#من بين اجنحه العذاب
#الكاتبه: ايوش
#قراءه ممتعه للجميع
صكر
جنت نايم وفزيت على صوتها وهي داتعيط احاول اوعيها ماكو جبت لها ماي وهي بس تبجي وتعيط
صكر;جورري خلاص اهددي هذااا حلممم اهدي
جوري: اريددد اميي اريدهاااا
صكر:اشششش سكتي هسه اشششش
جوري:صكرر لوسمحتتت لو سمحتت اريددد امييي اريدهااا
صكر:تمام سكتي هسه باعي حتى فهد دايبجي بسببج
وهي بس تبجي حضنتها علمود تهدا
جوري:اريد امي اريدها
صكر:اشش اهدي
بدت تهدئ
سمعنا دك الباب بعدت عنها ورحت فتحت وهي راحت لفهد
ام صكر:شنووو هذا النوم صوتت الولدد واصل لنهاايه العشيره وهاي الخاتون نايمه وينننج عن ولدججج هاا بس فالحه خلووني اربيه خلووني اربيه
صكر: يمه لاتسوين مشاكل من الفجر
ام صكر:اي يمه مو هيي فاررره مخكك علينه
صكر:يمه اني ماحددد يكدررر يفررر مخي اني عقلي براسي مو جاهللل يمج
ام صكر:لعد يمه شلونن تقبل ابنك يبجي هيجج وانت ساكت
صكر:اي جاهل يبجي هذاا اولاً تانياً انتي مو عارفه شي لهيج خلي الموضوع عليه ارتاحي انتي
اخذت روحها وطلعت وهي تحسبن علينا
وفهد بدا يهدئ وبدا ينعس
جوري:شيخ لوسمحت انت عندك هواي ناس تعرفهم اريد اعرف امي شبيها صار كل يوم احلم بيها الاحلام كلش بشعه مو احلام كوابيس
رحت كعدت يمها
صكر;الله كريم
جوري;انتضر الخبر منك؟
صكر;جوري تره هم ماسألو ولا جربوا يسألو عليج ولافد مره ليش هيج تهتمين الهم هم ماحاولو حتى ماتطمنو عليج حتى من بعيد لبعيد صار شكد انتي يمنه
جوري:بس يمكن امي تريدني وتريد تتطمن عليه بس حسين يمنعها
صكر;اذا احد يريد يعرف اخبار شخص راح يسوي المستحيل علمود يكدر يوصله لاتتدورين لهم على اعذار
وكفت وانا رايح الحمام
جوري:بس راح تعرف اخبارهم مو هيج تعرف امي شبيها؟
لفت الها
صكر:كتلج الله كريم
وصحيت الصبح وخليت ناس معاريف الي ببغداد يعرفو لي اخبارهم واللي عرفته مايسر ابد وخلصت باقي اليوم بالديوانيه صار اليل وصعدت
اريد اغير هدومي اطلع ويا شاهين
جوري: اليوم من الصبح ماكو
صكر:جنب مشغول حيل ويا الناس
جوري:عرفت شى عن هلي
صكر:بهاي السرعه بعدني كتلج الصبح
جوري:انت معاريفك هواي لو تتطلب من احد يسأل مايكول لك لا
صكر;جوري لاتلحين
جوري:شنوو لاتلحينن هاي اميي اميي
صكر: نصي صوتج تراج داتحجين ويايه لاتنسين عمرج وهم هاي امج هي نفسها اللي شمرتج هنانه بدون ماتعرف اخبارج ولاتتدري انتي ميته عايشه
جوري بدموع:كتلك هذا حسين اكيد مانعها
صكر:عود من اريدد اني اسأل راح سأل واعرف شنو الاخبار
جوري;بس اني اريدد اعرف هسه
صكر:جوري لاتنسيين عمرججج ويا منوو جاتحجييين وتصدرين اوامرج لمنو كتلج من اريد عود اسأل غير هالحجي انسي
ورحت
جوري
جوري: اووف يالله ليش هيج يسوي شلون اكدر احجي وياهم
نزلت جوه ورحت للمطبخ شفت نور وسحر
جوري:نور ليش نزلتي
نور;مابيه شي اريد شي التهي بيه
سحر:الشيخ ماكو لو شنو نزلتي
جوري:بصراحه
نور:شنو لايكون تعاركتو
جوري:لا، راح اكولجن شي
سحر:اولا قبل ماتحجي وين ولدج ناقصه عمتي تسوي لج سالفه
جوري:نايم
نور:تمام احجي
جوري:صار كم يوم احلم بأمي كلها احلام بشعه والبارحه حلمت بيها نايمه على الجربايه مثل اللي تنازع للموت وجهال حسين وجهال خواتي يمها وعيونها تتدمع دم ومن لفتت اليه عيونها حمرا دم والدم ينزل منها بالبدايه جنت احاول اروح الها بس ماكدرت جنت اعيط الها ماترد احركها ماتتحرك وتباوع لمكان واحد والدم ينزل وراها وفزيت من النوم
نور:يالله،شنو سالفه هاي
سحر:حجيتي لشيخ
جوري:اي حجيت اله بس كال من يريد راح يسأل وماقبل يسأل هسه
نور:والله ما ادري شنو اكولج
سحر:مانفتهم حتى بتفسير الاحلام
سمعت صوت فهودي يبجي
جوري: هسه ارجع
ورحت
YOU ARE READING
من بين اجنحه العذاب
Romanceمن بين عادات وتقاليد قاسيه ومؤلمه يحكم علـّى من لاذنب ڵـهٍ بالعذاب المؤبد الذي لاحق فِيه يحكم علـّى فتاه بريئه بالعذاب الذي لانهايه ڵـهٍ بذنب لم تقترفه ولا صله ڵـهٍا به بذنب ابن عمها الذي تحاكمت بدلا عنه وحكم عليها بالاعدام بالحياه مابين عذاب واهانه...
