((الابتزاز والحرام ))

١٧

#الابتزاز والحرام#

#الجبورية #

راحت للاسف لهفة احبك حيل😔
      
        بقى بس السلام وبحسرة  يطلع 💔

🌹🌹🌹🌹🌹🌹
ومشت حياتي هيج وصار يوم العقد مالتي اي العقد الي اني قررتةة
صارت خطبتي رسمية بعد ماقيصر اجة وجاب اهلة رغم امة واختة ماجان عاجبهم انو اني اصير الة بس لان هوة يريدني بحساب اني مطلكة وهوة ولد عزابي

جيت من الصالون وجنت لابسة بدلة جويتي ومكياج حلو والبدلة حلوة طويلة وعلى الجسم قالب بدون حمالات ومن يم الخواصر تور شفاف والمكياج جان كلش حلوووو خليجي عند احسن الماكيرات

عقدلنة السيد وصارت هلاهل وكمت بدلت السيت بلثوب واجيت كعدت ودخل قيصر يخطف النفس بلجمال هيبة جمال طول جنت اباوعلة عيوني ميرضن يبتعدن عنة وعن جمالة وهوة لابس الدشداشة البيضة والغترة البيضة ملفوفة على راسة نفس الكشخة والهيبة العطر الي يدخل بأعماق انفاسي من اشمة لبسني الذهب وباسني من راسي وتفاجئت بحركتة من باسني يم اذني وشهك النفس والبنات صارن يصفكن ويضحكن واني خجلت الاستقبال جانت مزينة واجمل صارت وكوشة سويناهة اني ودانية وديانا وسجاد ومحمد ضلينة نسوي بيهة
كصينة الكيك وبدت فقرة الركص شغلن اغنية انطيني وعد كوة قنعو يركص وياية ميقبل يكول زحمة واني رجال اركص

وبدت الاغنية

انطيني وعد للموت روحي بروحك تشدني
كلي راح اضل وياااك بس الموت يبعدني
واحلفلي بشرف الجروح ماتنساني اوعدني
لو بجومي كل الناس اريدك انتة تسعدني
واذا يمك طلبت ارتاح كلي ابشر ولتردني
واذا يتبرة مني الكون اريدك تبقى ساندني
سكف واني انستر جواك خاف الناس تطردني
كون انتة اماني تصير اذا حزني يهددني
ليغرك بشر وتروح وبنص البجي تهدني
لو من هسة الله وياك لو للموت رايدني

وكف وكال كافي وجانت ايدة على خصري ترجف وعيونة بعيوني اجواء ماعشتهة بزواجي السابق ولا شعور حسيت بي
علكن البنات اضوية وشغلن اغنية وانتي هم جنج ضحكتج حيل حلوة

وهم ركصنة بس هوة ماركص بس لازم ايدي ويفرني يركصني شوية عفت الخجل وعشت لحضاتي ويا وركصت وتمايلت

وصلت اغنية

اخ لو هسسة اخذج وانسة
  وهوة تخبل وكال لعد صدك الا اخذج هسة وشالني واني اضحك وامة تكلة ولك عيب يمة اكعد راحة متسوة هلهفة خزرهة ونزلني واني اختفت ضحكتي واحس شي بداخلي انكسر لان حجتهة بصوت عالي وبنت صديقتهة يم الديجي طفتة رأسا من حجت  صفنو الموجودين منهم وهوة خجل من موقف امة بس ديانا ضيعتهة عليهم وكالت ليش طفيتوا