مسـاء الخير حبايبي
نارة
___________________
بليل گاعده تقريبا ب٢ وانفتح الباب طب السيد بدووون مايدگ الباب حته
جنت لابسه قميص بدون اكمام اني خجلت حيللل بسرعه حطيت الغطه عليه
السيد
هه تستحين مني وماستحيتي منه.
كال هل حجايه وهوه يتقرب مني مافهمت معنا جان اكو قرأن ع الثلاجه اخذه واچه واحس بعيونه نضرات انكسار خذلان وبده يصدمني بالحجي
گعد يمي ع الجربايه والقران بيده ما چرأت احجي شي ابد
سحب ايدي مني واني ابلعم وخايفه حيل حاولت ابعد ايده جانت ايده قويه جر ايدي حيل وحطهه ع القران
رفع راسه وباوعلي وگال
السيد
تعرفين الي يحلف بالقران جذب تعرفين شيصير بي؟!
سيد انت شديدو ابالك شنوو شتريد مني كول
السيد
جاوبي عله سوالي
اي اعرف
السيد
زين يعني تعرفين
باوعتله بشك وتوتر بنصرات اريده يگلي شنووو شصاير شيبيك
تقرب مني اكثر عيونه صارن گباال عيوني النار تطلع منهن اباوع شرايين ادي مبينين الوجه نگلب احمر الحواجب نگلبن ايده اليمين صمهه
الله واكبر اذا السيـد سوه هل حركات معناهه حيل معصب ولازم نعلن حاله الخطر
قرب وجهه من وجهي حيل ايده اليسره محطوطه فوك ايدي اليمنه ع القران
شداعي للقران سيد وخره الي تريده اني اكلكيا حلف القران موو زين
همس ب اذني بغصب هامسس
السيد
كل ثقه بيجن بعد ماكو انعدمت اششش
سيد انت ش....
قاطعني وهوه يگلي
السيد
شيعنيلج يوسف
من گال هيج الصدممه جانت جبيرة مجرد ما گال اسمـه دمعتي وگعت باوعتله واني متوتره ردت احجي قاطعني
السيد
اشش ولاحرف
گمت منه بسرعه ودموعي ينزلنن ردت اطلع من الغرفه جان هوه اقووه مني سحبني حيلل وسد باب الغرفه بقووة
سيد وووين تـريد توووصل جاي اكلك عوفني كافي مصختهه
راح جاب القرااان واجهه سحب ايدي وحطهه ع القران بسرعه
اه ايددي سيد وخرر كتلكك ماحلف ع القرررانن ماحلف عوفني
صرت احجيي بعصبيه ودموعي ينزلن سحبني حيلل اله الطشت بي
احاول اوخخر ايدي من القران بس ماكددر حاط ايده ع ايدي وساحبني اله حيلل
السيد
تحبيي؟
YOU ARE READING
نارة
General Fiction(واقعيـة) بيـن دهاليز عائلتهم ولعَبه القـدر يقـع حُبهم كضحيـه لاخطاء أهلهم
