#من بين اجنحه العذاب
#الكاتبه ايوش
#قراءه ممتعه للجميع
جوري
مر اسبوعين بدون اي احداث جديده غير ان صكر التحك وتوه رجع
جنت كاعده وين فهودي وصكر بالغرفه
جوري:فهود حبيبي شوكت باقي علمود تمشي
صكر:باقي شوي ليش مستعجله
جوري;اي علمود يظل يحلقني ويروح ويجي
صكر;امم
جوري:شبيك شيخ
صكر;مابيه شي
جوري:صدك شبيك
صكر;قصه دلال ببالي ماطلعت
جوري;مو حنان كالت لك كل شي والقابله راحت ودلال منتظره ابوها وتولي
صكر;بس السالفه عدي وراح اجيبه بس هي تلفونها فاضي مافيه ولاشي
جوري:اكيد حاذفتهن هسه ارتاح توك راجع من بغداد مو وكت هالحجي
صكر:هاي البنيه مو سهله
جوري;خل اني اروح احجي وياها واهددها
صكر:اكولج البنيه مو سهله راح تسوي لج مصيبه ماشفتي شنو سوت بحنان تكولين اهددها
جوري;اي صح بس شلون
صكر:مصيري اعرف شنو وصلها للقابله وشلون كدرت توصل لهابهاي السرعه هي منين تعرفها اصلا و الولد اللي بالمحادثات الحجي الصور كل شي
هم اريد اعرف منو الولد اللي وكف وياها ولد منو ماراح ارتاح الا افصل الموضوع تفصيل اريد الولد علمود صور اختي يمه
جوري;اي صح بس انت تكدر اني ادري
صكر:اكيد راح اكدر ان شاء الله
دلال
من اثبتت براءه حنان صارت الشكوك كلها موجهه اليه شنو اسوي صار الكل يشك بيا واني منتظره يرجع ابويه ارجع وياه هم صكر ماراح يعوفني لحد هسه وكفت ان هو يرجعني لابويه بس اكيد من تصير كل الدلائل وياه راح يذبحني
عرفت ماراح تمر على خير طلبت من مجد اللي هو حبيبي ينطيني فون ونطينته قيمته حولت كلشي عليه وخبيته من اصير بحدي بس اطلعه وادري ان الفون الثاني تفتش
بس اني لحد هسه بالبر لو حركه وحده غلط راح انكشف
بس الشيخ بدا يخوفني احسه كاشف كل شي عادي المهم مايدرو لي علاقه بالقابله
واللي جان مخوفني صار
جنت كاعده اباوع فلم اشوف تلفوني يرن
دلال:هاي حليمه شتريد ماصدكت خلصو اسبوعين باقي اسبوع واولي لان سفره ابويه طولت ..الو
حليمه:روحي لواحد من بساتين الشيخ اريد احجي وياج
دلال;حليمه شرايده ماريد احجي
حليمه;تجين لو لعبتج اكشفها
دلال;الله يالله صايره تهددين
حليمه:تجين لو شنو
دلال;جايه جايه
طلعت ورحت
واتصلت لها وجت
دلال:شرايده
حليمه;اريد فلوس شنو اريد مو كطعتي رزقتي
دلال;قطعت رزقتج؟
حليمه:باعي عيني بسسببج عفت شغلي واني جهالي ايتام بلا اكل
دلال;بس اني انطيتج اربع اساور بالمقابل مو قليل
حليمه;بعتهن وخلصت فلوسهن يا تتنطيني لو اروح لشيخ واكله كلشي
دلال;تتدرين انتي هم الشيخ مايرضي بالرشوه هم انتي تتضررين
حليمه;مو كد ماتتضررين انتي
دلال;اووف
انطيتها فلوس على الاقل انفذ بجلدي حتى يجي ابويه بتحمل مرته الغثيثه ولا يذبحوني هنانه
دلال: خذي يكفنج
حليمه;يي يكفن
وراحت اوف لمته راح اظل اتحملها هاي
ورا يومين تتصل
دلال:حليمه شنو لزكتي شرايده
حليمه:اريد اجيب مسواك
دلال:المطلوب اجي اتحملهم الج
حليمه;لا اريد فلوس
دلال;شنو شفتيني بنك اني فلوس فلوس من وين لي
حليمه;لعد جهالي يموتون جوع
دلال:يعني اروح للحيط احفر وانطيج
حليمه:عود بنت شيوخ وماعدج
دلال:حليمه من الاخير ماعدي والي تسويه سويه
ادري بيها تخاف وماراح تتجرا تسوي اي شي رجعت احجي بالفون
YOU ARE READING
من بين اجنحه العذاب
Romanceمن بين عادات وتقاليد قاسيه ومؤلمه يحكم علـّى من لاذنب ڵـهٍ بالعذاب المؤبد الذي لاحق فِيه يحكم علـّى فتاه بريئه بالعذاب الذي لانهايه ڵـهٍ بذنب لم تقترفه ولا صله ڵـهٍا به بذنب ابن عمها الذي تحاكمت بدلا عنه وحكم عليها بالاعدام بالحياه مابين عذاب واهانه...
