رواية جريمة عشق ٢(عشقتها منذ نعومة أظافرها) بقلم/ مريم نصار.

الحلقه ٣٩

الحلقه ٣٩
رواية جريمة عشق٢
(عشقتها منذ نعومة أظافرها)
                         بسم الله نبدأ

محمد : نايم وواخد نور فى حضنه . ونور مكلبشه فيه ومبسوطه .
نور : حبيبي .
محمد : عيونه .
نور : ابتسمت انا مبسوطه اوى انك اخدت اجازه .
محمد : وانا كمان مبسوط جدا
. ياااه متعرفيش الفتره الل فاتت دى كانت متعبه بجد . واول ما اطمنا على ساره .وعرفنا الل حصل معاها امبارح . والدنيا هتروق . قولت بااس ياض ي محمد . انت من بكره متروحش المستشفى . انت تاخدلك اجازه كدا اسبوع . وتريح فيهم اعصابك مع بنوتك الكبيره نور قلبك . وتستجم كدا .وانهردا اتصلت عليهم فى المستشفى قولتلهم انا اجااااازه محدش يكلمنى .
نور : باسته من خدو حبيبي انا . هيبقى اجمل اسبوع ياقلبي .
محمد : روحي انتى وانا هدلعك في الاسبوع ده .
نور : بتفكير . اممم . ماتيجي نروح عند بابى .
محمد : لااا . لا بابى ولا مامي . احنا مش هنخرج الاسبوع ده من البيت . بقولك استجم .
نور : برقه . بليز بقى وافق ياحماده .
محمد : اهو شوفتى انتى جبتيه لنفسك ب حماده دى . وقرب منها اكتر . ادينى واحده حماده .
نور : هههههه حماده .
محمد : بعشقك يانوري . وقرب منها بحب .

طارق : يعنى عيزانى اعمل ايه يارنا . اخدو من ايدو غصب عنه . واقولو يافهد امك قررت انك تتجوز . انتى عايزانى اجبربه وانتى عارفه فهد وطبعه .!؟
رنا : لا ياطارق . احنا مش بنجبره . انت عارف أنه بيحب رينو . ومن زمان جدا كمان . ورينو اهي مشاء الله عليها . كبرت . وكل يوم والتانى يجيلها عريس . واخر عريس . جه من طرفك انت وانا نبهت عليك انك ترفضه وتقوله انها مخطوبه وابنك اهو مشاء الله عليه مركز محترم واترقي . واتكرم في شغله .
طارق : وبعدين معاكى بقى . اديكى قولتيها اهي . فهد بيحبها . بس رينو احنا منعرفش هي بتحبه ولا لا . وغير كدا انتى كلمتى فهد امبارح فى حوار الجواز . قال ايه !؟ قال إنه مبيفكرش في الجواز دلوقتي وسابنا ومشى .
..عيزانى اروح اقول ل آدم ايه !؟ اقوله عايزين رينو لفهد الل بيحب بنتك . وهو مبيفكرش في الجواز دلوقتي .!؟ ولا أسأله اقوله شوف بنتك بتحب ابنى . علشان نيجى نتقدم . اعقلى كدا . انا لايمكن اعمل حاجه زى كدا . ولا نزعل انا وآدم بعد العشره والعمر ده كله .
رنا : يعنى ايه بقى . هنسيب ابنك متعذب كدا . ورينو تطير من ايديه .
طارق : والله ابنك الل خايب . وهو مش صغير . وفونه رن . ثوانى آدم بيتصل .
طارق : الو .
آدم : ايوه يا طارق . جيب الامانه الل عندك . وحصلنى انت وفهد حالا على فيلا المنصورى .
طارق : هو شرف بسلامته .
آدم : ايوه . وانت اجهز بسرعه . انا معايه زياد ومراد . واتصلت على جاسر ومالك واتحركو .
طارق : طيب بيتر جاي!؟
آدم : بيتر فى المطار . مسافر هو وعيلته علشان فرح ديف . ابنه بعد يومين . ومش عايزين نشغل باله .
طارق : ايوه . ايوه . كان قايلى . طيب تمام . انا هتصل على فهد . وهجيب الحاجه . واحصلك .
آدم : تمام .  وقفلو .
رنا : رايحين على فين ياطارق .
طارق : بيرش برفان . رايحين الملاهي تيجى معانا .
رنا : بغيظ . ياراجل ريحنى مره واحده وقولى رايح فين .
طارق : باسها من خدها . والله رايحين نمرجح ضيوف مهمه . يلا بقى علشان الساعه ٨  ومتاخرش  . واتصل على فهد الل ابتسم . وقاله فى ثوانى هتلاقيني هناك .. وطارق نزل المكتب . واخد الحاجه واتحرك . 
كلهم اتجمعو عند الفيلا . واستنو وصول آدم .ووصل . ونزلو . نزول مهيب . وكان مراد وفهد واقفين يهزرو ويضحكو وكأنهم داخلين على سينما .
زياد واقف مع مالك بيهديه لأن مالك كان ثاير وغضبان . وكان هيجي لوحدو لكن جاسر مانعه .
. آدم وطارق واقفين جمب بعض فى المقدمه . ووراهم جاسر ومالك وزياد . ومراد وفهد . ومسلحين . مراد اتحرك للأمن الل واقف قدام الفيلا وطلع الشاره بتاعته والأمن شافها واتوتر .
.طارق : طلب من الامن وكل الموجودين أنهم يخلو المكان فورا . لأن الأمن الوطنى على وصول . وهياخد الكل . وفي ثانيه كلهم اختفو . والفيلا كدا فاضيه .
آدم : ضحك . وقال ل طارق هو الأمن الوطنى جاي .!؟
طارق : مين قال كدا !!؟ ههههه يلا ياعم ادخل هتودونا فى داهيه . كلهم ضحكو ماعدا مالك .
آدم اتحرك . ودخل اول واحد والكل وراه . وكان فهد اخر واحد وقفل بوابة الفيلا الخارجيه بالقفل . وداخل مبتسم  .