يآ ذآت العيون آلسوداء..
لكِ نصف آلعشق جهراً
وآلباقي سرًا
بيني وبين عينيكِ .
#للــكـاتــبة :yaqeen.hassan
#اســتاذي الـمـغـرور
قراءة ممتعة💞
✨•••••••••••••••••••••••••••••••••••••••••✨
ضليت ضايجة ومخنزرة طول الطريق وهوة لابس نضارتة من يلبسهة معناهة ضايج
ماحس غير وكفت السيارة يم الشط
ونزل اجة فتر يم جهتي فتح الباب
ثائر : تعالي يلة مو ردتي الشط هياتة
ليال : ماريد خلي نرجع
ثائر : ليال تعالي ننزل ونتفاهم
ليال : بشنو نتفاهم هاااا بشنو انت مو كللت لتدخلين اني مداتدخل
ثائر : استغفر الله ليال بس نزلي تعالي يلة
ليال : جرني من ايدي ونزلنة رحنة لمصطبة فارغة كعدنة عليه ضلينا ساكتين دقايق
ثائر : شنو الي تريدين تعرفي
ليال : ماريد اعرف شي
ثائر : لعد ليش زعلانة
ليال : درت وجهي ومجاوبتة
ثائر : باوعي علية اشوف
ليال : باوعت علي
ثائر : اني كل ما اجي للناصرية ماكدر انام بالليل ماعرف ليش الكوابيس تضل لاحكتني بالنهار انام بس بالليل ماكدر لو شكد احاول ماكدر اضل اتعب روحي بالنهار شكد ما اكدر واجي بليل عسى ولعل بس نفس الشي
ليال: بشنو تحلم
ثائر : بيهم
ليال : اهلك
ثائر : اي
ليال : شلون يعني احلام حلوة لو كوابيس
ثائر : احلم بيهة تجي تكلي دير بالك على روحك وتبوسني براسي وتروح شلون الضل تختفي لو هية وبابا يجوني هيج اشياء
ليال : زين انت متفرح ان همة يجوك بالحلم وتشوفهم
ثائر : مااتذكرهم اتذكر الحجي بس احاول اتذكر شكلهم وين جنة احنة ماكو ماتذكر
ليال : حطيت ايدي على ايدة باوعت لعيونة كوة حابس الدمعة
ثائر : مرات تجي باللي اشياء هواي اكول اروح لدكتور نفسي اريد اتعالج اريد امحي هالذكريات من باللي اريد امحي هالاحلام
بس اتذكر ان همة اهلي وشلون اريد انساهم وامحيهم من حياتي شلون
اني امي اذا متجي على بالي باليوم اضل افكر واكول اليوم غريب شنو صار وارجع اتذكر ان ماجتي على بالي والوم نفسي اكول هسة زعلت مني
ليال : ثائر الله نطانة نعمة النسيان صح اللانسان ميكدر ينسى بس لازم يتناسة
ثائر : اني متناسي ليال بس ميروحون من بالي ماكدر هالشي مو بيدي
ليال : وهسة شرح تسوي حتضل هيج
ثائر : اي اضل هيج لحد ما الحكهم
ليال: اسم الله لا تحجي هيج فدوا
ثائر : يلة خلي نمشي نرجع للبيت بدلي صديقي عازمنة على العشة هوة ومرتة
ليال : تمام _ كمنة ركبنة السيارة ضلينة ساكتين واني افكر اريد اساعدة باي طريقة رجعنة بدلنة ورحنة لبيت صديقة تعشية ورجعنة
ثاني يوم العصر طلعنة للسوك اني ومريم والبنات سمر ورسل وعمة سمية ويانة ريم رحنا نشتري البدلات فترينة وفترينة وماعجبني شي وشكو شي يعجبني سمر تكول اني اخذة لحد ما ضجت وماشتريت شي
ريم : ماشتريتي شي
سمر : لا مو شافتني شتريت احلى شي ايست
ليال : والله حبيبتي اني لو شنو اشتري يطلع حلو علية ميهم الفستان
ريم : تاخر الوقت باجر روحي وية قمر وياسمين
ليال : اي لعد خلي نرجع
سمر : لتحاولين اني رح اطلع احلى وحدة
ليال : اي بالعافية عليج _ بتسمت باستهزاء ومشيت يالله مدري شتحس رجعنة للبيت ثائر جان طالع وية اصدقاءة رجع ورة العشة سولفنة شوية وصعدنة فوك
ثائر : ششتريتي
ليال : مشتريت شي
ثائر : ليش
ليال : لعبت نفسي سمر كلشي الزمة تاخذة لو تكول حشتري ومن اكول ماريدة تعوفة
ثائر : ومن تعوفة متشتري
ليال : تلعب نفسي من اللبسة من وراهة و الطلعة صارت لعبان نفس من وراهة
_ تقرب يمي حضني
ثائر : لتضوجين روحج علمودهة متستاهل باجر اني اخذج ونروح نشتري اللي يعجبج
ليال : صدوك
ثائر : وداعة هالعيون
ليال : بتسمت ورفعت نفسي بستة بخدة
ثائر : احبج
ليال : اموت عليك
ثائر : باجر يم ياسمين غدانا
ليال : اي وهوة نتغدة ونطلع مناك للسوك اني وياها وقمر
ثائر : ماشي يلة تعالي نام
ليال : تقرب حضني من خصري ودفن راسة بركبتي حطيت ايدي بشعرة العب بي _ البارحة نمت
ثائر : اي
ليال : صدوك
ثائر : حضنج الة تاثير قوي
ليال : بتسمت وبستة براسة نمنة ثنينة
ثاني يوم كعدنة الصبح بدلنة و رحنة لبيت ياسمين بيتهم جان بنص الفرع ملكة وثائر مكان نزلني وكال روحي دكي الباب بس اصفهة واجي
ليال : تمام نزلت ورحت دكيت الباب وهوة فر السيارة وطلع من الفرع ضليت وصافنة خرب يلة بكلت يجي بسرعة
جان تنفتح الباب فتحهة شاب طويل تقريبا يشبه ثائر بالضخامة واللحية وحتة الشعر نفس الرفعة
كرار : تفضلي خوية
ليال : حسين لساني نعكد ضليت ااشر باصبعي على المكان اللي ثائر طلع منة واريد احجي ماكو الحجي ميطلع
كرار : خوية شبيج انت طرشة احجي
ليال : ه هنا م من منا جينة و و ص ف السيارة
كرار : خوية روحي الله ينطيج
ليال : سد الباب بوجهي عزااا هذا صدك يحجي برطمت والدمعةة بعيني اجة ثائر فات بالفرع واني على وكفتي ومبرطمة باوع علية واجة ركض
ثائر : شكو شبيج
ليال : سد الباب بوجهي
ثائر : منو كرار
ليال : ماعرف واحد يشبهك
ثائر : اي هذا كرار اليوم انعل والدي
ليال : حاوطني بايدة من كتفي ودك الباب طبعا كرار اول مرة اشوفة ماحضر العرس و هوة مشايفني همات
سمعنة صوت الباب الداخلية تنفتح ويحجي بصوت عالي ومبين عصبي
كرار : ادري مصارت سالفة يعنييي شسويلج انييي مثلااا هاااا انطيج فلوسي كلهن
ليال : نفتح الباب ونصدم باوع على ثائر وصفن علية
كرار : خالي
ثائر : ساد الباب بوجه مرتي ومضوجهة وهسة جاي تعيط وتصيح جنك حمار شبيك متعارك وية ذبان وجهك
كرار : اسف خالي شلونك
ليال : حضنة وسلم علي وباوعلي
كرار : اسف عمة ماقصدي شلونج
ليال : عمة
كرار : هااا
ثائر : هههههههههه لك هية شكد عمرهة حتى تكللهة عمة نصدمت صيحلهة باسمهة محد يصيحلهة عمة
كرار : هااا اسف شلونج
ليال : اني تمام شلونك
كرار : اني هم تمام
ليال : حجة وماسمع غير ضحكت ثائر وكرار همات ضحك وكال تفضلو واني واكفة مصفصفة اريد اعرف شنو الديصير
ثائر : ملايكلك الدور لتحاول ماكو واحد مثل مرتي
ليال : ستوعبت ان ديحشش علية فتنة جوة ستقبلونة سلمنا عليهم وضلو يسولفون
ثائر : اي محمد عدنة ثار وية ابنك موكف مرتي بالباب وعبالة جاية تجدي منة ومن فلوسة ابو الوصخ
كرار : خالي انة شعلية مرتك وكفت خرسة كلشي ماحجت تاشرلي على الفرع اللي هوة فارغ العتب علية لو عليها
قمر : عاد ليال فاهيةةةةة كولششش بهيج مواقف تضل مصفصفة
ليال : اني معليةةة هوة جان يتعارك وية روحة ويكلي الله ينطيج يعني هاذا شكل وحدة مجدية
كرار : شمدريني كلت هاي خرسة وين ركزت بشكلج
ليال : مو حجيت كبالك وانت سديت الباب بوجهي
كرار : اي والله موو اني المفروض اكعد افكر بيج واكول احتمال تطلع مرت خالي لو مرت عمي لو يجوز تطلع اختي
ليال : وانتة شبيك متعارك وية روحك تعامل شوية بسلوب حلوو افتهم من الناس
ثائر : هههههههههه خرب حضكم ولكم كافي شبيكم تتناكرون محمد الزم ابنك ترا اتصرف غير شكل وياه
كرار : اي مو انة زعطوط ابوي يلزمني
قمر : اي تعاركو يلة السبع يطلع دم السبع يطلع دم
كرار : مو اشوفج السبع شلون شكلة اكوم اكسر سنونج
ثائر : مد ايدك اذا ما اكسرها
ليال : باوعت علي خنزر ودار وجهة يالله نفس تصرفات وعجرفة ثائر قبل نفس الطينة كمت يمهن بالمطبخ صبينة الغدة وتغدينة وشربنة جاي وسوالف وضحك بال4 كامت قمر وياسمين يبدلن وثائر ومحمد جانو يحجون واني باوعت على كرار عجبني اخبث ماعرف ليش رجع عندي الحس الطفولي شلون جنت وكحة واعاند بثائر
_ انت شنو تدرس
كرار : تخدير
ليال : هااا نفس قسم فرح
كرار : اي
ليال : كلية لو معهد
كرار : كلية
ليال : ياسنة
كرار : ثالثة
ليال : تشتغل
كرار : اي بالمستشفى
ليال : شلون تشتغل وممتخرج انت
كرار : اشتغل معاون طبي وية الدكاترة
ليال : هة شغل بدون خبرة
كرار : معاجبج الشغل بدون الخبرة مرت خالي
ليال : لا كولش عاجبني اصلا بس داكول ناس تدرس سنين وناس تشتغل بدون شهادة
كرار : الشغل مو عيب وبعدين اني شتغلت 3اشهر بدون راتب بعدين يلة نطوني راتب يعني اني مجيت على الخالي بلاش اخذت فلوس
ليال : بتسمت وكلت لا خطية ميستاهل اخبث علي
_ كولش تشبه ثائر كلشي بيك نفس الشي
كرار : خالي قدوتي واتمنى اصير مثلة
ليال : كيوت
كرار : منو الكيوت
ليال : ههههه مو انت لتخاف
كرار : انت شنو كليتج
ليال : نقبلت علوم بايو مستنصرية
كرار : هااا يعني تشتغلين بالمختبرات
ليال : اي
كرار : شوكت دوامج
ليال : الاحد هذا
كرار : بالتوفيق
ليال : شكرا _ حسيتة لطيف تكدرين تعاشري مثل ثائر بالضبط تشوفي مغرور بس من تحجين وياه لا انسان طبيعي
نزلت قمر مبدلة وطلعت ياسمين
ياسمين : منو يوصلنة
ثائر : انة جاي وياكم يلة روحو للسيارة
كرار : نزلي القميص شوية كصير عليج
قمر : كرااار لاتخبلني ترا طويل
كرار : نجبي لا تراددين نزلي ترا اخليج تبدلين والله
ثائر : عوفهة شبيك اني وياهن تعالي يلة خالو ركبي
ليال : شكد متعجرف يالله ركبت بالصدر وهنة ورة
ثائر : وين تروحون
ياسمين : السوك
قمر : لاااا لاااااا خالو بمول...... اكو محل يخبل فدوة شفت على النت فساتينة تخبل متاكدة رح نطلع من عندة مشترين الفساتين
ثائر : وين الله وصدك
ليال : ههههههه لتحاول رح نفر المحلات كلهن
ثائر : هوة انة من هسة رجلية دتوجعني
قمر : تاهيييل للفرة ههههههههههه
ليال : ههههه صححح _ ودانة للمول وفتنة بالطابق الثالث
ثائر : وينة المحل
قمر : ذاك
ليال : باوعت علي ونصدمت محل كبييير كولش وبي فساتين تموتتتت
ياسمين : خرب حضج منين جبتي لهالمحل يخبل
قمر : شفتة على النت غير يموتتت تعالي نفوت
ليال : ضليت صافنة على جمال الفساتين تحسيهن مال اعراس
تطشرنة كل وحدة بمكان كمت اكلب بيهن لحد محسيت احد يحجي باذن
ثائر : شنو عجبج
ليال : ثائر خرعتني
ثائر : هههه اسف
ليال : بتسمت بوجهة ورجعت اكلب
ثائر : اريدج تطلعين احلى وحدة
ليال : ليش
ثائر : لان اريد احلي بيج
ليال : مصلحجي
ثائر : ههههه لعد غير ادور مصلحتي اونس نفسي شسوي
ليال : بتسمت على ضحكتة الله لا يحرمني منها
ثائر : هااا شو صفنتي عاجبج انت هم تحلين
ليال : يااااا ثائر
ثائر : هههه يلة ختاري لعد
ليال : ضليت ادور ولكيت واحد ضليت صافنة بجمالة يالله يموت وردي صح ضخم تحسي مال عرايس
_يموتتت هذا بس ضخم مو مال حفلة
ياسمين : شنووو اشششش ولا حرف اخذي ولج رح يلبسن اشكال والوان اخذي ترا ادفنج هنا
ليال : باوعت لثائر رفع ايدة باستسلام
ثائر : معلية اني هية رح تدفنج اخذي احسلج ومثل مكتلج حتى احلي زين
ليال : خزرتة
ياسمين : ههههه خلي يحلي يمعودة شبيج
قمر : اي مياكل حلويات ليش خالو مماكل حلويات
ليال : خرب ضحك على فطاريتهة واني اخزر بي وياسمين تضحك وهية صافنة
ياسمين : هههه كافي ولك وانت يلة اخذ قياسج وروحي كدري
ليال : اوكي _ اخذت قياسي ورحت كدرتة طلع على كدي ضبط وشلون رهم على جسمي حلو بتسمت وتذكرت سمر خلي نشوف منو الاحلى
طلعت بعد ما رجعت لبست ملابسي كلت خلاص هذا رح اخذة
قمر شترن واحد وردي نفشتة تخبل مثل مال الاميرات وياسمين همات شترت
ثائر : شتريتي بس واحد
ليال : اي ليش
ثائر : تعالي وياي
ليال : جر ايدي ورحنة لنفس القسم اللي شتريت منة فستاني طلع واحد همات حلو
ثائر : اخذي هاذا
ليال : بس اني اريد ذاك
ثائر : اي اخذي وبدلي بيهن
ليال : ليش ابدل هوة فستان واحد يكفي
ثائر : لا اخذي ثنين وبدلي بيهن
ليال : ضليت مصدومة منة ليش سوة هيج
اخذنا همات قياسي وكدرتة
وكفت قمر يمي من داعدل الشال
_ بس لو اعرف ليش اخذ فستانين
قمر : باوعي عدنة بالعائلة المتزوجة جديد هية محط الانضار يركزون بيهة من اضفر رجلهة لحد شعرهة ويعلقون على اي شي بيهة لهذا لازم تكون كاملة
خالو يعرف كل سوالفهن لهذا اخذلج هذا الفستان
ليال : هممم والله عدهم سوالف عائلتكم
قمر : هههههه لعد شعبالج
ليال : هههه يلة خلصتن
قمر : اي يلة
ليال : طلعنة وحاسبنة الفساتين وتعاركو هنا ياسمين وثائر على الدفع متنة ضحك اني وقمر عليهم كبال الناس يتعاركون وثائر يخزر بيهة وهية ولا يمها تكلة ماكو اني ادفع
قمر : خرب اني تبريت منهم خلاص هذولة منو اصلا ماعرفهم
ليال : ههههههه طاحضج _ خلصت العركة وثائر دفع
طلعنة متنرفزين ركبنة بالسيارة
ياسمين : شهالتصرفات ثائر يعني شنو انتت تدفع قابل ماعندي
ثائر : مكلت ماعندج بس اني وين شايفكم هاي جيتي والله اعلم مرة اللخ شوكت اجي يعني ميصير اصرف عليكم
ياسمين : بس مو هيج مبلغ الفساتين غاليات
ثائر : ياسمين كافي ترا رح اشمرج من الشباك هههههه
ليال : ههههههههه
قمر : اي خالو مدام تريد تصرف علينة اكو محل احذية يخبل هناك ودينة علي واصرف فلوس بعد
ثائر : ههههههه لا يابنت ال ستغفر الله ولج شايفتني لبنك المركزي
قمر : هههههه اشاقة خالو عندي حذاء
ليال : اني ماعندي
قمر : انطيج مني يلة خلاص كملنة بس بلا زحمة عليك عشينة وكلنة موطة وشعر بنات ومنريد منك بعد شي
ثائر : اكلج اني سايق الخلفوج تامرين وتحجين بثقة ورقي واكلي اليعجبج
ليال ههههههههه يلة ثائر والله جعنة
ثائر : وانت الثانية بعد ماكو لبسسس ماكو مشترةةة وماكوو فلوسس خلاص جعبت خلص الراتب
ليال : هههههه ماشي مرايدين منك شي بس وكلنة
_ ودانة لمطعم اكلنة ووكلنة موطة ورجعنة للبيت وصلنة ياسمين وقمر ورجعنة للبيت
جانت بال10 تقريبا فتنة واني شايلة العلاليك
ثائر : سلام عليكم
الكل : عليكم السلام
ثامر : تاخرتو
ثائر : والله ياخوية اختك وبنت اختك ومرتي تفقن عليو وفرغن جيوبي شوف
ليال : ذب العلاكة وطلع جيوب البنطرون متتت ضحك علي
ثامر : هههههه تستاهل انت شكو رحت وياهن انطيهن مبلغ وهنة يتقيدن بي وميشترن اذا تروح وياهن تبتلي بعد
سمر : وشدعوة هلكد مشترية شنو انت العروس
ثائر : اي هية العروس خلي تشتري اللي تريدة مو بس الراتب حتى روحي كلها كدامهة
صادق : اللللللله لككككك ذبتتتتت من الغزل
ثائر : انت نجب يلة رح اروح انام اني تعبانة تصبحون على خير
مريم : تعالي نشوف تعالي كاعدة على نار من العصر
ليال : هههه امشي بغرفتج _ رحنة لغرفتهة والبنات ويانة فتحت الفسان وضلن فاتحات عينهن علية
سمر : مو حلو
مريم : دنجبي يا موحلو يخبللللللل
ليال : صدوك
رسل : اي كولش حلو
سمر : ترا عادي واوفر كولش
ليال : اني عاجبني ممهتمة لرايج _ طلعت الثاني وهمات ضلن متعجبات علي وسمر تعلق بالاخير اخذتهن وكلتلهن رح انام جنت تعبانة هواي رحت فتت للغرفة لكيت الضوة نطفة والغرفة دافية فتتت على كيف شغلت الضوة باوعت علي كالعادة نايم على بطنة وضهرة طالع وعضلانة مشدودة وحاضن المخدة بالعرض ابتسم من اشوفة هيج نايم احسة مثل ابطال المسلات ماعرف ليش
رحت للحمام سبحت ولبست دشداشة قصيرة صح الجو شتا بس مارتاح الة باللبس الخفيف
طلعت لافة شعري بالخاولي كعدت على الجرباية مددت وحطيت الغطا على رجلي اخذت موبايل وشفت ماما داكة علية دكيت عليهة وحجيت وياهة بصوت ناصي ضليت اسولف وياهة شوية ومحسيت غير ثائر تقرب وحضن خصري
فزيت من حركتة حاوط خصري وراسة بطني مديت ايدي العب بشعرة وكملت حجي وية ماما سولفتلي على البيت وهمام ومشاكلة تريد تخطبلة ماما وهوة ميقبل
_ ماما دعوفي بحالة هوة من يزهك يجي يكلج انت شسوين عوفي ملابسة هوة يكويهن لترتبين غرفتة لتسويلة ريوك خلي يحس بالمعاناة وهوة حيجي يكلج اريد ازوج تلقائيا
الام : اوووف نشالله يجي والله خبلني
ليال : هههه
الام : يلة حبيبتي روحي نامي وصوري باجر فستانج حتى اشوفج شكد مشتاقتلج
ليال : حبيبتي تدللين يلة باي احبج _ سديتة منها وحطيت ايدي الثانية بشعرة العب بي _ اسفة كعدتك
ثائر : مجنت نايم اصلا جنت منتضر حضنج
ليال : بس اامشط شعري ونام
ثائر : جيبي المشط اني امشطلج
ليال : انت تعبان نام هسة اني امشط واجي
ثائر : لا تلحين جيبي المشط وتعالي
ليال : كمت جبت المشط كعد هوة وخلاني كبالة وبدة يمشطلي بس شعري طويل الة يرفعة بايدة يلة ينوش الجوة
_ تدري اريد اكصة كاري
ثائر : حتى اكص ركبتج
ليال : ههههه ليششش
ثائر : هذا هوة الشي اللي يميزج وهذا هوة هم من الاشياء الحبيتج من خلالها
ليال : يعني حبيتني علمود شعري
ثائر : لا بس شلون افهمج ان اني ماعرفج شلون اجي احبج كلج اكيد لازم انعجب بعيونج شعرج هيج شي وبعدين اصير احبج كلج
ليال : هااا اوكي فتهمت
ثائر : يلة خلصت طفي الضوة وتعالي
ليال : كمت طفيتة ورحت حضني همات ودفن راسة بركبتي ضليت العب بشعرة وغفيت وياه
ثاني يوم يوم الحنة من الصبح مسوين التحضيرات والعالم مكلوبة صحيت الساعة باوعت ب9 تمغطت وباوعت لثائر نايم خطية بعمق
بس محاوطني شلون اكوم
_ حبيبي ثائر حبيبي بس عوفني خلي اكوم
ثائر :همممم كعدي ماكو كومة
ليال : ثائر الناس جوة خلي انزل وانت نام
ثائر : حتضلين هنا لو تروحين يم ياسمين
ليال : لا وديني يم ياسمين هناك ابدل هنا يضلن يتحارشن بية مالي خلكهن
ثائر : براحتج
ليال : هسة خلي اكوم
ثائر : استغفر للله ستغفررر اللله ولاااا تخلي الواحد يناممم
ليال : وخر مني ودار وجهة ونام ضحكت على خبالة يومية الساعة ب11 يلة يكعد متعود على النوم
كمت غسلت وبدلت نزلت بين صباح الخير وسلام وريوك
وتحضير الغدة سوالف هواي لان الحنة مال الشباب بالحديقة
وحنة البنية بالقاعة
تغدينة وفضو المواعين اللي جانت تلللللل كامل
الساعة ب1 كلها بدت تتحضر
واني انتضر ثائر يجي ياخذني حضرت غراضي وكلشي عاد اجة هوة اخذني وبالسيارة شتغل توصيات
ثائر : لتهتمين لحجي اي احد لو شكد ميحجون معليج بيهم لبسيهم وبنات عمتي فضيلة لتتقربين منهن همات عوفيهم ماشي ليال
بخاخج بايدج متذبي فدوة لتخبليني مثل ذيج المرة
وبعد شنو تصوير ماريد بااااي موبايلللل حتى لو بموبايل خواتي مارييييد فاهمةةة
ليال : القاعات ياخذون الموبايلات
ثائر : اي اخاف اخت العروس تصور او هيج ماكو انت تبتعدين ماشي
ليلل : ماشي استاذ عندك شي ثاني
ثائر : معاجبج الوضع
ليال : لا حشا شلون ماعجبني هههههههه
ثائر : ههههههه لا اله الا االه ربي بليتني بخبلة
ليال : خبلة صاكة ههههههه_ وصلني لبيت ياسمين نزلت وهوة رجع للبيت
دكيت الباب همات فتحهة كرار
كرار : هلة مرت خالي تفضلي
ليال : هلو بيك شلونك
كرار : الحمد الله
ليال : فتتت جوة جانن مخبوصات ويبدلن
قمر : ماااامااااا شوكت تجي ام الصالون فدوا خابريهة
ليال : هلو
كرار : حسج نصيي فضحتينةةةة
قمر : انت شعندك هنا متروح
كرار : اريد ملابسي تكويهن عندي شغل
ليال : ليش متروح للحنة
كرار : لا
ياسمين : ولج هذا مخبلني بهالشغل ليل نهار يشتغل
كرار : يمة اروحلج فدوا مو وكت سوالف اكويلي الصدرية داروح
قمر : هاك هاك اخذهة وروح وجفينة شرك
كرار : رح اكوملج والله
قمر : روح روح يلة خوفتني عود
كرار : قمررررررر
قمر : اي بشرفك اضربني حتة ابجي واخابر بابا ويجي بابا واقطك ب25 الف كمراضات الي يلة تعال خوش فكرة طلعت
ليال : رغم جان مخنزر بس ضحك على تفكيرها تقرب باس راسهة
كرار : شعندي غيرج انة تددلين بس استلم راتب انطيج وبلا ضرب يلة مع السلامة
ياسمين : الله وياك يمة دير بالك على روحك
ليال : راح هوة واني كعدت اكوي شعري
قمر : جتي يمكن ام الصالون
ليال : ليش دتجيبين ام صالون
قمر : لج غير حتى نطلع صاكين
ليال : اني اعرف احط ليش الة صالون
ياسمين : دكعدي ام الصالون امهة مريضة ومتكدر تجي
قمر : خرب راحت علينة الحنة
ليال : لا تحجين زايد لبسي وحطي اساس وكونسيلر واني اسويلج العين يلة بسرعة بين ما ابدل
_ جنة مفرشين بالاستقبال الغراض رحت بدلت لبست الفستان
هذا
وطلعت لكيتهن لابسات فساتينهن كعدت احط مكياج لياسمين وقمر وبالاخير اني حطيتة وكملنة ومن دنلبس الاحذية
قمر : خرب عرضج يخبل مكياج العيون
ليال : ههههه ضليت سنين اتعلم بي
ياسمين : يلة اجة محمد كومن
ليال : سمعنة صوت الهورن اخذنة الفستان الثاني اللي حبدل بي ولبست العباية وحطيت شال على وجهي ركبنة السيارة ونطلقنة للحنة
وصلنة للقاعة نزلنة وفتنة جوة اخذو الموبايلات ورحنة مناك للحمامات عدلنة المكياج وعدلت شعري اللي خليتة مفلول ونزلت كذلتي
طلعت اخبل
قمر : رح تنفتح العيون عليج هسة شوفي
ليال : ههههه اي يجوني خطابة
ياسمين : هههههه اي وعلي كون من نرجع نكول لثائر خطبو ليال غير يتخبل علينة
ليال : ههههه والله يكسر مزهريات بيتكم كلهن
يلة نطلع
_ كلت بسم الله وفتنة للقاعة يعني متتوقعون الصار حسيت روحي بعرض ازياء ودامشي بالنص كل العيون علية الفساتين مال البنات كلهن حلوات ونفش بس فستاني تقريبا جان احلة واحد لان جان ضخم وفيكتة حلوة 9
تقربت يم العروس _ مبروك يروحي
العروس : الله يبارك بيج حبيبتي شنو هاي كسرتي علية بجمالج
ليال : ههههه لا والله انت احلى طالعة اميرة
العروس : والله ثائر عرف يختار
ليال : تسلمين يروحي_ نزلت من يمهة ورحت وبدينة رحلة سلام على الكل تبوس وحجي ومجاملة ياخي والله حياه الزوجية صعبة
ستقرينة بالاخير على الميز اني وريم وياسمين وقمر ومريم ورسل وعمة سمية وسمر جانت يم العروس تتلوك يمهة
سمية : يمة اقري المعوذات العيون كلها عليج
ليال : هههه خالة صدك تتحجين الكل طالعين حلوين قابل بس اني
ريم : وينة اخوي عنج والله لو شوفج جان اكلج اكل
ليال : هههههه عاد اخوج بكل الحالات ماكلني
ياسمين : اليوم العشة مالتة دسم
ليال : هههههههه خرب حضج
بدت الحفلة وبدت الركص وجانت صدك حلوة سون هواي فعاليات وسوالف تخبل صدك حلوة حفلاتهم رغم تشددهم
ضلينة تقريبا من ال3 لل6 نركص ونردح ونضحك
جابو الكيك والببسي اكلنة وكمنة همات نركص ماعرف شلون
داركص وية البنات جان ماحس غير فاتت من يمي سمر وهية لازمة قوطية الببسي دفرتني ونشمرت علية القوطية ووكعت على طول الفستان
سمر : اوه اسفة ليال ماقصدي
ليال : لا عادي مصار شي _ بدي اكلها وعلي بعدين تذكرت لا وعلي ماراح اخليج تتشمتين اوكفيلي
رحت للحمام طلعت الفستان الثاني وباوعت علي خلي اشوف ردة فعلج شلون حتصير
لبستة
وعدلت شعري ومكياجي ورشيت عطر وطلعت
سمر فتحت عيونهة علية وخزرتني بتسمت بخبث ورجعت كعدت
مريم : حيللل بيهه وعلي خليتهة تفتح عيونهة
ليال : شعبالهة لعد افوتهة الهة لا والله تحلم
قمر : فديت اي والله مرت خالي
ليال : هههههه رجعت الحفلة مرة ثانية وهمات ركص
كعدت من التعب وماحس غير مرية صارت كبالي كعدت
المرية : يمة انت شكد عمرج
ليال : 19
المرية : شنو تدرسين
ليال : ادرس علوم بايو رح اداوم الاحد
المرية : يمة انت عجبتيني واريد اخطبج لابني بس كليلي انت بت منو حتى اجي اخبطج
ليال : ضليت مصدومة هاي صارت صدك وتريد تخطب ضليت صافنة باوعت على ريم واريدهة تجي
جان تحس وجتي
ريم : هااا خالة
المرية : يمة داريد اعرف هالبنية اهلهة منو اريد اخطبهة لابني
ريم : احم هااا خالة هاي تصير مرت اخوي ثائر
المرية : ياااا خالة مادري والله عذريني بنيتي
ليال : لا خالة عادي _ كامت من يمنة وكعدت ريم يمي
ريم : بوووياييي وينك اخويةةةو مرتك ديخطبوهة
ليال : عزا ولج قبل منفوت ياسمين كالت نقشمر على ثائر ونكولة عود خطبوني وهسة صارت صدك
ريم : هههههههه صدك والله
ليال : والله هههههههه _ ضليت مصدومة واضحك
ضلت الحفلة هيج ولحد مخلصت بال10
تعشينة وكملنة كلشي ورجعنة للبيت حسيت روحي هلكاننننة من التعب ذييت روحي فد مرة بسرعة نمت بدون ما احس
بديت اصحصح بالليل واحس جسمي نارررر وشي بارد على كصتي
ثائر : ليال عمري تسمعيني كومي شربي علاج
_ ماكو نايمة نزلت جوة فتحت الثلاجة ادور علاج
مريم : عمو شدتدور
ثائر : جيتي والله جابج ليال مصخنة اريد علاج ماكو لزكة سخونة اي شي
مريم : بالثلاجة مالت بابا تعال فوك
ثائر : خوش امشي _ صعدت فوك وياهة فتحت باب والغرفة مال ثامر وفاتت وفتحت الثلاجة
ثامر : شدسوون
ثائر : اسف خوية بس اريد عللاج مال صخونة ليال مصخنة
ثامر: لحضة اني اطلعة هذا قديم
ثائر : كام يطلعلنة الدوا نطانيا رحت كوة كومتهة وشربتة وحطيت لزكة على كصتهة وفوكاهة كمادات ضليت الليل كلة هيج كاعد يمها وكلسع مبدللهة الكمادة واقيس حرارتهة لحد ماعرف شلون نمت على ايدهة
ليال : فتحت عيوني الصبح باوعت شوي بلغرفة وحسيت بوجع براسي يروح ويجي دارفع ايدي مكدرت باوعت لكيتة نايم عليهة بديت استوعب الصار وشفت العلاج والكمادات
بايدي الثانية فركت راسي من تحركت حس ثائر وكام بسرعة لزم كصتي تطمن علية
ثائر : الحمد لله نازلة
ليال: راسي ديموتني
ثائر : هسة تعالي تريكي واجيبلج العلاج
ليال : راسي ثائر بس نطيني علااج فدوا حموت
ثائر : يروحي انت تعالي
ليال : كومني وداني للحمام غسلي وجهي وطلعنة لبست شالي ونزلنة واني لازمتة لان احس ععضامي تاذيني ماكدر ادوس عليهن
وبهذا، اليوم صرت طريحة الفراش شمجالي صرت اتعب كلها كالت عين ضربوج
وصدك ماكدرت احرك اصبعي بهاليوم لا اني رحت للعرس ولا ثائر ضل يمي ولم غراضنة وكال نطلع باجر لبغداد
نمنة وثاني يوم الصبح رجعنة لبغداد واني الطريق كلة لو اتقيى لو اصخن وكلسع احس حتخربط
بنص الطريق دك احمد شكل ثائر الموبايل بالسيارة ويحجي
احمد : انتو وين هسة
ثائر : بالطريق شوية ونوصل شبي صوتك
احمد : من توصلون تعرفون
ليال : ماما بيهة شي
احمد : لا احنة مابينا شي بس تعالو ويصير خير
احمد وكف كلبنة من الخوف ضليت قلقة
لحد موصلنة للفرع فتنة وضليت صافنة ومصدومنة من المنضر
يتبع......
✨•••••••••••••••••••••••••••••••••••••••••✨
لهنا ينتهي البارت 💛
اتمنة يعجبكم وسنة سعيدة عليكم 🖤🖤🖤
لتنسون الايك والتعليق الحلو
احبكككككم هوووووواي 💛💛💛💛☁
~الــكـاتـبة : yaqeen.hassan~