#فصيله الشيخ القاسي
#الكاتبه'ايه
#قراءه ممتعه للجميع
جوري:اخويه مو الطريق طويله
السائق:خيتي اني داوصلج للعنوان اللي نطيتني ياه
جوري:شكد باقي علمود نوصل
السائق'باقي شوي
جوري بنفسها:ياربي اكيد بيكون صكر وصل لبيتنا وبدو يدورو عليه واحسن شي المنطقه بعيده وماحد يفكر بيها لما اضبط وضعي واروح منطقه بعيده ويا ولدي واعيش براحه واني اشتغل شنو ماجان بعيدا عن كل العذاب اللي شفته واللي عانيت منه
السائق:وصلنه
جوري:شكد حسابك
انطيته الحساب واخذت الشنطه ونزلت مع اني جنت خايفه من ان يكون سائق مايخاف الله ويوديني غير طريق بس الحمد لله
شفت بيت يم بساتين بيت متواضع حيل وبسيط يارب يكون اهو
رحت دكيت الباب
رهف:منوو
جوري;اني جوري
رهف: جوري
بسرعه فتحت الباب بسرعه
رهف:ياهلا تفضلي تفضلي
دخلت شفت صاله بسيطه بيها تلفزيون ومقاعد بسيطه وبالبيت بس غرفتين ومطبخ والحمام واثاثه بسيط
رهف'ليش طلعتي بهالبرد شوفي شلون ترجفين كعدي واني اجيب لج جاي تتدفين
رحت للمطبخ واجت
رهف:عدج هدوم لو انطيج
جوري:عدي عدي
رهف:كومي بدلي علمود تتدفين
كمت وبدلت ورجعت
كعدت وحطيت فهودي جنبي وهي جت والجاي بيدها ويمه لفات
رهف: هاج كلي وادفي
ذاك الوكت جنت حيل جوعانه ماكلت شي هم اني دارضع بديت اكل
رهف;هسه كولي لي شنو غير رايج وجيتي
جوري'والله يارهف الزمن تعبني هواي تعبت ماعاد عدي حيل اتحمل اكتر يعني عمري 18سنه شفت الظيم والظلايم صرت احس عمري 50سنه من كد مامهمومه
رهف'احجي لي فضفضي طلعي اللي بكلبج
جوري:انتي تتدرين من رحت فصيله
رهف'اي
جوري'رحت جانت امي تكول يعاملوج زين وراح تعيشين بنعيم بيت شيوخ ونعيم بس شفت الموت عذاب واهانه وتعب كلشي شفته تشوفين ماعدج لاسند ولا عزوه ولامن يسأل عليج ولا من يطمن بس عايشه هيج بلا سبب تحملت اللي ماخد يتحمله بذنب مو ذنبي كلت بعرب من ضرب اخويه طلع اكو اللي يضرب ولي يهين واللي يحسسج مالج اي قيمه
ومن اجا فهودي حسيت اكو سبب اعيش علموده اتحملت واتحملت عرفت امي مريضه وبين الموت والحياه واخوي راميها بالبدروم يتصدق عليها بالاكل والشرب بس علمود رضا مرته جيت بالكوه وانحرمت من ولدي شهر كامل ورجعو انطوه الي وماتت امي مامكتوب لي ارتاح وهسه سمعت الشيخ جاي ياخذني مره تانيه للعذاب نفسه فأني هربت وماعدي وين اولي وين اروح مالكيت غيرج
رهف'ياروحي انتي انتي اختي اللي ماجابتها امي والله واذا البيت ماوسعج عيوني يوسعنج
جوري:تسلمين ياروحي
رهف:هسه مسحي دموعج وكلي وشوي تصحى عمتي شكد طيبه وحبابه وماتملي من سوالفها ابد راح تحبج هواي
جوري;تمام
رهف'ولدج جوعان اسوي له شي
جوري:لا تسلمين توه نايم
رهف:مو تستحين البيت بيتج عمتي تنام بغرفه واني وانتي بغرفه وملابسج حطيهن بالكنتور
جوري:اني ماراح اظل هواي اريد اسافر
رهف:وين تسافرين وين تولين انتي مره تتعبين بحدج وين تروحين ماعدج احد ظلي هنانه
جوري:ماراح يرتاحون الا يوصلون الي
رهف'المنطقه هنا بعيده كلش وماراح يفكرون بيها اساسا ومايعرفون اني جيت للج وانطيتج العنوان وحتى مليدورن وين احنا
جوري;مادري
رهف:ماكو سفر تظلين هنانه
جوري:الله كريم
YOU ARE READING
من بين اجنحه العذاب
Romanceمن بين عادات وتقاليد قاسيه ومؤلمه يحكم علـّى من لاذنب ڵـهٍ بالعذاب المؤبد الذي لاحق فِيه يحكم علـّى فتاه بريئه بالعذاب الذي لانهايه ڵـهٍ بذنب لم تقترفه ولا صله ڵـهٍا به بذنب ابن عمها الذي تحاكمت بدلا عنه وحكم عليها بالاعدام بالحياه مابين عذاب واهانه...
