ضابط عشق الترفه (مكتملة)

البارت الثامن

حمزة/بعد ما صار عمرنه ١٨ وبدينه بالسادس ونقرأ

اثنينه وشادين حيلنه دنطلع معدل زين...

بس كلما اكلها كلها كم شهر نكمل واخطبج... جانت تتهرب تكول لا نلهي نفسه ومندرس...

مدري ليش احس حبها ولهفتها مو مثل قبل... ولا

كأنه كنه روحين بروح وحده من كد العشك...

مرت شهور وبدت عطله المراجعة...

ظلينه ندرس وندرس وامتحنه...

والحمدلله صحيح الاسئله صعبه بس اثنينه مجاوبين

بس احس خف الحب من ناحيتها...

مرات تتضجر لو تكول ماما تصيحني..

احسها تغيرت كلش

...طلعت النتائج واثنينه ناجحين بمعدلات زينه...

قررت اتقدملها واسويها مفاجئه...

لان سبق وكتلها بس تطلع النتائج نخطب معدنه اي شيء ننتظر....

دزيت امي واخواتي وبيبتي راحو لأمها...
بوقتها كلش فرحان🙂...

واخيرا حبيبتي راح تنكتب بأسمي....

بس اللي صدمني من رجعت امي وجهه مطعون..

كالت تنسه شيئ اسمه(زهره)

... كتلها ليش وشكوو كالت ما تقبل وهيه بنفسها

كالت اريد اكمل دراسه ولا مفكره هسه اتزوج...

ومو ببالي حمزه اعتبره مثل مثل اخواني...

نصدمت كلش وين راح حب سنين العشق الهيام. الشوق اللهفه...

شلون تعتبرني اخوها واحنه حب سنين💔..

خابرتها تحجي وياي بعنفه ومو هامها.....

كتلها تمام يا بنت خالتي....

الله ومحمد وياج اللي ميرديني ربح ما اخذه خساره

..
بس يجي يوم تتندمين واني اللي اكلج ما اريدج...

واعتبرج مثل خواتي وهااا ربي يوفقج

...

مرت ايام واني بجرح كلبي وحب سنين اللي ضاع...

مدري الوم القدر.. الوم نفسي لو زهرة...

خلص كلبي اللي حبها اشعله وانساها...

مرت تقريبا ٩ اشهر وشويه علاقتنه خفت ببيت
.

خالتي واني دخلت كلية عسكريه التهيت هوايه

.. كان بوقتها داعش ودوام صعب...

انصدمت بيوم رقم بنت خالتي اخت زهره لان

مكتوب اسمها الكامل... تدزلي صور زهره بالبدله

وخطوبه وحلقات...

متت من الحركة.... وبس شفت الصور كتلهت

بالتوفيق وحضرت اختها...

مرن ٣ سنوات سمعت بيها صار عدها ولد... 

وعلاقتها مو كلش ويه زوجها َتدور علاقات

وكم مره صارت مشكله... وصار حجي ووصلني انو

هيه  مجبورة عليه بس ما اهتميت ولا ببالي...

لان انتهت من يوم اللي رفضتني وطلعتها من حياتي..... وكرهت كل. البنات...

لان من دمي ولحمي وحب الطفوله تركتني..

منين الكه الحب بعد....
اهلي ضلو يلحون ع موضوع اتزوج وكذا...
فكتلهم هسه ما أريد....

________
ما اعرف شلون وليش وصارت بحياتي نرجس مجرد منشوررر...
وحجتلي حياتها وحجيتلها قصتي... كلنه أصدقاء...

لان لاهيه تدور حب ولا اني...

بس يوم عن يوم احس ببرائتها طريقه كلامها...

يوم احسها طفله يوم جبيره بوقت تسمعني واشكيلها

همومي... طفله كبيره هيج جنت اتخيلها...

هيه جانت حاطه جزء من صورتها الشخصيه...

مبينه كلش حلوة...

مرة  طلبت منها كطلب وهيه هواي تسمعلي... قبلت ووخرتها...

لان نرحس بريئه حبيت اهتم بيها كصديقة وبنوته

زغيره

..........
يتبع....
للكاتبه# نسيم نسيم...
Almahdwya_74
حبايبي ادري البارت قصير... بس حبيت يكون هذا البارت نختم قصه حمزة ويه بنت خالته وحنرجع نكمل قصة نرجس بالماضي من اخوها اتهم بالمخدرات وبهيج نكون كملنه ماضي البطل والبطلة... ونستمر وياكم باحداثهم همه الاثنين حاليا بعد ما نتهه الماضي☺️احبكم