اباوع طلعـت غسق وهي تصـيح
غسق
ثبرتنه ثبيـررره حته مانگدر انام من وراجن بس عوفنه شويـة
كرار بياااا حال وانتي تسووووين هيج شكد خبيثه
غسق
من وراج غير ومن ورا مشاكل يطبكم مرض عساكم لنار جهنم
حجت هيـج و اني متعجبه بيهه مو ع اساس تحب كرار شون هيج تحجي شون راحت لغرفتهه واني طلعت
ادك عليهم محد يرد من جهه كلهه تبجي من جهه كرار احس الوضع خنگني طلعت الطارمه وضليتتت ابجي ماعرف مصيري وماعرف شنَو الي حيصير ب كرار وشلَون بيه
گلبي يوجعني ومقبوض احس نفسي ردت اوكع رحت اخذت علاجي ودگ عليهم وهمه محد يرد اصَلا وره تقريبا ساااااعه بضبط رد عليـه لؤي بس صوته تعبان شويه
گتله حجيلي گلبيي راح يطگ گالي
لؤي
الحمدلله عده مرحلَه الخطر سووله عمليه هسه بس ايده اليمين حيل متأذيه وبيهه كسرين
ضليتتت ابجي عليه وهوه يكلي بهاي ولابغيرهه قدره الاهيه طلع السيد منهه سالته ليش
كـالي بصوته التعبـان انو زمـرة دم علي وزيد تختلف و زمرتي نفس زمرته وتبرع بدم الـه هوي
سَديت الموبايل رحت يم البنات تعجبت رند لسهه فاقده الوعي ماخلينه شي ماسوينآ وهيه ماكو بس تهمس ب اشياء مانفهمهه وصخونه رتفعت ب جسمهه
خابرت لؤي وگتله هيج وهيجج السالفه بسرعه تعال
لؤي
يعنـي شنوو هي شحجت يعني حجت رند
اي لؤي ولحد هسههه هاا يعني شنو
صفنت بيني وبين روحي ررند حجت
شهگت من الصدمه الي اني بيهه لؤي سد الموبايل وگال جايكم بسرعه
رحت رگض لرند واحجي وي شذى و وغيد واني مامصدگه
رند رند صارت تحجي رند حجت
هنه ملاحضات هذا الشي وخطيه هنه هم يبجنن وفرحَانات اباوعلهه نار صايره وتهمس ب شغلات وصوتهه بي مبحوح صرت افركلهه ب اديهه واسويلهه كمادات اني والبنات وكلبي ناررر يمهم
حسيت نفسي كلب والده عليه،كلب بنت ع ابوهه، كلب حبيبه كلب صديقه كلب زوجه كلب اخت ! ذني كلهن اني حاسبه نفسي ع كرار هيج حسيت نفسي حفقد شي كل حياتي متعلقه بي يكولون الدنيا م توكف ع احد بس هاي الحجايه جذب لااا توگف اني عندي توگف ع السـيد اذا صار شي بكل سهوله انهي حياتي ويا لان حياتي متكتمل بدونه
BẠN ĐANG ĐỌC
نارة
Tiểu Thuyết Chung(واقعيـة) بيـن دهاليز عائلتهم ولعَبه القـدر يقـع حُبهم كضحيـه لاخطاء أهلهم
١٧ج٢
Bắt đầu từ đầu
