ضابط عشق الترفه (مكتملة)

البارت الثاني

هسه صار الوقت ارجع للماضي واعرفكم ع نفسي

والأحداث بسنه 2017....

اني اسمي نرجس عمري 17سنه... اني من النجف  طبعا اني ما البس عبايه... بس محجبه.. اني طويله طولي164ووزني58 وشعري طويل نهايه ظهري ولونه اشكر واني بيضه كولش وعيوني عسلي وكبار (حلوه من الله 😁)... عندي اثنين اخوان واحد جبير والثاني ازغر مني.....

عندي 4خوات.. اثنين متزوجات الوسطانيات زمرد ورونق...

واختي الجبيره  ما متزوجه اسمها نهاد والثانيه اسمها سرى.... أبويه وامي متزوجين عن حب 😍💓همه اولاد عم والحمدلله حياته حلوه.... طبعا بابا مدللني لان اني ازغر وحده بالبنات 😁😍.....

نجحت للسادس .بسنه٢٠١٧...جنت مخططه لشيء جديد بالحياة افكر انو هاي آخر سنه إليه بالسادس وراها   راح ابني مستقبلي واكون حياتي...... 

دخلت خصوصي كيمياء وعربي وانكلش والأمور زينه جانت بدايه رمضان بشهر السادس..  اروح ويه صديقتي وارجع وياها... ابدل واقره ومرتاحه ومتونسه وعايشه حياتي برفاهيه وما عندي هم وغم كل همي دراستي...... 🥀💓...

قرب نهايه رمضان الكريم 🌹... اجتي زياره مفاجئه لبيت عمي 😕... المهم صار العشا وكمل ومعدنه شيء... وسمعت بيت عمي يردوني لأنهم منتظر مهتميت لان كلت عادي حرفض ادري بابا مستحيل يقبل..... حتى إذا علاقتنه تحسنت بيهم... المهم راحو بيت عمي... وهنا الصدمه 😳...

سألوني كلتلهم لا واشوف امي وابويه واختي سري يكولون وافقي...

كتلهم شلون أوافق وهو مثل اخويه ومواليد ٨٥ يعني أكبر مني بهواي..

... كالولي ولد مرتب حلو وخريج وأخلاق ومثقف كتلهم لا مستحيل......

بوقتها امي كالت إذا وافقتي حتتحسن علاقتنه بيهم....

واخوج أمير  صار شهر يمهم  حتتحسن علاقته بولد عمه وانتي تدرين من مات ابن عمج واخوج ترك الدراسه وهسه يلا رجع يحجي ويه الناس  واخوج جان سادس من ترك... 💔..
..

ظليت اسبوع اروح للمحاظرات وأهلي كتلهم لا أفكر شلون أوافق... مديتقبلون يردون اردلهم خبر .. كمت ما اروح للمحاظره وكعدت بالحديقه بس افكر..

شلون اوافق وهو أكبر مني بهواي.. واني عندي احلام هواي ما أريد اتزوج...

لكن ثاني يوم العيد بعد ما إيست من اهلي نطيت الموافقه 💔💔💔💔💔..

. بس مجنت مقتنعه ما ردت هذا الزواج واختي نهاد ما جانت موافقه... واختي سرى اللي اعتبرها روحي من الدنيا ما وكفت وياي ورادتني أقبل...

مرت ٥ ايام واني تاركه كولشي والمحاضرات وبالي مو بس يم الخطوبه  وجنت ظايجه من اهلي حسيتهم بس يردون يخلصون مني....

لأن عمي دائما يخطب من عدنه وبابا ما انطه خواتي واني ازغر وحده جنت... ليش هيج وياي مو ع اساس اني بنته العزيزه ليش ينطيني لعمامي وهمه سبب كل مشاكلنه.... (بعدين تعرفون سبب المشاكل)...
.....
وره ٥ ايام جنت نايمه مرحت للمحاظره جان يوم السبت
... بيومها حلمت مرت عمي الزغير نطتني الذهب مو اللي خطبوني والذهب تكسر.. هنا فزيت من الحلم.. وكالو اجو بيت عمج  وكومي سلمي.....

هنا عرفت انو هالزواج ملازم يصير من وره الحلم اللي شفته 💔...

المهم طبيت سلمت وكلها فرحانه ويطشون جكليت بس اني مجنت فرحانه ابد💔😔..
ابتسمت ابتسامه خفيفه لحد ما كالو خلي العرسان يحجون سوه...  بقينه وحدنه وكال...

منتظر:شلونج نرجس...

نرجس :الحمدلله تمام..

منتظر :الدراسه شلونها...

نرجس :تمام زينه...

كال

منتظر:شوفي نرجس اني من اجيت اخطبج هذا الشيء ببالي من زمان بس جنت انتظر الوقت المناسب
.نرجس:(هنا حسيت بالاستغلال لان اخويه يمهَم وهستوه تحسنت علاقته بيهم.. يلا خطبني) المهم كال...

منتظر :
اعرف انتي هادئه كلش من تجين مراقبج ومالج علاقه بأحد
... واني حياتي مخططلها ومن نتواصل اني حعلمج...

نرجس :اني بكلبي كلت هذا شدا يحجي غير قرارتنه سوه  من هسه يتحكم....
..

وكال اكو بالمظهر عبايه... اني هنا كتله...

نرجس:شنو عباااايه هي غصب وبعدين اني طالبه وانته تعرف شنو لبسي....

حسيته من اول يوم بدأ يتحكم ومن طلع  كال انتبهي للبسج.. اني باوعت للبسي جان عباره عن تراك طويل وعريض شويه

.. حسيت اني وياه ما راح نتراهم لان هو مخطط لحياته  واني عمري ١٧ ما احب اي احد يتحكم بيه وهو يدري بيه مدام اولاد عمي ما البس حجاب وحتى إذا أخذ كلامه لازم يكون وياي طيب مو هيج يتصرف وياي
....... يتبع
للكاتبه #نسيم نسيم....
Almahdwya_74

حبايب كلبي عيوني انتو تفاعو فدوة.. علمود استمر بالكتابه.. هيه نجمه وتعليق حلو مثلكم َ.. فديتكم... وإذا تحبون بنات تابعني ع الانستا حسابي
_aso2001...
فديتكم لا تقصرون بالدعم إليه محححح🥀💓😍😍😍😍😍😍😍..... ان شاء الله البارت الثالث باجر باليل هيج وقت