مذاق الحرمان بقلم لبنى الموسوي الناقل آدم العربي

الحلقة ٦٢

الحلقة ٦٢ من #مذاق_الحرمان
للكاتبة #لبنى_الموسوي

عسل.. اول ما وصلنه للبيت
صعدت بوجهي للغرفه بدلت وطفيت الضوه

حسيت على حسام طب
ما شغله بدل ع الظلمه واجه تمدد بصفي نص ساعه ونام

بيومها بقيت للصبح گاعده
ساعه ابچي وساعه اصلي واقرا قرأن لحد ما صارت السبعه

رحت غسلت ورجعت ع السريع
تمددت يمه وغمضت عيوني قبل لا يگعد ويشوفني
شويه ودگ المنبه گعد بسرعه على صوته

طفا وطلع من الغرفه
غسل ورجع بدل بهدوء حتى ليگعدني اخير شي حسيت علي تقرب مني باس راسي وراح

فتحت وگبل نزلت دموعي
صرت اكره قربه لأن بقربه ضعفي واني اكره الضعف
گمت افتر بالغرفه اروح واجي وگوه اجر النفس

كافي تعبت
شسوي بعد حتى اخلص من العار الركبني من يوم ما شردت ويا عمار ولليوم

الى متى ابقى اتعاقب على ذنب ساعه
ولشوكت ابقى ادوس على عسل علمود فلان ليزعل من فلان بسببي

فجأه سمعت الباب تندگ حيل
لا يا تندگ تفلشت اصلاً حتى الجرس شكل بـ ايدهم
طفرت من مكاني خايفه منو هذا من الصبح
فتحت الباب ونزلت اركض

صارت باجي گدامي تباوعلي بـ استغراب
عفتها ومشيت
طلعت للحديقه صحت منو چان يجيني صوت ماما بعصبيه افتحي عسل

ركضت فتحتلها الباب گبل دفعتني
- ماما شبيچ
- وينها هاي وينهاااا خلي تطلعلييييي

عسل.. ماما الله يخليچ لتسوين هالشكل

زينب.. انچبي انتي ولا حرررررف
ما اريد اسمع صوتچ اااابد تفتهمين لو لااااااا

ركضت وراها حتى احاول امنعها ما گدرت
دخلت للبيت تصيح چان باجي تتلگاها
ما احس إلا ماما دفعتها حيل گبل صرت بنصهم

عسل.. الله يخليچ اهدي وبلا هالمشاكل المالها داعي

زينب.. وخري ولچ
وخررري خلي اشوف شغلي وياهاااا

وئام.. زينب شبيچ ؟!!

زينب.. اشششش
لتحچين اااابد اليوم بس اني اااحچي

ولچ چان استحيتي
چان خجلتي على نفسچ وانتي تعضين الايد الي انمدت الچ

سنين واحنه نداريكم مثل الماي بالصينيه
سنين واحنه مفضليچ انتي وجهالچ حتى على نفسنه

هذا حماچ الما فكرتي بي ونكرتي تعبه
بس الله اليعلم شصار بي لمن چان اسر مريض

ولچ الليل كله يبچي مثل الجهال علي
حتى لو ابنه هم مچان عانى علموده مثل ما عاني لاجل ابنچ

الحجيه.. شديصير هنا

زينب.. اني مجايه حتى اعيرچ
ولا طالبه منچ مقابل للخير السوينا
لأن الاجر والجزاء على رب العالمين وحده بس ع الاقل لتقابلين الاحسان بلاساءه