"တူမကြီး ဘယ်လဲကွယ့်...."
အသံကြားမှ နောက်ကိုလှည့်ကြည့်လိုက်တော့ စာအုပ်ဆိုင်လေးကို ကျော်သွားတာ သတိထားမိလိုက်သည်... ဒါနဲ့ပဲ စက်ဘီးကို နောက်ပြန် ပြန်တွန်းရင်း....
"ဦးလေးဆီလာတာပါရှင်... အငေးလွန်ပြီး ဦးလေးဆိုင်ကို ကျော်သွားတာ 😁.."
ပြောရင်းနှင့်ပင် စက်ဘီးကို ဒေါက်ထောက်ကာ ဆိုင်ရှေ့တွင် ခြေစုံရပ်ရင်း ထိုင်လိုက်တော့သည်... ဆိုင်ဆိုပေမယ့် မိုးကာအစိမ်းကြီးကို လမ်းမဘေးတွင်ကပ်ခင်းထားပြီး စာအုပ်အဟောင်းလေးတွေကို တစ်စီတစ်တန်းထဲ သပ်သပ်ရပ်ရပ် ခင်းကျင်းထားခြင်းမျိုးဖြစ်သည်....
"ဟား..ဟား.. တူမကြီးကတော့ကွယ်
ဘာတွေဒီလောက်ငေးနေလို့ ဦးလေးဆိုင်ကိုတောင် ကျော်သွားရတာတုန်း...."
"ဒီလိုပါပဲ ဦးလေးရာ...
ညစျေးတန်းရဲ့ အလှတရားကြီးကို လိုက်ခံစားရင်းပေါ့.."
"အေးပါကွယ်... ဦးလေးတို့ခေတ်တုန်းကလည်း ညနေဆို လူပျိုတွေ ဒီမှာစုပြီး စကားဖောင်ဖွဲ့ ပြောရတာအမောကွဲ့... သိပ်ကို ပျော်စရာကောင်းခဲ့တာပေါ့...."
"အမယ်...ဦးလေးတောင် ငယ်ချစ်ဦးကို လွမ်းမိသွားပြီထင်တယ်..."
"ဟား...ဟား...ဟုတ်ပါ့ တူမကြီးရယ်..."
"ဒါနဲ့ဦးလေး.. ရိုး မှာထားတာ ရပြီလား.."
"ရပါပြီကွယ်... ဦးလေးတောင် တော်တော်လေး ပတ်ရှာလိုက်ရတယ်.. တူမကြီးပြောတဲ့စာအုပ်က ထူလည်းထူသား...
ရော့...ဒီမှာ..."
ပြောပြီးတာနဲ့ ဘေးတွင်သတင်းစာနဲ့ထုပ်ထားတဲ့ စာအုပ်တစ်အုပ်ကို ပေးလိုက်တော့သည်... ရိုး လည်း ထိုစာအုပ်ထုပ်ကိုပတ်၍ထုပ်ထားတဲ့ သတင်းစာကို ခွာလိုက်တော့ အညိုရောင်သန်းနေပြီဖြစ်တဲ့ စာအုပ်တစ်အုပ်ကို တွေ့လိုက်ရသည်....ထို့နောက်တော့ မျက်လုံးလေးတွေမှိတ်သွားတဲ့အထိကို ပြုံးလိုက်ရင်း....
"ကျေးဇူးပါ ဦးလေးရယ်...
ဒီစာအုပ်က လွန်ခဲ့တဲ့ နှစ်၂၀လောက်ကစာအုပ်ဆိုတော့ ရှာရခက်နေတာ.. ဦးလေးနဲ့မှပဲ အဆင်ပြေတော့တယ်...."
"အေးပါကွယ် တူမကြီး အဆင်ပြေရင် ပြီးတာပါပဲ.... "
"ဟုတ် ဦးလေး... ဒါနဲ့ဘယ်လောက်လဲ.."
YOU ARE READING
Fall in Love 🖤
General Fiction(Unicode ) မြန်မာနိုင်ငံ ပြည်ထောင်စုဝန်ကြီးရဲ့သမီးလေးနဲ့ ပြင်သစ်စကားပြန်မလေးတို့ရဲ့ မတူညီတဲ့အခြေနေနှစ်ခုကြားထဲမှ ဖြစ်ပေါ်လာတဲ့အချစ်တစ်ခုက ချောမွေ့လွယ်ကူမလား...? ခက်ခဲကြမ်းတမ်းမလားဆိုတာ....? (Zawgyi) ျမန္မာနိုင္ငံ ျပည္ေထာင္စုဝန္ႀကီးရဲ႕သမီးေလးနဲ႕ ျပင္...
1 - Fall in Love 🖤
Start from the beginning
