راح نبدا باول بارت القصه كلش حلـِۈۋوھّ ومشوقه بس اريد منكم تفاعل أإأذأإأ لكيت تفاعل راح انزل بشكل شبه يومي.
#الكاتبة اية
#البارت الأول
#من بين اجنحه العذاب
الكاتبه: د.آيوش
السلام عليكم حبيباتي أتمنى قراءة ممتعة❤
راح انطي القلم للبطلة وتعرف عن نفسها وهسة اتركم وياها
اني جوري عمري 15سنه عايشه ببغداد ويا امي واخواني وخواتي عندي 2بس متزوجات اخوي الجبير متزوج وعده ثلاث اطفال وعده محل ملابس رجاليه واخوي الثاني يشتغل مهندس وهو خاطب واني عائلتي كل حياتي بس اخوي الجبير يدور الزله علمود يضربني ويهيني ومرته خبيثه هواي بس تخبث عليه وتوسوس لاخوي علمود يضربني وامي مره جبيره ماتحاجيه،جنت ادرس بالمتوسطة وجنت اروح ويا صديقتي وجانت حيل قريبه عليه نروح ونرجع ونسوي كل شي سويه ورا فتره رجع اخوها من السفر وصار اخوها ياخذها بسيارته ويرجعها واني اخاف بوحدي اروح وارجع اخاف
وجاي اكولها:اني اخاف اروح بوحدي خلينا نظل نمشي سويه
كالت: خلاص عوفج من الحياء انتي منا وفينا واخوي يشوفج مثل اخته ف عوفي اخوي يوصلنه سويه
كتلها :لاشلون حسين اخوي يموتني
رهف:لاتخافين شلون راح يعرف
جوري :من توصلوني يشوفني
رهف;لالا بنخلي اخوي يوصلج بعيد شوي عن بيتكم ومايشوفوج واخوي كلش حباب وراح يقبل
ترددت بالبدايه وخفت وهي ضغطت ولحت عليه ووافقت علمود يعدي اليوم على خير تالي يدبرها الله
رهف:وكفي هنا فد دقيقه علمود احجي وياه وارجع
جوري:اوكك بس بساع ماريد اتأخر
راحت وشفتها جاي تحجي وتاشر عليه وشوي واجت عليه وسحبتني من ايدي
رهف:يلا يلا وافق اصعدي
جوري:السلام عليكم
شفته كدامي( يالله شنو هذا الجمال كله ياربي هذا موجود ببغداد صدك لو احلم )
امير :وعليكم السلام
جوري بنفسها(ويلي صوته احلى بعد اويلي يالله )
صعدت وياهم وضلينا طول الطريق ساكتين ولاكلمه ووصفت اله رهف البيت ووصلني وراح واني متخدره بجماله يالله شنو هذا الجمال يالله ووصلت للبيت وصعدت لكيت مرت اخوي بوجهي يالله خرب اليوم
سحر:شوواا الابتسامه شاكه حلكج شعجب
جوري:ماكو اني يوميه هيج
سحر:اي يوميه هيج يلا طبي بدلي ونزلي نصب غده لو نسيتي خاتون يلا اخوج بيجي
جوري:اووف تمام
ومرت الايام واسابيع واخو رهف يوصلنا واني اتوه بيه يوم ورا يوم صرت احلم بيه واصحي عليه هو هم بدا يحجي ويايه واني اتوه اكتر وصرت مغرمه بيه بس جنت اكول مايفكر بيه ابد هالحب منتهي وراح اقهر روحي بالنهايه بس مو بيدي اتعلقت بيه هواي وحبيته وعشقته صرت اروح المدرسة بس علمود اشوفه لان اني انسانه مالقيت اهتمام او تقدير من احد لهيج ملت اله
................................................
وهسة نروح بغير مكان بمحافظة من محافظات الجنوب وتحديدا العمارة
YOU ARE READING
من بين اجنحه العذاب
Romanceمن بين عادات وتقاليد قاسيه ومؤلمه يحكم علـّى من لاذنب ڵـهٍ بالعذاب المؤبد الذي لاحق فِيه يحكم علـّى فتاه بريئه بالعذاب الذي لانهايه ڵـهٍ بذنب لم تقترفه ولا صله ڵـهٍا به بذنب ابن عمها الذي تحاكمت بدلا عنه وحكم عليها بالاعدام بالحياه مابين عذاب واهانه...
