مذاق الحرمان بقلم لبنى الموسوي الناقل آدم العربي

الحلقة ١٨

الحلقة ١٨ من #مذاق_الحرمان
للكاتبة #لبنى_الموسوي

اخير الدوام دا الم غراضي بالجنطه حسيت علي بالغرفه يمي
طلعوا الكل چان يقترب مني ويگول

منتظر.. خيال اوصلچ لو عندچ سايق

خيال.. لا عندي مشكور

منتظر.. تعالي لعد خل نطلع سوه

خيال.. اي ليش لا

مشيت ويا واحس بي يريد يحچي شي بس متردد
وصلنه للباب سلمت علي حتى اروح صاحني : اوگفي لحظه خيال

خيال.. نعم منتظر

منتظر.. عرضي ما زال قائم واني شاريچ ورايدچ مره الي واتمنى توافقين ومترديني

خيال.. باوعت علي چان يصير اسر بعيوني
لا خيال لهنا وكافي خلي يولي بيعي مثل ما باعچ
گبل گتله وبدون تفكير : اني موافقه منتظر بس لتعتبرها موافقه تامه لأن الموافقه الحقيقه هي موافقة اهلي وبالتحديد والدي

منتظر.. المهم انتي خيال والباقي سهل

خيال.. يلا صار لازم اروح

منتظر.. لحظه
شوكت ادز اهلي الكم

خيال.. بأي وقت يعجبك وهلا بيهم

منتظر.. وبيچ اكثر

خيال.. مع السلامه

منتظر.. الله وياچ

خيال.. صعدت للسياره گبل نزلت دموعي اعرف بگلبي مراح ينبض الغير آسر بس لازم اشوف حياتي مو صحيح اظل عايشه على اوهام وحب مزيف يبدي بكلمة وينتهي بحرف

وصلنه للبيت غيرت ملابسي ونزلت افاتح ماما بالموضوع حتى لتتفاجأ بجيتهم النه
طبيت للصاله لگيتها گاعده ع السجاده تقره قرأن

خيال.. ماما اريد احچي وياچ

زينب.. خير حبيبتي

خيال.. اكو زميل چان ويايه بالكليه واليوم صدفه طلع متعين بنفس المكان التعينت بي اني

زينب.. اي ليش سكتي كملي شبي هذا الزميل

خيال.. يريد يتقدملي

زينب.. گبل سدت القرأن وگامت : بيناتكم علاقه خيال

خيال.. لا ماما والله حتى رقمه ما عندي

زينب.. لعد هيچ من اول يوم يريد يتقدملچ

خيال.. لا هو تقدملي سابقاً لمن چنت بالمرحله الأخيره بس اني رفضته واليوم من شافني رجع كرر طلبه واني وافقت بس گتله اسأل اهلي بلأول

زينب.. ليش رفضتي وليش رجعتي وافقتي

خيال.. مچنت رايده ارتبط واني ادرس بس هسه كملت دراسه وتعينت يعني بعد ماكو شي يعيق ارتباطي بي

زينب.. خو گولي رفضته علمود اسر ومن عرفت بي راح يخطب سويتها وحده بوحده وقبلت بهذا الولد