نارة

١٥ج٢

مسـاء الخير حبايبي
نارة

___________________

نزلت طبيت للمطبخ شفت سلام طب من بره للمطبخ باوعلي بنضرات و ك اننما يريد يكلي شي يصفن يدنك راسه يريد يحجي اخر شي طب شويه واجه صدمني وهوه يكلي

سلام
الف مبروك بويه

اتلعثمت ارتبكت صدمني وهوه يكلي بويه باوعتله وكتله بصوت مخنوك الله يبارك بيك راد يحجي شي اجتي خالده مبدله مبين يردون يطلعون

شويه وطلع السيد من الغرفه يفرك بعيونه ونعسـان باوعلي وماهتم راح غسَل واچه كعد ع طبله يكلب بموبايله اجه علي ورفـل ورند نزلت هم

كعدنـه ناكل سوى اني مخنوكه من المواقف الي صارتلي اليوم وخصوصا من سلام اجه وكالي هيـج ومن حجي غسق وخالده ،

مشـه اليوم واني حته ع العشه مانزلت علي صعد كلي ضايجه من وراهن بـس اني جنت ابين اله انو لا

اليـوم الثـاني الصبح كعدت لكيتهم كاعدين يتريكون
ضَليت اباوع ل سيد من بعيد واتافف ياربي شلون مشكله هاي شفته طلع يريد يغسَل سويت نفسي طلعت وبيدي المكسنه و طلعت ورا ديمشي راح وكف يم المغسله ديغسل اني جيت وكفت كباله

باوعلي بطرف عينـه ودنگ يغسل ويفرشي سنونه

انت مو تكولي الزعل مايوكل خيـز لعد هاهيهيه

لزمت الخاولي بيدي كمل انطيتهيا نشف ويباوعلي بنضراات عابره

راد يمشي بسرعه صرت كباله

شبيك كرار

السيد
عندي شغل وخري

بس كرار اني داحجي وياك اسمعني وروح لشغلك

داحجي ويا خلاني وراح طب للجوة اني كلش ضجت منة حيل يعني من يجي ويعتذر راسا اوافق ليش هوه هيج ديسوي

حته ماطبيت يمهم كنست الطلرمه وفتحت المي ع الحديقَه وطبيـت لگيت السيد گاعد وغسق تحطله عطر اريد احاول اتاقلم وي الچو ماگدر احس هيج كلبي يحترگ من اشوفهم هيج محد راح يحس ب احساسَي اله الشخص الي مجرب هالشي

احسـهه هي السبب ب انو وصلنه لهل حد هي جانت السبب ودخلت بينه

انضف بصاله الي يمهم وهوه يباوعلي و لا كانما كاتف ادي ومنتجي ويباوعلي ويدخن

باوعَت ل غسق شون تسوي وشون مهتمه بـي راسا كتله

تريَد جاي حبيبي
رفعلي تك حاجب وغسق دارت وجهه تباوعلي مهتميتلهه اشوف تعابير وجه السيد