كرونيك 🤔هل الزواج بداية الحب 💓؟!(باللهجة الجزائرية🇩🇿)

partie 5

لكل منطقة عندها عاداتها وتقاليدها وقسم الارض انا من ناحيتي مشكلة كبيرة لأنو تصرا في الاغلب الأحيان عداوة بين الخاوة ويولي كل واحد فيهم يتنافس باه يدي الجزء الكبير ومن العادات ليلازم تكون هي أنو لازم الطفل ايلاكان باباه ميت محش يدي حتى جزء من الارض ولا الورث حتى يتزوج وللأسف هذا واش صرا لخونا سيف
نوخة وولادها مابغاوش يمدو جزء من الأملاك لسيف مع أنو هذا حقو وحق يماه وختو والحاجة الشابة واحد من عمومو ماحبش يمدلوا بنتو قالك هنا منزوجوش بناتنا زواج مصلحة ملڨطناهمش باه نمدوهم
علي : خلاص وليدي سيف متتقلقش فيها خير انشالله فيها
سيف : ياعمي علي كيفاه فيها خير والڨسمة بقالها ميمبا شهر
علي: غدوة نشوفولك عروس متقلقش روحك..
سيف: كيفاه غدوة كيفاه...(وخزر فوجه علي وبدا يبتسم)
علي: مجبيك تضحك ؟! آييي مين راح عقلك ؟! آييي
سيف: عمي علي وكون تعرف شحال نبغيك جيت البارح وليت نموت عليك
علي : ايه وواش سر هذا الحب ؟!
سيف: ههه.ه .ه
علي : ااااه لا واش راني نخمم غير أخطيني لالا ملخر
سيف : بقيتلي غير نتا ياعمي ومقتليش منمدهالكش
علي : لالا سيك لالا انا بنتي تقعد عندي منزوجهاش
سيف : والله يا عمي علي غير نديرها فعينيا قيسما تجوز القسمة ونطلقوا والله مانقيسها يا عمي علي
علي: لالا سيك لالا
سيف : يما راي مريضة مع الاول صح كنت طامع فالدراهم مي مبعد بان مرض يما ولازم عملية ففرنسا قبل متدهور حالتها وانا معنديش هاداك المبلغ عمي يما عندها عملية زراعة القلب ودراهمي حطيتهم كامل باه نشريلها قلب 💔 عمي الله يرضى عليك الله ياطيك ماتتمنا انا ريحتك ياعمي راني من دمك دير فيا ثقة والله غير بنتك لانديرها فعينيا وخاوتها نورمال تخليهم عندها مام نتا جوست زواج على الورق باش ننقض يما يا عمي على وجه يما يا عمي على وجه يما
علي : امممم خلاص خلاص مي مشكيتش و95% محش تقبل
سيف : شوف حل يا عمي شوف
علي : خلاص دوك روح نهدر معاها مي مشكيتش تقبل
سيف : تعيش عمي حاولها ني تاكل عليك

المهم راح علي عيط لأسماء  وحكالها الحكاية كامل حتى من يمات سيف وكلش
أسماء: لالا مانيش قابلة 😡 !!!!!!!
علي : بصح يابنتي زواجك بيه حينقض يماه عندك أجر يابنتي العايلة كامل ماوقفتش معاه أوقفي معاه نتي راه وحيد يابنتي
أسماء: لالا بابا مجبيك حاب تتهنى مني !!!
علي : لالا يابنتي حاشا وهو أصلن زواج على ورق يعني يمات وتولي لي يا بنتي ولتم حبيتي متزوجيش نورمال
أسماء: بصح يا بابا ...
علي : اي طلعتلي لاطونسيون اي جامي طلبت منك حاجة اموان نفذيلي غير هاد الطلب تربحي ببري يابنتي ولا مكيش حابة رضايتي؟!
وبعد حديث طول .....
أسماء : خلاص راني قابلة 😢
يتبع......