من الكلام القرتو في الرواية بقت تفكر انو محمد ممكن يضرها لكن يضرها ليه هي ما عملت ليه حاجة هو العمل ليها💔قلبها ما مطمن وشايلة هم طلعت دفتر من الدرج فتحت أول صفحة وبقت تكتب في الحاجات الحاصلة معاها لقت نفسها مندمجة وكتبت كتير اتكلمت عن انو اهلها بكرهوهم وما بحبو ليهم الخير اخوان أبوها عايزنو يفلس بأي طريقة اختها الصغيرة عرفت ليها واحد بتاع مخدرات وهي بتبيع ليه وما عارفة انو دي مخدرات من الاساس والشرطة قبضتهم وأختها طلعت منها لكن ابوها منعها من القراية وهي قافلة عليها الغرفة وما بتطلع💔حتى كتبت عن مصعب وأنها عارفة انو بحبها وبحاول يقرب منها لكن هي ما عايزة قربو دا وهي ما بتحبو💔.
في جهة تانية،،
شالت شنطة الظهر بتاعة المدرسة وبقت تخت في ملابسها الحتحتاج ليهم هي خايفة شديد وبتفكر كيف تخلي ناس بيتهم لكن لعب في عقلها وخلاها تصدق انو هم ما شغالين بيها ولو هربت مافي زول حايجيب خبرها💔،بعد ما دخلت الملابس بقت قاعدة منتظرة هو قال ليها بليل بعد ما ناس بيتكم ينومو انا بجيكي ونمشي طوالي.
•
•
•
طلعت من الجامعة ولقتو واقف ليها مشت ركبت وسلمت عليه وهو كان زهجان وشامي الوضع مفتكر انو من اول اسبوع هي حاتحبو وهو يعمل العايزو لكن مرت اسابيع وما قدر يصل للعايزو شغال يديها قروش ويأكلها ويوم هنا ويوم هنا ويوصلها البيت وهي ما عايزة تحس💔لكن بعد التعب دا كلو مستحيل يخليها ساي.
هي لاحظت انو متضايق وما زي كل يوم
-مازن
-(ما منتبه ليها لأنو شغال ينبذ فيها في سرو😂)
-(بصوت عالي)ي ماازن
-(اتخلع)اي اي
-بتعاين وين انت؟مالك شكلك الليلة ما طبيعي
- لا لا مافي شي بفكر في الشغل بس
-ايواا
في حاجة خلتها تتذكر حازم ولما يكون ما منتبه ليها وهي تخت يدينها قدام عيونو عشان ينتبه ليها وهو يقعد يصرخ فيها ويقول ليها حنعمل حادث بسببك💔.
في جهة تانية،،
لبست عبايتها السوداء المعتادة مع الحنة السوداء بتسوي كدا👋🏻شالت شنطتها وجات طالعة هو قاعد برة في العريشة جات مارة فيه ولا قالت ليه انا طالعة ولا مع السلامة ولا شي هو في حاجة قبضتو في قلبو شديد وانو لازم يمشي وراها ويعرف هي بتمشي وين كان شاكي في الموضوع لحدي ما هي طلعت وقفلت الباب وانتظر دقيقتين وشال عصايتو وطلع وطبعا هو بمشي بصعوبة مع انو في البداية كان ما بقدر يمشي عديل لكن مع الدلك الطبيعي بقى أحسن قروش الدلك برسلهم ليه سامي،المهم طلع برة لقاها ركبت في عربية وهو مستغرب دي عربية منو وما عارف يلحقها كيف جات مارة بجنبو ركشة واحد من اولاد الحلة وصاحب سعيد طوالي وقفو
- في شنو يا حاج
-عندي مشوار ضروري يا ولدي تقدر توديني
-طوالي ياخ نحنا نشيلك في عيونا
وبقى ماشي وهو يوصف ليه لكن ما خلاه ينتبه انو ماشي ورا العربية بس شغال يوصف ليه باتجاه العربية لحدي ما العربية وقفت وهو طوالي نزل من الركشة وقال للولد يمشي والولد قال ليه حترجع كيف وخليني انتظرك وهو قال ليه انا بتصرف انت بس امشي المهم الولد مشى وهو وقف بالجنبة وهي جات نازلة ومعاها الراجل ماسكها من يدها وهي مبسوطة وهنا هو فهم انو دا ما شغل وانو دا الراجل الهي خايناه معاه والكانت بتتكلم معاه امس💔
خلاهم يخشو جوا وطوالي لحقهم وهم خشو بيت كدا وهو وقف برة زي ١٠ دقايق وطوالي دق الباب وفتحو ليه هو وهو خشى جوا حتى من غير ما يتفاهم مع الزول الفتح ليه الباب دا وهو بصرخ اطلعي يا حيوانة اطلعي😠والراجل بصرخ فيه في شنو؟وعايز منو انت؟وكيف تخش بيتي كدا😠وهي سمعت الجوطة وطلعت وهو اتفاجئ لما شافها طالعة بفستانها القصير وشعرها الفاكي💔
•
•
•
اتصلت على مجتبى طبعا بقو اصحاب شديد
-تبووو تبو تبو🥺
-عيونو عيونو عيونو🤤
-بس اتخيل حصل شنو؟🥺
-أمك قالت اشتغل معاها في المركز وانا حابدا من الليلة وأسي انا ماشة على المركز عشان هي توريني الشغل وحاعمل شنو وكدا🥺
-اي عارف😌ومبروك يا قميل😋
- عرفت متين يا حيوان ليه ما كلمتني😑
-عايزك تسمعيها من خشم أمي عشان تبقى ليك احلى😉
-واي يا تبو ما مصدقة والله🥺♥️
-تستاهلي انتي كل خير🤤
-تسلم ياا🥺
-بعدين انا بجيك عشان نمشي نحتفل بالمناسبة دي🤤
- خلاص ظابط
•
•
•
مشت لأساور لقتها لابسة المجبص والمفتح والهاي هيلز وفل ميكب وهي مستغربة معقولة دا كلو عشان ماشة تستقبل أخوها مخيييير الله😂
في الطريق اي وحدة مبوزة للتانية واساور ديك متوترة تقول عقدها لحدي ما وصلو المطار وبقو مستنين وتالا بتسأل فيها أخوكي وينو وكدا وهي بتقول ليها بصل بعد شوية وطيارتهم اتأخرت وبتاع لحدي ما شوية كدا وتالا شايفة منذر أخوها جاي من بعيد وكبرت عيونها وهي متفاجأة ما قادرة تصدق وهو شغال يضحك قبل ما يصل ليها شوية والبنت جرت ليه زي الشافعة الصغيرة وهو شالها وشغال يضحك وهي تبكي زي العويرة وهو يقول ليها تيتو قميصي دا جديد ما تملي لي دموع وهي تضربو في كتفو وتقول ليه بس همك قميصك😑😑وهو يحاكي فيها😂😂
•
•
•
بعد ما خلصو هظار وسلام وحضن وبكى انتبهو انو في ناس مستنين أساور كانت صارة قدومها ندمانة على اليوم الوافقت تعمل فيه مفاجأة لأخت منذر الفصعونة وكان في صاحب منذر(مدثر)وهو مسافة منذر وتالا بسلمو اتفحص أساور من فوق لتحت عجبتو شديد بقى فاتح خشمو وبعاين ليها هي كانت مركزة مع منذر عشان كدا ما انتبهت ليه بعد ما اتلفتو عليهم منذر جاء سلم على اساور مد ليها يدو وهي زعلت افتكرت انو حايسلم عليها زي اختو وكدا وعايزة تطرشق من الزعل😔وعرف مدثر على اختو وعلى اساور وتالا كانت ماسكة في منذر قوي وما أدت فرصة لأساور انها تتكلم معاه حتى بقو ماشين قدام وهم بتونسو ومدثر واسلام وهو حاول ينتهز الفرصة ويتونس معاها مع انو عارف انها حبيبة صحبو💔
ركبو في عربية تالا هو قدام مع اختو وديلك ورا واساور بقت ما زهجانة زي قبيل بالعكس مبسوطة وصلت اساور بيتهم ومدثر وبعدين هم مشو البيت والطريق كلو بتونسو وهو قال ليها انو حايكلم ناس البيت ويمشو يخطبو اساور وكدا وهي ما حبتها لكن ما عايزة تقول ليه لأنها شايفة انو اخوها بحبها وكدا لحدي ما وصلو البيت وكان فاضي مافي زول غير سارة مرة مزمل وناناا الشغالة وهو اتعرف على سارة و شايف انها زعلانة وما على طبيعتها وسأل تالا منها وكدا وقعد يتونس مع اختو لحدي ما ناس البيت جو اي واحد جاء براه طبعا وكلهم متفاجئين اي زول يقول ليه هي منذر جيت متين؟😲 ومزمل كان خايف منو شديد انو يعرف العملو في سارة لأنو اصلا بخاف منو ومنذر صعب واصلا منذر عايز يفتح معاه موضوع العرس وانو هم الاثنين صفار ليه يعرسو من اسي والسرعة دي وكان شاكي انو في حاجة💔.
•
•
•
لما شاف المنظر دا قدامو بقت في دوامة في راسو من الأفكار الجايطة البتجيهو هي خايناني هي من متين كدا؟هي حتى انا ما متذكر آخر مرة لبست لي كدا كيف؟هي مستغفلاني؟عشان انا مكسور وما بقدر اتحرك زي زمان؟عشان انا ما مقدم ليها اي شي؟هي كيف ترضى تعمل كدا في الدس وفي الحرام؟هي ما خايفة من ربنا؟ولا نظرة اولادها ليها حاتكون شنو تاني؟💔
لقى نفسو شال عصايتو وعايز يضربها وهي بتصرخ وهو يكورك والله اقتلك بيدي وعلمك الادب انتي ما بتستاهلي تعيشي تاني والله م بتستاهلي وهي جرت جوا وهو عايز يلحقها وطوالي الراجل وقف ليه في وشي وبقى يصرخ فيه -لو سمحت اطلع برة سريع ما عندك حق تخش بيتي ولا بأي شكل من الأشكال فاهم؟اطلع برة سريع قبل ما أنادي الشرطة😠
-انا المفروض أنادي ليكم الشرطة ما انت لأنك قاعد ليك مع مرة متزوجة وبتعملو في حرام والله الزيكم ديل مفروض ما يعيشو تاني مفروض يموتو
-مرتك انت ما مقدم ليها شي قاعد نايم ليها بس عايزها تعمل شنو يعني واطلع سريع انا ما عايز اشوف وشك دا هنا😠
حس بالضعف والاهانة وبس تجي في مخيلتو صورة مرتو لما طلعت من الغرفة وهي لابسة الفستان القصير دموعو جات جارية وهو بتذكر بس لما جابو أول ولد ليهم لما اتزوجو ولما ولما ولما لحدي ما جاء واقع في الارض💔💔
•
•
•
لقت نفسها كتبت أكتر من ١٠ صفحات في الدفتر وكانت كلها الحاجات الحاصلة معاها وكتبت في أول صفحة في الدفتر(زيرو🚫)تلفونها ضرب وهي ملهوفة فاكرة انو محمد يعني بعد الحصل دا كلو هي لسه بتفكر فيه💔رفعت التلفون لقتو مصعب بقت تتأفأف وما ردتو الخط قطع وهو تاني اتصل وهي زهجت منو ردت ليه بزهج
-عايز شنو انت؟😠
-(مستغرب من الرد)دان كيفك؟
-تمام الحمدلله
-(مستغرب من النشاف دا)عايز اقول ليك بكرة نحنا عاملين معرض للفنانين الصغار الرسامين المبتدئين وكدا انا واصحابي وكم بنت بعرفهم كدا يعني اي واحد حايجيب لوحاتو ورسوماتو يعرضهم عشان يلقى دعم من الناس وقلت اكلمك لأنو الحاجة دي حاتفيدك😊
-(زهجانة منو لدرجة انها ما عايزة تسمع صوتو)بشوف
وقفلت فيه الخط خيبة الأمل الجاتو في اللحظة دي خلتو يكره نفسو ويكره اليوم الخلاه يتصل عليها واليوم القلبو فكر يحبها💔
*مرات لما ننكسر من زول معين قلبنا بتقفل من كل الناس*
في جهة تانية،،
عرفت انو امها وابوها نامو الا اخواتها بقت منتظراهم وتطلع وتدخل لحدي ما اتأكدت انهم نامو واتصلت عليه وهو قال ليها انو قريب بعد وصل قال ليها انو برة وهي شالت شنطتها وطلعت انسحبت براحة براحة شالت المفتاح فتحت الباب لأنو أبوها بقفلو لما يجو ينومو ولقتو واقف ليها برة بعربية وطوالي سريع سريع ركبت قبل ما زول يشوفها وبقت تعاين لبيتهم وهي ماشة وما مقتنعة بالمشية💔
في الطريق هو كان بحاول يطري الجو وهي تسألو ماشين وين وهو يقول ليها حتعرفي مالك مستعجلة وهي بقت خايفة وما مطمنة وتنوم حبة تاني تقوم مخلوعة تاني تنوم حبة تقوم مخلوعة وما عارفة هم ماشين وين اصلا ،هي خايفة وكل شوية تقول أبوي لو صحى ومشى لقاني مافي أمي لو صحت وجات تشوفني مافي حيعملو شنو💔💔🥺
•
•
•
مجتبى جاها ومستغرب في شكلها المتغير الليلة حس انها بقت واثقة في نفسها ومافي حاجة حاتقيف في طريقها تاني وهو يعاين ليها نظرة الإعجاب ديك وما عايز يشيل عيونو منها بعدين طلعو هي ودتو محل الاسكريم بتاعهم المعتاد قالت ليه نحنا بنجي هنا طوالي وكدا بعدين جاء عمرو يشيل الطلبات
- حتى وانتي بتخلطي برضو جايانا
-😂😂😂والله يا عمرو مستحيل مستحيل نبعد عنكم نحنا ما بنقدرش
-حيرتونااااا زاتو😑
-بالمناسبة معليش المرة الفاتت عملنا ليكم فضيحة في المحل😔
-ياخ دي تيتو البلاوي دي كلها منها اصلا غايتو صحبتكم الزي الولد دي😏😠
-😂حرام عليك والله هي طيبة ما تظلمها
-طيب😏
مجتبى قال احم احم وعمرو اعتذر منو لانو وقف كتير ومشى عشان يجيب ليهم طلباتهم وهو أتضايق لأنها كانت بتتكلم مع عمرو وبضحكو وحتى هو ما عارف ليه اتضايق لكن حس انو عايز يطق😠وهي انتبهت ليه وبقت تسأل فيه مالك و في شنو وكدا وهو حاول يرجع عادي لكن ما قدر وهي بقت تحكي ليه في المشكلة الحصلت هنا بسبب حبيب دان ووووو
•
•
•
بعد ما ناس بيتهم جو وقعد معاهم وكدا قعدو اتعشو مع بعض من زمن طويل ما قعدو في صينية وحدة دايما اي زول بياكل براه لكن منذر خلاهم يقعدو مع بعض تالا كانت مبسوطة شديد احساس أهلها كلهم جنبها أمها أبوها اخوانها♥️🥺،سارة كانت قاعدة زي الضيفة وحتى ما قادرة تاكل ناس ما بتعرفهم وخايفة من مزمل وهو اصلا ما شغال بيها شغال ياكل بس وهي كل شوية تعاين ليه وتنزل عينها سريع شوية ومزمل قام من الأكل وقال طالع صحبو منتظرو لكن منذر وقفو
-ماشين وين ي زول؟اخوك وصل اسي طوالي ماشي كدا؟
-والله يا خوة واعد صحبي عشان كدا لكن الأيام لسه في
- طيب ماشي
وطوالي طلع وهو حس انو سارة بقت مرتاحة بعد ما هو طلع وبقت تاكل ما زي اول شوية ومنذر فتح موضوع انو عايز يعرس وكدا
-والله يا جماعة مادام نحنا الليلة متجمعين هنا وبعد زمن طويل انا حانتهز الفرصة واقول ليكم انو انا في بت عايزها وقبل ما ارجع عايز نعمل العرس😊💜
-(ابوهو)ي زوول ما عندك مشكلة تتب
-(أمو)البنت منو ونحنا بنعرفها ولا لا وشنو بالسرعة دي كفاية مزمل عرس بالطريقة دي وحتى من غير ما يقول لينا ما عايزة الحاجة دي تتكرر لينا تاني😠
سارة اتحسست وكلهم انتبهو وحاولو يغيرو الموضوع
-(تالا)لالا ما بتعرفيها انتي يا ماما لكن البنت ماشاء الله حلوة شديد وما فيها كلام انا شفتها قبيل ومتأكدة انك حاتحبيها😊
-(مروان)شنووو يااا كلهم عايزين تتخارجو وتخلوني انا
-وانت المانعك شنو يا زول عرس طوالي
-والله ياخ قدامي مشوار طويل بدري على العرس
-(تالا في سرها لازم يكون بدري ما انت من بنت لبنت)😂
-ربنا يسهل خلاص حدد يوم ونحنا نمشي للجماعة
- طيب ان شاء الله
•
•
•
جات جارية بتصرخ ووووووووووووووب علي حنعمل شنو نحنا نعمل شنو؟😭😭😭بقو قاعدين اكتر من ساعة وما عارغين يتصرفو كيف بس بعاينو ليه وهو واقع حتى ما رفعو في النهاية هو قال ليها امشي البسي خلينا نودي المستشفى ومشو لبسو وجو ودو المستشفى والاثنين خايفين هي بتلولو وهو متوتر بمسح في عرقو لحدي ما دخلو والدكتور طلع قال ليهم مريضكم دا ميت بسكتة قلبية وانتو جبتو متأخر وكان عندو ارتفاع في السكر والضغط وهو كبير في السن البقاء لله.
الخبر دا كان صدمة بالنسبة ليهم لأنو هو اسي كان معاهم وكيف وشنو ووقع فجأة وكيف يموت هي ما قادرة تستوعب وهو خايف وهي بتبكي بصوت عالي وبتصرخ انا عملت شنو بس عملت شنووو؟ يا نفيسة عملتي شنو انتي السبب والله انتي السبب أبو اولادك مات بسببك بسببك انتي بس💔 وتمسك راسها وتصرخ وتنبذ في روحها بس مهما تعمل مافي فايدة💔😔
*مرات لما نشوف خيانة من اعز الناس لينا دا بكون سبب كافي يخلينا نصل لهنا*
•
•
•
فجأة صحت ولقت انهم وصلو المكان كان قريب لكن هو كان بمشي براحة عشان يوهمها انهم مشو برة الخرطوم وهي نامت ولما صحت فجأة لقت انهم وصلو لعمارة من ثلاثة طوابق وشكلها حلو سألتو دا بيتك وهو قال ليها اي بيتي ونحنا حانعيش هنا😉هي كان جواها شعور الندم وكيف تعمل كدا وتخلي أهلها مهما يعملو فيها هم اهلها هي كيف تهرب كيف تخليهم عايزة ترجع وما عارفة تقول ليه شنو💔قال ليها يلا ارح نخش جوا وهي مترددة ما عايزة تخش مسكها من يدها وفتح الباب بالمفتاح وقغلو سريع سريع وهي بقت تتلفت على المكان المليان نسوان وبنات صغار لابسين لبس شاذ شديد للأسف دا طلع بيت دعارة💔
*الصمَت شيَء ، وعَدم الگلام شيَء ، وعَدم القدرة عَلى الگلام شيَء آخر !♥️*
#يتبع
