.
نجلاء: اء،سمح ليا.
الشاب: بشوية عليك.،كنظن رجلك..تلوات ليك..نعاونك على المشي
نجلاء:ء شكرا،، ولكن انا قادرة راسي
كلثوم (بذهول): فارس؟
التافت عماد فين كتشوف والدتو ولمح الملقب بفارس ماسك بنجلاء. .لشافهم يقول حاضنين نفسهم..توجه عندهم بغضب وجر نجلاء من مرفقها بعنف..
عماد: علاش جيتي...نتا هنا. .
فارس : مجيتش عليك.،جيث باش نشوف خالتي ولا نقول والدة الثانية ديالي
عماد: رجع منين جيتي ومن أحسن منشوفكش قدامي. ...
فارس : مغنرجعش بغيتي ولا كرهتي غنبقى هنا.اه وحنا غنبقاو خوت دير لدير نفس الدم كنتشاركوه..
عماد كان غيفقد صبرو وهي تجر نجلاء يديها بعنف عندها
عماد:غتحط يدك مر أخرى عليها غنقطعها،.(شاف في نجلاء بحدة):طلعي لبيتك. .
نجلاء (دفعاتو ):طالعة غير تفرق عليا..!
تمشات بصعوبة وهي كتعجرج نحو السلالم..مقدااتش تكمل مشوارها.،توجه عندها فارس باش يعاونها، ضارب تعليمات عماد مع الحائط هاد الأخير لسدد ليه لكمة لوجهو .،شهقة فلتات من الكل على إثر لكمة عماد..،مضرب فارس إلا وحتى هو فقد اعصابو
عماد :حذرتك!
استادر متوجه عند نجلاء..لحملها برغم أنفها..هي كتحاول تدفعو هو كيحااول.يمسكها بإحكام صعد لغرفتهم أمام نظرات الكل لبعضها مصدومة
توجهات ماجدة لكزجوزبنة وخلفها أمها صاحبة الخطط
ماجدة: شفتيه ياك بعينيك هازها. ..وضارب مع خوه على ودها
ربيعة : متعصبيش راسك..غنلقاو حل
ماجدة (بعصبية ): اشمن حل...اشمن حل وختك حتى هي في صفها.،ولمبقاتش باغة تعطينا الفلوس
ربيعة (بابتسامة خبيثة):على دخول الحمام بحال خروجو. .هاد المرة تعطينا فلوس بزز منها ولا عماد غيعرف أنها سحرات ليه..
ماجدة :ولكن؟ ,
ربيعة: هه متخافيش انلعبوا عليها لعبة..لا نمشيو عند ديك سحارة. .ضاعف في سحورها بأن ليا مأثرش على عماد..بشكل كبير..
ماجدة: وهاد المرة غنتأكد باش يكره جميع النساء. .حتى من مو من غيري..(شاف ف مها): متخافيش..غيعاملك بطريقة زوينة خصوصا فلوس...وهاد القصر لغنربحوا..ا حقا داك فارس يقدر يساعدنا شفت علاقتو هو وهو عماد متوترة
ربيعة: مكنظنش فكرة مزيانة..فارس..مغيتوجهش طرق لسحر. وخة يبان ليك هو وعماد بحال أعداء ولكن كيبقى خوه شقيقو..ومغيسمحش لينا بفعلتنا.لهادة حاولي تسدي فمك..ووجدي رأسك..في العشية ..
كلثوم: مرحبا بك..اولدي فارس..جلس فطر معانا. ..
فارس: مزيان لجيت في هاد الوقيتة باش نفطر..
كلثوم (شافت في الخادمة ): جيبي طبسيل، جديد..
توجهات جلسات في كرسيها وهو مقايل معاها
كلثوم: اه ماماك لبا عليها..
فارس: لباس راها بلغات ليك السلام
ميلان رأسها بحزن من ذكريات هي وزوجها لراودوها..كانت شابة جميلة..ثرية..تعلقات بشاب وسيم ثري.حلم كل فتاة ظنات أنها غتعيش كالرويات ولكن صدمات بأمر الواقع.،كان كيضربها ... أمام الملأ..مهاموش كرامتها لتجرجرات وهو كيعيرها ويستحقرها قدامهم وصدمها بأنه مكيبغيهاش وعمرو بغاها إلا على ثروتها باش املاك ديالوا ضاعف..كان عماد ديما كيدافع على الأم ديالوا لدرجة أن بينو وبين الأب ديالوا كانوا صراعات...وأكبر صراع..وهو منين مرض أبوه وعرفوه مزوج بمرأة غيرها وعندو ولد في نفس عمر عماد..كانت آخر صدمة متوقعها...باش حسن منها هاد المرة...واش زوينة عليها.،أو غنية..حتى وحدة من اختيارات الآتية هي أجمل منها واغنى شنو جذبوا في الأخرى تصدمات صدمة أخرى تلاثية الأبعاد أنه كيبغيها رجل الوحيد لكتبغيه..وصبرات لاحتقاروا ليها وضربها عدة مرات ومع ذلك مفقداتش الأمل أنه يعتارف ليها ...كرهات حياتها وكرهاتو..وشافت في ديك المرأة لغتكون اكيد طامعة في فلوسو ولكن منين عاشرتها وجداتها بحال شي ملاك حكات ليها انها في الأول مكانتش عارفاه مزوج وإلا فمكانتش غتزوج به ويولدوا ولدهم..خبراتها أنها تصالحت معاه لمرضو،..لرجعوا في حالة هزيلة هي مقدراتش تقصح قلبها كثر وسامحاتو هي وكلثوم من بعد ما رجعات روح زوجها لمول الأمانة. .
فارس: شكون ديك البنت لكانت مضاربة مع عماد..
كلثوم :ها هاديك مراتو. .
فارس(بصدمة): تزوج!!
كلثوم:حتى انا في لول تصدمت بحالك..ولكن هادشي لوقع
فارس: ولكن علاش..عاملها في الأول بعنف ومن بعد منين شافها معايا تعصب..،
كلثوم : مشاكل زوجية.،هاديك غير الغيرة ...
فارس (شاف في طيفهم وهمس لنفسو ):نتمنى يكون يستاهلها..
...
غيثة: بفف مليت... (شافت في رياض لكيقرى الجريدة..ممعبرهاش.. تسرحات في الكناب وخشات رأسها أسفل جريدة واضعاه فوق فخذيه، ،): مليت. .
رياض (شاف فيها ): شنو غندير ليك انا
غيثة (مدات يديها): لفون ديالك...
رياض: لاش بغتيه ؟
غيثة: واه غير نحيد القنطة غتعطني دابا ولا ولا ..
رياض (قرص أنفها ): هاكي. ومن أحسن متصدعنيش
غيثة: ايوا عطيني ليزيات ..وكل واحد يبقى على خاطروا...
مدهم ليها.،وهي تحقق فيهم رجعات عينيها لرياض
غيثة:كضحك عليا لا!
رياض :مالك؟
غيثةء" بقاو ليا غير ليزيات بلوتوث. ... معرفتش كغنخدمهم
حط الجريدة فوق المائدة الصغيرة لعلى يمينو...حمل هاتفو ..لدقيقة ونصف من بعد عطاه ليها..وقاد ليزيات في وذنيها
رياض : مرتاحة و لا مزال حاجة أخرى
غيثة (ابتاسمت ليه وشعلات هاتفو): مرتاحة. ..
حمل هاد المراة كتاب كيقراه. .وهي كتلعب في لعبتها..لنزلاتها من هاتفو..
حمل هاد المراة كتاب كيقراه. .وهي كتلعب في لعبتها..لنزلاتها من هاتفو..
غيثة:الحمد لله قيدت الفايس بنمرة.،نجلاء. ..كون مشا ليا كون حماقيت...هاد سكواد (فرقة): غنلعب معاها... (حطات الهاتف فوق صدرها وطرطقات أصابعها ): يا بسم الله .. ندخل نقصر..معاهم....
ظهرات ابتسامة عذبة على ثغرو. .وهو كيشوف ابتسامتها وهمسها بشتائم لصعوبة الاشتغال بهاتفو.
زاح عينو من جديد لأسفل من نظراتو الزجاجي ةنحو الكتاب..ويد الأخرى كتلمس شعرها...
نجلاء (دفعاتو):بعد مني...سير بحالك. .خلني عليك
عماد (زير على فكها): سكتي..،سكتي منسمعش حسك... ( دفعها ساقطة فوق سريرهم ومسح بوجهو بعنف.كيمشي ويجي وكيهمس بعصبية..بحروف غير مفهومة..ولكن تأكدات أنه في أقصى عصبيتو ..تقدم عندها كيصرخ في وجهها): عجبك...عجبك ياك. .شتك كيفاش كان عاجبك قربو ليك. ولكن تأكدي من حاجة واخا تطيري وتنزلني مغنخليكش توصلي لهدفك وغتبقاي هنا في هاد القصر.
نجلاء (كتشوف فيه بصدمة ): اش هاد الهدرة ميمكنش تكون عماد لكنعرف مستحيل شنو وقع عليك (غوتات عليه): شنو وقع.لييك.هئ هئ شكون نتا شكون😭 فين هو راجلي
عماد: انا هو عماد لكتعرفي... عماد ضريف حنين نسايه من ليوم غتشوفي عماد المرجولي والعقاب لغيدير فيك لشفتي شي حد من غير
توجهات عندو نجلاء كضرب في كتفو اي كلمة قالها..مبغاتش تدخل راسها
نجلاء:هئ هئ فين هو راجلي،،هئ بغيت راجلي. ،،بغيت راجل لبغيتو أول مرة..راجل لحاطني تاج فوق راسو ومحتارمني على الكل،،عمروا ما استحقرني ولا وبخني أمام شي حد ولكن بسباب ديك بنت خالتك.. (توقفات عن الكلام وطلقات ضحكة عالية تسمعات تسمعنا ارجاء الغرفة): قول مابقيتش معمرة ليك العين.،صافي خديتي لبغيتي وغتاخد بنت خالتك (بسخرية): هه كنت كنسمع ان الراجل وخا تكوني كتموتي عليه..في الأخير غيخليك وغيتزوج بنت خالتو..ههه سخرية الزمن.نفس الشيء وقع ليا..حتى انا. . (شيرات عليه بالمخاد ): سييييير عندها..خررررج عليا..كنكرهك. .خرررج
توجه عندها كيحاول يوقفها من الهستيريا لدخلات فيها..عنقو كامل قمشاتو ليه بأظافرها لمطلية بطلاء أصفر. .. طبق شفايفو الغليضة على شفايفها الصغار بعنف..جرها كيقبلها بشوق وبعنف. ..كيحارب ديك الطاقة الخفية لكتحاول تبعدوا على نجلاء. ،ولكن قلبو مقادرش. ،هو متعلق بها...غير شافها في أحضان خوه ..كان غيحماق ..حتى هي مكانش أقل منو جراتو من عنقو...مرة دفعوا من فوقها ومرة تجروا نفس الإحساس. .والطاقة الخفية كتراودهم..لفي نفس الوقت كيحسوا بيها كتقتلهم. .
حط جبهتو فوق جبهتها كيحس بألم فظيع على مستوى صدرو وعمودو الفقري..أما نجلاء فطلقات لعنان دموعها. ..
عماد: علاش شفايفك. ،مبقاش..طعمهم كالسابق..(شاف في وجهها):علاش صورة وجهك تغيرات.. (مسك صدرو بألم )
نجلاء ( جبهتها تصببات بالعرق وحسات بتنفسها كيقلال ): كنتخنق.،كنتخنق
عماد : دابا انا كنخنقك من كلامك..ولكن خويا لا..،خليت ليك هاد البيت... (هز تجاكيط وخرج صاف الباب)
نجلاء (بصراخ): مترجعش...مترجعش كنكرهك. ..هئ هئ..،(مسكات بطنها بألم وتوجهات لحمام كتفرغ ما في بطنها...) ياربي عاوني.،انا غبوحدي في هاد القصر ومعندي والدين وكل شي ضدي.،حتى غيثة معرفتهاش فين كاينة
ا
مصطفى: غنخرج انا وجميلتي عندنا شي شغال ( شاف في غيثة لكانت مدهية مع اللعب..وشاف في رياض ..كيفاش كيقرى وفي نفس الوقت راد ليها البال.،وحتى يدو مسخاوش من لعب بخصلاتها.علا كاين لكيشبع من اوكسيجينو،..ميل رأسو لمصطفى دليل على سماعو لكلاومو.استادرت جميلة وزوجها فرحانين واخيرا البهجة زارت ولدهم الكبير ويقدر يخرج من كآبتو. .،تأبطات مرفقو وتوجهو لسيراتهم بقيادة السائق)
غيثة(جلسات مربعة بقرب رياض، وملامحها مرسوم العبوس): ناري،غنموت..،اويلي غينقصوا ليا...(وركات على المايك ونطقات ): دراري شي واحد فيكم يعتقني، ،ويعطني شي ثلجة. ،هاداك زيكو راني حداك متخافش راني مخبية غير عتقني قبيلات عتقتكم كاملين..،ويلاه بزربة مبقا والوا نموت.،ولا الله ما تحلموا بالبوياه
رياض (غلق كتابو وشاف فيها): شكون هاد دراري
غيثة: ماشي دابا مكتشوفنيش لاعبة
رياض(بحدة لاح كتابو فوق المائدة الزجاجية لأمامو ): غيثة جاوبني شكونون هاد دراري..ياكمة شي خوتك آخرين حيث.قسما بالله حتى نقتلهم. .عصبتني. .
غيثة(شافت فيه جامعة شفايفها على شكل قلبة وقلبات عينيها): منعرف ليهم شكون.،عارفة غير لاعبة معاهم..مالك كتغوت منخافوش
خنزر فيها وحيد ليزيات وسمع صوت شاب كيتغزل بصوت غيثة هاد الأخيرة مسمعاتوش..ول أكيد غتشبعوا كلام.،المعسول. .وزهرها تكفس منين سمعوا رياض..وسمع شاب آخر..كينادي عل غيثة أنه قرب لمكانها ..
رياض (بحدة وبعصبية ء): دوك *وامل هاد الحساب اضربوا على ط*** مو.ولا بربي الكعبة حتى نسيفط ليح***كم ونتا اداك لكتبسل عليها..نهايتك على يدي...نوري طاسيلتك تغزل فيها...
خرج من اللعبة وحذفها..وشاف في غيثة بغضب..
رياض: نلقاك كتلعبيها غنقطع ليك دوك ليدين
غيثة (طلعات حاجبها من كلامو. ،حكات يديها فوق خصرها) ': شناهو تقطعهم؟ هاداك رياض ارذوجان. .هبط كورياتك. .واحترامني كيف محتارماك،،وغنلعبها وبزز منك...
رياض( بحدة): وأنا قلت مغتلعبيهاش..حتى تحتارمي نفسك أولا عاد نحتارمك..وداك ولد *** كيتغزل فيك وبوذني سمعتو.
دفع طابلة بعنف لسقطات. .مخلفة زجاج. .
غيثة(بصوت أشبه بالصراخ ): أولا متغوتش عليا ثانيا،،،انا كون سمعتوا كون شبعتوا خلا وذنيه ولكن نتا طيرتي ليا ليزي...وبعدا علاش غنحبسها على قبلهم.،تسطيتي لا ؟
رياض: على انا يلاه غنتسطى ونتي كاللعنة لاصقة فيا وفي ذهني. ..
غيثة (ضرباتو لكتفو): لهلا يحييك قالك لعنة مخلية ليك هاد القصر،،واصلا نتا لخاطفني..
رياض (تنهد بعنف ): ضروري خاصك شي مرة تجبدي موضوع أنني خاطفك ومجلسك لي القصر رغما عليك
غيثة: ومالي..كذبت..دابا..طلق مني وسير عند عاهرتك (شافتها هابطة): جبدنا سمن والعسل. .والكوفيتير.مصيبة كحلة هادي. .. (جلسات بقرب رياض كتشوف فيه بصمت وهمسات لنفسها ): دابا هو وهي...بوحدهم في القصر، ،،حتى عمي مصطفى وخالتي جميلة خارجين وسلمى مكايناش..وقفاتو من صراخو منين قربات وجهها ليه شاف فيها بغرابة...
غيثة: نسولك. ..
رياض: لقلت لا زعما نتي مغتسوليش
غيثة:اه مهم ليوم ..،غتخدم في الشركة ولا الدار...؟
رياض": غالبا الدار
غيثة : و علاش. .ها..علاش مغتمشيش شتك خمرتي على الدار
رياض: ونتي مالك كتغوتي ياكمة شركتك
غيثة:اء.لا لا ولكن غب.. بغيت نعرف.،زعما وشكون لغييراقب لمكنتيش..
رياض: مدير لمعينو...
هدى: سلام..
غيثة: وعليكم التيساع...
دخل واحد من حراس..عرفات غيثة من ملابسو لكتكون مغايرة لحراس الآخرين أنه قائدهم...قدم رياض ملف..
رياض : مزيان هاكي (قدم غيثة لكارط): هادي بطاقتك لغتحتاجيها كتعريف عن نفسك.. (مد ليها بطاقة أخرى ): هادي بطاقة لغتحتاجي باش تشري الأكل لبغيتي..غتاكلي أكل جامعة كيبقاو تما ومنها القصر بعيد خاصك ساعة وكثر للطريق غير في المشية أما رجعة حسبي ليها....
غيثة (بحماس ): وكتوبتي..
ميل الكارد رأسو وشي لبعض الخدم. بيدو.،هاد الأخيرين دخلوا حاملين جوج كارطونات ديال شكاير. ،من ماركة غوتشي و أديداس
غيثة(بصدمة ):: ها.،،هاد..و دياولي؟
رياض:لمعجبوكش بدليهم ولمكفاوكش..نخبرهم يجيبوا ليك..ضعف ديالهم
غيثة (بابتسامة هادئة): لا كافيني.،اصلا من صغري. ،وكنقرى بمحفظة وحدة،ديال بابا الله يرحموا؟
رياض (ربت على رأسها ): غنقول ليهم يطلعوهم لبيتك. ،حتى تجي..وشوفيهم.،وديك الايام نسايها. ،بما انك معايا وفي قصر فنتي محسوبة عليا..
عضات على شفايفها..بفرحة وميلات ليه رأسها بالإيجاب..وجه نظراتو لثغرها وابتاسم بخبث.
رياض (حط اصابعو فوق شفايفها..مفرقهم على اسنانها ): فين هي.. قهوتي لقلت ليك وجديها،،
غيثة: يوجدوها ليك خداماتك. .
رياض (قرب ليها محاصرها بيدو): وأنا بغيتك نتي توجديها ليا..ولا(شاف في شفايفها...لدغيا.خفاتهم في فمها منين شافت نظراتو الجريئة نحوهم): هه شنو دابا مغتعطنيش نذوق قهوتي.،مغيدوزش ليا صباح بلا بيها..
غيثة : انا غنوض نوجدها غير خليني نمشي ونتا حابسني. .
رياض: تعطلتي..انا مابقيتش باغي..هاديك،أن باغي قهوة (شاف في شفايفها ): طبيعية..ولذيذة.
غيثة (كتحاول تستجمع شتات نفسها): ياك ي،.ياك خديتيها في صباح.
رياض: مشبعتش..مزال عطشان...وراسي مزال مخدر..وعينيا مغمضين
غيثة: الكذاب..ياك منعستيش منين غيتخدر..داك رأس الشلاهبي لعندك
رياض(جلسها على رجليه...و فلح انفاسو الساخنة على رقبتها وركز على أنه يلعق عرقها نابض..لك يكون حساس وعرف أن حركتو...أثرات عليها..خصوصا منين زيرات على نفسها..): مخدر..بشوفة فيك..ليل كامل.،عيني ثملة من رؤية شفايفك بدون تذوق رحيقهم.،.قلبي،،مشتاق لسماع دقات قلبك..(،حاوط خصرها بتملك. وهمس في وذنيها .) فنجاني.،ولا نساي الجامعة...
غيثة: لا ...
رياض : ايوا مرحبا بك من جديد فدار. (.خدا ليها بطاقتيها ): كنظن مابقيتيش محتاجاهم (شاف في حارسو ): حرقهم
غيثة (تلقفاتهم بسرعة ): حماقيتي تحرقهم مغنعطيهمش ليك
رياض: احتافظي بهم. كذكرى. .
غيثة: والمرض هادشي ماشي عدل ياك خديتي بوستك في الصباح.، واش مكتشبعش..
رياض :هه ولا غنشبع منهم شي نهار..كل مرة كنسكتشف مذاق جديد ألذ من لقبل منو..لهادة بغيت نعرف طعمهم..
غيثة(شافت على يمينها بغات وسيلة باش تهرب..وهي تلمح هدى لكتشوف فيهم بصدمة..عمرها.،توقعاتها ولا تخيلات ان رياض ارذوجان يداعب بنت..ويضحك معاها لدرجة صرفقات رأسها جوج مرات): عاهرتك حاضيانا. ،طلقني
رياض:تمشي..تق**
غيثة': فمك خاسر
رياض (بسخرية):ههه لسمع كلامك هادي شحال...يصدقك.
غيثة (مغيرة موضوع ): طلقني.، غنتعطل
رياض :غنخليك ولكن في الليل مغنتفاكش معاك. ..ودابا سيري بدلي حوايجك
غيثة (بغرابة ): وعلاش؟ اش فيهم
رياض(طلعها من رأسها لأخمس رجليها): ما فيهم والوا غبر،،داك تشراك لي لابسة ومبين لحمك ..طلعي بدلي .
غيثة : لا عاجبني لباسي وبعد ياك من قبيلة وأنا لابساهم...
رياض:حيث كنتي في القصر...مغتخرجي منو حتى تبدلي حالتك ولا نساي الجامعة..
غيثة: نتا أي زمرة دخلها بالجامعة
رياض (بحدة): غيثة نبرة صوتك..عدويا لكيرفع صوتو عليا.. ردي بال كلامك..قبل مانخسروا هاد النهار الزوين
غيثة: ايوا حتى نتا احتارمني..احترم تحترم..
رياض(وقف أمامها معصب ):: محتارمك. ..ومهزيتش عليك صوتي ولا مديت يدي عليك..
غيثة: مغنبدلهمش...
مسح وجهو بعنف وزير على قبضتو. ..مباغيش يدو تسبقو من جديد
جرها من مرفقها ولكن ممزيرش عليها..
رياض (بهدوء مخيف ركز مقلتيه مع عينيها ونطق ببطء..باش كل حرف وكل كلمة دخلها لعقلها ): غطلعي تبدلي حوايجك..متجاحديش معايا..كثر..،حيث يدي سابقاني ونتي بوحدك لكنصبر معاها..وكندير عقلي على قد عقلك..وكنساير معاك. ..ودابا..شنو قرر دى عقلك
غيثة(بقات ساكتة كتشوف في عينيه لكيلمحوها بجدية.زاحت عينيها بخفة نحو هدى لمركزة مع هدرتهم رجعات شافت فيه): غنبدلهم
رياض (ربت على رأسها): مطيعة
خنزرات فيه وتوجهات لغرفتها إلا أنه حبسها
رياض: هاكي هادو ديريهم
التافتت مستغربة..لمحات داكشي لماسك في يدو وهي تغوت. ،وفي نفس الوقت جرات لبيتها قبل مايشلضها
غيثةء: زدتي فيه...مدايراهمش..هادوك خليتهم ليك..عينيا كيضروني ماشي تفكيت منهم في صغري..ترجعهم ليا
رياض: كتحدايني ؟
غيثة(من الفوق): سميها كبغيتي داك ليلونتي مغيتحطوش في عيني ولدرتهم راني * حبة مقطرة.
___________________
ماجدة: بشوية ازمر واش مكتعرفوش اداب بانت ليكم هاظي بلاصة الكرة سيروا شي تيران ماشي تبقاو دخلوا قب ناس بشار ممأدبينش....يخ ماما خفي رجليك خلينا ندخلوا عند هاديك راه مقضاتش لينا الغراض هو هاداك...
ربيعة: وصلنا غير سكيتينا من صباح أنني تشكاي
ماجدة: هه بسيف غنتشكى..وانا جاية برجليا بهاد الحب الموسخ حاجة مخلياني هي عماد...
ربيعة: مزيان لعرفتي علاش جايين هنا...دخلي هاحنا وصلنا...
دخلوا البراكة صغيرة مضيقة كانت بعيدة على ديور الصفيح دالحي...
دخلوا برفق لديك الغرفة لمسلط عليها ضوء احمر خافت وفي الحيطان مرسومة أشكال مخيفة.. ومكتوبة عبارات غير مفهومة على للحائط تقدموا للداخل والخوف كيتركبهم في كل مرة كيدخلوا هاد المكان المحرم ولكن الطمع والجشع عمى عينيهم...
جلسوا أمام المائدة الصغيرة لكضم علبة من لعبة الورق أو مايصطلح عليها بلهجتنا(كارطة ) هاد الكلمة الاخيرة اصلها اسباني وكتعني carta اي بطاقة... ميلوا عينيهم نحو الكتاب والريشة بأمان الكاهنةلكانت مغمضة عينيها..وكتهمس بكلمات غير مفهومة...توجهات نظراتهم بخوف نحو دمى الكثيرة لفي الحائط وكل دمية لاصقة عليها صورة بنت او ولد او حبيبان لمخربشة أيضا بحروف غريبة باللون الاسود ومقتاحمينها عدة إبر صغيرة(أشبه بفنيتة)..فاقوا من استكشافهم المكان للمرة ثانية على صوت الدجالة المرعب...
دجالة: ... جنوني خبروني انكم باغين خدمة جديدة
ماجدة: بغينا خدمة جديدة حيث خدمتك القديمة منوعات بوالوا ..عطيناك ستين الف ريال باش تفارقيهم في آخر كيغير عليها ..بان ليا غير كتخربقي..وعطيناك فلوس بلا فايدة ماما يلاه نمشيوا
دجالة(خنزرات فيها): خدمتي ماشي بلا فايدة...انا عارفة ان صداع ناض بيناتهم...
ماجدة" انا مبغيتهمش غير يضاربوا انا بغيتهم يتفارقوا...يطلقوا واحد يكره لاخور...
ربيعة(نطقات بحدة مع بنتها):ماجدة سكتي... (شافت في السحارة لكتقصف ماجدة بنظرات نارية... تدخلات ربيعة في محاولة تهدئتها): سمحلينا ا لالة بنتي عصبية ومكتعرفش شنو كتخرج من فمها(قرصات بنتها ونبهاتها بعينيها من خطر الدجالة)
ماجدة: سمحي ليا
دجالة،: مسامحتك مكتهمنيش..غنخدم ليكم هاد المرة..ولكن بغيت الغرض لكنت وصيتكم عليه
ربيعة(فتحات صاكها جبدات ميكة داخلها تريكو) :هاهو جبت ليك طريكو الولد لوصتينا عليه وراه ممصبنش فيه العرق..
السحارة: مزيان...وتصاورهم..؟
ماجدة:هاكي هادي تصويرة عرسهم....وهاكي أمانتك مية الف ريال( مدات السحارة يدها بلهفة إلا أن ماجدة كانت سريعة منين رجعات يديها عندها ونطقات بشر) بغيتهم يطلقوا
السحارة(خدات من عندها الفلوس كتعد فيهم): غنخلي البنت تأصر على الطلاق وبالنسبة الولد لباغة غيولي يشك فيها زنات مع ولد لجا عندكم
ربيعة: خوه فارس وباش عرفتيه جا؟
السحارة: وصلوا ليا الخباراي حاجة جنوني كيخبروني بها... خاصكم تزيدوا
ماجدة:إذ واش هادشي مكفاكش
السحارة"، السحر لغندير كيبغي دقة..و خطير مخاصني نغلط في حتى حاجة والا فحتى نتي مغتقدريش تزوجي داك الشاب..لكره جميع النساء بسباب غلطة صغيرة لتسرعك غيأديها ليها
ربيعة: حنا ممزروبينش(حيدات عقدها لفي عنقها عطاتوا لها أختها لهداه ليها ابنها عماد):هاكي هاد سنسلة وهاد الخواتم..لقضيتي لينا الغرض مليون تكون في حزوتك
السحارة(بابتسامة شيطانية برزات أسنانها الصفراء لمايلة اللون الاسود ): غنبدا خدمتي من دابا
ماجدة:ومليون ونص لخليتيه يكره جميع نساء من غيري وماما بغيتوا يولي كيحماق عليا وأي حاجة نقولها يلبيها
السحارة: هادشي من بعد حاليا خاص نفرقوه على مراتو ونخليه يكره الام ديالوا بشرط تزيدوا عشرين ألف
ربيعة(مدات ليها دبليجها لمصنوع من الذهب): كافية
ماجدة: اه قبل بغيتك تشوفي ليا...
الدجالة،:هي لمتعاودش
جبدات كارطة كضمسها وبدات كتفرش في بطاقات شكلات ثمينة صفوف كل صف فيه خمسة بطاقات وبدات كتلقي في الخرافات من خلال كل رسمة ورقم مطبوعة في البطاقة.
(ملحوظة): الكارطة البعض كيتاخذها لعبة للمرح بين العائلة والأصدقاء وماشي عيب..كاين لكيتقبها وكاين لي ممنوع تدخل دار بكلمة انها ديال شيطان هي مكذبوش فيها حيث في حد ذاتها هاد الاوراق كتحمل .معاني خفية متعلقة بالسحر ورموز عندها ارتباط فلكي بعنصر حيوي بحال الكأس أو(جبن ) كيرمز للماء والسيف كيرمز الهواء والعصا ولا زرواجة كترمز للنار والذهب أو الفلوس كيرمزوا للارض لهادة السحارين والمشعوذين ضروري كتوجد عندهم كارطة هي من أهم الأدوات لكيحتاجوا وبالنسبة لشخصيات لفي البطاقة(10 11 12) فما وحدة علاش كدا 10 كيمثل الخادم وكاين المشعوذين لكيفسروها ب راجل لكتبغي غيحقق ليكم امنياتك واي حاجة تشهيتيها غيجيبها ليها اي كيكون بحال شي خادم وعبد مأمور عندك الرقم 11 كيرمز للفارس بالنسبة لبنات للمزوجاش وكيرمزوا ليه راجل لغيجيك زوين والرقم 12 للملك د لفي حد ذاتو غني..وكتحتاوي على بزاف معاني خفية مكيعرفوها إلا هاد عبدة شياطين آه وراه كلامهم كيكون غالط بالنسبة كبيرة حيث الشياطين لخدامين معاهم كيستارقوا غير بعض معلومات من السماء لهادة علاش كنشوفوا نجوم السماء حيث كترجمهم الملائكة..نتمنى نكون قدمت ليكم معلومات صغيرة حول لكارطة الخ... ضيفوها لرصيدكم المعرفي)
توجهات نحو كوزينة وقفات في الكرسي وهزات في يديها مقلة ومغرف ضرباتهم مع بعضهم تلاثة المرات خلات جميع الانظ