مزمل رجع البيت زهجان لأنو اتشاكل مع صحبو وغير كدا وقع صحبو في مشكلة كبيرة بتاعة بنت من بناتهم البجوهم ديل وصحبو متضايق منو شديد وهو عايز يشوف ليه شقة تانية غير حقتهم سوا💔
•
•
•
تالا قاعدة مع منذر أخوها وبتضربو في كتفو وتقول ليه دان لكن😉
-عندك صحبة حلوة زي دا وما بتوري اخوك يا كلبة😑
-صحباتي ديل ما برضى بيهم انا😌
-قصدك شنو يعني؟😑م بستاهل انا؟
-ياخ معقولة دا انا حعرسها ليك عرسا عرسا😉
-تيتو انا جادي معاك البنت دي عجبتني شديد وانا اول مرة تعجبني بنت بالطريقة دي اول مرة اشوف بنت بريئة وطبيعية زيها كدا وانا غيرها ما عايز🥺
-قصدك شنو انا ما طبيعية وبريئة؟😑
-خاااللص خالص😂
بقت تشلت فيه وتضربو ويتشاكلو وهو يشيلها يرميها جات امهم طردتهم قالت ليهم اي زول يمشي ينوم ما تزعجونا ياخ😑
هو في غرفتو،،
بفكر كيف هي حلوة كدا؟يالله لو كان بعرفها من زمان كان حيحصل شنو؟ اتذكر اساور وانها اصلا من البداية ما كانت عايزاه حمد ربو مية مرة انو حصل كدا وانو اساور خانتو مع صحبو اتأكد انها ما خير ليه والخير في دان دان وبس غمض عيونو وهو بفكر فيها♥️
سارة في غرفتها،،
بتتذكر في سامي وفي الكلام القالو بتفكر في وضعها وهي حتتزوج تاني ولا حتفضل كدا؟لو امها وابوها عرفو انها طلقوها حاتقول ليهم شنو حاتكون كدا عمرها كلو؟💔
تالا في غرفتها،،
جاتها رسالة من الرقم المجهول مكتوب فيها(سبايدر الأنيق🕸️)بتضحك على الرسالة قصدو شنو بسبايدر الانيق رسل ليها تاني انتي عبارة عن سبايدر لكن سبايدر حلو وانيق بقت تضحك وردت ليه على رسالتو أول مرة قالت ليه انت حتظهر متين؟ رد ليها مادام انتي عايزاني اظهر فأنا حاظهر♥️
•
•
•
الصباح،،
نفيسة أم ثريا قاعدة ماسكة تلفونها وهي متوترة جات ثريا شافتها وهي طالعة الجامعة بقت تسأل فيها أمي مالك في شنو وحاصل شنو قالت ليها رسل لي تاني وهددني ثريا شالت التلفون وقرت رسايلو الكلها غزارة وعرفت انو ما ناوي على خير قالت لأمها نكلم سامي عشان نتصرف وامها قالت ليها ما تكلمي لأنو حيتصرف تصرف غبي واصلا سامي سمعهم وجاء وقال ما حيسكت ليه وهم بقو يهدو فيه وسامي قال و حيمشي ويتكلم معاه براحة وما حيعمل مشكلة وثريا قالت الا تمشي معاه م حاتخليهو براه واتفقو يمشو سوا♥️
•
•
•
طالعة ماشة الجامعة وشايلة رسوماتها في يدها في عربية وقفت قدامها وكان دا منذر😂لابس تشيرت زيتي بأبيض وفريم زيتي بكحلي لما نزل الفريم بقى بسوي كدا👋🏻🤤هي اتخلعت لما شافتو
-انت😏😑
- اي انا بشحمو ولحمو😉
- عرفت بيتنا كيف وعرفت اني بطلع زي الزمن دا كيف اصلا😑
-وتالا قاعدة تعمل شنو😉
-تصبر لي ما بخليها😑
-😂عايزة تقنعيني انو الوش البرئ دا بسأل زول
- انت عايز مني شنو😑
-عايز ابقى صحبك بس يا بت ما عايز شي نمشي نشرب جبنة ونتونس وكدا😉
- ما بصاحب وما بتاعة جبنات😑
وعايزة تمشي نزل من العربية ومسكها من يدها وهي فكتو بزهج وهو تاني مسكها
- ما بحب البنت الأنا حاتزوجها تتعامل معي بالطريقة دي وما تسمع كلامي😑
-(مستغربة فيه لكن الحركة عجبتها حسستها انها ملك زول)لا انت مالك معي عايزة اعرف
-اول شي اركبي تاني شي عيب تتكلمي معي بالطريقة دي فاهمة؟
-بتكلم بالطريقة العاجبني😑
-اول شي انا اكبر منك كيف تتكلمي معي كدا تاني شي حابقى راجلك اتعلمي احترميني😑
-ولو ما اتعلمت😑
- ما مشكلة انا بعلمك ودي أول خطوة
شالها وركبها ف العربية وهي بتصرخ فيه نزلني يا مجنون نزلني
بعد ركبها وركب هو وهي بتصرخ
- انتي ما بتعرفي تسكتي؟بالمناسبة انا ما بحب انو البنت الحاتزوجها يكون كلامها كتير كدا😑
-ياخ انت مالك مالك منو القال ليك اني حاتزوجك اصلا😑
-قلت انا وخلاص بطلي كلام كتير وخليني اسوق😑
وكل ما تفتح خشمها يقول ليها انا ما بحب البنت الحاتزوجها تكون كدا وكل ما يزهجها يقعد يضحك😂لحدي ما وصلها الجامعة
•
•
•
امهم وصفت ليهم المحل الهو شغال فيه ومشو لقو مافي واخدو عنوان بيتو وقالو أحسن يمشو ليه في البيت وبالفعل مشو ليه ف البيت وهم مصدومين من منظر البيت الرهيب شديد ومن العربات البرة البيت ضربو الجرس وفتحتو ليهم الشغالة وسألوها منو قالت ليهم انو مافي لكن في المدام خشو جوة وثريا اتفاجأت لما شافت قدامها ام حازم اي دي ام حازم زاتها الكان شافتها في المطار مع بنت اختها😳💔
بتقول في نفسها دي أم حازم بتعمل شنو هنا؟والجابها شنو😲واقفة ما اتحركت من مكانها وسامي دخل وسلم ليها وهي لسه ما شافت ثريا وسامي اتكلم معاها وانو عايز يقابل راجلها وهي قالت ليه انو حتتصل ليه يجي وهو قال عايزو لموضوع ضروري شديد وهي اتصلت عليه وقالت ليه في زول عايزك ضروري شديد وقال حيجي وثريا واقفة بعيد بتسمع في كلامها يعني حسن البتكلمو عنو دا راجل ام حازم يعني حسن أبو حازم وابو سامي يعني حازم وسامي اخوان😲😲
سامي بنادي فيها ثريااا مشت وهي ما حاسة برجلينها وأم حازم شافتها وقالت ليها انتي😠
•
•
•
تالا قاعدة في الجامعة والمجهول رسل ليها(الأبيض فيك حاجة تجنن)😉ابتسمت وهي فرحانة وتاني قال ليها(ابتسامتك حلوة♥️)عرفت انو قريب منها بقت تتلفت وما شايفة جنبها اولاد بس في بنات رسلت ليه ممكن تظهر لي عايزة اشوفك🥺
قال ليها بس كدا حاضر وبقت تتلفت على اساس تشوفو وبرضو ما شايفاه
- ما شايفاك انا
-عايني كويس
-(بتتلفت)برضو ما شايفاك
-يعني اسي المحل دا كلو مافيه راجل؟
-شايفة دكتور عمرو بس واقف بعيد
ما رد ليها وهي لسه بتتلفت تفتشو بعيونها ودكتور عمرو اتحرك من محلو وجاء قريب ليها وهي منتبهة مع التلفون وهو تاني ما رسل ليها بقت تقول ليه انت منو وليه ما عايز تظهر لي؟🥺
-سبايدر الأنيق
رفعت راسها وهي مصدومة من الجملة دي ولقت دكتور عمرو في وشها وهي بتعاين ليه بصدمة😲معقولة يكون دا هو؟؟
قامت فوق وهي متوترة دكتور دكتور عايز حاجة؟
-عايزك انتي
•
•
•
دان وصلت الجامعة وهي بتضحك على منذر وتصرفاتو المجنونة دخلت مبسوطة لكن كشرت بعد شافت اصحاب مصعب قاعدين حست بغصة في قلبها لما اتذكرت مصعب طوالي مشت عليهم ومافي زول رفع راسو عاين ليها كلهم متضايقين منها وماسكين نفسهم بالغصب
- عايزة اتكلم معاكم ممكن
واحد عاين ليها
-اها يا ست الحسن خير😏
- انا عارفة انكم متضايقين مني لكن الحاجة دي ما بيدي والحب ما بالغصب وانا ما بقدر اكون مع واحد انا ما بحبو وانتو ما تشيلوني الذنب لأنو انا ما عملت حاجة😔
واحد منهم هاج فيها
- ما عملتي حاجة كيف يعني صاحبنا بسببك خلا الجامعة وجاية تقولي ما عملتي حاجة ونفترض انك ما قدرتي تحبي على الاقل قوليها ليه بطريقة حلوة ومافي داعي تجرحي كدا😠
عرفت انها لو اتكلمت معاهم ما حتستفيد شي
-معليش انا ما حرد ليكم بس ادوني عنوان بيت مصعب🙂
-والله يا بنتنا الوضع الهو فيه حاليا ما بستحمل انك تشوفي عشان تجرحي تاني😑
-انا بس عايزة اتكلم معاه وبس يعني🙂
-عايني بالله غوري من وشنا
-بالجد ما تستاهلو الزول يقيف ويتكلم معاكم
مشت وهي بتلعن اللحظة الخلتها تقيف وتتكلم معاهم فيها لكن في واحد لحقها واعتذر منها على القالو اصحابو واداها عنوان بيتو وهي قالت حتمشي تتكلم معاه😊♥️
•
•
•
قاعدة في المركز بعد خلصت من المحاضرة القدمتها مشت لدكتورة ماجدة في مكتبها سلمت عليها وقعدت
-اها الشغل ماشي كيف؟😊
-والله حلو متعب شوية بس😔
-التعب ف البداية لكن تاني حيبقى ليك حلو و شايف كل الناس بتشكر فيك😊♥️
- انا مبسوطة لأني قدرت أقدم ليهم بطريقة ترضيهم♥️😊
- ان شاء الله دايما متفوقة يا رب
-امين يا دكتورة انا عايزاك في موضوع
-اتفضلي
-بصراحة انا عايزة اشتري بيت نحنا عايشين في بيت ايجار وحاليا مافي غيري مع أمي وابوي اخوي سافر وهو بعيد عننا وعايزة اقدم ليهم كل البقدر عليه ممكن تديني قروش وبعدين تخصميها من مرتبي حتى لو كان لمدة سنة أو سنتين😊
-م عندك مشكلة يا بنتي طوالي حاكتب ليك شيك واصرفيه و بعدين نتفاهم في موضوع المرتب ده😊
-تسلمي كتير يا دكتورة بالجد ما عارفة اقول ليك شنو🥺
طلعت وهي مبسوطة ما مصدقة تصل البيت عشان تفرح امها وابوها بالخبر دا فجأة تجيها رسالة من رقم غريب (فاكرة نفسك شنو عشان بقيتي سمحة عايزة تفتري علي لكن انا بعرف اعمل ليك شنو يا سجدة😏😠)قرت الرسالة لكن ما ركزت معاها شديد قالت يمكن دا سفيان شكلو زعل عشان خسر الشرط قدام اصحابو وبقت تضحك😂😂
•
•
•
وقفت في وشها وهي زهجانة
-الجابك شنو هنا انتي وعايزة شنو ما كفاية العملتو فيني امك انتي عايزة شنو تاني😠
سامي مستغرب كيف تتكلم مع اختو كدا
- دقيقة بتتكلمي مع اختي بالطريقة دي ليه اصلا وأمي عملت ليك شنو اصلا😠
واقفة بتعاين ليه وعرفت انو دا اخو ثريا معناها دا ولد نفيسة الكبير معناها دا ود حسن
-انت سامي؟
- اي سامي والبخليك تتكلمي مع اختي كدا شنو وتتكلمي عن أمي ليه اصلا😠
-يعني انت ما عارف امك عملت شنو امك الكانت صحبتي وما صدقت لقت ليها راجل مرطب وجيوبو مليانة قروش وطوالي ختفتو مني طعنتي في ظهري وحملت منو بيك انت😠
هم عارفين القصة دي بس لما حكتها هي بقت توجع أكتر💔خجلانين شديد ما عارفين يردو ليها كيف ثريا هنا أي شي وقع في راسها عرفت ليه حازم قطع اخبارو منها وعمل كدا معناها هو عرف بأي شي💔
سامي رد ليها
-امي خلت راجلك من زمان وهي اسي ما بهمها شي غيرنا لكن راجلك للأسف ليوم الليلة لاحقها وبرسل ليها وبستفذها وانتي لو عايزة راجلك يكون معاك بالله ما تخليهو يعاين بعيد ويعذب الناس في حياتهم عشان حايشوف مني حاحة ما حتعجبو🙂
وقال ليها يلا يا ثريا مسكها من يدها وطلعو وخلاها ساكتة ما قدرت ترد ليه
•
•
•
-دكتور عمرو انت انت
- اي انا البرسل ليك ومعذبك بالرسايل انا المكرهك وما قادر أظهر ليك💔
-يا دكتور لكن انت انت
- ثريا انا بحبك من ما بدا السمستر دا وشفتك حبيت اي شي فيك انتي مختلفة عن كل البنات انتي حاجة نادرة شديد انا بحبك بأي شي فيك عارف كل الناس بتنتقدك وبقولو عنك كلام ما حلو والاولاد بضحكو فيك والبنات بقولو انك زي الولد لكن هم ما عارفين انك أحلى من اي وحدة فيهم حلوة بطبيعتك حلوة بهمجيتك وصراخك حلوة بنرفزتك حلوة عشان ما بتخافي من زول حلوة عشان بتاخدي حقك بنفسك وما بننتظري زول يدافع عنك حلوة عشان معتمدة على روحك وانا حبيت روحك دي حبيتها شديد♥️
ما مصدقة مزهولة وخاشة في حالة من الحيرة
- انا ما عايز منك جواب اسي وما عايزك تقولي حاجة انا حخليك براحتك لحدي ما تستوعبي الحاصل وحكون منتظرك يا تالا حكون منتظرك♥️
ركب عربيتو وخلاها واقفة وما عارفاها رجعت البيت متين😂😂
(نبذة بسيطة عن دكتور عمرو كل بنات الجامعة مكسرات فيه ولو عرفو انو عايز تاالا ممكن يقتلوها عادي وهي لحدي الآن ما مصدقة انو عايزها هي😂)
*مرات القلب بحب حاجات نحنا بنكون محتارين حباها كيف♥️*
•
•
•
•
مشت بيتهم دقت الباب فتحت ليها اختو قالت ليها عايزة مصعب واختو عرفت انو دي دان وفرحت وقالت انو حتتكلم معاه وتخليهو يطلع من الفيه،خشت جوة واختو وصفت ليها على غرفتو وهي دقت ليه الباب ومافي زول فتح واختو كانت بتأشر ليها انو تدقو تاني وبعد زمن حتى هو فتح ليها الباب وبعاين ليها بزهول مستغرب هي هنا كيف؟بقى يعاين ليها بس
-يعني ما حاتقول لي اتفضلي حكون واقفة في الباب كدا؟
-اتفضلي
خشت جوة وغرفتو كانت جايطة شديد كلها أوراق مشرطة وحاجات مجدعة وهي استغربت لما لقت صورتها في التربيزة ومقسومة النص قعدت في الكرسي وهو قعد في السرير
-انت مبسوط من البتعملو دا يعني؟
-.........
-مصعب اني ما ببادلك نفس الشعور دا ما معناه انك تحبس نفسك هنا وتخلي الجامعة عشان حاجة سخيفة زي دي
-حاجة سخيفة؟شعوري اتجاهك بقى حاجة سخيفة يعني؟
- اي حاجة سخيفة وشديد كمان سخيفة عشان انت دمرت حلمك عشان مشاعر بس سخيفة عشان خليت الجامعة الانت تعبت عشان تصل ليها امك وابوك منتظرين اليوم الانت حتتخرج فيه ويفتخرو بيك وانت خيبت أملهم بس عشان مشاعر كيف ما تكون سخيفة قول لي؟انا كنت بحب واحد وانا في الثانوي لحدي ما دخلت الجامعة ونحنا مع بعض كنت متعلقة بيه شديد لدرجة اني كنت بعمل اي شي عشانو بالجد عملت اي شي لكن هو كان خاتيني السنين دي كلها دجاجة بتبيض ليه دهب أول شي خاني مع بنت خالي عارف يعني شنو بنت خالي؟يعني زولة قريبة لي وانا ما اتوقعت حاجة زي دي في يوم من الأيام منو وتانيا اكتشفت انو الفترة دي كلها كان بستغلني وبس وهو ما عندو لي حاجة تتذكر المرة الفاتت لما مشينا جبنا دالية من الناس الخاطفنها في البيت داك هو واخوهو كانو السبب في الموضوع دا وبتكون شفتو هو ومعاه واحد لما الشرطة قبضتهم في النهاية متخيل معي انو اعرف الحاجات دي كلها عنو عن الزول الأنا حبيتو شديد متخيل انا حيحصل لي شنو مش كان مفروض اقفل علي الغرفة واخلي الجامعة واعمل زيك مش كان مفروض اعمل كدا؟💔لكن انا ما عملت كدا انا وقفت على رجليني واسيت نفسي ومسحت دموعي براي وما انتظرت زول يجي يمسحهم لي وقفت من أول وجديد عشان عارفة انو دي مشاعر سخيفة سخيفة وبس💔🙂
سكت وهي واصلت
-مصعب ما تعتمد في حياتك على زول ما تتمسك بزول ولا تتأثر بزول خليك مركز في أهدافك واحلامك وبس لأنو انت بس الحتندم وتسف التراب بعدين لما تلقى نفسك ما حققت ولا شي من احلامك وكنت قاعد متضايق عشان مجرد مشاعر سخيفة🙂
وجات قايمة وقالت ليه بكرة ترجع الجامعة ولو ما رجعت انا حاعتبر انو الزول الانا قلت اني حختو محل أخ لي لأنو ما عندي اخوان ما موجود💔🙂
وطلعت وهو نزلت من عيونو دموعو الكان حابسها من قبيل نزلت بسبب كلمة اخ لي دي💔
*لست بالقوة التي تتخيلها ، إنما انا لا أبالي بمُعظم الأشياء التي يموت الناس من أجلها ..*
#يتبع
