- اي روحي ابدل واجي وراج
- لا والله تا تنامين هين هسه جدامي تبدلين وتحدرين گبلي يله بالعجل
- اي وصكع خاف جدامج انزع هدومي انكلعي بررا يله تا ابدل
- جسم باربي وخايفه احد يشوفه يلا راح اصد بصفحه
واغمض عيوني ... ول فضيها عاد هسه تصعد امج اشكنا وصلتين
حلكي نشف اهجس گلبي على لحضه يكف وامووت طلعت كلبيه من الكنتور ولبستها ادحچ على شروق بعدها مغمضه حيل
ضربتها وركضت الفتفت ادحچ عليها خرطت العافيه
شالت النعال وتركض ... يازماله يا هايشه اذا انتي بنت ابوج اكفي
حدرت اركض واضحك عليها شنون چفلت
اي طبعا بنت ابوي عجل بنت ابوج
تلكتنا امي ... بنات الزماله بنات الزفره وين وليتن للعن ساس الخلفجن لابو عرج لجابجن عليا سون جاي جديد للوادم
طبينا للمطبخ مثل المخابيل نحضر .. هو عرس وفضينا شكو بعد رايحين جاين
شروق ... ينتظرون العرس تحبل تا يباركولها مره وحده
- انجي لتجي امي تسمعج وتحط راسج بقوري الجاي ... وتكلج منين تعرفين العروس تحبل
- عجل العروس ما تحبل راح اتضل عروس .. واخويه شيسوي وياها بالغرفه قابل يركصون چوبي
- شستحجين انتي صبي صبي هسه يجيج امين مادا بوزه ليجدام وينتر
جاي جاي راسه راس الجك وحنجه جنه كلاص فافون عتيك
طب امين صاك على سنونه وين الجاي الله يفين حظجن
- هاي الصينيه جاهز تعال اخذها
اخذ الجاي وطلع ..واحنى طكيناها بضحكه
كملنا المطبخ ورحنى كعدنا يم العروس بغرفتها
واكفه تعدل بمكياجاها حطت حمره لونها احمرر حيل وترس حلكها ترس
ادحك عليها متحملت كتلها ... عايشه شبيج مفجوعه مو شايفه حمره ترا حلكج صار جنه بعير ما كل رمان
شروق تكرص بيا ودكولي انجبي فشلتيها احنى شعلينا بيها خليها تلوص بحكلها تطلع بعير تطلع زمال هي عاجبها
كالت مو كمال يحبها هيج طوخ وتفر بحكلها
شروق ... اي سوده عليه اليوم يتعشه بيها مدام يحبها جثري بعد بوج جثري
بارت 5
Start from the beginning
