Pagkakakilanlan.
May isang panahon sa buhay ko na hindi ko makilala ang kahit na sino
Salamat sa pagdating, iyon lang ang tanging sasabihin ko
Kaya kapag aalis, madali lang na bitawan ang mga ito
Dahil ni isa'y wala namang pananatili na pinangako
Pero nang dumating ka, nagpakilala ka
Ang kaluluwa ko'y tinanggap ka lang bigla
Alam yata nito na ikaw ang magmamahal sa akin na tatagos hanggang sa kaniya
Sinigurado mong maaalala ka niya
Kaya hindi niya binasta-basta ang iyong paglisan
Araw-araw, ikaw ang inaabangan sa durungawan
Pero masisisi mo ba ang kaluluwa na walang ibang hiningi kung hindi ang may makasama sa sayawan
At may matawag na kanlungan
Sa pagbalik mo, ang kaluluwa'y nananabik pa rin
Ilang paruparo na ang dumaan sa papawirin
Kay dami ng taon na hinayaang ginawin
Mga unan na ilang beses kinailangang patuyuin
Walang wala sa kaluluwang ikaw lamang ang hihintayin
Pagtama ng inyong mga mata
Agad ka niyang nakilala bilang natatanging nagmahal sa akin nang kay tindi,
At wala ibang sasabihin kung hindi
Maligayang pagbabalik, sinta.
YOU ARE READING
Promises Etched in Poetry (Arte del Amor #2)
RomanceBeing madly in love with someone who has his eyes fixated on someone else. Astraea Lekha has to wake up everyday with this painful reality, but what else can she do? She writes her agony in prose and poetry, swearing that she will not stop until the...
