((الابتزاز والحرام ))

٨

احتاج هدوء المقابر احتاج نوم الاموات لعل قلبي يهدء لعل روحي تسكن

جنت واكفة وارجف بعصبية وكره قوي تجاه رافد سد الباب وراد يتقدم علية عفتة وفتت للحمام ضليت اغسل بوجهي واحاول اهدء نفسي تعبانة من هلزواج ومليت من عيشتي ويا كارهتة وكلبي ينبض لميثم

غمضت عيوني واني اتذكر تفاصيلة عيونة طولة كلشي بي ينحب شخصيتة نضرتة الحادة نشفت وجهي وطلعت بدلت ملابسي رجعت عزلت الغرفة ورافد ماكو بس ملابسة مبدلهن وحاطهن علجرباية كعدت علجرباية جريت مبايلي رسايل من نيزك

دنيا حبيبتي مكانج خالي اليوم

ردت اجيج باجر الصبح بس هسة كالت دانية طلعتي ضايجة من هناك

شصاير بينج وبين سجاد

نيزك باجر نسولف هسة كلش تعبانة راح انام تصبحين على خير

ردت مباشرة

حبيبتي لتهتمين وانتي من اهلو
سديتة منهة وتمددت ضليت اذكر ميثم والكة نفسي ابتسم لا ارادي شفايفي تبتسم لمجرد يمر خيالة براسي احبة من اول مرة وكعت عيني على عيونة الحادة اووف غفيت واني افكر بي ودمعتي بطرف عيني بس ماخليهة تنزل ابد اني قوية توني غفيت وحسيت الباب نفتح بس من كد منعسانة ماكدر افتح عيني ضليت مغمضة دخل للفراش وضل يبوس بوجهي بهدوء مانطيت رد فعل رفع راسي ومد ايدة جوة راسي وحضني غفيت وماحسيت عليه بعد غير الصبح التلفون يدك منبه فتحت عيوني منزعجة

تحرك رافد ودار وجهة سد المنبه باوعت بل٦ ونص كعد صبح علية مارديت ضليت على نومتي تنهد وكام راح غسل وبدل حتى ريوك ماسويلة اسوي سم بكلبة غطيت راسي ورجعت نمت

مرت فترة شهر واني وية رافد نار وشرار ماطيقة ابد ويوم يعد يوم واني اشوف مميثم كدامي ازيد بحبي الة
بيوم كاعدة اكلب بلجهاز اجاني اشعار طلب صداقة علفيس
دخلت عليه من الصورة عرفتة ميثم كلبي صار ينبض بقوة احس صوتة ملة الغرفة ضليت مترددة اقبل لو لا
ربع ساعة اني افتر اروح وارجع بلغرفة افكر
رفعت المبايل بيدي باوعت عليه دست موافقة وسديت النت علسريع كمت اكمز

يربي يربي شسوي شسوي خرب اني شلون قبلت الطلب هسة يكول كاتلة روحهة علية
شوية وفتحت النت اجني رسائل علمازنجر منة
يبو يبو عزة شسوي فتحتهن .

الو

السلام عليكم

شلونج دنيا اني ميثم تعرفني مو

دنيا ماحب الف وادور وياج اني احبج اموت عليج

يمةةة غير احس الدنيا متوسعني بعد ضليت اهفي على وجهي بيدي رغم الجو بارد بس احتريت

جتني رسالة والجهاز بيدي منة

ردي دنيا ليش ساكتة
رديت