كرونيك 🤔هل الزواج بداية الحب 💓؟!(باللهجة الجزائرية🇩🇿)

part 17

اسما تحكي :
دخلت للدار اندهشت كنت رافدة سيف على كتفي خزرت فيه بصح هو ماكانش جايب خبر كان الخطوة يرميها بسيف ديتو للصالون زدت ادنهشت صبت تصاوري معاه معلقيين مافهمت والو للحظة جاتني فكرة انو سيف كان راح يعترفلي امبعد مقدرتش نخمم روحت قعدت مع سيف لقيتو قاعد يخزر فالفرااغ قعدت قدامو شربتلو لما 😔😔
اسماااء : سيف تقدر تبكي قداامي متحبسش دموووعك كتر ريح رووحك من هدا العبئ !!
سيف: شغول الدموع راح تمحي هذا العبئ!
اسماء : دموع جامي رتح تنحيه ولا تمحيه بصح كيتبكي راح ترتاااح شوية متنساش مام نا فقدت الام تاعي تعرف وصلت للانتحاار لفراقها وصح الدموع جامي ولا كانو حل بعدها شفت فخااوتي صغااار وبابا مسكين كبر وفكرت بإيجابية وتفكرت وصايا الام تاعي على خاوتي وبابا وهدا كلوو بفضل ربي سبحااانو كنت راج نجهل ونقتل روحي ففرااقها بصح ربي هداني وخلاني نشوف فأمانة يمااا كيما نتا سيف بقاتلك ختك لينااا ديرها فعينيك بيسك فيها ريحت يمااك سيف شوف فييااا الدنيااا هادي فانية وواحد فينا ماراح يخلد كامل رايحيين وكل واحد ووقتو دير ربي فيدك وكمل فطريقك علابالي كلامي ماراح يفرحك ماراح يريحك بيسك ليراحت الروح تاعك والكنز تاعك بصح كون مطمن ومهني راحت للجنة وهي في رعاية المولى دوكاا
درتلو وجهو بين يدياا ةبستو فراااسو وانا غير عنقتوااا وهو بدااا يبكي كي طفل الصغيير ويعيط كالمرأة حسيييت بيه وزدت تفكرت يمااا جيت نبكي بصح لازم نقعد قوية معاه في فترة كيما هادي غاضني بزااف وماحبيتش كيكاان يبكي حرقة كبيرة راهي فقلبو وثقل كبير علييه دعيت ربي يخفف عليه ويصبروو على فرااقها رقد بين يديااا مسحتلوا على شعري ورحت توظيت وصليت كملت صلاتي قعدت نقرا فالقرآن قدااامو قرييت بخشووع كبييير حتى رقدت راسي على راسووو 🥺🥺
فالصباح نظت روحت نوجدلو باش يسقهوااا جا مورايا عنقني
سيف: صباااح الخير حبي!
انا مع كلمة حبي اتكهربت 💋
اسما: صباح النور كيفااش راك ملييح ماويوجع فييك والو ريحت 🥺
سيف دارلي صبعو في فمي وقالي: صح فراقها موت بصح عندي يقين بربييي وانشاله يصبرني صح انهرت لفترة بصح الحياة تستمر
عجبنيي كيقالي هكدااك زاد كبر فعينييي 🤍🖤 قعدت نخزر فيه باهتة 🥺
سيف: المهم اسماء امشي نهبطوا لبارح رحت وخليت لينا وخدها
اسماااء: ايييه صح  توبة ياربي اصبر اصبر اسقهواا وروووح
سيف : لالا نرووح الوقت !!
اسماااء لالا كول حااجة امبعد نرووحو
سيف اوك هاتي فنجان قهوة !!
طستلوا القهوة ورحت وجدت روحي وروحنا وصلنا رحنا طلينا على لينااا لقيناها مليحة ومتقبلة لوااش صرااا المهم كامل اتسائلتوا كيفااش ماتت يمات سيف كان عندعا سرطان الغدد اللمفاوية (عفانا الله واشفى مريضه) وكان فمرحلة متقدمة مالمرض حتى ربي دا امانتو 🥺💔
المهم جاز شهر وجدت روحي ووجدت حوايج خاوتي باش نروح لداري مع سيف بابا محبش يجي قالي نجي ليك مينداك ولينا حللتها محبتش حبت تقعد فبيت يمااها المهم روحت لداري مع سيف وصلت سيقتها وخملتها ودرتلها نيطوايااج وطيبت العشا جا سيف تعشينا وعشيت البناات وحومي اصلن كان راقد كملت رقدت البنات ورحت قعدت مع سيف نشربو فلاتاي ...