نارة

مفاجئ/20

أتمنى لو خايني لو خنته آني
عالاقل نترك عن كُره
مو نترك وواحد يحب الثـاني ..

مگدرت اتجاهل رسائلكم بالخاص وهنـانه ب انو تردون مفاجئ ومع انو عندي دراسـه بس سهرت حته ماخيب ضنونكم واسويلكم احلـه بارت انشاء الله ينال اعجابكم ♥️

اريد تفاعـل حلو (حگ التعب) 🤣
_______________

خَلص الدوام وزيد يحجي وي احمـد طلَعت انـي ودموعي تصَب راسي يوچعنـي احس الحيـاه كلهه مسدوده بوچهي ماحييت اخذ التكسَي ردَت امشي لان اصلا اني ماححس بنفسي

دانـَزل من درج الشركـة شَفت السيد وغسق بمنضـر خلانـي افقـد كل طاقة الي بيـه ضليت واكفه واباوعلهم حسيت روحي كانما نركعت حيل ع راسي وگعَت من مكاني حسَيت راسي نرگع حيل بالگاع وبعـد ماحسَيت بَشي

گعَدت من النوم اباوع غيد يمَي ونـايمة دايخـة حيل تلسمَت راسي ملفوف اهخ

گعدت اريد اذكر الَي صار شلون صار هيج راسي يوجعنـي وجع موطبيعي شفت احنه ب بيتنه حطيت اديه ع راسَي واني أتـألم من الوجع

اذكَرت من شَفت غسق لازمه ايد السيد وهوه يبتسم ومن شافني صار يضحك اكثر غطيت غيد النايمه بصفي والعبـره خانگتني

طلًعت من الهولَ للحـديقة دموعي ينـزلن گعدت ع المرجوحة الي موجوده بالحديقة وبيهه نفس الفراش صَرت اعصر بالفراش واذكر شكلهم سوه واموت من البجذ

ربي شديصير وياية شديصير ربي ليش هيج اخوية اخوية ياربي شلووون تاليها امووت نفسي واخلص

ربي داحرم نفسي من اخوية علي داحرم نفسي منة لان مداگدر مداگدرر اروح و اواجهه اذا واجهتـه كلهه حتعَرف وحيدمر كرار اي اني متاكده السيد يتدمر

ربي دخيلك اني ماگدر واللة ماگدر اخذ امانتك وخلصني من روحيي خلصنـي

اعرف انو السيد مايحب غسق ولا راح يحبـهه بَس يسوي هيج حتة يحسسني هوه قوي ومو بحاجتي ربي دخيلك حتتخَرب حياه البنيـة وحياه السيد وحياتي

هسهه اني هايهيه حياتي تخررربت بَس همه

واللة تعبت واللة تعبت احد يحس بية
اوووف يمة اوففف
لو عنديي ام انام ع حضنـهه واضل ابجي واشگيلهااا

يمة وين رحتي وعفتيني بهاي دنيا وحدي يمة ليش ماحرگتيني وياج يمه

اني بعـد ماگدر طاقة ماعندي حته اتحملل عقلي مهووسس بي السيد السيد السيد مداكدر ابعده عن بالي
رربي نسينياااا بجاه المكان الي اني بـي ربي

*الحجي الي صـار كلة لازم ينـذكر مَرات الانسـان يوصَل لمرحلـة انو يحس نفسة وحيَد كل هموم الدنيـا علية من بديت بهل قصة اهم شَي بنيتة عليه المصـداقية ف نارة حاليا حيل متندمة ع حجيهه هـذا واني هنا اذكر اغلاط الابطال موو بَس اطلعهم بالوچه الملائكي حتـة الناس تتعضَ عن الي يصير ف للمشهد الي بعـده ماكو داعي للسب