحجيت
انتة ابوية وحبيبي واخوية وامي اخاف عليك لو صار بيك شي ااني ماعيش ابد روح اطمن اني وياية قيصر وخواتي كلمن زوجهة وياهة لتكطع بينة وخليك على اتصال ويانة
رحت الامي اليوم
هه شلونهة الحنينة
جانن متكافشات هية ومرت خالي
حيل كون يكتلنهة ههههههه
هههههه طاححضج
والله يخوي ماشفنة الخير منهة شون فشلتني هذاك اليوم كدام هذة الولد مدري منو
معليج بيهة شتريد تحجي تحجي انتي شلونج وية قيصر واهلة
زينين حبابين حجيتهة واني اتذكر حجي امة
تنهدت وكملت
ناس فقرة هز راسة سجاد
الله يسعدج يا رب
واكفة وقيصر حاضني من متني وخواتي يمي وكل وحدة زوجهة يمهة نبجي قيصر سافر صعد بلطيارة وانطلقوا واني رجعت الطريق كلة ابجي احس راسي راح ينفجر
حجة قيصر
حبيبتي ميصير هيج يعني من الصبح لحد هسة عيونج ذبلت من البجي
ادعيلة يوصلون بلسلامة ميصصير تفاولين علية وتبجين.
ماكدر قيصر احس شي ونقص بية شلون حفاركة سنة مادري
ميخالف يعمري ادعيلة وكافي بجي وجهج ذبل وعيونج راحت من البجي
وبعدين اني محضرلج مفاجئة
سكتت ومسحت دموعي وضليت اباوع علشارع وساكنة وقيصر يسوق ويدندن بغنية مافهمهة لان صوتة خشن ونوب يدندن
لازم اييدي ومخليهة على الكير وايدة فوكاهة
وصلنة وتونة نزلنة من السيارة بلكراج مالت بيتنة دخلت امة ووراهة زهراء تهدي بيهة
انتي متستحين طايحة الحظ ادبسز اول يوم الج تفرفرين وخطار جاي يشوفج دايحة ماخذة ابني وتفرفرين بي
وحجت حجت وحجت واني واكفة اباوع عليهم وقيصر يريد يردهة ويسكتهة وهية تصيح اجوي الولد وعمي واني عفتهم ودخلت مالي خلك شي قهري على فراكي لاخوية اقوة من انو اهتم لكلامهة دخلت للغرفة سبحت وطلعت ظليت كاعدة علطابورية كدام المراية وصافنة وايدي على خدي تعبانة وصوتهم اختفة وقيصر مادخل بعد ماعرف وينة
جففت شعري بلخاولي وكمت لبست ملابس ورحت تمددت على فراشي
اخذت تلفوني اطمن على خواتي خاف وحدة بيهن متخربطة لو شي تأكدت مابيهن شي سديت الخط دخل قيصر مدخن عصبية طبك الباب حيل نزع ملابسة وشمرهن علجرياية وراح للحمام كمت اخذهن ذبيتهن بلسلة وطلعتلة ملابس بيت هوة يحب يلبس بلبيت برمودة وفانيلة تعلاكة
حضرتهن وطلعت للمطبخ حضرت صينية فاكهة على كرزات نمنمات وسفن وخليتهة بلصالة صعدت للغرفة جان واكف وينشف بشعرة ولابس ملابسة
تقربت علية وحضنت ضهرة
حجيت وراسي على ضهرة
شبيك حبيبي
مابية بس تعبان شوية
اسم الله عليك يا عمري انت تعال امشي
نزلنة كعد علتخم وكعدت اني بحضنة باوعلي بوكاحة وعض شفتة
اذوب بلاحمر اني
حطيت راسي على صدرة واني مبتسمة
جنت لابسة تراك قصير ستن شورت وبدي البدي لحد الصرة والشورت نص الفخذ لونة احمر صارخ متناقذ وية بياض بشرتي
رفع ايدة يمشيهة على رجلية صعد لبطني
رفع راسي اخذ شفايفي بين شفايفة
وانطلقة بعالم رومانسي ناسية حزني وناسي عصبيتة .
جنت نايمة على رجلة راسي عليهة وشعري بلكاع نازل وهوة رجل رافعة ورجل نايمة اني عليهة كاعدين نسولف
عن ماضينة وشنو نحب وشنو نكره
سئلتة سؤال
حبيبي هم بيوم تحلة وحدة ثانية غيري بعينك
تؤ ابد انتي وبس تارسة عيني وروحي وحياتي
واذا بيوم امك كالت الك تزوج عليهة
صفن شوية وابتسم وكال
ومستحيل لو مو امي تكلي لو يخيروني بين الموت والزواج عليج اختار الموت
رفعت نفسي ونتجيت على صدرة واني اخلي التفاحة بحلكة الي جنت اكل منهة
اسم الله عليك يا عمري انت
حضني حيل
ثاني يوم فاجئني قيصر من كال راح نروح للسليمانية
طرت من الفرح وكال نضل هناك عشر ايام
ركضت احضر بغراضنة واني فرحانة أوي
شك. حلو جنت اتمنة اروح الهة من كثر مااسمع عن جمال الطبيعة هناك
دك تلفوني نيزك
هلا بذاتة هلا حقيرة لج اتزوجتي وبعد لا سئلتي ولا كلتي
كعدت علجرباية بحزن واني اجاوبهة
نيزك سجاد سافر
لاااا صدك؟؟ شوكت واكول مختفية سودة علية يمة حبيبتي اعرفج روحج بي
اي نيزك اني اشتاقلة اذا صعد لدوامة شلون بية
حجيتهة وانفجرت ابجي واسولف لنيزك عن قهري ومعاناتي وية كلام عمتي الي ميخلص .
نيزك اني اخلص من فاطمة وميقات تطلعلي عمتي ام قيصر
واني داسكت لخاطر قيصر تخيلي الصبح رحت اصبح عليهم بين ماقيصر راح جانت عندة شغلة
دخلت صبحت عليهم كلتلي لا هلا بهلوجه الزفر مدري شنو عجب قيصر بيج واخذج
ضل عمي يحجي عليهة وزهراء هم متقبللهة هية من شافت هيج يحجون عمود حجت علية نهدت بية ترزل وتغلط وتسب بية
اوووف دنيا شلون حض عليج وقيصر يدري بلي صار.
لا ماسولفتلة ماريد احجي كدامة بعد لان كلما احجي كدامة هية تزيد متنقص وخايفة قيصر عصبي ليروح يصر بي شي
تحبي ولج؟
احبة شنو كولي اموت علية اعشقة مجنونة بي متدرين شكد حنون علية ميجبرني على شي حتى الحجاب ماجبرني علية رغم عمتي شكد حجت ورادتة يلبسني عباية
اوف عباية راس مرة وحدة؟؟؟
اي والله بس هوة كللهة الحجاب قناعة ميغير من داخل البنية وهية لبسهة محتشم ميحتاج اضغط عليهة
اوي فدوة الله يحفظكم انشالله
تسلمين يروحي شخبار عمار
سافر
لا جذب
والله البارحة سافر وكال ميرجع بعد
وين راح
لنفس دولة اخوج
اهاااا تؤ يقهرني هلعمار ميعرف مصلحة كلبة ويريد كلشي بلقوة
هوة يحبج
بس اني ويا منتراهم انتي تدرين بينة كلما نلتقي نضل نتعارك واضافة هوة كلش متعصب وميحترم رأئي
المهم خية مو تكطعين تشوفيت قيصوري وتنسينة اسئلي دادا اسئلي
ههههه عابت ماشي ماشي اني اليوم رايحة للسليمانية العصر نطلع
حبيبتي توصلون بلسلامة
الله يسلمج دادة يلا اروح اكمل تجهيز الجنط باي .
باي حبيبتي
سديت الخط وتنهدت براحة احس هموم جانت على صدري ونزاحت من حجيت لنيزك عجيبة هلنيزك شكد ارتاح من احجي وياهة
كمت كملت ترتيب الملابس وحضرت ملابسنة الي نلبسهن سمعت صوت قيصر يصيحني
نزلت اركض علدرج
ضحك وفتحلي ايدة
بدون تردد وبكل ثقة شمرت نفسي الة لكفني بحضنة وشالني
حبيبي شوكت اجيت
توني اجيت وجبت غدة وياية
اممم اي عفية جوعانة كلش
ديلا لعد نتغدة وعندي سالفة حلوة وياج
نزلني عن حضنة وتوجهنة للمطبخ جان جايب غدة جاهز تغدينة وغسلت الاماعين القليلة الي اكلنة بيهن وصعدنة لغرفتنة
لل٣ وبدينة نحضر روحنة
راح نروح لبيت صديق قيصر عازمنة بمناسبة زواجنة ونفس الوقت هم صديق سجاد
طلعنة من البيت ورحنة لبيت اهلة نسلم عليهم مع انو اني كارهة دخولي لبيتهم لكن لخاطر قيصر دخلت
جانوا كاعدين بلاستقبال سلمنة عليهم ومن وصلت لعمتي اسلم عليهة دفعتني عنهة حيل لزمني قيصر الي جان واكف وراية خوف من انو اوكع من دفعتهة الي سوتهة مفاجئة
كامت مشت وهية رافعة خشمهة وزينب وراهة نفس رفعة الخشم طلعن باوعت لقيصر بغضب ودنكت راسي خجل من عمي والولد من الموقف الزبالة اني اعلمج اصبري الية خلي ارجع والله لطلع هلسوالف من عيونج
سلمت عليهم واني دايرة وجهي وطلعت قبل قيصر الي ضل يرعد وراية
واني اتوعد الهة اطلع حيف اهانتهة هاي الية ...
🌹🌹🌹🌹🌹🌹🌹
تصويت وتعليق بين الفقرات
متابعة شيقة.
وللحكاية بقية.