الحلقة(10)من #قدري_الاسود بقلمي #الكاتبة_شهناز_الخزعلي #جيمن_جلال
ملاحظه/القصه حقيقيه وبطلتها تتابع وياكم
لتصاحب شمس وتزاعل .......الليل
لان تشبع مذله بوكت .......الغرووب
ولتصاحب شمع وتأمن ..........بسااع
تره الشمعه تغدرك لمن .........تذووب
ولاتعشگ شخص وتصدك ......الينكال
امشي بشور عقلك مو ..........بالگلوب
ولاتجرح شخص دير بالك انته ...بهاي
حط نفسك بمكانه شلون.شوفه.. يلوب
ولاتمشي غلط درب الغلط .......معروف
تظل بعلتك جنك طفل ...........مصيوب💔
غادة/بقيت كل يوم اقرا الدعاء واردد بي
بس كثرت احلامي المزعجه وصارت عندي حاله احلم بالشي يتحقق يعني شغلات بسيطه ....
بده عندي تجاوب بالعصب كمت اكدر احرك اديه وارفعهن احك جسمي من يحكني الزم شغلات بس يرجفن يعني اذا الزم كلاص تبقى ايدي ترجف واذا اطول يوكع ...
ميخالف هذا بحد ذاته تطور واحمد الله واشكر على النعمه بدت رجليه شويه شويه احركهن بس بقت اصابع كف الارجل مايتحركن يعني اذا ارفع رجلي يبقن مكفيات لجوة وهذا يسموه سقوط بالقدم تكون الاصابع مكفيات لجوه صرت احبي مثل الطفل من يخطي اول خطواته يمشي خطوتين ويوكع اني هيج الفرحه ماسايعتني يعني اكدر امشي واترك الكرسي وجانت هديه شفائي دشداشه كشمير ستوه نازل تركوازي مشجر اشجار وردي وحجاب الاميره هم ستوه داخل.
يوم من الايام حلمت كانو زايره ضريح امير المؤمنين علي ع وحاضنه الضريح وابجي كعدت سولفته لامي كالت خلص نروح نزور صار هوايه مزايرين وكالت لابوي وافق اني ستوني يسموها انجل يعني اخطي خطوات المهم اجرنا سيارة للكراج ومناك صعدنا للنجف جانت كل الناس تباوعلي شلون لازميني اهلي من اديه واني رجل اقدمها ورجل اسحلها كوة بس ماهتميت بنضراتهم لان خلص رب العالمين نضرلي بعينه التي لاتنام
حركت السياره وانطلقنا للنجف مدينه ابو الحسنين ع وصلنا كانت السيارات توكف اباب الصحن العلوي مو مثل هسه كبل نزلنا من السيارة دخلنا للصحن العلوي مشوني اهلي للامام اول خطوات من تهب رائحه الصحن والعطور السماويه تفتح النفس علاج نفسي فضيع وصلنا لباب الي يوصل للضريح...
كلت لامي :اتركيني اني الزم الباب وامشي.
امي: خاف توكعين؟
غادة: يمي ابو الحسن مااوكع
لزمت الباب جان عباره عن باب جبير مرصع بالذهب مغطى بالزجاج اليده مالته فضيه الشكل
دخلت وفرغت كل همومي شاكيه باكيه شاكره لهذا الانسان العظيم لشأنه العظيم عند الله عز وجل خلصنا زيارة وكعدنا بالصحن الشريف حتى نتغدا جانت امي جايبه وياها اكل عبارة بتيته مسلوكه وبيضات وخيار جانت اكله فاخره بالنسبه النا كعدنا ناكل واباوع للعائلات شلون مجموعين كل عائله وحد ومخلين كبالهم سفرة اكل واشكال الاكلات دولمه ودجاج وعصاير وبرياني اباوع لسفرتنا شكد بسيطه حمدت الله على كل حال يكفي الصحه الي انطانياها رب العالمين لمينا اكلنا وكمنا نكمل طريقنا للكوفه وكربلاء .. زرنا باقي المراقد الشريفه بس تعبت كلش لان بدون كرسي والمشي تعبني وتعب اهلي لان يمشوني خطوه خطوه رجعنا لبيتنا...
بعد يومين رجعت حياتنا طبيعيه كل يوم يمضي بيومه جانت اقرب وحده الي من اخواتي الزغيره مواليد٩٢ سارة احسها بنيتي مو اختي شاركتني كل الم وهم بحياتي بديت اعتمد على نفسي اكوم واكعد صح بصعوبه ومرات اوكع بس الحمدلله وين جنت وين صرت اروح للحمام وحدي....
مر على وكعتي سنه كامله سنه كامله اني على كرسي متحرك والحمدلله رب العالمين استجاب لدعائي وشافاني بس بقى عندي لحركتي بطيئه ورجلي اشمرها شمر من امشي وهذا الشي ااذاني خالو كل لامي رجعوها للطبيب بلكي يعالج هاي الحاله وصدك بااجازت ابوي اخذني لبغداد ورحنا لدكتوري حجزنا ورحنا لبيت خالو نستراح ونرجع العصر للطبيب اول ماوصلنا دكين الباب طلع ابن خالي يصير بعمري بس جميل بشكل يشبه الرادود احمد الساعدي هذا الوحيد عند خالي عنده ٤ بنات وبس مؤيد
المهم فتح الباب وضحك فرحان بجيتنا اخر مره من اجيناهم يكعد يمنا البنات ويصنف ويشاقي تحسه خفيف ومحبوب ..مد ايده سلم على بابا وبعدين مد ايده الي وجرني باسني بخدي كدام ابوي ابوي واني بقينه مستغربين دخلنا للبيت فرح خالو بينا وزوجته كلش حبابه اخذتني يم البنات تغدينا وبقينا نسولف للعصر طلعنا للطبيب
دخلنا للطيبيب...
كال :ماشاء الله ماتصورت هيج تطور الحمدلله ...
غادة:بفضل الله سبحانه وتعالى
الطبيب:ونعم بالله بس دمتور هاي الحاله مالت رجليه من امشي اصابعي يبقن بمكانهن مااكدر ارفعهن .
الطبيب:هو هذا سقوط بالقدم وهذا الا نتلات بالكهرباء هذا علاج مؤقت عسا يتجاوب .
اخذنا العلاج ورجعنا لبيت خالي بس انتبهت على ابوي ميباوعلي وجهه ثكيل عليه يعني من اساله يرد بثكل استغربت كلت يجوز ضايج من شي تركته من رجعنا لبيت خالي
اتعشينا وكملنا
كال ابوي:
ابوي: تبقين يمي متروحين هناك .
يقصد جوة يم البنات كلت يجوز يريد شي لو علمود العلاج بقينا نسولف وخالو كل شويه يكولي:
خالو :خو ممتأذيه
غادة: لا خالو الحمدلله مابيه شي
شويه واجه نسيب خالو خطار الهم كمت اني يم البنات بقينا نسولف ونضحك ونرسم بعدين اجه ابن خالو
مؤيد: ابوج يصيحلج
طلع الخطار رحت يم ابوي يصورلي يريد شي اني هم مسالت
ابوي:هنا تنامين يمي
غادة: بابا غير يم البنات
بابا: لا هنا ...... حجاها
بعصبيه سكتت لان اعرف طبعه ماعرف ليش هيج سوة ثاني يوم كعدنا تريكنا انطاني خالو ٥ الالف كال هاي الج اشتري اليعجبج وطلعنا للامام الكاظم عليه السلام زرنا وكملنا اشتريت للبنات سوارات ولامي شال فرحانه لاول مره اشتري لاخواتي من عندي ورجعنا للبيت الطريق كله ابوي وجه بي ثكل كلت تعبان واني تعبته ويوميه للطبيب ومصاريف ...
من رجعنا للبيت وصلنا بليل انطيت البنات كلمن صوغتها ولامي الشال خطيه كل فرحو سولفت لامي شلون طريقنا كتلها وخطيه ابوي ضوجته وتعبته كل يوم طبيب ومصاريف وضايج مني ...
امي :لا ماما ابوج ضايج من غير شي مو من مصاريف لو تعب .
غادة:لعد من شنو؟
ماما: ضايج شلون ابن خالج مؤيد من فتح الباب باسج وانتي بقيتي ساكته
غادة:صدك تحجين لو تتشاقين
ماما: والله ابوج سولفلي يكول باسها كدامي وهيه ماستحت بقت تضحك حيل ضايج من هذا التصرف
غادة: ماما لاتخبليني الموقف صار كدامه سلم على ابوي ومد ايده وسحبني وباسني مثل اخته حاسبني واني بقيت مصدومه قابل اضربه واحنا ابابهم وهو تعرفينه مؤدب وماعنده وكاحه لو عينه زايغه
ماما: بعد ابوج متفهمينه استغربت ردت فعله وداز امي تنبهني على هذا الشي تالي عرفت ليش مخلاني انام يم البنات لو اروح يمهن خايف عليه منه خاف عليه منك اول ...._________يتبع
رايكم
بطلع القصه تتابع وياكم
تحياتي الكم #الكاتبة_شهناز_الخزعلي #جيمن_جلال