رواية جريمة عشق ٢(عشقتها منذ نعومة أظافرها) بقلم/ مريم نصار.

الحلقه ٣٢

الحلقه ٣٢
رواية جريمة عشق ٢
(عشقتها منذ نعومة أظافرها)
                               بسم الله نبدأ

مالك : نايم مكانه على الكرسي وماسك ايد ساره . وراسه جنب ايديها على السرير . ولكن فتح عينيه بسرعه . لما حس ان ساره بتحرك في ايديها في ايد مالك ورفع راسه . وقال ساره ..  وشاف رموش عيونها بتتحرك . . وساره بدات تفوق .
مالك : قلبه دق . وفرح ساره زادت من قبضت ايديها في ايده . ومالك مبسوط ومستني ساره تفتح عيونها .
ساره : فتحت عينيها وبصت للسقف  وغمضت تاني . وفتحت.
مالك : ساره .  ساره .
ساره : اول ما سمعت صوت مالك . قبضت على ايديها جامد وجسمها اتشد . وحركت راسها بخوف اتجاه الصوت . وشافت مالك وغمضت عينيها وفتحت تاني معقول الل قدامها ده مالك .. ساره مش مصدقه وحاسه انها محبوسه وقبضت على ايد مالك ...
مالك : بيضحك ل ساره انا ما لك يا ساره انا هنا جنبك .
ساره : بدات تنهج وتحرك راسها يمين . وشمال ودموعها تنزل . وعايزه تشيل جهاز التنفس  لااا .
مالك انت فين يمالك الحقني يا مالك اه حرام عليكم لااا سيبوني امشي .
مالك : قام بسرعه ورن الجرس بخوف .
. والممرضه . دخلت شافتها . وراحت تنده علي الدكتور محمد بسرعه الل طلع جري من غرفه الكشف . ودخل شاف مالك ماسك وش ساره بايديه . اهدى يا ساره انا جنبك يا حبيبتي . انا مالك صدقيني .
محمد : دخل وجاب حقنه مهدئ وعطاهالها وفضلت تنهج وتقول مالك الحقني هيقتلني هيقتلوني يا مالك انا . اا.اانا . بنت عم ....  ونامت .
محمد : ومالك مفهموش من كلامها غير  الحقني هيقتلوني انا بنت ومش فاهمين قالت ايه بعد كده . ونامت .
مالك : ماسك وشها ومحمد اطمن عليها وشايف الل حصل معاها ده حاله خوف شديده مالك : بص لمحمد هي هتفضل كده كتير تصحي وتصرخ وتاخد مهدئ وتنام .
محمد : لا طبعا هي بس جسمها مجهد وكل الاحداث اللى مخوفاها في عقلها الباطن لدرجه انها مش فاكره انها هربت او هما سابوها وانها اتصلت عليك هي دلوقت في اللاوعي . يومين ان شاء الله و تطلع قسم النفسيه . وبعدها ان شاء الله هتبقى طبيعيه وتعرف تتكلم معاها انا عطيتها المهدئ علشان حركتها غلط على الكسر اللي في دراعها وكمان جسمها محتاج للراحه وبعلقلها محلول مغذي دلوقتي . و كل حاجه هتبقى تمام والحمد لله انها فاقت كده انا ابتديت اطمن .
مالك : اتنهد بزعل . وقعد جنبها وحاسس بالعجز .
محمد : شافه وقاله الحمد لله يا مالك انك لحقتها . والحمد لله انها معانا دلوقتى
مالك : غمض عينيه الحمد لله .
..الباب خبط ودخلت  نرمين : صباح الخير
محمد : صباح النور يا دكتوره
نرمين : دكتور محمد انا نبطشيه من امبارح ودلوقتي الساعه ١١ فلو ينفع اروح ....
محمد : طبعا اتفضلي يا دكتوره وشكرا على تعبك .
نرمين : ابتسمت متشكره جدا لحضرتك بعد اذنكم وخرجت ..
نرمين : خرجت من المستشفى وماشيه لكن في عربيه قربت منها وقفت جنبها ونرمين خافت . لكن بصت وشافت الل راكب العربيه ونزل الازاز اركبي.
نرمين : نعم حضرتك انت تعرفني .
قلع النضاره . ها عرفتيني .
نرمين : نزلت راسها . بصدمه . وشهقت ..هشام !!!
هشام : ايوه هشام اركبي بقى .
نرمين : ركبت بسرعه . ايه ده معقول انا مش مصدقه نفسي انت قدامي دلوقتى .
هشام : عيونه على المستشفى . اه تخيلي انا قدامك دلوقتى . ويعني انتي اللي سألتي عليا . واتحرك بالعربيه ...