It's All About Benefits

Avoiding Me

"Bakit hindi nya ko kinikibo? Ni tingnan? May problema ba sa mukha ko? Sa boses ko? Bakit ganun nalang sya kung umiwas sakin?!"

< Avery's P.O.V >

Napatigil ako sa pag-iikot ng room ng makita syang pumasok. Walang ngiti na makikita sa labi nya. Hindi rin sya malungkot. Kalmado lang. Simple lang.

Kakaiba sa nakakasama kong Shawn. Na pag pasok palang nya sa umaga may ngiti na at handa ng mangulit saming mga kaibigan nya. Na para bang hindi nauubusan ng energy.

Bumilis pa ang tibok ng puso ko ng malaman na dadaan sya sa kinatatayuan ko.

Ano sasabihin ko? Hi? Hello? Hi Shawn? Ui Shawn? Ano? An--

Natigil ako sa pagpapantasya ng lumiko sya sa kabilang daan at iniwasan ako. Iniwasan nga ba ako o nagkataon lang na dun nya planong dumaan?

Oo tama! Plano nyang dun dumaan! Tama! Tama!

Naglakad na ko pabalik ng upuan ko at saglit na sinulyapan sya, pero malayo ang tingin nya. Sa labas ng bintana kung saan malapit syang nakaupo.

Napalingon naman ako sa likod ko ng maramdaman ang kulbit ng kung sinong nilalang.

Uh! Si Caiden pala.

"Anong kailangan?" Mataray kong sabi

"Pagkatapos ng klase, kina Basty daw!" Nakangiting sagot nya

Nagnod lang naman ako at humarap na uli sa unahan. Napasulyap na naman ako sa kanya at ganun parin ang pwesto nya.

May problema na naman kaya?

Bigla namang bumukas ang pinto at niluwa nito ang babaeng .. Ang babaeng minahal ni Shawn.

Si Hailey Smith.

Nagsimula na ang bulong bulungan ng maglakad na sya papunta sa upuan nya, kaklase pa pala namin to? Napaka dalang nitong pumasok sa klase. Ni hindi naman lumingon man lang si Shawn sakanya. Tulala parin sya sa malayo.

Ilang minuto pa, dumating na ang teacher namin at gaya ng nakagawian, natulog ako.

Ugali ko ang tulugan ang first subject namin. Nakakaantok kasi eh, lalo't malayo ang upuan nila Diara sakin.

Saka wala namang sense kung makikinig ako, ending nito exam uli. Saka nalang ako mag rereview pag exam na.

--

Nang matapos ang lahat ng subject namin, agad kaming nagsama sama at sumakay sa van ni Basty, gimik na naman eh. Ganito ang paraan namin magsaya, gumigimik pag katapos ng klase.

Nasa passenger seat si Basty, sa gitnang seat naman ay kaming tatlong babae. At sa huli ang tatlong lalaki.

Lumingon ako ng pasimple at nakitang nakapikit si Shawn. Haaaay, minsan iniisip ko rin na sana hindi nalang nangyari samin un kung ganitong iiwasan rin naman nya ko. *Sigh*

May nagawa ba ko? May nasabi? O sila na uli ni Hailey?

Nakarating kami kina Basty at halos tumalon ang tatlong lalaki sa pagbaba ng van maliban kay Shawn.

Nahuli akong bumaba ng van at dahan dahan naglakad papasok sa bahay nila Basty. Pero bago pa ko makapasok ng tuluyan, napalingon ako sa kaliwa ng marinig ko ang mga boses ng ilang lalaki.

Tatlo sila. At kilala ko sila!

Sila lang naman ang madalas na kaaway ni Shawn. Mas maangas silang tingnan kesa kina Shawn, dala narin siguro ng bulgaran ang pagiging matatapang at mayayabang nila. Sina Shawn kasi, hindi masyado, may class pa rin naman silang tingnan.