مذاق الحرمان بقلم لبنى الموسوي الناقل آدم العربي

الحلقة ١٢

الحلقة ١٢ من #مذاق_الحرمان

للكاتبه #لبنى_الموسوي

عسل.. چنت اروح واجي بالغرفه منتظره خيال حيل تأخرت واني بالي يم فداء وبابا ليش چانو يتعاركون بس لا من ورايه ما شفتها إلا طبت تركض

خيال.. عزه بعينچ عسل عزه بعينچ عزززززه بعيييينچ

عسل.. ولچ شكو

خيال.. فنچ بابا شقرر بموضوعچ يالثوووووله

عسل.. لزمت گلبي لأن هذا الشي الصارلي انتظره ايام وليالي چنت اعرف ورى سكوت بابا اكو ان ولابد فد يوم تطلع للخارج مثل العاصفه تضرب الجميع بلا رحمه
احچي خيال شگال بابا

خيال.. ولچ صخام دينتظرچ جوه وگلي اصيحچ حتى يبلغچ بقرار زواجچ

عسل.. زواج شنو !!
اتزوج منو خيال احچي بسرررررعه

ليث.. عسسسسسسسسل

خيال.. نزلي بسرعه هسه راح تفتهمين كلشي

عسل.. سحلت روحي من الخوف بطلعان الروح ونزلت لگيت ابويه وامي وفداء گاعدين بالصاله باوعتلهم باستغراب : نعم بابا

ليث.. اگعدي گبالي اريد احچي وياچ

عسل.. گعدت گدام ابويه وعيوني على فداء اليباوع عليه بنظرات حزينه عرفت اكو مصيبه راح تصير وهذا الشي الچنت انتظره من شهر كامل

ليث.. اسمعيني عسل
انتي تعرفين كلش زين سوايتچ السويتها متنغفر ولا بأي شكل من الاشكال ولتتصورين يجي اليوم الاسامحچ بي على طعنچ الي وغدرچ بيه وباخوانچ

هذاك الفضلتي علينه صار الوقت حتى تروحيله
اي عسل روحي وتزوجي حتى تضوگين المر الچنت خايف اضوگه الچ لو طاوعتچ و وافقت علي بس خليها ببالچ من يوم الي تطلعين بي من عتبة هذا الباب تنسين عندچ اهل

ابوچ وامچ من لحظتها راح تعتبريهم ماتوا واخوانچ ما عادوا اخوانچ
صفيتي وحيده مثل ما قررتي يوم الدرتي ظهرچ وشردتي ويا بدون متفكير اكو اهل الهم حقوق عليچ وعندچ واجبات اتجاههم ،، هذا الردتي وهذا الراح يصير

يحچي ودموعي تجري بحراره لدرجة گمت ما اشوف گدامي غير الغواش : ما اريد اعوفهم والله العظيم ما اريد
اصلاً شنو الشي الرجعني لهنا غير حبي الهم وخوفي عليهم صح غلطت بس هذا العقاب اقسى من اي عقاب استحقه

عسل.. بابا ما اريد اتزوح ولا اريد افارگكم اترجاك تصرف النظر عن الموضوع وتسامحني

ليث.. مراح اعيد الحچي مرتين ولا راح ادعي واگلچ گلبي وربي غضبانين عليچ تعرفين ليش ؟!!
لأن انتي مو بنتي حتى اغضب وادعي تطلع حوبة التعب الضوگتينيا بيچ

لا اگلچ راضي عليچ ولا اگلچ غضبان عليچ كلمه وحده راح اگولها .. اني بريء منچ اليوم الدين ومن هاي اللحظه ما اعتبر نفسي مخلف بنيه غير خيال