ضابط عشق الترفه (مكتملة)

البارت الاخير

نرجس..
يوم عن يوم بدت حياتي تستقر وزاد اهتمامي لمنتظر اللي يكبر بعيني بكل مرة بتصرفاته واهتمامه بيه.. بحيث حتى مرة كعد وناقشني..

منتظر :نرجس حياتنه الزوجية ماشيه بس بقى موضوع الأطفال شنو رأيج.. كولشي لازم يكون بالقناعة اني يوم عن يوم دا أكبر واتمنى اصير اب..
بس انتي اللي حتحملين وتتعبين وكذلك عندج دوام السنه مرحلة اخيره يعني شوفي نفسج مستعده لو لا
علمود ناخذ احتياطنه...

نرجس:منتظر عادي اني هم مو زغيره عمري حيدخل ٢٣ فعادي اذا صار طفل وهيه مرحله اخيرة بما انه انت دكتوري استغلك😂واضل اغيب..

ضل يضحك ومن هذا اليوم زاد فرحه وهو ينتظر الطفل.. صار شهر ونص ع علاقتنه الزوجيه واني شهريه ما اجتني.. شكيت بحمل بس كلت خلي يمر بعد فد اسبوع يجوز تأخرت شي التهابات..
..
بس الاكدلي الحمل هو تعبي وخمول وكذلك سمنت..
فباليل اجه منتظر..
باسني وكال حبدل واجي حضريلي العشا حبيبتي.
طبعا هو صح. دكتور جامعي بس عنده مختبر
اذا ملتهي عنده محللين وياه يشتغلون.. بس هوه بإسمه.... حضرتله عشا جنت مسويه لحم بعجين وحضرت وياهن طرشي وعدنه حمص بطيحنه جاهز هم طلعته وبسبي صارت الطاوله تخبل..
كعدنه ناكل كتله منتظر كال ها حبيبي
كتله اعتقد اني حامل..
صفن وكمل اكله شويه وكال شكلتي شكلتي
هههههههه ضحكت كتله يمكن لان شهريه صار شهر و٣ أسابيع ماكو... كال هسه اروح اجيب تحليل بعدين كال المن خابر ع مختبره كاله لا تسدوه عندي تحليل اييي اني اسويه واقفل المختبر عندي نسخه منه... طبعا بحكم شغله فدائما عدنه تيوبات بالبيت وسرنجات وتورنكه ومعقم وقطن وكولشي..
فسحبلي دم واخلاقه بتيوب واخذه كال ساعتين واجي صدك راح  واني كاعده انتظر انتظر شيمشي الساعتين...
كلت خاف يطلع ماكو حمل نوب يضوج خلي احضرله ليله حلوه واذا جان اكو حمل فنحتفل بيها.. سويت كيكه بسيطه وحطيتها بالفرن ووقتت ع 45دقيقه
ودخلت للحمام سبحت ونشفت شعري وهو سرح بس  برمت منه شويه ورفعت بف خليت مكياج بسيط..
وحمزه شويه طوختها.. سمعت جرس الفرن رحت طفيته وانتظرتها تبرد.. كل هذا وبعد ما خلصن الساعتين بعد 40دقيقة.. كلت اسوي كريمه للكيك
سويت لون ابيض وشويه ككوي.. بردت الكيكه وزينتها وحضرت طاوله ع السريع..
خابرني منتظر واني كلبي يدك سريع
كال مبروك احلى ماما..
ضحكت كتله يعني حامل. كال اي...
كال راح اجي كتله حبيبي ابنك يكول اريد حلويات
كال لا اريدها بنيه تشبه امها  ضحكت.. وسده
وره ربع ساعه اجه منتظر...
استقبلته وكتله مبروك حبيبي وهو حضني وشالني خفيف ويفر بيه بعدها نزلني..
وكتله مفاجأة روح غسل وتعال.. بسرعه اخذت الحلويات حطيتهن بماعين وع الطاوله ورحت صحتله  وغمضت عيونه وبعدين دخلنه كيف بيهن كولش
كعد ع الكرسي ردت اكعد كباله ما قبل الا بحضنه
وقطعنه كيك سوه وكال اي بنتي شلونها كتله اشو بنيه بكيفك اريد ولد.. ضحكنه كولش.. كتله شنو نسمي... صدمني  من كال اذا ولد حمزة.. كتله ودمعه بعيني بس.. كال اني لذكرته الحلوه اريد اسمي ابنه عليه.. بس ضلت دموعي تنزل واني اكله خاف يروح مني مثل ما استشهد حمزه َ.. شافني هيج بجيت
وكال لا حبيبي خلص خلي نشوف شنو وبعدين يجي اسمه وياه(هسه البعض يفكر ليش خو ذكرى للشهيد وهو جان حبيبها.. بس اني اكول حقها بمجرد نرجس حجتلي مره شلون هالاسم نحفر بروحها وباستشهاد حمزه خله هالاسم ينغزها كلبها من ينذكر اضافه انه من كالت اخاف ابني يروح مني وافقده مثل حمزه عذرتها ويكفي حمزه هيه تذكره وتحترم مشاعرها السابقه اله بس خلص لازم تبعد ذكرياتها وياه #نسيم)... حضني وبعدين كال اليوم اريد حلاوه الحمل كتله شنو اني حامل لو انته كال مالي شغل
ضليت اضحك وهو حاط وجهه بركبتي شالني واخذني للغرفه وقضينه ليله حلوه احتفال بطفلنه.
..
كعدنه ساعة ب٩.. حضرت ريوك ومنعني اشرب جاي  كلي موزين عليج..شربت حليب.. بعدها كال ننزل نسلم ع اهلي ونبشرهم كتله تمام كال وراها نروح لاهلج ونبشرهم هم.. كتله اييي كولش فرحت
نزلنا وسلمن ع بيبي وعمو وعمه وباركولنه وبيبي تهلهل... ام منتظر حبابه ما عدها شي وياي..
واني كل فتره منتظر ماكو انزل يمها شويه..
وراها خابرت اهلي وكتلهم حنجي وتحضرنه ورحنه لاهلي.. بوست ماما وبابا..
وحضنت خواتي واخويه الزغير.. بعدها نزلو أمير وفطم هم سلمت عليهم...
كالو زين اجيتي عدنه خبر الكم... كتله واحنه هم عدنه خبر... جان ضحكنه اني وفطم اثنينه من كلنه
اني حامل.. بصوت واحد.. واحد حضن الثاني ونوب
اهلي احتفلو بينه...
وماما وخواتي بلشو يطبخون غده...
اجيت يمهم بالمطبخ اساعد وماما تكلي كعدي لا تتعبين واني اضحك كتلها ماما اريد اشتغل شويه وياكم... كالت نظفي الخضره.. بوقتها اموري جاب سمج شوي وطرشي وماما طبخت تمن احمر وخواتي وحده تسوي زلاطه ووحده مقبلات بسيطه..