كرونيك 🤔هل الزواج بداية الحب 💓؟!(باللهجة الجزائرية🇩🇿)

part23♥️

جاز داك العشاا مور هاديك الفضيحة 😂😂
عمااد ملتم مزاادش داار كاامل 🌝🌚
اما سيف كان كلما يحب يحكي مع اسماء تعكسوا ودمروا مخلاتوش كامل يحكي معاها هي غاضتها عمرها بزااف كيفااش يقوول هكااك . كيفاش يبهدلك ويستفزها بديك الطريقة ويقلل من احترامها وشرفها !!! المهم قعدت حرقة فقلبهااا سوغتو كي جات من عند حبيبها وقلبها !!
المهم باباها مسمعش بلحكااية بيسك نوخة وصاتهم ميحكووش حتى يجوز عرس سعاااد ويقعدو في رحبة ويحلوا مشاكلهم باش تتفادى التبهدايل مع الناس ...الخ
اسماء كانت تبات مع خاوتها فبيت مانهاا يعني مولاتش كامل تشوووف سيف
وسيف كلما يحاول يشوفها ولا يحكي معاها ميلقاش فرصة وكلما يعيطلها متردلووش وتلفونها ديما طافي وميقدرش يطلع لدار مانو بيسك راكم تعرفو حالة العرس والنسا ...الخ
المهم جازو 4 ايام بالضبط
اايوم يجو يدو سعاااد !!
ناظت اسماااء بكري اليوم كان ملامح الحزن غلفت وهالات سوداء تحت عينها بعد صلاة الاستخارة والتخماام الطويييل وأخيرا اتخدت قرارهااا 🤨🤨
يادرا واش راح يكون هدا القراار .....
المهم ناظت وجدت خاوتها وغسلت لحومي ههه كبر وزياان ومزالو سمين كيما كان قعدت تشوف فيييه وامبعد ناظت تبكي كان يتشبه يمااها لدرجة كبيرة كانت كلما تشوفوا تحس راهي تشوف فيمااها كان خيال يمااها ديما يجوز عليها من نظرات حومي . هبطو دمعات سخونين على خدها
كملت وجدت خاوتها وبعتت حومي لنوخة تشدو وهي وجدت روحها كلش سامبل هاد الخطرة ماكترت من والو كانها راهي فجنازة ودااع كانت تايهة لدرجة كبيرة ونظرات الحيرة لي كانت بيين شفارها 😔😔
نروحو لسيف الدين :::
ناض هو تانيك ماشي على بعضو شغول جايه احسااس بلي حتصرا حاجة هو داير فبالو السوم يفريها مع اسما بصح يادرا واش راه مخبيلهم المكتوب
ويادرا قرار لسماء متعلق بسيف ولا لالا ؟؟
سيف كمل لبس وهرج ديراكت قعد مع سامي لانتيم تاعو مزالو يخطط كيفاش يدير مع عماد بصح نوخة شغول حبستلو فنص لي يجي يديرها يتفكر جداه يحبس
اما عمااد فزاااد حقد على سيف كتر وكتر بهد التبهديلة هاديك وحلف ينتقم منو بصح قبل ينتقم من روزا المطزوزة هي لي كانت السبة فواش صرالو الوغ رجع للدار بعدما حوس فلارشيف تاع روزا ملييح وكأنوا حس بلي عندها جانب مظلم من حيااتها هو باش يساعدو في الانتقاام تاعو منها وفي الاخير وصل لهاد الجانب !!
يادرا واش هو الجانب او الماضي المضلم تاع روزا ليراح يخليها تركع لانتقام نماد منها ؟؟🌝🌚
علابالي تساؤلات بزاااف 😂😂😂 المهم نبداو بأحداث القصة 😉😉
قلنا اليوم عرس سعااد
بعد التوجاد وداك الخرطي راكو علابالكم لحقت ال 3 وصل الكورتاج ليدي سعااد !!
راحت لافامي كامل في رحبة
اسماء جات تطلع مع عمها حتى جبدها سيف وطلعها معاه هو كان حابب ميطلع حتى واحد معاه باش يخطف اسما ويحكي معاها بصح للاسف غير لحق لطوموبيلتو صابها معمرة بالنسا 😂😂 مزية بلاصة اسما واحد ملخلط فيها ملقدام 😂
المهم طلعت كانت رافدا خوها فحجرها وديمارا الكورتاج
طيط طيط 🌚🌝 حتى لحقوا للاصال تاع العرس
هبطوا ودخلوا للصالة حكموا بلايصهم وناظت سعاد تتصدر .....الخ
المهم الخرطي تاع النسا رتكو علابالكم 😂😂
نروحو لجيهة الرجال عند سيف
كان قاعد مع عمو (بابات اسما) يعني نسيو  فطابلة وحدهم حتى حطولهم القاطو والقهوة ...الخ
سيف وعلي (عمو) طاحو على ديك الحلوة خمسة بعشرين تقول جامي كلاو مخلوعين وحق ربي 😂(ههه تعرفو الرجال وكروشهم قدما ديريلهم يقولولك متعرفيش 😂)
سيف : والله قوة القاطو عمي 🤤🤤
علي: واه يا ولدي
(سيف يحكي) : كليت انا وعمي ضربنا طبسي تاع قاطو انا وياه حتى من بعد شفنا الناس يقلعوله واحد الزواق مالفوق باش ياكلو القاطو
حكمت هداك الزواق و قلت لعمي : يا جدك هدا مصنوع بالكتان (بالقماش) وحنا مالصباح غير ناكلوا فيه مع القاطو ..🐸
قالي (علي) : يتسما راني كالي نص قمجة 🐶
سيف : واه . يا بن عمي كيفاش مفقناش 😅😅
المهم جوزنااها تاع القاطو تبهديلة ياجدكم مزية واحد مافاقلنا
ايا لحق الليل وجاو حناو للعريس ايا جاب كاميرا تمشي بلاكاسات وواحد ماعرفلها قولت للعريس هات انا نصوركم ( وانا في قلبي اول مرة نصور بيها ) ايا البوشات تاعها فيها كاسيت فارغة باش نركبها انا مكانش علابالي ايا صورت حنة العريس كومبلي بلا كسات الريح فالريح 😂😂 على كل حال كي جيت نشوف واش صورت خرجلي الشعر 🐸🐸
حطيت الكاسات فوق الكابلة وطلقت الريح لرجليا
خرجت ملاصال وعيطت لاسما باش تهبط
بسيف باش هبطت بيان سوغ النسا ولعراس  يالاطيف 😂😂
ابمهم جابت خاوتها وطلعت فطونوبيل جيت رايح لداري قاتلي نروحو لدار نوخة عندي هدرة معاك
ديماريت وقلبي فالستين خايف بزااف من هدرتها حسيتها ماشي فبعضهاا علابالي بلي راهي زعفانة ومقنوطة مني بصح هاد المرة ماشي كيما مالفة كون كسرت بكاات عيطت ومقعدتش ساكتة
لحقنا للدار هبطت وهبطت خاوتها جبت انا ساكها ورفد حومي كان راقد ودخلنا للدار طلعت حطت خاوتها فبلاصتهم ورقدت البنات وهبطت
قالتلي باش تبدل وتمسح وجها وجي وانا تان بدلت توضيو صليت وقعدت نسنا فيها مرعوب 😔😔
جات اسما ثعدت مقابلة سيف سيف جا يتطق حتى وقفاتو اسما وقالتلوا : سيف هنا زواجنا ملول كان غلط ..
قاطعها سيف : اسما اصب...
زادت قاطعاتو اسما وقالتلوا : اسمحلي  نكمل هدرتي وامبعد اهدر !!
زواجنا ملول كان غلط . الزواج درناه كأنو لعبة تاع دراري صغار شوف انا خممت وصليت صلاة الاستخارة ولقيت انسب حل لينا هو انو نطلقوا وكل واحد يروح فطريقو انا روح لآلجي ونوعدك متزيدش تشوفني طول عمرك هكدا باش مانديرلكش عرقلة فحياتك . انتا ضريتني بزااف وانا غير كرامتي لي منتهاونش فيها !! الوغ من الافضل نكملوة هاد اللعبة لي بدينا فيها كيما كنا ناويين من قبل . قبل مايدخلنا بيناتنا الشيطان ونصدقوا هاد اللعبة 💔💔💔💔💔💔
سيف تشوكا لدرجة ولا غير يخزر ويرمش والعصب ياكل فييه لدرجة حاب يعيط بصح مقدرش يعني لهاد الدرجة عاملت الحب تاعو كأنو نزوة شيطان ولعبة يعني نسات كامل واش صرا بيناتهم في رمشة عين
سيف ناض وقاللها : اوك كما تحبي .. وخرج ديراااكت
ديغاكسيون للبارر باش يصب الغضب تاعو في قرع الشراب  في بالو كاشما يخفف مالوجيعة لراه فيها سوغتو كيراح يفترق مع اسما 💔💔💔
اما اسما زادت تشووكات من ردة الفعل تاعو ستناتو يعيك عليها ويحللها باش متخليهش ستناتو يقنعها باش ميتفارقووش هي صح تحبو بص كان تعدا على كرامتها ونسات بلي لا كرامة ضمن الحب 💔
طاحت بلبكا تحاول تستوعب واش صرا دووكا يعني قصتهم خلاصت بهاي السهوولة ......
....... يتبع
رايكم فلبارتي 😂😂
المهم واش تتوقعو للبارتي الجاي 🌚🌝
وواش راكو حابين يصرا بالضبط فالقصة 😂