رواية جريمة عشق ٢(عشقتها منذ نعومة أظافرها) بقلم/ مريم نصار.

وحشتوني

حبايب جلبى وحشتووونى اوى والله العظيم . انا بشكر اى حد دعالى انا وجوزى  . ودعا لبنتى  . ربنا مايحرمنيش منكم ابدااااا . والحمدلله اتحسنت شويه .
هههههههههههه . تعرفوا ايه الل حصل اول امبارح . بطاقة التموين ضاعت هههههه شهر عسل بجد . 😂😂😂😂😂 .
الحمدلله والله . المهم ياحلوين انا قولتلكو حصل معايا موقف وانا رايحه اكشف . والله ع ما اقول شهيد ...
خرجت انا وبنتى وجوزى . ورايحين للدكتور . وصلنا لمكان معين علشان نركب تاكسى . المهم . الدنيا زحمه اوى ع غير العاده . ومفيش تاكسى . ياالله مش قادره اقف . طيب ايه الزحمه دى كلها . جوزي قالى انهردا الخميس والبلد بتبقى زحمه افراح وكدا . قولت ع خير . وانا واقفه اتعايش مع الم جسمى . إذ وفجاءة . تيجى عريبه فخمه جداااا اللهم بارك . وقفت قدامنا ..  وكانت مفتوحه  من غير سقف . وكان فيها ٣ شباب ولاد زوات كدا . اتحركنا بعيد شويه . وانا ضحكت جوايا وقولت محمد ومراد وفهد . اهم فى العربيه . يقوم ايه بقى الزحمه تكتر . والعربيه المفتوحه دى اتحركت بعيد شويه . وبعدها اللهم بارك . عربيات فخمه جدا جدا جدا .. ف بقول لنفسى بت يامريم هي الروايه بتتحقق ولا إيه .
المهم بقول لجوزى واخرتها انا مش قادره اقف . قالى العربيات دى بس تتحرك وهتفرج لانه شكله فرح . وبعدها يابنات . الاقى عربيه ليموزين . بيضا . أقسم بالله العظيم حصل . وعليها بوكيه ورد من قدام . وهي الل عامله الزحمه دى . وكان فيها العريس والعروسه .. هيييح . ربنا يسعدهم . والعربيه بتتحرك ومعاها كمية عربيات فخمه جداااا وجميله افتكرت فرح محمد ونور . وضحكت تانى. وقولت يارب فرح الجميع . جوزى قالى روايتك بتتحقق وضحك . بنتى قالت العربيه جميله اوى مشاء الله وصورتها بالفون في اخر لحظه . المهم . اتحركو واحنا ركبنا تاكسي وروحنا الدكتور وحجزنا وهنقعد نستنى دورنا . وكان ف ست كبيره كدا ووقوره وجنبها ست منتقبه . انا قعدت جمب المنتقبه . وبنتى وأبوها قعدو لوحدهم . يقوم ايه . يجى ٢ رجاله وقعدو جمب الست الكبيرة من الاتجاه التانى واحد جنبها والتانى ع الكرسي . المهم انا فتحت الفون . وقولت افتح اقدم اعتذار ليكو . إذ وفجاءة . اسمع لكن غصب عني الصوت كان عالى . بيحكو عن مواقف ليهم حصلت . فندق وجناح كامل . والليله ب١٥ الف جنيه . وبعدها طلبو دكتور لوالده والدكتور كان مسافر وبعتولو طياره خاصه وجابوه ف يوم وليله . وانا قاعده . لااله إلا الله . ف ايه بقى انا تعبانه اه بس كدا انا بخرف . وبعدها سمعت واحد بيقولو بقولك تعالى اسبوع كدا ونرجع الفندق وهحجزلك جناح ع حسابى . قولت لالا بقى انا كدا ف قلب الروايه بجد . ياترى انت فين يا آدم . 😂
قومت من مكانى لانى حسيت انى انا فى الروايه بجد . وانا فى الروايه داده سعاد 😂😂😂😂😂
وسبتهم وقعدت ع السلم . شويه . ويارب ننجز بقى ونكشف عيزا اروح . وانا قاعده ع السلم . ف بنت ووالدتها أو جدتها الله اعلم . طالعين على السلم وكانو مسيحيين . المهم البنت طلعت . والست الكبيره طالعه ع مهلها لقيتها بصتلى وابتمست . وقالتلى سلامو عليكو ياحبيبتي . قولت وعليكم السلام . وكانت لابسه سلسله عرفت انها مسيحية . اتعدلت وقولتلها اساعدك ياامى . ليقتها ابتسمت ودعتلى . بعد مادخلت قولت معقول . ام بيتر . لااااااااا اقسم بالله ما هو تمثيل واهو بحق وحقيقى (بصوت سوكيننا ) 😂😂  العربيه اهي . وربنا يسعدهم . ويبعد عنهم الاذي