شموووخ
بقلمي ... رونق السلطاني
......
مياده ... مرت الايام وعلاقتي بنزال بين مد وجزرخالتي سافرت الاردن ودعته بدموع وهي تبجي مية امانه خلت بركبة نزال وتوصي بي عليه وبقيت وحدي
كملت المعهد وتوضف بالمستشفى ودوامي خفارات وهو على عصابه يوميه متعارك يرديني ابطل على اي اساس اترك عملي ...!
دخلت بشهري وجى وقت الولاده شفت الموت البنات الويايه كلهم يعرفوني وكفولي وكفه الله سخرلي هالناس الطيبه من نمر بمواقف ضيق ونلكه من يوكفلناويقدمنا مساعده نتأمل ونكول الدنيا بعدها بخير وبعد بيه ناس خيره
نور عبد الرحيم للدنيا شلته بين اديه وضمتيه لصدري ابجي وابوس بي صار عندي عزوه وعائله سميه عبدالرحيم
الله سبحانه هو الرحيم الغفور بعباده نخطأ ويسامحنا نذنب
ويغفرلنا ندعي ويستجيب دعواتنا حشى لله يخذل عبد بشرمتوكل على الله
انطوني اجازة امومه وصار كل وقتي وحياتي ابني نزال طاير عقله بي يساعدني بي يشليه يسكته باليل يسهر ويايه عليه نسيت سالفة الطلاك
مرت الايام شموخ التهت بدراسته وماشفته بعد بس متواصلين بتلفون
بيوم منهن خابرتني منهاره اعصابها وتبجي وكل شهكة تشهكها تكطعنياط الگلب حجتلي مشكلتها وزعل غالي عليها ردت ادخل واحجي ويا بس حذرتني يتخبل اذا احد يدخل بشي يخصه بقيت مقهوره عليه وما اعرف شنو اقدملها بس الكلام
اصبرها بي لو افتح كاميره اخليها تباوع على رحومي من يشوفها يضحك لو يسوي حركات تضحك عليه بعدها اجر حسره ويبين القهر على ملامح وجها الطفوليه ...
بعدها بفتره خابرتني الضحكه والراحه مرسومه على وجهها والعيون تلمع بحب وعشگ كالت تراضينا وبعد التوبه التوبه اذا اعيدها لو اموت
نزال يروح لأهله يبقى كم يوم ويرجع
كال اجرت بيت ورجعت سميه كعدتها بي واحنى نكعد يم امي وادبرلج نقل وادوام هناك كافي مرمطه ...
كلمت خالتي وايدتني كالت روحي ابنج حصيرعمره سنه ولازم يتربى
بين اهله وعمامه والرجال ممقصر وياج بطلي نك وروحي ويا واستقري
كم مره اجانا امين يحب رحومي يموت عليه وهذاك تعلق بي
لان محبوس وامين يطلعه بشارع يفتر بي حبيبي يكوم يشهك
ويصفك بس يطلع
لميت غراضي وحضرت كل شي قبلها بيوم خابرت شموخ كتلها خطيه كولش فرحت
كالت باجر اخر امتحان ادعيلي انجح وما اضيع تعبي وتعب غالي هوايه تعب وياها
الصبح جاب سياره وحمل كل غراضنا سلمنا مفاتيح الشقه وطلعنا بنص الطريق خابر امين يعيط نريد نفتهم منه كلمه ماكو كولش منهار عاط بي نزال احجي تا نفتهم شبيك
كال ... شموخ صارلها يومين مندري منهولخاطفها ورجلها راح يتخبل
فرفرحت روحي عليها ابجي واعيط اكوله امشي بسرعه
ماصدكت على الله نوصل نزلت اركض الباب مفتوح هوايه رجاجيل برا
ركضت على شروق وخاله اخذت رحومي مني الي كلبها مناحه عياط
وبجي مستغرب الا اخذه امين يله سكت شويه خواتها واكفات وعيونهن وارمه من البجي مابيهن يحجن كلمه اخذت شروق على صفحه سألته اريد
افهم شكو شصاير ومنو خاطفها
شروق ... البنوات الي وياها بالخط راجعات للبيت وكبل على بيت سعد نوره كالتهم اجى زلمه كسر تلفونها اول شي كايلها امج مريضه وما قبلت تصعد ويا دافعها للسياره ومدري وين ماخذها صارلنا يومين مندري بيها يولي مياده
زلمتها راح ينجلط ويموت ماخلى مكان ما دور بي وزلمنا ويا كل ناس يدورون بديره ومسلحين محد ينام لا اكل ولا شرب غالي كل ساع ظغطه
يصعد وخشمه ينزف وما يقبل ياخذو للطبيب امين يغسله بثلج تا ينكطع الدم مدري انقهر عليه لو على اختي شحاله هسه
شموخ ... ديربالك تكضبني حيوان حقير تفوو عليك عبالك راح تفلت من عملتك هاي الا اخلي يكطعك وذر وذر ويكطك للجلاب ياكلون لحمك الجايف
ثامر يضحك بسخريه وستهزاء ... ومنهو كالج اخليج تطلعين من هينه
وهذا جلبج تا اشوف شنون يلكاج البارحه يدور عليج واني ويا ادور وجرها ضحكه خبيثه
تكرب يمي يريد ينزع حجابي يمي غراض قديمه شلته ضربته بيها رجع ضربني ورديتله الضربه وهرمشته من وجهه فقد كام يكفر ويسب ضربني ضرب اهجس تكسرت عظامي عافني وطلع ....
كمت بالكوه اريد منفذ شي انهزم منه النذل مدري وين جابني بيت قديم ومهجور كل الغراض لبي تعبانه ومكسره يومين حابسني والليل كله
كاعده ما غمضلي جفن متت خوف كلما يتكرب يمي اهيج عليه ضرب وغلط شكو شي يمي اضربه بي
الدنيا حاره وبنكه بالسكف بالكوه تفتر لابت روحي من الحر وما ماكله اهجس امعائي يبست جابلي بطل مي كل ساعه ابلل ريكي الناشف طابكه رجليه لصدري
وابجي حبيبي شصار بي هسه اهلي شصار بيهم بلجي البنوات
يروحن لبيت عمو
كمت افتر بالبيت بلجي اكدر انهزم الحقير مقفل الباب الخارجي بسلسله وقفل
ادحك من الشباك چول ماكو شي دوخه قويه براسي وماعندي توازن رجعت لمكاني كعدت اليوم الثالث واني محبوسه سمعت الباب انفتح كمت اركض
هااا يول عارر رجعت تفوو على شواربك انت زلمه انت هم محسوب عالزلم يول النسوان اخير من شاربك ياااا حماررر اكو نعال العفو
قديم شلته وضربته بي هجم عليه ضربني ضرب خمشي وحلكي يصب
دم ركع راسي بالحايط
صرخت حسيت راسي انفتح بالنص بعد ما اشوف اغمى عليا جفلني واكف فوك راسي وبيده بطل المي يصب على وجهي
ربع وكعد كبالي يمسح على وجهه وبيده التلفون يكتب ويضحك
ثامر بضحكه خبيثه ... اروح ادحك عالجلب مالج شراح يسوي
واجيبلج سم تاكلي خطيه نشفتي وجهج مصوفر واني اريدج بعد
شوي مفتحه اااخ صارلي سنه اريد اصيدج بس جلبج مشدد الحراسه
عليج هو جلب وانتي غزاله يصيحلج غزالتي هااا هههههههههاااي
تفووو عليك محد جلب غيرك حته الجلب اشرفك منك دفرني برجله اكثر من مره وكضب شعري من كفى الحجاب هز راسي حيل ... منهو الاشرف
مني هذا الكوا*** مالج مخليج تفترين بالمدارس ودايحه من ديره لديره بعدج ما شفتي شي اني اعلمج
طلع وقفل الباب ايدي على راسي اظغط عليه حيل موتني وجع اضرب برجليه بالكاع واصيح راسي راسي فتحت احجابي وشديت راسي احتضنت نفسي مدده بالكاع غمضت عيوني جسمي منهك ....
غالي ... الوو بشير شغل السياره البيك اب وتعال بيها ليجاي كريب بيت بنزال بالعجل
امين ... شنسوي هسه وين اندور بعد رحت عالبنوات
سألتهن ما عرفن شكله
غالي ... امبله حجيت وياهن هم خايفات ويمتمتن بالحجي وحده دكول كصير وضعيف وهذيج دكول شويه اصلع واسمر ولابس تراك سود
ثامر ... الله بالخيرر هسه جيت من يم مدرستها سألت ابو الدكان يكول ما شفت شي ياهو لأسئله يكول مدري وما شفت صاير الوادم تخاف
غالي ... شبي وجهك مخرمش متكاون ...؟!
ثامر بضحكه خبيثه ... البزونه شوشو خرمشتني
امين ... صاير تربي بزازين
ثامرر ... محتاجين شي اجيبلكم ويايه رايح لبيتنا اسبح واجي
غالي ... اخذ راحتك
مياده ... اليوم الثالث واحنى اعصابنه تلفت عبالك فص ملح وذاب والرياجيل مره يمنا ومره بيت ابو غالي واكفه بالمطبخ رحومي على فد بجيه دخل نزال وامين يركضون اخذو سلاحهم وكمال دخل لغرفته طلع سلاحه اني شفتهم هيج انخرطت من الخوف اول مره بحياتي اشوف سلاح
كتله شكو وين رايحين كال يمكن لكينها طبن جوه وقفلن البوب وممنوع وحده بيجن تطلع
اباوع من شباك المطبخ عبالك جبهة قتال بشارع سيارات وكله مسلحه واصواتهم عاليه تخوف البنات يبجن وخاله كطعت نفسه من البجي
كتلوها راح يجيبوها بتابوت شافت من عمرها تلطم وتعيط كاعده برا بطرمه ما ترضى تفوت جوى
غالي ... امين جيب عمامك بسيارتك وانت نزال وياهم
كمال ... بس فهمنا وين ما خذنا تا نعرف شنسوي ....
غالي ... الووو ابو ادهام وينكم اي اي نتلاكه بشارع ال --- كلهم يجون اريدكم شهود وكل شي يصير جدامكم تعال وافهمك ما ضل وكت ابوي وياك كلهم جيبهم هااا بشير خلك بمكانك لتخلي يلجحك دليني وين وياك اسمعك
شموخ ... توني غافيه وجفلني صوته صوت الشيطان دفرني برجله هيي هيي كومي ازقنبي لتسوين نفسج ميته كح*** عرج ما يطكج
عدلت نفسي ولفيت حجابي ... يول انت حته كلمةعارر قليله بحقك
كضبني من ايدي وجرني تخلبت وخرر وخرررنكس لتكضبني صيحت وامسح بيدي ملابسي
عبالك كضبت شي نكس وكشت روحي منه جسمي يرجف وحيلي
مهدود ماضلت مقاومه ولا طاقه بجسمي عيوني بعد ما اكدر افتحها
ربع وكعد حط التلفون بجيبه وفتح علاكه طلع منها لفات ثنيت ركبي لصدري وجتفت اديه ودنجت راسي مغمضه عيوني
كال هاج اكلي خوش فلافل اعذريني بنت عمي ما جبتلج دجاج منا وهيج تنسين الدلال تحشين حشيش من هينه وتركبي مركه وتاكلي
رفعت راسي تفلت عليه ورجعت دنجت حسيت نفسي خلاص
الروح بدت تطلع من جسمي اذاني توش وعيوني غوشت اهجس
راسي بكبر الغرفه اسمع اصوات بعيده مثل الحلم وسافرت روحي لبعيد
غالي ... نزال انت والولد طوقو البيت بشير خلك هينه بمكانك
ابوادهام ... يابه متأكد هينه يول هالديره مكطوعه شجابه هين
غالي ... امين تعال ويايه دفر الباب وطب دحك مناك اكو باب
امين ... ماكو بس هذا المدخل دفرنا الباب وطبينا بيت قديم يخنك
ركضنا للغرفه ادحك شموخ بالكاع هي والميت سوى مدري ميته
غالي صاح بصوت عالي ... امييين شيلها واطلع بيها للسياره
طبت الزلم كلها ابو ثامر يصيح عوفه لا تكتله
ابو ادهام ... غالي لا تتهور وتكتله وتروح بيها
ثامر ... دير بالك تموتني مراح تخلص من دمي
غالي ... منهو كال اموتك سحبت اقسام وطلقه برجله عارر عليه ولا انحسب عالزلم اذا ما اخذ حگي وطلقه بالرجل الثانيه هاي ايديك ضربتها بيها لويتها وطكيتها يصيح صياح المره هاي اصابعك انمدت عليها اكسرهن اصبع اصبع
نزال ... كافي عوفه احنى ولد عمه ونعرف شنسوي بي
غالي ... كلكم اطلعو برا لتخافون ما اموته بس اخلي يتمنى الموت وما يحصله
سعد ... يا يابه عوفه ولحك مريتك مابيها روح
غالي ... ميته اني راضي ما ادفنها اله اخذ حكها كلكم برا
حمود بصياح ... ترا هو هم ابن عمها ولو ما شايف عليها شي ما جابها لهينه وحبسها الي سويته كافي خلنا ناخذه صفى دمه
غالي بصياح ... براا لا امددك بصف ابنك واعبي حلوكم تراب
ابوادهام ... ابني اني اعرفك عاقل ما تسويها وتكتله
غالي ... ابو ادهام شيخنا وعلى راسي من فوك طلعهم وانتظرني برا جايبه وجايكم بس شغله وحده ابرد بيها نار گلبي
اخذهم وطلع كعدت يمه ورثت جكاره سحبت نفس خليت الجمره نص الجكاره وطفيتها بمنطقته الحساسه
حلفت الا اموت رجولتك انت صاحب الرسايل صارلك سنه ادز وتراسل عرفتك بس ردت اكضبك بيدي وبدليل تا محد يلومني بيك بعدين سنه صارلي صابرعليك
ومطول بال وياك واورث جكاره ثانيه واربع جكارات
طفيته وبي يصيح صياح بكل مابي حيل طب كمال ونزال شالو وطلعو
هسه ارتاح گلبي ركبنا سياراتنا ومشينا ... الوو امين وينك
امين ... اخذتها لبيتنا خفت اخذها للمستشفى ويفتحون تحقيق ويانا
هاي مياده يمها كتبلي دوا ومغذي رايح اجيبهم شسويت خمو كتلته
غالي ... موعيب اكتله واريحه جيب الدوا وروح لبيتنا لبيت اهلي رايح لبيتكم اخذها
مياده ... دخل امين شايله يركض ويعيط مياده تعالي شوفيها يمكن ماتت طلعنا نركض اباوع عليها الموت بوجها منتهيه مددها عالقنفه قست النبض ضعيف عيطت عليه شكو جايبها هنا اركض بيها للمستشفى نبضها ضعيف
كال ... ما اكدر خاف يفتحون تحقيق شوفيها انتي عجل عليش ممرضه ركض كتبتله مغذي وابر ومسكنات وجها مليان كدمات حلكها ورام شفته مشكوكه
جبتلها ماي دافي مسحت وجهه انثولت من عياط البنات وخاله وخرو عنه انطوني مجال اعالجها اشوف شبيها هيج حتموت
ماي بارد قطرت بحلكها ... حبيبتي تسمعيني انطيني اشاره واعيه انتي بس اشري رمشي رمشت شويه ورفعت اصبعها هوسه واصوات عاليه برا دخل امين وغالي وكم رجال وياهم تقدم عليها عدل حجابها وشالها
خاله تعيط وتبجي وين ماخذها راح تموت البنات كلهم يتوسلون بي خليها احنى نداريها ما صد ولا رد عليهم اخذها وطلع
صاح عليه امين البسي وامشي ويانا خابرت نزال كال اخذها يمه رحومي يمج
شروق ... الله عليك قدوري خليني اروح وياها اختي ما اعوفها
ام نزال ... اخذوني وياكم ما اضل هينه وبنتي بين الموت
مياده ... رحنا كلنا اخذنا امين طبيت اركض مدده بالغرفه وغالي يمها يمسح بديها يريد يشكل الكانوله ايده ترجف خطيه ما مسيطر انطيني ياعيني حتموت
كال ... خاف تأذيها اوردتها ضعيفه
منطاني مجال هو بيده شكل الكانوله وحطلها مغذي وفتحه عالسريع كاعد يمها ويمسح بوجها
وروحه تريد تطلع هلكد يحبها ويموت عليها..!
تلث ايام يفتر وما غمضت عينه وجهه اصفر والعيون سوده وكل ساع يريد يتخربط بالكوه لازم روحه
خلص المغذي وحطلها الثاني وابره مسكنه
حاط راسها بحضنه ويقطرماي بحلكهاساعتين بدت تستجيب فتحت عيونها
وترجع تغمض رجفت شفايفه وتعصر عيونها حيل تمتمت غالي
وينك تعال شوف حالي
باوعت عليهم لو سمحتو اطلعو الغرفه تخنك المره حتموت طلعو كلهم برا بس شروق بقت كاعده يمها
جاب جهاز الظغط قاس ظغطها وقاس السكر بعد عدها هبوط اكو سيروم نوع ثاني نستعمله لهيج
حالات كتله هذا بس بالمستشفى متوفر شلون نجيبه
غالي ... صديقي يداوام هناك معاون طبيب كتبي اسمه هسه اجيبه
خابر عليه فهمه نص ساعه دز امين راح جابه شكلنا وخلص ..
كعدت تعيط وتبجي الحقير النكس ضربني شسوى بيه ترجف ترجف وتعيط حالها يبجي الحجر حاضنها بكل قوته ويشاور بيها يرجف مثلها واكثر وهي حنكها يرجف ومغمضه عيونها ودموعه تنزل
متت بجي عليها طلعنا خليناهم وحدهم
شموخ ... اسمع اصواتهم بعيده واعضائي شبه ميته حسيت بي شالني
بس ما اكدر اسوي شي لو انطق كلمه برودة المغذي سرت بجسمي بديت
اصحى مثل الارض اليابسه وجاها مي واحتيت وعيت اكثر كمت اصيح وجسمي يرجف اهجس شي ياكل بي
حضني ويهمس بذني بصوت يرجف يمج بحضني انتي لتخافين
بجيت بقهر....ضربني حيل ضرب غزالتك جنت خايفه متلكاني
واضل تحت رحمته هالحيوان
اني اخليج تحت رحمة بشر انسي كل شي ولتحجين خلص كل شي انتهى
تعبانه جثير تعبانه جسمي كله يوجعني شفتي تحركني
جبتلج كل شي هسه اسبحج وترتاحين غمضي عيونج
خله راسي عالمخده وطلع
مياده وشروق فوك راسي وامي عمتي رضيهتبجي والبنوات كلهن عمه عاليه كعدت يمي تبجي الى هسه ما مستوعبه لي صار كلما اغمض اهجس نفسي بحلم وافز مرعوبه
غالي ... بيداء جهزلي الحمام
شروق ... اني اسبحه روح انت ارتاح الله يعينك
مياده ... اي صدوك هسه احنى نسويله كولشي لدير بال عزه ولا يسمع كلمه راح جابله ملابس وكل غراضها
دخل من بيناتنا شالها واخذها للحمام يتصرف ولاكأنو احد موجود
شموخ ... نزعني ملابسي وكطها بسطل الزباله شاف اثار الضرب غمض عيونه ويهز براسه
عبى البانيو مي نومني بي غسل شعري ورفعه فوك جاب ليفتي الناعمه بهدوء غسل جسمي كله
كومني على كيفه نشفني وحطلي كريم على مكان الكدمات يشتغل بهدوء وصمت لف شعري بالخاولي
شالني طلعنا من الحمام عمو سعد بوجهنا ضميت راسي بصدره غير استحيت متت خجل رجعني بمكاني كال اسبح واجي
امي ضلت يمي شروق ومياده راحو
طب امين عليا بوسني وضل كاعد ما راح
جابلي شوربه وكلني شويه
جده شيخه ... شراح اتسوي يجده
غالي ... كل خير اسوي
جده ... مريتك يمك وزينه ما تكلك لكمه تسند بيها حيلك دحكت نفسك شنون غادي
غالي ... ما يمهم جده اصفي كل شي ويصير خير
كتله ... لتكتله لتوسخ ايدك بدمه مابيه حيل افقدك لو تنسجن علمود واحد عاررر
امين ... عود لو كاتله اشرفله من ما مسوي بي هيج
دحكت عليه كتله ... شسويت بي
فتح الخاولي من شعري كال ... ما سويت له الا الواجب جيبولي مشط
جده ... احنى وين نحجي وانت تريد تمشط جان اخذتها فوك بحجرتك
صارلك ساعه تحضن بيها جدامنا استحي من اخوها كاعد ............
غالي ... شعندج كاعده يمي وادحكين عليا اخوها مو غريب
جده ... هااا مو اكوملك فاصخ الحيى فرد نوب
غالي ... ليستحي يراوينا عرض جتافه
رضيه ... عمه لتحجين تعبين نفسج
وفاء ... هاك المشط
اخذ المشط كعد يمشطلي امين استحى كال الصبح اجي
ما كدرت اتحمل جرت المشط رجع راسي على صدره
امي وجده راحو بالغرفه الثانيه مددني بحضنه منين ما يكضبني اصيح
مرت تلث ايام صحتي شوي تحسنت يوميه يحطلي مغذي واكل شوي شوي ناس رايحه جايه خطار بدوانيه
كل ساعه يجون زلم من ربعنا ويطلع يمهم يطول بساعات
يله يجي ومن اسأله يسكتني بحضنه
اهلي وخواتي يوميه يجون يشوفوني
بيوم الرابع صارت كعده بيتنا عمو سعد فتح الدوانيه الخارجيه
عمتي رضيه عصبيه وما راضيه على شي دكول ابني صارو عندا اعداء وما راح يخلص ماعندي غير هالواحد
لو ادري هالزيجه هيج اسوي بي فلا ازوجه تعض على اصبعها كناله جوز من هالدرب البنيه زغيره وراها ولد عم واخوها ما ينطيك دك رجل وعاند الا هي وتاليتها كل شي ما حصل حتى خلفه ماعندا
كلامها يطعن بكلبي سكتت عنها وانطيتها العذر
ام ومحروك كلبها على ابنها ماعدها غيره يارب تعدي على
خير اصوات الزلم عاليه كاعده ادعي ربي تعدي على خير وما يصير له شي
كالت ام عناد ... خيتي رضيه ابنج متخبل حتى عمامه
يزمخ بيهم مايسمع غير صوت راسه يول يمعثوره خاف
مغتصبها وما يرضى يكول
عاليه بصياح ... انتي راس الحيه الصمي ولضلين
تنفخين بسمج علينا خل تفض ويصير خير تا اشوف مالج رداد
لساعه 11 باليل طب غالي وعمو سعد وعمو سعدون
وكمال وامين وياهم
جده شيخه ... هااا يمه شصارر شو ما نسمع بس المصايح
سعدون ... ثامر مكسر بين الحيا والموت
رضيه ... عزه العزاني راح وليدي
سعد ... فالج ما گبلنا شبيج يمره ابنج يمج بدال متفرحين اخذ حگه وحك حرمته
اشتد الحجي بينهم اخواني سلمو عليه واخذو امي وراحو
رضيه ... يعني راح يموت وما نخلص دم يجر دم اااخ ربي
جده .... وتالي شصفيتو الحل شنهو ابوادهام شيكول
غالي ... طردتهم من العشيره انطيتهم مهله هالاسبوع يطلعون من الديره كلها
جده ... ابن عمها مو غريب وكرابتكم اهلها شنون تروحلهم
شنون تطرده
غالي ... حرمتي والحگ حگي اهلها مالهم علاقه غير هالحل ما عندي لهنا وانسد الموضوع ورب الكعبه اذا اسمع مره تحجي وتنعثل بسوالفها الا اطر حلكها بنص لو منو متكون ام عناد لسانج اكضبي واذا متكدرين احنى نعرف شنون نكضبه
سعدون ... شهالحجي غالي شبيك
غالي ... هي تعرف نفسها شحجت والحجي للكل مو بس الها
عمو سعدون صار عصبي خرط وغلط عليها من يمي فشلت مره جبيره وجده بديها هانت نفسها ...
صعدنا لغرفتنا غيرت هدومي كطيت نفسي عالفراش
جى تمدد يمي كال ... هسه اكدر انام مرتاح
دك تلفونه نزال ... عدل نفسه ورد عليه
الصوت عالي وكلامه جى ترس اذني هالاخ كل يوم مصدومه
بي .........!
.
.
.
.
.
........ يتبع
🥀💙🥀