#مراهقة _و أربعيني
"للكاتبة : بنين
البارت : العاشر
عفيه دنيا الما شفت بيه الحنان ..
وعفيه دهري اليطحن بكلبي طحن "
وعفيه وكتي هواي شوفني الهموم
وردت اضوك الفرح ضوكني الحزن
ادري يا ربي امتحانك صعب حيل
ردت فرحة ارتاح ونوب امتحن
مياسم : اجه اليوم الي غير حياتي ونفسيتي اليوم الي ماخلاني أشبع من أعز ناسي جنة كاعدين على الغدا
مانشوف إله وأم غضب تبجي وتبجي وعيونهة نترسن دموع غضب بار الوالدين كللش يحب أهلة ويخاف عليهم وابد مايعصي أمرهم وبهاذا عمرة ياخذ كلامهم
ومدلل أخواته ويحبهن كللش ومخليهن يكملن دراسه واي شي يردنه يجيهن ليمهن يحب أهلة بشكل مو طبيعي
غضب : هااا يمه شجاج تبجين
أم غضب :- يبعد امك اريد منك شي
غضب :عيوني الج حجيه كولي شتردين
أم غضب : وماتردني؟
غضب : ليش يمه انه يايوم رديتج
أم غضب : يبعد امك اريد اخذ فضة وياي!!
غضب : وين تاخذيهة ؟
أم غضب : تدري بيه أنه ماكدر اعيش بلايه أخيك وهوة آلله يسلمه سافر وانه اريد اسافر وراه واريد فضة تروح وياي اريدهة تعوضني فراك اخيتك الله يرحمهة وهم اخاف عليهة وأمريتك مو مال تربية انته تدري انه كتلك ذاك اليوم شلون ذابتهة ورايحه نايمه وتدعي عليهة بالموت وهم تدعي عليك
ييمه انه اخاف عليهة وهية أبنيتي مو بت مياسم
أخاف مياسم تخمل عليهة وهاي مرتك فااااااهية وعووبة كلللش هم يلة تشيل روحهة وتنظف الخيسة مالتهة
مياسم : أني لحد هاذا الكلام ساااكتة وماحجيت ايي كلمة ردت اشوف شنو النهاية...
غضب : يممه غاااااالي والطلب رخيص
انتي غالية وطلبج مايستاهل هاي الدموع كلهة
تردين فضة وياج اخذيهة فدوتج فضة
مياسم : شن.
حنان : مياسم جانت كاعده يمي من رادت تحجي اني سكتتهة لأن اعرف هسة هية عصبيه وروحهة طافرة
كلت لاتذب حجاية وتصير يوم القيامة عليهة يعني فوك ماحقهة فوك مانتضرب لذالك سكتتهة وحجيت
خويه غضب شهل حجي هاذا ترا مايصير
مياسم شلون راح تعيش بلا بتهة وأصلن فضة شلون تعيش بلا امهة وهية حليب على صدر امهة وخ...
أم غضب : انتي اسكتييي ماعليج عود اذا بتج احجي
حنان : يمه شهل حجي هاذا بت أخوي بتي
وانتي شلون تفرقين أم عن بتهة وتدرين كلللش زين مياسم وصلت الموت بهاذا حملهة يعني تحمل تسع إشهور وتطلك وتوووون من الألام وتسهر وتالي تاخذوهة منهة !!! ترا مايصير وحك علي الله مايرضاهة
أم غضب : كتلج مااااللجججج غررض اسكتييي لا أسويهة ليلة سووده عليججج
مياسم : هية مااالهة غرررض انننه همم ماالي غرررض ترراا كلللش مصختوووهة والنبي محمد مايصير هيجج حررررراااااامممم يهللل عاااالم حررررام تعررفون شنووو معنى حرراام شنو الله يسوي بلي يرتكب الحررااام لييش ليييش تاخذون بتتتي مني مو كااافي أمهة عاييشة بضضييم ويااكم مو كااافي مطيحين حضضييي مو كااافي طعني بشرررفي موو كااااافي تكررربون عليه مثلل الحيوووان وآلله حتى الحيوان
YOU ARE READING
مراهقة وأربعيني ( مكتملة)
ChickLitبعـد ما طعنوا في شرفي وسلبوا طفولتي وشبابي أصبحت حياتي كـالجحيم .. وعندما خططوا بـإبعاد إبنتي عني قررت الهروب. اني وإبنتـي من البـلاد دون علم أحـد وقتها ماذا حدث لي؟!! (( الكاتبة بنين عدنان ))
