Unicode
မနက်စာစားပြီးနောက် စီစဉ်ထားသည့် မော်တာအင်ဂျင်တပ်စက်လှေဖြင့် ခရီးဆက်လာကြသည် ။ အခြားတော့မဟုတ် သည်မြို့၏ကမ်းရိုးတန်းတလျှောက် ရွက်လွင့်ကာ ကျွန်းစု၏အလှအပများအား ခံစားကြရန်ပင်ဖြစ်သည် ။ စက်လှေဖြစ်သော်လည်း အတော်အတန်အကျယ်အဝန်းရှိသည်မို့ ဘော်ဒီဂတ်များပါ လွတ်လွတ်လပ်လပ်နေလို့ရသည်ပင် ။
“ ဟား…… လတ်ဆတ်လိုက်တာ ‘’
သွင်မှူးအိမ်က စက်လှေ၏ လက်ရန်းနားတွင်ရပ်ကာ လက်နှစ်ဖက်ကိုဆန့်တန်းပြီး ပင်လယ်လေကို တဆုံးရှူသွင်းလိုက်သည် ။
“ ပြုတ်ကျတော့မှာပဲ သွင်လေးရာ... ‘’
စိုးရိမ်ခြင်းပြည့်သည့် လေသံတို့ဖြင့် သျှံမင်းဆက်က အနားရောက်လာကာ သူ့အား လွတ်ထွက်သွားမှာစိုးသည့်အလား တင်းတင်းကျပ်ကျပ် ဖက်လေတော့သည် ။
“ လက်ရန်းတွေရှိနေတာ ဘယ်ကနေ ပြုတ်ကျမှာလဲ… ကလေးလည်းမဟုတ် ‘’
“ ပြောမရဆိုမရတာကတော့ ကလေးထက်ဆိုးတယ် ၊ ကလေးကမှ မုန့်ပေးပြီးချော့လို့ရသေးတယ် ‘’
“ အရမ်းကို သည်းသည်းလှုပ်နေတော့တာပဲနော် ကိုသျှံမင်းဆက်ကြီး ဟုတ်မှဟုတ်ရဲ့လား ‘’
“ အရမ်းချစ်မိသွားလို့ပါကွာ… ‘’
“ ကြက်သီးတွေ ထလိုက်တာနော် ‘’
သွင်မှူးအိမ်၏ လှောင်ပြောင်ခြင်းကို သျှံမင်းဆက်က သဘောကျကာ ဖက်ထားသည့်လက်တို့အား ပိုမိုတင်းကျပ်စေလိုက်သည် ။
“စားစရာတွေရပါပြီ ‘’
စက်လှေမှ စားဖိုမှူးနှစ်ယောက်နှင့် ဝန်ထမ်းများက စားစရာများအား စားပွဲပေါ်လာချပေးပြီး နှုတ်ဆက်ကာပြန်ထွက်သွား၏ ။
“ ဘာတွေချက်ခိုင်းထားတာလဲ ကိုကို ‘’
“ ပင်လယ်စာတွေပါ သဘောကျတယ်မလား ‘’
“ မကြိုက်မရှိ ဝိုင်လေးနဲ့ဆို သိပ်လိုက်မှာ ‘’
“ မသောက်ရပါဘူး… မတော်လို့ ရီဝေဝေနဲ့မူးပြီး ရေထဲပြုတ်ကျနေရင် ဘယ်နှယ့်လုပ်မလဲ ‘’
YOU ARE READING
A Love Like No Other [Completed]
Romance💕Sweet love always touches the softest part of our hearts💕 Own Creation , Own Characters. This story is belong with both unicode & zawgyi.
![A Love Like No Other [Completed]](https://img.wattpad.com/cover/240705396-64-k846223.jpg)